Новости за 06.10.2020

7-октябрга караган түнү Ош шаарынын мурдагы мэри Мелис Мырзакматов Ош шаарынын аэропортуна конуп, башкы аянтта аны тосуп алган миңдеген тарапкерине кайрылып, сөз сүйлөдү. Ал Кыргызстан "азыр өтө опурталдуу кырдаалда турат, өлкөнү бөлүп-жарып, жарандык урушту баштоого кызыкдар күчтөргө каршы туруп, улуттук биримдикти сактап калышыбыз керек" деди. Ошондой эле 4-октябрда болгон парламенттик шайлоо ыплас өткөнүнө басым жасап, кыргыз парламентине татыктуу гана адамдар шайланышы керектигин айтты. Ал өз убагында шаарга коно албай... Читать дальше...

«Реформа» партиясынын лидери Клара Сооронкулова саясатчы Садыр Жапаровду премьер-министрликке талапкерлигин көрсөтүүгө макул болбой турууга чакырды. Бул тууралуу ал 6-октябрда “Достук” мейманканасында Жогорку Кеңештин бир нече депутаты чогулган чукул жыйында айтты. -Шайланбай эле коюңузчу. Эртең баарыбыз чогулуп чечеличи. Эшиктегилер көнбөйт, Садыр мырза. Баардыгы «кулуар ичинде өтүп жатат» -деп көнбөйт. Ынтымактуу башка фракциялар менен бирге чечели - деди Сооронкулова.   6-октябрда Бишкектеги... Читать дальше...

Кыргызстандын Британиядагы элчиси Эдил Байсалов эл аралык маалымат каражаттарын Кыргызстандагы өкмөт жана парламенттеги дайындоолорду расмий чечим катары жазбай турууга чакырды. Бул тууралуу элчи "Твиттердеги" баракчасына жазды. “Мен эл аралык медианы кыргыз өкмөтүндөгү дайындоолор тууралуу түрдүү кабарларга мыйзам талап кылгандай парламенттеги керектүү кворум жана процедуралар менен кабыл алынганга чейин жана мамлекет башчысы тарабынан бекитилгенге чейин эч кандай расмий макам ыйгарбай турууга чакырам”, - деп жазды элчи. Читать дальше...

Кыргызстандагы соңку кырдаал тууралуу орусиялык, казакстандык жана беларус саясий серепчилеринин пикири.

Кыргызстанда 6-октябрдагы окуялардан соң мыйзамдык талаага кайтып келүү аракети күмөндүү бойдон калды. Жогорку Кеңештин бир нече депутаты парламенттин төрагасын алмаштырды жана премьер-министрликке талапкер сунушташты. Кыргызстанда парламенттик шайлоонун жыйынтыгына нааразы болгон толкундоолордон соң өлкөдөгү мыйзамдуу бийлик кризиси жаралды. 6-октябрга караган түнү демонстранттар Ак үйдү ээлеп алган. Андан бери президент жана өкмөт мүчөлөрү Бишкекте жүргөнү расмий кабарланганы менен иш жүзүндө кайда экени белгисиз. Читать дальше...

“Достук” мейманканасында жыйынга чогулган Жогорку Кеңештин бир нече депутаты Садыр Жапаровду премьер-министрликке бекиткен жок. Бул тууралуу парламенттин төрагалыгына шайланганы айтылган Мыктыбек Абдылдаев билдирди. Анын айтымында, жыйынга катышкан депутаттар Жапаровду өкмөт башчылыкка көрсөттү: "Жогорку Кеңештин көпчүлүк депутаттарынын добушу менен Жапаров Садыр Нуркожоевичтин талапкерлигин премьер-министрликке көрсөттүк. Эми ал өкмөттүн курамын, түзүмүн жана программасын сунушташы керек",-деди... Читать дальше...

Орусиянын президенти Владимир Путиндин басма сөз катчысы Дмитрий Песков Кыргызстандагы соңку окуялар тууралуу комментарий берди. Ал шейшембиде журналисттердин суроолоруна жооп берип жатып, саясий каатчылык чукул арада конституциялык талаанын алкагында жөнгө салынат деп үмүттөнүшөрүн айтты: "Биз албетте тынчсызданып жатабыз жана Кыргызстандагы бардык саясий күчтөр конституциялык алкактан чыкпай, эркин көрсөтүп, тез аранын ичинде бул кырдаалдан чыгуунун жолдорун табат деп үмүттөнөбүз". Песков ошондой... Читать дальше...

Ош шаарынын мэри Таалайбек Сарыбашов кызматын тапшырды. Бул тууралуу анын басма сөз катчысы Азамат Абсаттаров маалымдады. Ал "Фейсбуктагы" баракчасына: "Мэрдин шаар үчүн жасаган иштерине ыраазы болуңуздар. Алдыда ири долбоорлорду толук ишке ашыруу пландары болчу. Элибизге дагы көп кызмат кылат деген үмүттөбүз. Толугураак маалыматты эртең айтабыз," - деп жазды. Дүйшөн Төрөкулов өзүн Ош шаарынын мэри деп жарыялады. Ал Таалайбек Сарыбашевдин колунан бийлик өткөрүп алганын айтты. 6-октябрда мэриянын алдына ондогон адам чогулган. Читать дальше...

5-октябрдагы элдик толкундоонун эпкини бир нече оор беренелер менен айыпталган 13 адамды абактан чыгарды.

6-октябрда Бишкектеги "Достук" мейманканасынын жыйындар залына чогулган Жогорку Кеңештин бир нече депутаты Садыр Жапаровдун талапкерлигин өкмөт башчылык кызматка жактырды. Анын алдында парламент спикери алмашып, "Кыргызстан" фракциясынын мүчөсү Дастан Жумабеков өз арызынын негизинде төрагалык кызматтан алынды. Анын ордуна Мыктыбек Абдылдаев төрага болуп шайланды. Жаңы төрага Абдылдаев депутаттарды өкмөт башчы Кубатбек Бороновдун кызматтан кетүү тууралуу арызы менен тааныштырды. Депутаттар ачык... Читать дальше...

Химиялык куралды тыюу уюму немис өкмөтүнө орусиялык оппозициячыл саясатчы Алексей Навальныйдын ууландырылышы боюнча иликтөөсүнүн корутундусун жөнөттү. Анда Навальный "Новичок" заты менен ууландырылганы аныкталганы айтылат.  Уюмдагы немис өкмөтүнүн өкүлү корутундуну Химиялык куралга тыюу салуу боюнча Конвенцияга кол койгон өлкөлөрдүн баарына жөнөтүүнү жана коомчулук үчүн ачык коюуну суранды. Кремлдин башкы каршылашы Навальный 20-августта Томск-Москва учагында эсин жоготкон. Учак Омск шаарына чукул конуп... Читать дальше...

6-октябрдын кечинде Бишкектеги "Достук" мейманканасынын жыйындар залына чогулган Жогорку Кеңештин бир нече депутаты парламенттин төрагасы Дастан Жумабековдун кызматтан кетүү тууралуу арызын кабыл алды. Жыйынга вице-спикер Мирлан Бакиров төрагалык кылды. Ошондой эле бүгүнкү отурумда депутат Мыктыбек Абдылдаев жаңы төрага болуп шайланганы кабарланды. Жогорку Кеңештин конституциялык мыйзамдуулук, сот укуктары комитети  Абдылдаевдин парламент төрагасы болуп шайлануусуна макулдугун берди. Бул тууралуу... Читать дальше...

Германиянын канцлери Ангела Меркель шейшембиде Берлинде беларус оппозиция лидери Свтелана Тихановская менен жолукту. Анын алдында Тихановская телеграм-каналына "жолугушуунун күн тартибинде Беларустагы жаңы шайлоону уюштурууга Германиянын катышуу маселеси" турганын жазган. Канцлердин кеңсеси Меркель Тихановскаяны беларус оппозиция лидери катары кабыл аларын билдирген. Германия дагы башка Европа өлкөлөрү сымал эле Александр Лукашенконун жеңишин тааныган эмес. Ушул тушта Литвада баш калкалап жаткан... Читать дальше...

Активисттердин бири Адилет Дуулатовдун "Азаттыкка" маалымдашынча, Талас шаарындагы облустук администрация жайгашкан мекемени ондогон адамдар кайтарып жатат: "Эртеден бери жаштар турабыз. Биз Бишкектегидей абалды жаратпаш үчүн кайтарып жатабыз. Үч жолу имаратты талап-тоноодон сактап калдык. Бирок, түнкүсүн кандай болоору белгисиз". 6-октябрда Таласта эл чогулуп, бийликти өткөрүп берүүнү талап кылышкан. Облустагы өкмөттүн өкүлү Марат Мураталиев кызматтан кетүү тууралуу арыз жазган. Мураталиев... Читать дальше...

Нарын облусунун Жумгал районундагы Кара-Кече көмүр кенин 6-октябрда саат 15.00 чамасында топ киши басып алды. Бул тууралуу Кара-Кече көмүр кенин караган «Кыргызкөмүр» ишканасы билдирди. Маалыматка караганда, ишкананын Кара-Кечедеги филиалын 100дөй кишиден турган топ ээлеп алган. "Кыргызкөмүр" ишканасы кенди басып алууну "Саяк" деген каймана аты бар кримавторитет Кадыркулов уюштурган деген маалымат бар экенин кабарлады. Ишкананын маалыматына караганда, басып алгандар филиалдын кассасынан акча... Читать дальше...

Ички иштер министрлигинин (ИИМ) басма сөз кызматы кабарлагандай, бүгүн, 6-октябрь күнү кечке жуук, ички иштер министринин милдетин аткарып жаткан Курсан Асанов Бишкек шаардык ички иштер башкармалыгынын курамы менен жолугуп, коомдук коопсуздукту сактоону тапшырды. Координациялык кеңештин маалыматына караганда, борбор калаа Бишкекте талап-тоноочулукка жол бербөө максатында саясий партиялардын мүчөлөрүнөн жана ыктыярчы жаштардан турган топтор ири соода борборлорун, банк, кафе-ресторандарды, дүкөндөрдү кайтарууга алышты. Читать дальше...

Европа Биримдиги Кыргызстандагы бардык саясий күчтөрдү Конституциянын алкагында иш алып барууга жана карама-каршылыктарды тынч жол менен чечүүгө чакырат. Уюм мындай мазмундагы билдирүүсүн 6-октябрда таратты. Анда Кыргызстандын Борбордук шайлоо комиссиясы шайлоонун жыйынтыгын жараксыз деп тааныганы эске алынып, өлкөдө ачык-айкын шайлоо өтүшү зарыл экени белгиленген. “Биз Кыргызстандын эл аралык убадаларына жана жарандарынын демократиялык укуктарына төп келген, ишеним жараткан, ачык-айкын жана... Читать дальше...

Президент Сооронбай Жээнбеков 6-октябрда Би-Би-Си радиосуна маек куруп, өлкөдөгү соңку окуяларды бийликти мыйзамсыз басып алуу аракети деп мүнөздөдү. “Алардын максаты - шайлоонун тыянагын жокко чыгаруу эмес, өлкөдөгү туруктуу абалды бузуу болгону көрүнүп турат. Аягында келип эле президентти кызматтан кетирүү максатты көздөгөнү ачык-айкын бол. Баарыбыз көрүп жатабыз, эртең менен бири, түштөн кийин бири кызмат талашууда. Тилекке каршы, эки ирет ушундай олку-солкудан өткөн Кыргызстаныбыз кайрадан ошондой абалга туш болуп калды. Читать дальше...

Дүйнөлүк медиа каражаттары Кыргызстандагы 6-октябрга караган түнү болгон окуялар тууралуу байма-бай жазып жатат. Алардын айрымдары учурда Кыгызстандын бийлик башында кимдер турганына көңүл бурса, кайсы бири "Октябрь революциясы" ишке ашканын билдиришүүдө.

Бишкекте акыркы кырдаалды турукташтыруу үчүн кезексиз жыйынга чогулууга VI чакырылыштын 45 депутаты кол коюп берди. Эл өкүлү Жанар Акаев алар "Ата Мекен", КСДП, "Республика" фракциясынын депутаттары жүргөнүн айтты. Жогорку Кеңештин кезексиз жыйыны 7-октябрга белгиленди.

4-октябрда Кыргызстанда кезектеги парламенттик шайлоо өттү. 5-октябрда Бишкекте анын жыйынтыгына нааразы партиялар митинг өткөрүп, натыйжада митингчилер президенттин жана парламенттин кеңсесин, УКМКнын имаратын басып барышкан. Митингде 509 адам жабыр тартып, бир адам каза тапты.

Коомдук телеканалдын "Ала-Тоо 24" жаңылыктар каналынын элүүдөн ашуун кызматкери иш таштады. Алар муну телеканалга жаңы келген жетекчи Чынар Капарова менен иштешүүнү каалабаганы менен түшүндүрүшүүдө. Жамаат "Ала-Тоо 24" каналынын кызматкерлери Координациялык кеңешке, азыркы бийликке келген адамдарга кайрылуу жолдоду. Анда: "Өздөрүн элдин атынан келдик деген адамдардын тобу башаламандык уюштуруп, продюсерди мыйзамсыз кызмат ордунан кетирип, шайлоого аттанган “Бир Бол” партиясынын өкүлдөрү мамлекеттик... Читать дальше...

Жогорку Кеңештин жаңы төрагасын шайлоо жана элдик өкмөт түзүү үчүн кезексиз жыйын өткөрүүгө 47 депутат макулдугун берди. Бул тууралуу Жогорку Кеңештин депутаты Жанар Акаев депутаттардын 6-октябрдагы кеңешмесине таянып "Азаттыкка" билдирди: "Азыр 45 депутат келип сунушка макулдугун берип, кол коюп кетишти. Дагы келе жатышат. 65ке жеткирели деп жатабыз". Регламентке ылайык кезексиз жыйын депутаттардын үчтөн биринин макулдугуна ылайык чакырылат. Жанар Акаевдин айтуусунда парламент кезексиз жыйынга 7-октябрда чогулган атат. Читать дальше...

Кабарчыларыбыздын маалыматына караганда, ушул тапта "Достук" мейманканасында спикер Дастан Жумабеков чакырган парламент мүчөлөрү жыйынга чогулушту. Жыйынга журналисттер киргизилген жок. Кворум болгону, жыйында эмне маселе каралганы белгисиз. Экинчи тарабы Бишкектин борборундагы жыйындар залына чогулду. Ал жерде 47 депутат жыйын өткөрүп жатканы кабарланды. Азырынча жыйындын күн тартиби белгисиз. Депутаттардын арасында Жанар Акаев, "Ата Мекен", КСДП, "Республика" фракциясынын депутаттары жүрөт. ... Читать дальше...

Кыргызстанда сегиз партиянын мүчөсүнөн куралган Координациялык кеңеш түзүлдү. Бул тууралуу Бишкектеги маалымат жыйында кеңештин төрагасы, “Бүтүн Кыргызстан” партиясынын лидери Адахан Мадумаров билдирди. Маалымат жыйынга Адахан Мадумаров, Өмүрбек Бабанов, Жанар Акаев, Равшан Жээнбеков, Сапар Исаков, Алтынбек Сулайманов, Жеңиш Молдакматов, Азият Жекшеев, Мелис Турганбаев, Руслан Казакбаев катышты.