Новости за 07.01.2019

Кавказ.Реалиино бинчу хаамца, Устрада-ГIалахь велла Шелан юккъехь нехан хIусамаш йохош видео яьккхина Осмаев Абубакар. Иза хилла ГIуран-баттахь. Болчу хаамца, Осмаевс ца лайна Iедалхоша ша лаьцна латтор а, цигахь шена ницкъ бар а. Иза велла шолгIа инсульт хиллачул тIаьхьа. Хьалхара инсульт цунна цу стагана хиллера 2017-чу шарахь Iай, интернетехь цо яьккхина видео гучуяьлча лаьцна талламан изоляторехь латтош. Осмаев чувоьллина латтийнера цхьана баттахь. Нохчийчуьрчу зорбанан гIирсаша кхетийра бахархой... Читать дальше...

"Вон денош" билгалдоху 2019 шеран бусалба рузма яьржина Дагестанехь, цхьаболучара дечу тоьшаллица, шен автор мехкан муфтият а йолуш. Бусалба динца йогIуш хиларх шеко юьту арахецначу рузмано. "Там-маха бан, хьаькаме дехар дан, юьртара юьрта ваха, дитт догIа, ялта ден, гIишло йотта мегаш доцу денош" ду цо къастош. Арахецна иза, "Кавказ.Реалиин" хьостанаша дийцарехь, муфтиято (бакъду, дац цуьнан мухIар я цIе рузманна тIехь). И тайпа рузма яржор питане ду - цо кхойкху нах Исламан орамаш охкучу къийсамашка. Читать дальше...

Керлачу Шеран буса Белхароев ИбраьхIим вуьйш теш хиллачунна, цо зуламхо вийцахь, 30 миллион сом дала кийча бу БелхароевгIар. Айкханча ша куьгбехке вацахь, дакъалацар гечдан дош а делла гергарчара.

ГIалгIайн шайхан БатIал-Хьаьжин цIийнах (кӀентан кӀентан кӀант) волу Белхароев ИбраьхIим вийнарг лохуш айкхваьллачунна ахча кхайкхийна кхелхинчуьнан гергарчу наха. Цу ахчанан барам бу 30 миллион сом. Белхороев ИбрехIим вийра стохка ГIура-беттан 31-чу дийнахь Несарарчу Пионерская урамехь шен машенчохь герз тоьхна. Чевнаш йина ву иза машенахь дIасалелош хилла Аушев Або. Белхороев ИбраьхIима критика йора мехкан куьйгалхочунна Евкуров Юнус-Бекана. ГIадужу-баттахь ГIалгIайчоьно Нохчийчоьнца латтанаш хийцича... Читать дальше...

Нохчий Дала хаьржина къам ду бохуш, хаамаш баржийна интернетехь, иза бахьана долуш леррина дIахьедар дина Нохчийчоьнан къоман политикехула а, арахьарчу уьйрашкахула а, зорбанан а, хаамийн а министро Умаров Джамболата, хаам "Нохчийчоь тахана" агенталло. Юьйцург йолчух тера ду вевзаш волчу Оьрсийчоьнан яздархочо, поэто Быков Дмитрийс къамел деш яьккхина социалан машанашкахь яьржина видео кийсаг. "Нохчий Дала хаьржина къам дац кхечу къаьмнел а алсам", - боху министаро Умаровс. "Нохчаша цхьаьнгара а цхьа а хIума дIа а ца яьккхина... Читать дальше...

Оршотан буса (Дечкен-беттан 6-чохь), Оьрсийчоьнан кхечу регионашкахь санна, Iийса Пайхамар вина де тIекхочуш Даллана коьрта гIуллакх дар дIадаьхьира мозгIарша Соьлж-ГIаларчу Архангелан Михаилан килсехь. Цигахь дакъалоцуш бара меттигера православин динера керстанаш а, Нохчийчохь дIатардинчу эскаран дакъошкара эпсарш а, кхечу регионашкара балийна ницкъаллин структурийн белхахой а, хаам бо "Кавказский узело", Соьлж-ГIалин мэрин белхахочунна тIе а тевжаш. Болчу хаамца, ницкъаллин структурийн белхахоша... Читать дальше...

ГIалгIайчоьнан ницкъаллин структурийн белхахоша лоьхуш ву базарахь герз тоьхна зуда йийна стаг, хаам бо чоьхьарчу гIуллакхийн министраллан республикерчу урхаллан зорбанан сервисо. «Дечкен-беттан 6-хь Малгобекан кIоштарчу Керлачу Редантехь базарахь Несарара яхархочунна герз тоьхна къайлаваьлла вевзаш воцу стаг.  Хиллачу чевнах зуда елла оццу меттехь", аьлла ду цу хаамехь. Карарчу хенахь къастош ду зуламхо мила ву. Низамаш лардон органийн белхахоша дIахьош ю зуламхо схьалацарца йоьзна операци.