Новости за 28.01.2019

Иракъехь хенаш кхайкхийначу зударийн 30 сов бер карабогIучу беттан юьхьехь Оьрсийчу цIадерзо дагахь бу аьлла, хаамбина берийн омбудсмено Кузнецова Аннас оршотдийнахь журналисташка. Цо бахарехь, рогIера даймахка дерзо бераш хIинцца дуьненчу девлла а, кхаа шаре девлла а бераш ду. Бакъонашларъярхочо дийцарехь, Иракъан премьер-министрца а, пачхьалкхан Лакхарчу кхелан куьйгалхочуьнца а дийцарш чекхдевлла, цундела сихо хир ю уьш цIаберзорехь. Керла шо карадале хьалха Иракъера орцан министраллан лерина рейс кхечира Оьрсийчу 30 бер далош. Читать дальше...

ТIаьххьарчу шина бетта чохь Европан кхело 30 дов листина 2000-2005-чу шерашкахь лечкъийначу а, доьза байинчу а нохчийн, гIалгIайн. Кху беттан 22-чу дийнахь сацамаш кхайкхина оцу девнех 20-ннан. Девнийн материалаш кеч а еш, Страсбурге дIакхачийначу бакъоларъярхойн юкъарлонашлахь ю "Мемориал" центр а, "Правовая инициатива" ("Бакъонан жигаралла") а. Европан кхеле девнаш дIакхачийна, даима хуьлуш ма-хиллара, байначийн гергарчийн цIарах. Бакъоларъярхоша билгалдоккху массо а девнийн орам цхьаъ хилар ... Читать дальше...

Къилбаседа Кавказехь шо карадеачхьана дIадалаза дуьсучу белхан алапех гулделла декхар 132,7 миллион сом ду. Оцу бараман доккхахдолу дакъа – 132, 5 миллион сом гулделла субъектийн шайн ахчанаш ца хиларна. Росстатан сайте даьхначу талламийн жамIашкахь ду ишта зераш. Статистийн информацица, уггар дукха белхан алапа гулделла Дагестанехь (46, 1 миллион сом), цунна тIаьхьа ю Къилба ХIирийчоь (32, 9 миллион сом). ГIебарта-Балкхаройчохь тIехьаьрчина 26, 6 миллион сом, ГIалгIайчохь – 20 миллион, Кхарачойн-Чергазийчохь ... Читать дальше...

Дуьххьара комментари йитина Дагестанан куьйгалхочо Васильев Владимира ГасангусейновгIеран гIуллакхах. Вийначу шина жаIуьнан деца Гасангусейнов Муртазалица цхьана хIунда ца кхета хьо аьлла, "Новое дело" газетан журналисто Меламедов Андрейс хаьттинера Васильевга. "Ас тергонехь латтош дара и гIуллакх. Оха сацамбира, вежарийн гIуллакх кхачам боллуш таллийтархьама Бастрыкине дIадала. Сан кхетамца, инзаре гIалат ду цигахь даьлларг", - аьлла цо." "Ишта ирча гIалат нислуш хуьлу. Тоххара милицехь болх бина ву со. Читать дальше...

Нохчийчоьнан а, Дагестанан а дозанаш билгалдаха дагахь бу мехкадай Кадыров а, Васильев а. Цхьацца меттигашка сизтохар бен дац цара цкъачунна хьехориг. Хьакамаша дийцарехь, яц шина республикан вовшашка претензеш. Амма дуй-те хьал оццул тайна, ГIалгIайчохь дозанаша айина гIара а йижале, стенна оьшу юха а дозанаш хьехо?

UFC-н чемпион Нурмагомедов Хьабиб Карагандарчу берийн хIусамехь хилла, яздо Patriotkaragandy гIирсо. Журналистийн терго ца хилийтархьама, ша вогIий а ца хоуьйтуш кхаьчна хилла латархо Казахстане. "Хьабибе кехат" аьлла, йолийначу акцин гурашкахь дара чемпион Карагандарчу берийн хIусаме кхачар. Цу цIийнерчу кIанта дехар динера цуьнга, шаьш долчу вар тIедуьллуш. Иттанашкахь кехаташ кхечира Нурмагомедовга, царлахь иттаннан лаам кхочушбан сацам бинера цо. "Шен дош лардина, веанера Дагестанера чемпион тхо долчу"... Читать дальше...

Нохчийчуьрчу ЛГБТ-н векалшна тIехIуттуш кIирандийнахь  Пятигорскехь цхьааллин пикет дIаяьхьна Данько Екатерина дIалаьцнера, яздо "ОВД-Инфо" хьостано. Сахьтехь чохь латтийна, протокол ца хIоттош дIахецнера Данько. Save LGBT in Russia кампанин гурашкахь дIахьо пикет хIоттийнера Къилбаседа Кавказерчу президентан векалан резиденцина хьалха. Цу кепара акцеш дIаяьхира жигархоша кху беттан 20-чу дийнера 27-чу дийне кхаччалц.

Шемара Дагестане юхайирзина Къилбаседан тIеман полицин батальон, хаамбо "Интерфакс" агенталло. "Шемахь лерина шайн декхарш кхочушдинчул тIаьхьа 300 гергга эскархо ву даймахка юхавеанарг", - аьлла, яздина ду пресс-релиз тIехь. Оьрсийчоьнан эскархойн тобанийн объекташ Iалашъяр, паргIатъяьхначу кIошташкарчу маьршачу бахархойн къепе латтор, церан кхерамзалла ларъяр, гуманитаран ковраш чуйогIучу заманчохь церан терго латтор. Ишта дара тIеман полисхошна тIедехкина декхарш. Гуттаренна а Буйнакскехь куп тоьхна цIа баьхкинчу тIеман полисхоша.

Дахначу шарахь ГIалгIайчохь маслаIат дина вовшашца мостагIалла лелош хиллачу  80 доьзална юкъахь, царлахь чIирехь хиллера 6 хIусам. Регионан куьйгалхочуьнца маслаIатан комиссин хиллачу кхеташонехь дина цунах дIахьедар. Дукха хьолахь некъан бохамаш бахьана долуш, я дош дашера долий гIуьтту шина агIонна юкъахь девнаш аьлла, билгалдаьккхина комиссин куьйгалхочо Акилов Сайд-Хьусайна. ТIейогIучу заманчохь дахаран хьелашца доьзна девнаш а, шинна юкъахь лелха конфликташ а, бизнес бахьана долуш айден... Читать дальше...

Наркотикаш яьхна цуьнгара аьлла, бехкевинчу бакъонашларъярхочун Титиев Аюбан гIуллакх оршотдийнахь кхи дIа хоттуш ду. Иза бакъ хиларан аргументаш йоллушехь, кхелан сацам иза бехкевеш хир бу аьлла "Эхо Москвы" радиостанцина еллачу интервьюхь Титиевн адвокато Дубровина Маринас. Шо хьалха дуьйна лаьцна ву Соьлжа-ГIаларчу "Мемориалан" офисан куьйгалхо Титиев Аюб. Иза тешна ву, шена дуьхьал айдина гIуллакх политикан бух болуш хиларх.

Шуьтара Итон-Кхела йоьду жима машен 80 метар кIоргачу бердах чу а яхна, цу чохь хилла 3 стаг велла аьлла, хааме даьккхина ТАСС агенталло. "Кхо стаг велла. Бераш ца хилла цаьрца. Беллачийн декъий хьаладохуш операци ю дIахьош, 18 орцанхо а, 4 техника а тIеоьзна", - аьлла агенталле орцанхойн урхаллехь.