Новости за 10.01.2019

Нохчийн бакъонашларъярхо Титиев Аюб дIалаьцна дийнна шо дуьзи.

Шен даймахка юхаяха лууш яц цIера едда 18 шо долу Мохьаммад Рахаф аль- Кунун. Ша ен там бу боху цо, карайодахь. СаIудийн Iедалша паспорт дIаэцнера цуьнгара, амма дагахьбаллам бисина шайна боху цара, йоIера телефон а схьа ца яьккхина. Социалан машанехь цхьана дийнахь-бусий йиллина онлайн-эфир дIаяьхьна цо, шена мухIажиран статус йоьхуш.

Дарбанан хIусамехь доьзалхо дуьненчу ваьллачул тIаьхьа шен йоI ялар хьокъехь прокуратуре латкъам бина Нохчийчуьрчу вахархочо Х. Мовладис. Талламхоша дийцарехь, бер ден цӀийнера араяьлла дукха хан ялале могашалла цIеххьана галъялла зудчуьнан. Кхайкхина баьхкинчу лоьраша дарбанан хIусаме кхачийна зуда стохка Лахьанан-беттан 4-хь. Амма дархо елла, цӀий талхаран цамгар кхетарна (сепсис). Прокуратуро бинчу хаамца, таллам бинчул тIаьхьа сацам бийр бу бехктакхаман гIуллакх долор хьокъехь.

Оьрсийчоьнан орцаллан министраллан Нохчийчуьрчу урхаллан белхахоша гIо дина Соьлж-ГIаларчу яхархочунна петарехь ша висинчу шо кхаьчначу кIантана тIекхача. 2017-чу шарахь дина бер ша хIусамехь дисина хилла, петаран некъ дIа а къовлаелла. Бохамах лаьцна хаам кхаьчна хилла орцанхошка Ленинан кIоштара.ТIекIелдина цIа чохь еха зуда туькана яха араяьлла хилла, шо долу кIант чохь а витина. Амма юха шен петаре ца кхачалуш йисина хилла иза. Сихонца кхаьчначу орцанхоша, лерринчу гIирсах пайда а эцна, схьаяьстина неI. Читать дальше...

Оьрсийчохь зударий а, божарий а уггаре дукха беха меттиг ю Нохчийн Республика. Цунах лаьцна хаам бо Росстато. Цу урхалло далочу терахьашца, юккъерчу барамехь нохчийн зударий бехар бу 84,06 шарахь, ткъа божарий - 78,58 шарахь. Уггаре кIезиг шерашкахь нах беха меттиг ю Чукотка. Зударий - 71,66 шо, божарий 60,33 шо. Ерриг а Оьрсийчоь схьаэцча и гайтам иштта бу: зударий - 77,64 шо, ткъа божарий - 67,51 шо.

2019-шо Нохчийчохь дIакхайкхийна ду ГаланчIожан кIоштан шо санна. Республикан куьйгалхочо Кадыров Рамзана дIахьедар дина "цу кIоштана чу юха а садоуьйтур ду" шаьш аьлла. Республикан Iедалан кхеташонехь вистхуьлуш цо дийцира шаьш дан дагахь долчух лаьцна. Цу юкъахь ду некъаш дар а, газ а, ток ялор а, шен гIуллакх схьаделла луучу совдегаршна болх бан оьшу хьелаш кхоллар а. И меттигаш даьхни лелош коьрта хила еза, бохуш вара республикан куьйгалхо. "1944-чу шарахь бохаме хиламаш хилчхьана цхьана... Читать дальше...

Бохам хилла Шелан кIоштарчу БелгIатана гергахь Дечкен-беттан 9-хь буьйса юккъе йолуш. Чоьхьарчу гIуллакхийн министраллан Нохчийчуьрчу урхалло дийцарехь, "Тойота Камри" жима машен кхетта "КамАЗ"-ах. И бахьана долуш машенна урхалла дийриг а, цу чохь хилла кхо зуда а делла. "КамАЗан" шофёр. Цкъачунна болчу хаамца, некъахIоттаман хьелаш бахьана долуш жимачу машенна хьалха хиъначуьнан гIалат делла цунна урхалла деш. "КамАЗ"-ан шофер жимма аьрташ лазийна висна.  Некъан полицино бинчу хаамца, белларш – стаг а, 3 зуда а – Дагестанера бахархой бу. Читать дальше...