Чири-Юьртахь зуда йийна стаг лаьцна полицино
Нохчийчьурчу талламан комитетан балхахоша, Шеларчу полисхоша гIо а деш, лаьцна Чири-Юьртара 55 шо долу вахархо. Цунна бехке дуьллуш ду тIех деза зулам дар. Талламхоша дийцарехь, дIабаханчу ГIуран-баттахь Чири-Юьртара 56 шо долу яхархо а йийна, цуьнан петар ягийна цо. ДIалаьцначул тIаьхьа и стаг къера хилла и зулам ша дарна.