Новости за 06.10.2020

Өкмөттүн мүчөлөрү мыйзамдарды сактоого чакырып, Кыргызстандын жарандарына кайрылышты. 6-октябрда чыккан кайрылууда алар мамлекеттик жана жергиликтүү бийликтин үзгүлтүксүз ишин, коомчулуктун коопсуздугун, экономикалык туруктуулукту камсыз кылуу жана ишкерликти улантуу үчүн мыйзамдарды сактоого чакырган. "Өз кезегинде биз өзүбүзгө жүктөлгөн милдеттерибизди аткарууну улантабыз" деп жазылган кайрылууда. Өкмөттүн басма сөз кызматы өкмөт толук курамы менен, премьер-министр өз ордунда иштеп жатканын маалымдады. Читать дальше...

Бишкектеги Милдеттүү медициналык камсыздандыруу фондун өздөрүн "Чоң казат" партиясынын өкүлдөрү деп атаган топ 6-октябрга караган түнү тоноп, кеңсенин ичин талкалап, кымбат баалуу компьютерди, медициналык кызматкерлердин айлыгын, дары-дармектердин каржылануусу тууралуу маалыматтар сакталган электрондук кампаны уурдап кетишкени маалым болду. Бул тууралуу "Азаттыкка" аталган фонддун байкоочу кеңешинин мүчөсү Чынара Бакирова билдирди. "Биз эртең менен келсек эле "Чоң казаттын" өкүлдөрүбүз деген топ тосуп алып... Читать дальше...

2020-жылдагы физика боюнча Нобель сыйлыгы кара тешиктердин пайда болуу механизмин иликтеген жана Ааламдын борборунда өтө чоң массанын кантип пайда болгонун ачкан үч окумуштууга ыйгарылды. Британиялык илимпоз Рожер Пенроуз "Кара тешикти пайда болуу механизмин салыштырмалуу теориянын негизинде иликтегени үчүн алган. Германиялык окумуштуу Райнхард Генцель менен америкалык окумуштуу Андрев Гез болсо биздин "Биздин Галактиканын борборундагы өтө чоң массалык компакттык объектини" изилдеп чыккканы үчүн ыйгарылган. Читать дальше...

6-октябрда Саламаттык сактоо министрлигинин байкоочу кеңеши бул расмий органдын имаратына баргандарды сүйлөшүү жолу менен чыгарып, убактылуу министрдин милдетин анын эки орун басары Мадамин Каратаев жана Нурболот Үсөнбаев аткарарын сүйлөшүшкөн. Бул тууралуу "Азаттыкка" байкоочу кеңештин мурдагы мүчөсү Бактыгүл Бозгорпоева маалымдады. "Биз түшкө чейин министрликте болуп жаткан чатакты чечип, министрдин иш бөлмөсүнүн эшигин чаптап кеткенбиз. Бирок, биз кеткенден кийин "Чоң казат" партиясынын өкүлдөрүбүз деген топ кайра барып алыптыр. Читать дальше...

Кыргызстанда саясий кырдаалды жөнгө салуу боюнча координациялык кеңеш түзүлдү. Президент Сооронбай Жээнбеков бийликти күч менен тартып алуу аракети болгонун айтып, бардык саясий күчтөрдү укуктук талаага кайтууга чакырды. Экс-президент Роза Отунбаева президент Сооронбай Жээнбеков кеч кайрылуу жасап, кырдаалды жөндөп кетүү мүмкүнчүлүгүн пайдалана албай калганын айтып, азыр эми бардык тараптарды сүйлөшүү үстөлүнө отурууга үндөдү. Ал арада саясий партиялардын координациялык кеңеши саясий кризистен чыгуунун жолун талкуулай башташты. Читать дальше...

Кыргызстан эл ассамблеясын 6-октябрда өлкөдөгү коомдук-саясий кырдаалга байланыштуу Кыргызстан элине кайрылуу жасады. Ассамблея 4-октябрдагы шайлоо мыйзам бузуулар менен өткөнү үчүн элдин нааразылыгы күч алганын белгилеп, жаңы акыйкат жана адилет шайлоо өткөрүү талабын колдоорун билдирген. "Бийлик органдарын легитимдештирүү жана коомдук тартип менен коопсуздукту сактоо үчүн биздин көп улуттуу элибиз өлкөбүздүн эртерээк мыйзам жолуна түшүүсү зарыл" деп жазылган кайрылууда. Ушундай эле маанидеги... Читать дальше...

Парламенттин басма сөз катчысы Ибраим Нуракун уулунун "Азаттыкка" билдиргени боюнча, чукул жыйын Бишкектеги "Достук" мейманканасында өтөт. Анда өлкөдөгү акыркы саясий кырдаал талкууланары күтүлүп жатат. Ушул тапта мейманканага депутаттардын өздөрү келе электиги, тарапташтары чогулуп турганы кабарланды. Мурдараак "Ата Мекен" партиясынын шайлоодогу лидери Жанар Акаев эртең, 7-октябрда парламенттин кезексиз жыйынын өткөрүү сүйлөшүлүп жатканын билдирген. Ал бул үчүн бардык фракциялардын өкүлдөрү менен байланышып... Читать дальше...

Бишкектеги Кожомкул атындагы спорт сарайынын алдында жаштар чогулуп, Координациялык кеңешке жаштар менен аялдардын кирбей калганына нааразычылыгын билдиришти. Чогулган жаштардын атынан сөз сүйлөгөн алып баруучу Эркин Рыскулбеков: "Биз бийликти, креслону сурабайбыз. Биз бул төңкөрүштү жасаган жаштарга орун берүүнү суранабыз. Татыктуу аялдар, жаштар бар. Бирок Координациялык кеңеште 2005-2010-жылдагы революцияда да жүргөн адамдар кирип алган. Бул кеңеште жаштар менен аялдардын кирүүсүн талап кылабыз", - деди. Читать дальше...

Жалал-Абад шаарынын мэри Мураталы Тагаев өз арызы менен шаар башчылык кызматын тапшырды. Бул маселени карап чыгуу үчүн атайын отурумга Шаардык кеңештин 31 депутатынын 17си катышты. Алардын чечими менен убактылуу мэр болуп Нуртилек Орозбаев дайындалды. Орозбаев бир ай мурун эле калаанын вице-мэри болуп дайындалган эле. Бул орунга ал "Ата Журт" фракциясынан барган. Жалал-Абад шаардык кеңешинин депутаттары ошондой эле "Тынчтык" коалициясын түзүштү. Чогулган эл убактылуу мэр дайындалгандан кийин таркап кетти. Читать дальше...

6-октябрга караган түнү Бишкекте болгон митингде 19 жаштагы жигит катуу жараат алып, ооруканада көз жумган. Полиция менен митингчилердин кагылышынан 590 киши ар түрдүү жараат менен медициналык жардам алып, 439уна биринчи медициналык жардам берилди. 150 киши ар түрдүү жараат менен ооруканага жатып, 13 киши оор абалда реанимацияда.

Жалал-Абад облусунун Ала-Бука районундагы "Full Gold Mining" алтын компаниясына убактылуу ишин токтотту. Бул тууралуу "Азаттыкка" өкмөттүн райондогу ыйгарым укуктуу өкүлүнүн милдетин аткаруучу Бектур Сагынбаев маалымдады. Аталган компанияга айрым адамдар барып, ишин токтотууну талап кылышкан. Учурда райондук администрацияга окуяны териштирип аныктоо үчүн адамдар кеткен. Иштамберди алтын кени 2008-жылы кытайлык "Full Gold Mining" компаниясына берилген. Келишимге ылайык, аталган компания жалпысынан... Читать дальше...

Европа Биримдиги Беларустагы элчилеринин бир бөлүгүн чакыртып алуу тууралуу чечим кабыл алды. Бул тууралуу Польшанын тышкы иштер министри Збигнев Рау билдирди. Бирок ал кайсы элчилер, качан чакыртылып алынарын тактаган жок. Мунун алдында Литванын тышкы иштер министри Линас Линкявичюс Минскидеги элчисин чакыртып аларын маалымдаган жана чечим поляк кесиптештери менен кеңешкенден кийин кабыл алынганын билдирген. "Европа биримдигине мүчө өлкөлөр жана тышкы аракеттер боюнча европалык кызматка ылайык... Читать дальше...

Улуттук коопсуздук боюнча мамлекеттик комитеттин тергөө абагында, Бишкектеги №1 тергөө абагында камалып турган Алмазбек Атамбаев, Равшан Жээнбеков, Фарид Ниязов, Мээрбек Мискенбаев, Канат Сагымбаев жана башка айрым адамдар сот чечими менен бошотулушту. Аларды Биринчи Май райондук сотунун судьясы Майрамбек Сыдыков 11-ноябрга чейин, соттук териштирүүлөргө чейин үй камагына чыгаруу тууралуу токтом кабыл алган. Бул тууралуу Атамбаевдин адвокаты Замир Жоошев "Азаттыкка" билдирди. Бишкекте 5-октябрда... Читать дальше...

5-октябрь түнү Бишкектеги травматология, ортопедия жана илим изилдөө борборуна 299 адам кайрылып, 71 адам ооруканага жаткырылган. Алардын төртөө медицина, 106 укук коргоо органдарынын кызматкерлери. Аталган борбордун башкы дарыгери Алмазбек Кубатбековдун айтымында, беш адам реанимацияда жатат. “Кечки саат сегизден таңкы алтыга чейин бейтаптар келе баштады. Он адам реанимацияга алынып, бешөө эртең менен палатага которулду. Дарыгерлер күчөтүлгөн режимде иштеп жатышат", - деди Кубатбкеов. 6-октябрга... Читать дальше...

Чаткал районунун Терек-Сай шаарачасындагы алтын кенин иштеткен түркиялык компания жергиликтүү элдин талабы менен кен казуу иштерин токтотту. Бул тууралуу аталган шаарчанын башчысы Болотбек Ашырбаев "Азаттыкка" билдирди. "Алтын кен казган түркиялык ишкананын жетекчилигине жергиликтүүлөрдүн бир тобу барып, азыркы кырдаал жөнгө салынгыча кен казууну токтотуу талабын койду. Ишкерлер талапка макул болду. Эки жактын кагылышуусуна алып барбай, маселени тынчтык жолу менен чечтик", - деди. Жалал-Абад... Читать дальше...

Дүйнөнүн 26 мамлекети АКШ баштаган бир катар батыш мамлекеттерин коронавирус пандемиясынын түйшүгүн азайтуу үчүн санкцияларды алып салууга чакырды. Бул маселени Кытай Бириккен Улуттар Уюмунун Башкы ассамблеясында 5-октябрда билдирди. Бээжиндин БУУдагы өкүлү Чжан Цзюн санкциялар аталган уюмдун уставдарын бузарын, адам укуктарына шек келтирип, пандемиядан жабыркаган өлкөлөрдүн бакубаттыгына тоскоолдук кыларын жана саламаттыгына болгон укугуна доо кетирерин" билдирди. "Глобалдык тилектештик жана эл... Читать дальше...

Кыргызстандын экс-президенти Роза Отунбаева шайлоодон кийинки кырдаал, бүгүнкү түзүлгөн саясий кризистен чыгуу жолдору тууралуу "Азаттыкка" маек курду.

"Бир бол" саясий партиясынын талапкери Алманбет Шыкмаматов өзүн башкы прокурор кылып дайындабаганын, бул кызматка барбаганын "Азаттыкка" билдирди. Ал баш прокурордун үч орун басары менен жолугуп, аларга иштөөгө моралдык колдоо көрсөткөнүн айтты: "Башкы прокуратура шайлоонун жыйынтыгын жокко чыгарууну талап кыла алат. Экинчиси - өлкөдөгү туруктуулукту сактоо үчүн мыйзамдуулукту кармайт. Мен мына ушул эки маселе боюнча жана Матраимовдорго иш козгоп, издөө жарыялап, чек араларды жабуу маселесин айтып, саясий кеңеш бердим. Читать дальше...

Талас облусунун Бекмолдо айыл өкмөтүндө жайгашкан Жерүй алтын кени өрттөлүп, таланып жатканын айыл өкмөтүнүн башчысы Кубаныч Каныбеков "Азаттыкка" билдирди. Анын айтымында, 6-октябрда саат 11ге чейин 200 чамалуу кишини тосуп, кармап турушкан. Бирок токтото албай калгандыктан, жаалданган топ кендин имаратына өрт коюп, кампалары, кеңселери күйүп жатат. Жерүй алтын кени Талас районунун Кара-Ой кыштагынан 26 чакырым аралыкта, Талас кырка тоосунун Түндүк капталында, деңиз деңгээлинен 3205-3710 метр бийиктикте жайгашкан. Читать дальше...

Жамааттык Коопсуздук Келишим Уюму Кыргызстандагы окуяларды тынчсыздануу менен кабыл алып, кырдаалга көз салып турат. Бул тууралуу “РИА Новости” агенттиги кабарлады. Орусиялык агенттик уюмдун катчылыгына шилтеме жасап чыгарган кабарда Кыргызстандын бийлиги өлкөдөгү саясий кырдаал боюнча ЖККУга кайрылбагандыгы белгиленет. Кабарда белгиленгенге караганда уюм Кыргызстандагы саясий кырдаалды «өлкөнүн ички иши, өз алдынча жөнгө салып кетет» деп эсептейт. (LzT)

Бул тууралуу "Ата Мекен" партиясынын шайлоодогу лидери Жанар Акаев бүгүн, 6-октябрда журналисттерге билдирди. Ал азыркы учурда бардык фракциялардын өкүлдөрү менен байланышып, чукул чогулууга үндөп жатышканын кошумчалады. "Биз эртең Жогорку Кеңештин кезексиз жыйынын чакырабыз. Жаңы төраганы шайлашыбыз керек жана элдин ишениминдеги Элдик өкмөттү курайбыз. Кворум болот деген ишенич бар. Түнү менен ошонун үстүндө иштейбиз". Парламенттик шайлоого катышкан "Ата Мекен", "Бүтүн Кыргызстан", "Замандаш"... Читать дальше...

Координациялык кеңеш Жогорку Кеңештин алтынчы чакырылышындагы парламентти кезексиз жыйынга чакырып, өкмөттү кызматтан кетирүүгө үндөдү. Бул тууралуу кеңештин жетекчиси Адахан Мадумаров журналисттерге билдирди. "Бизге азыр эң маанилүүсү - мыйзам жолуна түшүүбүз керек. Ошондуктан, биз Жогорку Кеңештин алтынчы чакырылышындагы депутаттарын өкмөттү кызматтан кетирип, парламенттин жаңы жетекчилигин шайлоого жана Элдик өкмөттү куроого чакырып жатабыз. Анткени, Жогорку Кеңеш бекиткен өкмөт жалгыз легитимдүү бийлик болот". Читать дальше...

Майыптарды жумуш менен камсыз кылгысы келген жаш усталар. Кызы экөө машине оңдогон баткендик механик ата. Жер кезип жүрүп, капилет оорунун айынан баса албай калган Владимир Бекчурин азыр элдин дарбазасын жасап, машинесин оңдойт. Кыргыз макалдарын, эпосторун жактырган Руслан Жуков кыргыз тилдүү мектепке бара баштады.

Кыргызстанда жалпы жыйынтыгы жокко чыгарылган парламенттик шайлоодогу бир таң каларлык көрүнүш тууралуу сатиралык жанытманы сунуштайбыз. Ал Кара-Кулжадагы бир даңазалуу айылдын шайлоочу тургундарына арналат.

5-октябрдан 6-октябрга оогон түнү Бишкектеги митингдин катышуучулары президенттик аппарат жана парламент жайгашкан имараттын ичине кирип кетишти. Кабарчыбыз митингчилер басып алган Ак үйдүн ичин көрүп чыккан.