Новости за 30.10.2020

Ата-эне өз урпагын жөн гана эрезеге жеткирип тим болбостон, ар бир улан-кызды жоопкерчиликти сезе билген жана мойнуна ала билген, терең билимге умтулган жаран катары телчитиши зарыл. Илимпоз, педагог Элмурат Кочкор уулунун кезектеги блогу.

Жума күнү Түркиянын Измир аймагында күчү 6,8 баллга жеткен жер титирөө болду. Зилзалада баштапкы маалымат боюнча 12 киши кайтыш болгону, 400дөн ашык жаран жабыркаганы кабарланды.

Түркиянын батыш тарабындагы кубаттуу зилзаладан Измир шаарында бери дегенде алты киши мерт болду. Алардын бири сууга чөгүп кеткенин “Associated Press” жаңылыктар агенттиги Түркиянын Кырсыктарды жана чукул кырдаалды тескөө башкармалыгына шилтеме кылып кабарлады. Маалыматка ылайык, жараат алгандардын саны 200дөн ашты. АКШнын Геологиялык агенттигинин маалыматына ылайык, 30-октябрдагы силкинүүнүн магнитудалык күчү 7 баллга чукулдады. Жер титирөөнүн очогу Эгей деңизинде жайгашканы кабарланды. Измир шаарында бир топ имарат кыйрап калды. Читать дальше...

Швейцариянын Женева шаарында Азербайжандын, Армениянын жана эл аралык арачылардын катышуусу менен Тоолуу Карабакка байланыштуу сүйлөшүүлөр башталды. 30-октябрда Армениянын тышкы иштер министри Зограб Мнацаканян Минск арачылар тобуна кирген Орусиянын, Франциянын жана АКШнын өкүлдөрү менен сүйлөшүү жргздү. Аны улай Азербайжандын тышкы иштер министри Жейхун Байрамов да жогорудагы үч өлкөнүн дипломаттары менен өзүнчө жолугушуу өткөрөрү кабарланган. Азырынча армян-азери дипломаттары бетме-бет жолугуп сүйлөшөрү белгисиз. Читать дальше...

АКШ Кыргызстанга шайлоо өткөрүү жана коронавируска каршы күрөшүү жагынан көмөктөшөт. Бул тууралуу Кошмо Штаттардын мамлекеттик катчысынын Түштүк жана Борбордук Азия боюнча жардамчысынын биринчи орун басары Жонатан Хеник АКШнын Тынчтык институту уюштурган талкууга катышканда айтты. «Кыргызстанда парламенттик шайлоо 2021-жылы кечирээк болорун билдик, ал шайлоо эркин жана таза өтөт деп үмүттөнөбүз. Кыргызстандын жетекчилиги Конституцияны жана мыйзам үстөмдүгүн сакташы өтө маанилүү. Кыргыз Республикасынын... Читать дальше...

Бангладеште түмөндөгөн мусулмандар француз президенти Эммануэл Макрондун билдирүүлөрүн сынга алган акцияга чыгышты. Жума күнү Дака шаарында жүрүшкө чыккан митингчилер француз товарларын бойкот кылууга чакырып жатышты. Ошондой эле «Charlie Hebdo» журналынын Мухаммед пайгамбардын карикатурасынын жарыялаганын жана сөз эркиндигин колдогону үчүн француз президентин айыпташты. Карикатурага байланыштуу француз бийлигинин позициясын айыптаган жүрүштөр буга чейин Түркия, Пакистан сыяктуу айрым өлкөлөрдө да өткөн. Читать дальше...

"Голливуд" жана "Уолт Дисней" студиялары тарткан фильмдерге катышкан кыргыз каскадерлорун билесизби? Аларга бул өнөр эмнеси менен кызык? Каскадерлор фильмге тартылып жатканда кандай тобокелчиликтерге туш болушат? Каскадерлукту кантип, каерден үйрөнсө болот?

Жалал-Абад шаарында Франциядагы журналда ислам динине байланыштуу шакаба сүрөткө жана президент Эммануэл Макрондун мусулмандарга карата көз карашына нааразы болгондор пикетке чыгышты.  Барпы театрынын алдында бир топ киши чогулуп, динди шылдың кылган жооп бериши керек экенин билдирип, тарап кетти. Чогулгандар «Ислам динин жакшы көрөм»​ деген баракчаларды кармап турушту. Ушул эле күнү Ош шаарында Франциянын президентинин бетине буттун изи түшүрүлгөн сүрөттөрдү белгисиз адамдар жолдордогу жөө жүргүнчүлөр өтчү жерлерге жабыштырып кетишкен. Читать дальше...

Президенттин милдетин аткарып жаткан премьер-министр Садыр Жапаров Кыргызстанда коррупция менен күрөш татаал болуп жатканын айтып, аны Конституция менен байланыштырды.

Быйыл жыл башынан бери «Түндүк-Түштүк» альтернативдик автожолунун тогуз чакырымы курулуп бүттү. Бул тууралуу 30-октябрда Транспорт жана жол министрлигинин коллегиясынын тогуз айдын жыйынтыгы боюнча отурумунда айтылды. Мекеменин маалыматына караганда, быйыл республиканын аймагында жалпысынан беш автожол долбоору боюнча 143 чакырымга асфальт төшөө пландалган. Бирок коронавирус пандемиясына байланыштуу чектөөлөрдөн улам бул пландын көрсөткүчү 92 чакырымга чейин кыскартылган, бүгүнкү күнгө карата анын 62си төшөлдү. Читать дальше...

Кыргызстан-Пакистан биргелешкен комиссиясы кыргыз окуу жайларынын ишин текшерип чыгышат. Буга Пакистан тараптын Кыргызстандын медициналык окуу жайларын кара тизмеге киргизиши себеп болду.

30-октябрда Түркиянын Сеферихисар аймагында күчү 6,6 баллга жеткен жер титирөө катталды. Силкинүүнүн күчү Сеферихисар аймагы менен чектеш Измир шаарында да сезилди. Стамбул жана Бурса сыяктуу ири шаарларда да жарандар зилзаланы сезишкен.  Жергиликтүү бийлик аймакта жер титирөөдөн жабыркаган жарандардын абалын тактап жатканын билдирген.  Түркиянын Сейсмология институтунун маалыматына ылайык, ушул жылдын башында Түркиянын баш калаасы Анкара шаарында жана Измир шаарында жер титирөө катталганын маалымдаган. Читать дальше...

АКШда дагы бир кызматтык мөөнөткө калууну көздөгөн президент Дональд Трамп менен анын саясий атаандашы, Демократиялык партиядан талапкер болгон Жо Байден Флорида штатында бир күндө өз-өзүнчө удаа жолугушуу өткөрдү.

Кыргызстандын Улуттук банкы 29-октябрда кезектеги валюталык интервенция жүргүздү. Мекеменин расмий сайтындагы маалыматка караганда, жалпысынан 42 миллион 400 миң доллар сатыкка коюлду. Ошентип, октябрь айында эки жолу, ал эми жыл башынан бери 15 жолу интервенция жүргүзүлүп, сатыкка жалпысынан 345 миллион доллардай акча чыгарылды. Бул аракет улуттук валюта сомду колдоо максатында ишке ашууда. Соңку бир айдан бери 79 сомдун тегерегинде болуп турган доллар 16-октябрда дээрлик 82 сомго жеткен. Улуттук банк сомдун долларга карата бүгүнкү... Читать дальше...

Кыргызстанда 4-октябрдагы парламенттик шайлоонун бурмаланышынан кийин башталган элдик толкундоонун эпкинин колдонуп, эски жана жаңы төбөлдөр ар кыл жетекчи кызмат үчүн жан талашууда. Таанымал журналист Аскер Сакыбаева өлкө эгемендиги жана болочогу үчүн кооптонгон маанайдагы блогду сунуштайт.

Кыргыз-кытай чек арасынан товар алып өтүү боюнча чектөөлөрдүн саясий себеби жок. Бул тууралуу 30-октябрда «Sputnik Кыргызстан» агенттиги уюштурган онлайн брифингде биринчи вице-премьер-министр Артем Новиков билдирди. Анын айтымында, кытай тарап мындай чектөөлөр коронавирус пандемиясына байланыштуу гана киргизилгенин билдирүүдө. Новиков белгилегендей, маселенин чечилиши бир гана кыргыз тараптан көз каранды эмес жана Кытай менен жүрүп жаткан сүйлөшүүлөрдүн натыйжасында келерки аптанын соңуна чейин жылыш болот деген үмүт бар. Читать дальше...

Кыргызстандын демократиялык жумурият катары калыптануусуна зор салым кошкон жарандардын бири, коомдук ишмер Жыпар Жекшенин автобиографиялык маанайдагы эмгектерин изилдеген публицист Аким Кожоев маркумдун жаркын элеси тууралуу төмөнкү күндөлүк катты (блогду) сунуштайт.

Казакстандын президенти Касым-Жомарт Токаев Кыргызстандын тышкы иштер министри Руслан Казакбаевди Нур-Султанда кабыл алып, анда Кыргызстанга көмөк көрсөтүү жөнүндө сөз кылды. Бул тууралуу Акордонун расмий сайты 30-октябрда кабарлады. Маалыматка ылайык, Токаев казак тарап Кыргызстандагы кырдаалга өзгөчө көңүл буруп жатканын, болгон окуяларды «өлкөнүн ички иши» деп эсептей турганын белгилеген. «Боордош кыргыз элинин келечегине кайдыгер карабайбыз. Ошондуктан Кыргызстанга көмөк көрсөтүш үчүн бардык аракетти көрөбүз жана көргөнбүз. Читать дальше...

Кыргызстанда балдарга улуттук тарбия берүү максатында «Башат» деп аталган мультфильм тартылды. Бул тууралуу анын сценарийин жазган Мирлан Алтымыш уулу кабарлады. Тасмада шаарда тили орусча чыккан балдарга кыргыз тилин үйрөтүү, улуттук нарк-насил, тарых тууралуу мазмун камтылган. Мультфильмдин кичинекей каарманы шаардан айылга барып, ага чоң атасы улуттук баалуулуктар тууралуу маалыматтарды берет. Андан тышкары, ынтымакта жашоо, достуктун кадыры, эмгектенүү, маданият тууралуу баяндалат. «Долбоордун... Читать дальше...

29-октябрда УКМКнын төрагасы Камчыбек Ташиев Москвада кыргызстандык мигранттар менен жолугушканын чогулушка катышкан диаспора өкүлдөрү билдирди. Жыйынга кыргыз диаспораларынын 300дөй өкүлү коомдук уюмдардын жетекчилери жана активисттер алдын ала тизме менен чакырылган.

Кошмо Штаттар Ирандын Ислам революциясынын сакчылары корпусу Йеменге жөнөткөн ондогон аскердик ракеталарды Араб деңизинде колго түшүргөнүн билдирди. АКШнын Юстиция министрлиги 2019-жылдын ноябрынан 2020-жылдын февраль айына чейин жүргүзүлгөн эки операциянын жыйынтыгын 29-октябрда жарыялады. Маалыматка ылайык, бул операциялардын жүрүшүндө АКШнын деңиз флоту Араб деңизинде байрагы жок эки кемени аныктаган. «Алардын бортунда курал-жарактардын чоң запасы, алардын ичинде танкага каршы 171 ракета,... Читать дальше...

Пакистандын Улуттук банкы Бишкектеги филиалын жабат. Банктын директорлор кеңеши ушундай чечим кабыл алганын филиалдын башчысынын орун басары Жылдыз Табылдиева «Азаттыкка» билдирди: «Мунун Кыргызстандагы коомдук-саясий жагдайга эч кандай тиешеси жок. Пакистандын Улуттук банкы бизнес-стратегиясына өзгөртүү киргизип, Борбор Азиядан кетүү жөнүндө чечим кабыл алган. Бул маселе 2020-жылдын башында талкууланып, октябрда акыркы чечим кабыл алынды». Табылдиева банктын филиалы дароо жабылбай турганын, бул узак жараян экенин кошумчалап... Читать дальше...

Францияда бейшембидеги кол салууну улай коопсуздук чаралары күчөтүлдү. Француз премьер-министри Жан Кастекс өлкөдө террордук коркунучтун деңгээлин жогорулатты. Жергиликтүү медиа каражаттары Ницца шаарындагы чиркөөнүн аймагында үч адамды өлтүрүү үчүн шектүү адамды 21 жаштагы тунистик жаран деп мүнөздөп жатышат. Азырынча Франция менен Тунистин расмий бийлик органдары шектүүгө байланыштуу маалыматты толук бышыктай элек. Расмий маалыматтарга караганда, 29-октябрда кылмышкер чиркөөгө кирип барып күзөтчүнү... Читать дальше...

Александр Лукашенко Беларуста элдик кошуундарга муктаждык бар экенин айтты. Бул тууралуу ал 29-октябрда аймактарда коомдук тартипти сактоо багытында иштеген жаңы кызматкерлерди дайындоо учурунда билдиргенин «БелТА» маалымат агенттиги жазып, видеосун жарыялады. Лукашенко Кыргызстанда октябрдын башында бийлик алмашууга алып келген толкундоодо элдик кошуундар күч түзүмдөрү менен бир муштум болуп иштегенин мисал келтирди. Беларуста 9-августтагы президенттик шайлоодо Александр Лукашенко жеңип чыкканы... Читать дальше...

Кытайдан келген шинжаңдык казактар Багашар Маликулы менен Кайша Акан Казакстанда качкын макамын алышты. Бул тууралуу кабарды адвокат Абдолла Бакберген жана Маликулы өзү «Азаттыктын» казак кызматына ырастады. «Качкын макамын 28-октябрда Талдыкорганга барып алдым. Бир жылга берилген. «Азырынча ушул документ менен жүрө тур, анда ары көрөбүз» деп айтышты», - деп билдирди Багашар Маликулы «Азаттыктын» кабарчысына. «Нагыз Aта Журт» уюму Кайша Акан качкын макамын ырастаган документти «Фейсбуктагы» баракчасына жарыялады. Читать дальше...