Новости за 27.10.2020

Эл аралык мобилдик (уюкфондук) кино фестивалынын уюштуруучулары маалымдагандай, кыргызстандык режиссер Алия Макешованын “Өтмүш порталы” тасмасы “Мыкты даректүү тасма” номинациясы боюнча жеңүүчү болду. “Кеч калган” тасмасы “Мыкты актриса”, “Мыкты актер” жана “12 мүнөткө чейинки категориядагы мыкты тасма” номинацияларын утуп, 500 доллар байгеге ээ болду. Уюкфондук кино фестивалына Болгария, Индия, Иран, Испания, Казакстан, Куба, Кыргызстан, Орусия, Польша, Франция жана Чилиден 50 тасма катышкан. Mobile Blockbuster film festival (MBff) ... Читать дальше...

Казакстанда коронавирустун тездеп жайылышына бөгөт коюу чаралары катаалдашты. Коронавирустун бары-жогун аныктоочу полимераздык чынжыр реакциясы  (ПЦР) тесттеринин мөөнөтү өтүп кеткен же экспресс маалымдама менен гана өлкөгө келген 31 чет өлкөлүк жаран Казакстандан кайра артка чыгарылды. Алардын ичинде Орусия, Украина, Беларус, Түркия, Британия жана Германиянын жарандары бар. Бул тууралуу өлкөнүн башкы санитардык дарыгери Садвакас Байгабулов 27-октябрдагы маалымат жыйынында билдирди. Анын сөзүнө караганда... Читать дальше...

Орусиянын тышкы иштер министри Сергей Лавров коронавирустан улам Балкан өлкөлөрүнө пландалган сапарын токтотту. Ал буга чейин коронавирус жуктурган адам менен байланышта болгону аныкталган. Орус тышкы саясат мекемеси 70 жаштагы министрдин саламаттыгы жайында экенин, бирок алдын-алуу максатында обочолонууга кеткенин билдирди. “Мурда пландалган сапарлар кийинкиге жылдырылды”-деп билдирди министрликтен. Сергей Лавров 26-октябрда Грециядан сапардан кайтып келген. 28-29-октябрда Босния жана Герцеговина жана Сербияга сапар менен бармак.

Азербайжан менен Армения Тоолуу Карабактагы ок атпоо режимин бузганы үчүн бири-бирин айыптады. АКШнын арачылыгында кабыл алынган режим 26-октябрдан тартып күчүнө кирген. Бирок акыркы эки күндө бул режим бузулуп жатканы боюнча маалыматтар байма-бай келип жатат. Армениянын премьер-министри Никол Пашинян эл аралык коомчулуктун эки тарапты элдештерүү боюнча кезектеги аракети ийгиликсиз болгонун айтып чыкты. «Анын жыйынтыгы катары Азербайжандын аткылоосунун жыйынтыгында жайкын тургундары каза таап... Читать дальше...

Президенттин милдетин аткарып жаткан өкмөт башчы Садыр Жапаровдун 27-октябрдагы жарлыгы менен вице-премьер-министр Аида Исмаилова кызматынан бошотулду. Садыр Жапаровдун ушундай эле буйругу менен эмгек жана социалдык өнүктүрүү министри Улукбек Кочкоров да ээлеген кызматынан алынды. Президенттик аппараттын маалыматына караганда, экөө тең кызматтан өз арыздарынын негизинде бошотулду. Жогорку Кеңештин мурдагы депутаты Аида Исмаилова вице-премьер-министрлик кызматка быйыл апрель айында дайындалган. Читать дальше...

Кеңешбек Дүйшөбаев Коопсуздук кеңешинин катчылыгы кызматында иштөөгө моралдык укугу болбогондуктан кызматтан алынды. Бул тууралуу президенттин милдетин аткарып жаткан премьер-министр Садыр Жапаров Коомдук каналдагы маегинде билдирди. Анын айтымында, Дүйшөбаев 2010-жылдагы апрель жана июнь окуяларынын алдын албаганы үчүн ишмердиги териштирилиши керек. “Ал жоопко тартыла турган адам. Ал кантип Коопсуздук кеңешинин башында турушу керек эле?”,-деп билдирди Жапаров. Ошондой эле премьер-министр Жапаров... Читать дальше...

Президенттин милдетин аткарып жаткан премьер-министр Садыр Жапаров кеңешчиси, Жогорку Кеңештин депутаты Акылбек Жапаровду кызматтан алганын билдирди. Бул тууралуу өкмөт башчы 27-октябрда Коомдук каналдагы маегинде билдирди. Анын айтымында, Акылбек Жапаровдун билими жана тажрыйбасын эске алуу менен кеңешчи болууну сунуштаган. Бирок өкмөт башчы соңку маалда Акылбек Жапаровдун дарегине айтылган сындан жана анын билдирүүлөрүнөн улам кызматтан алууну чечкен: “Үч күн мурунку теледебатын көрдүм. Темирлан... Читать дальше...

Кыргызстандын 11 жылга соттолгон мурдагы президенти Алмазбек Атамбаев 27-октябрда №47 абакка жөнөтүлдү.

«Саясий туткундарды коргоо комитети» 27-октябрда президенттин милдетин аткаруучу, премьер-министр Садыр Жапаровго кайрылды. Кайрылуу ээлери мурдагы президент Алмазбек Атамбаевдин тушунда анын режимине каршы чыккан саясатчыларга куугунтук болуп, түрмөгө камалганын белгилешкен. Анда: «2016-жылдан бери саясий туткун деп эсептеген 24 адамдын укугун талашып, Кыргызстанда репрессия болуп жаткандыгын БУУга чейин жеткирдик. Биздин комитет сиздин жана команданыздагы саясий өңүттө соттолгон Камчыбек Ташиев... Читать дальше...

Кыргызстандын президентинин милдетин аткаруучу, өкмөт башчы Садыр Жапаров Түп районунун Кең-Суу айылында чоңойгон.

Азыркы президенттин милдетин аткаруучу жана өкмөт башчы Садыр Жапаров президенттик шайлоого катышууга кетсе, өкмөт башчылык ишин тапшырып, анын ордуна премьер-министрдин милдетин аткаруу премьер-министрдин орун басарына өтөт. Бул тууралуу Борбордук шайлоо комиссиясынын (БШК) мүчөсү Кайрат Осмоналиев «Азаттык» радиосунун «Арай көз чарай» талкуусунда билдирди. Анын айтымында, президенттин милдетин аткаруу Жогорку Кеңештин төрагасына өтүшү ыктымал.  «Президенттин милдетин аткаруучунун кызматын тапшыруусу... Читать дальше...

Кыргызстандагы укукчу илимпоздордун бири, профессор Урмат Аманалиев өлкөнүн Жогорку Кеңеши 22-октябрда бир күндө 3 окууда чукул кабыл алган конституциялык мыйзам делген документке өзүнүн адистик талдоосун сунуштайт.

Санкт-Петербургда өлтүрүлгөн кыргызстандык мигранттын иши териштирилип жатат.

Коопсуздук кеңешинин катчысы кызматын 27-октябрда өткөрүп берген Кеңешбек Дүйшөбаев мындай пикирин «Азаттыктын» «Арай көз чарай» берүүсүндө билдирди. Ал бир нече күн мурун кармалып, үй камагына чыгарылган Райымбек Матраимовдун кармалышын «шоу» деп атап, бүгүнкү күнү жетекчилик кызматка келип жаткандардын арасында кылмыш дүйнөсүнүн өкүлдөрү менен ымалалаш адамдар бар экенин айтты: «Буга далилдер социалдык тармактарда жайнап жүрөт. Чогуу спорт менен машыгып, аш-тойлордо кучакташып түшкөн сүрөттөрү толтура. Читать дальше...

Төкмө акын Элмирбек Иманалиевдин “Аманат” поэтикалык ырлар жыйнагынын, “Ак таңдагы ак бата” аттуу китебинин бет ачары болду. Китеп 1000 нускада чыкты. Төкмө акын быйыл 20-апрелде 42 жашында дүйнөдөн өткөн.

Жонс Хопкинс университетинин эсебинде, дүйнө жүзүндө коронавирус 43 миллиондон ашык адамга жукту. Польшада бойдон алдырууга тыюу салган сот чечимине каршы акциялар өттү.

Коопсуздук кеңешинин мурдагы катчысы Кеңешбек Дүйшөбаев жаңы бийликтин коррупция жана криминал менен күрөшүн кескин сындап чыкты.

Сот Мамлекеттик күзөт кызматынын мурдагы башчысы, Жаныш Бакиевдин орун басары Нурлан Темирбаевди шарттуу түрдө мөөнөтүнөн мурда бошотууну чечти. Бул тууралуу Жогорку соттун басма сөз кызматы билдирди. Мекеме ырастагандай, Чүй облусунун Аламүдүн райондук соту 23-октябрда Темирбаевдин өзүнүн жазган арызынын негизинде ишти карап, аны канааттандырган. Темирбаевдин абактагы калган жаза мөөнөтү үч ай 20 күн деп эсептелген. Бул мөөнөт сыноо мөөнөтү деп саналып, көзөмөл бекитилди. Темирбаев пробация органдарын жашаган жери... Читать дальше...

Мурдагы президент Алмазбек Атамбаев өлкөнүн акыйкатчысы аркылуу жаңы бийликке кайрылып, ага коюлган айыптар боюнча сот отурумдарынын баарын ачык өткөрүүнү өтүндү. Бул тууралуу 27-октябрда Атамбаев менен Бишкектин №1 тергөө абагынан жолугуп чыккан акыйкатчы Токон Мамытов билдирди. Омбудсмендин маалымат кызматы кабарлагандай, Атамбаев кечээ аны суу жана канализация түтүктөрү иштебеген, жыт чыгып турган камерага отургузушканын, бүгүн анын баары оңдолгонун айтып берди. Мурдагы президент өлкөнүн жаңы жетекчилигине... Читать дальше...

Өкмөттүн Ысык-Көл облусундагы өкүлү Балбак Түлөбаев Бишкек мэринин милдетин аткаруучу болуп дайындалды. Тиешелүү буйрукка президенттин милдетин аткарып жаткан премьер-министр Садыр Жапаров кол койду.

Бишкектеги Улуттук госпиталдын Көз оорулары бөлүмүнө 5-октябрдагы митингден кийин 80 адам кайрылган. Алардын кыркына операция жасалды. Арасында көзү көрбөй калгандары бар. Дарыгерлердин айтымында, бейтаптардын басымдуу бөлүгү жардыргыч заттардан оор жараат алышкан.

2020-жылдын 27-октябрында Кыргызстандын тышкы иштер министри Руслан Казакбаев Улуу Британиянын Бишкектеги элчиси Чарльз Эдмунд Гарретти кабыл алды. Бул тууралуу Тышкы иштер министрлиги (ТИМ) кабарлады. Гаретт Казакбаевди тышкы иштер министринин кызмат ордуна дайындалышы менен куттуктап, андан аркы ишине ийгиликтерди каалады. Жолугушуунун жүрүшүндө министр Руслан Казакбаев Кыргызстанда саясий кырдаал тууралуу маалымат берип, абал туруктуу экенин, болуп жаткан саясий процесстер укуктук нукка кайткандыгын айтты. Читать дальше...

АКШдагы Жон Хопкинс университетинин эсебинде, дүйнө жүзүндө коронавирус 43 миллиондон ашык адамга жукту.

Мурдагы президент Алмазбек Атамбаев Бишкектин №1 тергөө абагынан №47 колонияга которулмак болду. Жаза аткаруу мамлекеттик кызматындагы (ЖАМК) атайын комиссиянын 27-октябрдагы отурумунда ушундай чечим кабыл алынганын «Азаттыкка» мекеменин басма сөз кызматы кабарлады. Улуттук коопсуздук боюнча мамлекеттик комитеттин (УКМК) тергөө абагында отурган Атамбаев №1 тергөө абагына бир күн мурда которулган. Адвокат Замир Жоошев аны мурда өлүм жазасына кесилген кылмышкерлер кармалуучу жертөлөдөгү шарты жок камерага отургузушканын... Читать дальше...

Дүйшөмбүнүн кечинде судья Эми Коней Баррет АКШнын Жогорку сотунун жаңы мүчөсү катары конституциялык ант берди. Азем Ак үйдө Сенаттагы добуш берүүдөн кийин дароо өттү. Президент Дональд Трамп бул күндү Кошмо Штаттар, өлкө Конституциясы жана мыйзам үстөмдүгү үчүн «маанилүү күн» деп атады. Барреттин талапкерлигин 52 сенатор колдоду, 48и каршы добуш берди. Демократ сенаторлордун бардыгы жана республикачыл бир сенатор каршы болушту. Президенттик шайлоого бир нече жума калганда Барреттин талапкерлигин көргөзүү демократтарды нааразы кылган. Читать дальше...