Новости за 25.01.2019

Филиппович Екатерина Нохчийчоьнан а, Дагестанан а дозанаш билгалдаха дагахь бу мехкадай Кадыров а, Васильев а. Цхьацца меттигашка сизтохар бен дац цара цкъачунна хьехориг. Хьакамаша дийцарехь, яц шина республикан вовшашка претензеш. Амма дуй-те хьал оццул тайна, ГIалгIайчохь дозанаша айина гIара а йижале, стенна оьшу юха а дозанаш хьехо? Ша лулахошца лаьттан долалла къасто воллийла хаийтира хьалхо Дагестанан куьйгалхочо. Ша реза ву Кадыровс бохучунна, "оьшуш дац хаш хIитто, ойла ян еза нехан аьттонийн", элира Васильев Владимира. Читать дальше...

ГIиргIазойчуьра орамаш долу стаг лаьцна Магнитогорскехь. Динчу эккхийтарна бехке ву бохуш, цунна тIехь ницкъбина аьлла цуьнан гергарчара. Байначу беттан тIаьххьарчу дийнахь Магнитогорскехь хилларг Iедалхоша теракт дацара бахахь а, оьрсийн къайлахчу сервисаша а, полицино а леца болийна Юккъерчу Азера схьабевлла бахархой. Цаьрга хеттарш деш, зуьйш бу уьш, хиллачу бохамна гунахь буй хьовсуш. 29 шо долу гIиргIазо Зайнобиддинов Хусниддин дIалацар Iорадаьккхина цуьнан гергарчара. Цара чIагIдарца, ялх... Читать дальше...

Оьрсийчуьрчу регионашна юкъара дозанаш билгалдахар дIахьош ду мехкан куьйгалло деллачу омрица. Цунах лаьцна дIахьедина Нохчийчоьнан куьйгалхочо Кадыров Рамзана, хаам бо "Кавказский узело". - Кхузаманахь, 21-чу бIешарехь пачхьалкхан куьйгалло сацам бина дозанаш билгалдаха, буьззинчу барамехь территореш къасто. Нагахь тIеман хаьл кхайкхо оьшуш меттиг нислахь 100 процентана координаташ хаийта. ХIора регионна оьшуш ду иза. И хаттар сихонца дIедерзар регионашна гIоле ду, -  аьлла Кадыровс Нохчийчоьнан... Читать дальше...

Соьлжа-ГIалин кIоштан прокуратуро таллам бина меттигерчу верасаллан а, Ӏуналлан а декъо бечу балхана. Гучудаьлларг ду да-нана доцуш дисинчу берашна догIу рицкъ дIакхачош цахилар. Иштта Соьлжа-ГIалан кIоштан верасаллан декъехь чоьте эцна ду 136 бобер. Низам а дохош, и бераш кхаба оьшу ахча дIа ца делла 2018-чу шарахь Лахьанан а, ГIуран а шина баттахь. Дерриг а боберашна дIадалаза дитинчу ахчанан барам бу 3 миллион 180 эзар сом. И рицкъ дIакхачийта Iалашо йолуш кхеле бевлла меттигерчу прокуратуран белхахой.

ДIадаханчу 2018-чу шарахь Оьрсийчохь уггаре кIезиг машенаш эцнарш бу Нохчийчуьра бахархой. Нохчийчохь йоьхкинчу машенийн терахь 7,9% лахара ду 2017-чу шарахь хиллачул а. ШолгIачу меттехь ю оцу гайтамца ГIалгIайчоь. Цу республикару бахархоша  7,4 % лурчахчул а кIезиг машенаш эцна стохка. И хаамаш балочу "Автостат" сайто яздарехь, 2018-чу шарахь Оьрсийчохь йоьхкина 1 634 200 жима машен. И терахь 11,9% алсам ду шо хьалха хиллачул а.

КъахIирерчу Ал-Азхар университетехь доьшучу Оьрсийчуьрчу студенташа дIахьедо, Мисарахь хилар шайна кхераме ду бохуш. Меттигерчу полицино а, къайлахчу сервисаша а даим рейдаш дIахьо, кехаташка хьуьйсуш, дIалоьцуш, шайн пачхьалкхера арабохуш. Доккхачу декъанна и хьакхало кавказхойх, салафизман агIончех. Iедал а, репрессеш а Оьрсийн векалтан хаамашца, КъахIирехь тахана вехаш ву Оьрсийчуьра схьаваьлла пхи эзар гергга вахархо. Доккхачу декъанна, бусулба республикашкара шайн доьзалшца цхьана баьхкина нах бу уьш. Читать дальше...

Росстато далочу терахьашца, Нохчийн Республикан бахархойн терахь тIекхетта 10 710 стагана. Карарчу хенахь республикехь ву 1 миллион 458 эзар 401 вахархо, хаам бо Нохчийчоьнан куьйгалхочуьнан зорбанан сервсисо. Росстато далочу терахьаша гойтург ду гIаланашкахь бехачу нехан терахь алсамдаьлла хилар 4 125 стагана. Дечкен-беттан 1-чу дийнахь лаьрча Нохчийчуьрчу гIаланийн бахархойн терахь ду 509 эзар 429 стаг. Эвланашкахь бехачу нехан терахь тIекхетта 6 585 стагана. 2019-чу шеран Дечкен-беттан 1-чу... Читать дальше...

500 интернет-ресурс дIакъевлина Нохчийчоьнан прокуратуро 2018-чу шарахь. Иштта интернетана мониторинг еш прокуратуран белхахошна гучуяьлла шен цIахь лелха хIуманаш муха йон дуьйцуш а, Делах теша нах а, дин а сийсаз дан гIерташ а арахецна материалаш.   И бахьана долуш 506 лехам хьажийна прокуратуро кхелашка. "Нохчийчоь Царах 504 лехам бух болуш карийна кхелахошна. Нохчийчуьрчу кхелаша бина сацамаш кхочуш бина Роскомнадхор урхалло, яздо "Нохчийчоь тахана" хаамийн агенталло.

Имам Шамилан накъост хиллачу Хьаж-Мурдан туьта дIалур ю Дагестане. Цунах лаьцна хиъна Оьрсийчоьнан президентан гIоьнчо Толстой Владимира Пачхьалкхан Думерчу "Справедливая Россия" партин фракцин куьйгалхочуьнга Миронов Сергейга яздина кехат зорбане даьллачул тIаьхьа. Цу кехатан копи яьржина социалан машанашкахь. 19-чу бIешарахь ваьхна Хьаж-Мурд уггаре вевзачех Шемилан наиб хилла ву. Кавказан олу тIом боьдуш, имамца дов а даьлла, Оьрсийчоьнан паччахьан эскарехьа ваьлла иза. Хьаьж-Мурд вийна 1852 шарахь. Читать дальше...

Украинин хиллачу президентана Янукович Викторна, дуьхьала а воцуш, хан кхайкхийна Киеван Оболонан кIоштан кхело. Пачхьалкхана ямарт хиларна бехке вина Украинин хилла президент Янукович Виктор. Иза иштта бехке лаьрра агрессоро тIом беш цунна гIо дарна. И зуламаш дарна 13 шо хан тоьхна цунна кхело. Прокуроро дехна цунна 15 шо хан тохар. Янукович бехке хиларан тоьшаллех коьртаниг дара цо Оьрсийчоьнан Iедалшка Украине эскарш хьажор дехар. Януковича ша бехке ца лору. 2014-чу шарахь, Оьрсийчоьнан эскархоша гIо а деш, Янукович ведира Оьрсийчу. Читать дальше...