Новости за 29.01.2019

Юха а президентан харжамашкахь ша дакъалаца лерина хиларх официалехь дIахаийтина шинаридийнахь Украинан президенто Порошенко Петрос. "От Крута до Брюсселя. Мы идем своим путем" аьллачу форумехь вистхуьлуш дина и дIахьедар президенто. Буьйцург бу 101 шо хьалха, 1918-чу шеран Дечкен-беттан 29-чохь, большевикашна дуьхьал Крута олучу эвлахь украинхойн тобнаша бина тIом. Нагахь ша президент харжахь, официалан кехат-дехар дийр ду ша аьлла Порошенкос, Украина Евросоюза юкъа яхийта аьлла.

Оьрсийчоьнан 12 регионашкарчу 70 гергга объекташкахь минаш ю ехкина аьлла, хаам хилла шинаридийнахь, яздо оьрсийн информацин агеталлаша, ницкъаллийн структурашкарчу шайн хьостанашна тIе а тевжаш. Цхьа хаам бух болуш ца карийна аьлла, дIахьедо полисхойн дакъошкахь. ЦIарца боцу хаамаш кхечира Самаран, Оренбурган, Перман кIошташкарчу а, Удмуртерчу а, Башкирерчу а, кхечу регионашкарчу а административан хIусамашка а, школашка а, йохка-эцаран центрашка а, хаамбо зорбанаша. Оьккхуьйтурш ю ехкина аьлла... Читать дальше...

Шоьтан буса Аьрга-Хишкан йистехь Малгобекан кIоштара вахархо Бельтоев Мансур вийна карорах информаци тIечIагIйина билтойн тайпан Украинерчу векало, хаамбо "Кавказ.Реалии" портало. "Латархо вара иза, спортхо вара. ЦIеххьана вайра иза. Лехамашка веллера иза. Хьуьнчохь хилла хила а тарло, я "вайина" хила а мега. Дакъа схьалуш дац цуьнан", - аьлла къамел динчо. Иштта цо дийцина, стохка къайлахчу сервисаша Мансуран жимахволу ваша вийна хиларх а, ткъа церан йиша гIаттамхошна гIо латтийна ю бохуш, изолятор чохь латтош ю аьлла а. Читать дальше...

Талламан версица, бакъонашларъярхочун Титиев Аюбан машенчуьра баьккхина боху наркотикаш чохь хилла тIоьрмиг тоьшаллаш тIеяздинчу тептарера дIабаккха аьлла, тIедожийначу Титиев Аюбан адвокаташна жоьпаш кечдан хан ехна шинаридийнахь прокуроро. Маршо Радионо яздира, Соьлжа-ГIаларчу "Мемориалан" куьйгалхочун гIуллакх стохка Товбеца-баттахь дуьйнна Шеларчу кхелехь луьстуш хиларх. Видеокамерийн техникан экспертиза а еш, Титиевгара марихуана йоккхуш хиллачух талламан эксперимент дIаяхьар доьхуш, адвокаташа... Читать дальше...

Дахначу шеран жамIашца а догIуш, Нохчийчуьрчу кхелан пурстоьпийн хаамашца, тоьках бахархоша тIехьарчийна декхар 142 миллион 560 эзар сом ду. "Нохчийн кхелан пурстоьпаша декхар гулделлачу 155  вахархочун хIусамашкара йийбар дIалаьцна, Оьрсийчуьра аравала дихкина 514 стагна, декхархойн машенашна регистраци яр сацийна", - хаамбо "Чеченэнерго" компанино. Цул совнах, 371 декхар волчун алапех хIора баттахь чусецош ахчанаш ду. Говзанчаша дIехьедо, гергарчу хенахь даккхий ахчанаш тIехьерчийначаьргара декхарна дуьхьал схьайохур ю церан машенаш... Читать дальше...

Нохчийчуьрчу 21 шо долчу вахархочун дов хаьттинчул тIаьхьа шайн сацам бовзийтина Башкортостанерчу Баймакан кIоштан кхелахоша. Карладоккху, ГIадужу-баттахь  Нохчийчуьрчу бахархойн дов иккхинера Башкирехь Баймакан кIоштарчу Темясово эвлахь. Оьрсийчоьнан чоьхьарчу гIуллакхийн министраллан меттигерчу урхалло бинчу хаамца, хилларг могIарера дар-дацар дара. Ткъа кхечу версица, дов доладелла хилла шаурма юхкучу кхачанан хIусамехь. Оьрсийчоьнан зорбанан гIирсаша, вовшашна тIе а тевжаш, яздо цу чу хIума... Читать дальше...

Европан Кхеташонан Парламентан ассамблейн (ПАСЕ) делегацин декъахо, Украинан депутат Береза Борислав юкъахь волуш хиллачу скандале инцидентах лаьцна комментари йитина Нохчийчоьнан куьйгалхочо Кадыров Рамзана. Карладоккху, дуьненаюкъарчу организацин хIусамехь Березас оьрсийн журналист Скабеева Ольга дIа а тоттуш, юьхьIаьржахIоттийнера. Телеграм-каналерчу шен агIон тIехь Кадыровс дIахьедина, Скабеева Ольга шена къинтIера яккха еза депутато, ца хуьлчу далахь, миччахь а цхьа бакъ волу къонахчо цуьнгара жоп доьхург хилар дIа а хьедеш. Читать дальше...

Дагестанехь лачкъийна вигинчу меттигерчу вахархочух пхи миллион сом дехна, иза дIахоьцург. Веа стага вигина ХIинжа-ГIалара вахархо аьлла, полицига дIахаийтина цуьнан гергарчара. Доьхучу ахчан цхьа дакъа дIалучу юкъанна ницкъаллийн структурийн белхахошна каравеана ахча даккха гIиртина шиъ. Цаьрца декъахь хилларш лоьхуш бу аьлла, хаамбо регионерчу Талламан комитето. Бехкзуламан гIуллакх долийна, амма лачкъийна вигинчун кхолламах хууш дац цкъачунна.

Нохчийчу а, ГIалгIайчу а, ишта Оьрсийчуьрчу ша цкъа а хилла воцчу кхечу регионашка а кхача Iалашо ю Москохарчу патриархан Кириллан. Ортодоксан килсан пресс-секретаро Волков Александра бина и хаам. "Оьрсийчоьнан ворхI регионехь цкъа а хилла вац патриарх. Цигахь а хила лууш ву иза. Ю царлахь Къилбаседанера регионаш а, масала, Нохчийчоь, ГIалгIайчоь, ХIирийчоь, ишта Забайкалан кIошт а, Пермь а", - аьлла Волковс, "Россия сегодня" агенталлехь хиллачу пресс-конференцехь. Динан дайшца а, меттигерчу бахархошца а цхьанакхета лаам бу патриархан... Читать дальше...

Сунжа-кIоштарчу полисхойн постехь ши ницкъахо а лазош, тIелеттарг вуьйш хилла инцидент шо доладелчхьана дуьххьара ю Нохчийчохь. Махкарчу чоьхьарчу гIуллакхийн министралло оршотдийнахь хаамбира, шоьтан буса полисхошна динчу тIелатарх. Дийцарехь, Аьрга-хишкан (Серноводск) йистехь лаьттачу постна автомат йиттина, чевнаш йира шина ницкъахочунна, тIелеттарг тIаьхьо вийна карийра хьуьнчохь. ГIалгIайчуьра Бельтоев Мансур ву иза аьлла, зорбанашкахь йовзийтина цуьнан цIе.