Новости за 17.01.2019

Би-би-си телеканалца болх беш хилла журналист-талламча вийна Ганехь. Меттигерчу футболехь иккхина коррупцин скандал Iораяьккхинера цо ша бинчу талламашкахь. Футболан федерацин куьйгалхо даржах вохийна. Шен цIе хьулйина болх беш хилла Хьусейн-Суале Ахьмад герз диттина вийна яхначу пIераскан буса, яздо меттигерчу КхоалгIачу телехьожийлан каналан сайто. Мотоцикл тIехь воьдучу шиммо герзаш диттинера цунна, иза шен цIа воьдучу заманчохь. Шозза некхан ун тIе а, цкъа логах а герзаш кхетта цунна. Иза веле... Читать дальше...

Дукха хан йоццуш ГIалгIайчоьнан куьйгалхо "къоман цIартIера воссош" хьаьвзинчу муфтина Хамхоев Iисана шена таIзардина Пятигорско ДIадаханчу шоьтадийнахь Къилбаседа Кавказехь бусалбанех жоп лучу Пятигорскерчу урхалло рогIехь йоцчу кхеташоне кхайкхийра шен куьйга кIел болу Дагестанан, Нохчийчоьнан, ГIалгIайчоьнан, ХIирийчоьнан, ГIебарта-Балкхаройчоьнан, Кхарачой-Чергазийчоьнан, Адыгейн, Краснодар а, Ставропол а мехкийн, ГIалмакхойчоьнан муфтеш. Коьрта Iалашо яра "Iеламчина лела догIучу хотIехь"... Читать дальше...

Тольяттерчу лоьмар 93 йолчу школехь биологин хьехархо балхара дIаяьккхина, цо 5-чу классерчу дешархочунна бетах тIара тухуш видео интернетехь яьржинчул тIаьхьа. ГIалин мэрин пресс-гIуллакххоша бина и хаам. Хьалхо социалан машанашкахула яржийра, цхьана доьшучу бераша шайн телефон тIе дIаязйина видео. Цу тIехь гуш ду, "йоI-дешархо хиларе терра хила" бохуш, хьехархочо дешархочунна бетах тIара детташ. Дуьххьара хилла хIума дац иза бохуш, чIагIдо бераша а, церан дайша-наноша а. Талламан комитето шен тергоне а эцна, толлуш ду гIуллакх.

Оьрсийчуьрчу бахархошна эхь хета шайн къоьллех, Советан зама йохарх, пачхьалкхехь шогалла яржарх а. "Левада-центро" Iорадаьхна шаьш байначу баттахь бинчу талламийн жамIаш. Оьрсийчуьра 61 процент бахархой ийзало, шайна "тIаьхьара ца йолучу мискаллех". Эхь хета, цатам бу пачхьалкхерчу 45 % респонденташна, Советан Iедал дохарна. Бахархошлахь 37 проценто дIахьедо, шайна эхь хета пачхьалкхехь шогалла яржарна а, адамийн вовшашка ларам барна а аьлла. Малхбузена шаьш тIаьхьадисар эхье лору 24 проценто. Читать дальше...

Киевехь дIадаьхьначу къийсадаларшкахь толам баьккхинчу гIалгIайн латархочо Белхароев Зеламхас дакъалоцур дац Украинехь хинйолчу чемпионатехь, шен кехаташца проблемаш хиларна аьлла, дийцина цуьнан тренеро Батхиев Казбека. Украинан вахархо цахиларе терра, цуьнан бакъо яц къоман чемпионатехь дакъалаца. "Кху беттан 29-чохь Украинан чемпионате къесточу турнирехь чемпионатехь тоьлла Зеламха. Цкъачунна Украинан вахархочун санна документаш дац цуьнан карахь", - хаамбина тренеро, Белхороевн яккхий таронаш хилар билгалдоккхуш. Читать дальше...

Готтачу гонашкахь вевзаш волчу режиссеро Сигарев Василийс Фейсбукерчу шен пена тIехь яздина "Басаевн салтий бехке бацара" аьлла. 1995-чу шарахь Нохчийчохь лаьттинчех дуккха а дешна ша, цундела гечдар доьху ша оьрсийн а, нохчийн а салташка аьлла, дийцина режиссеро. "Эхь хета, къинтIера довла тхуна, нохчийн а, оьрсийн а салтий", - дIахьедина цо. Шен постна бухахь, "делахь Басаевн тIемалой бехке бацар-кх" аьлла, сарказмехь йитинчу комментарина жоп луш, "хIаъ, бехк бацара церан" аьлла, яздина Сигаревс. Читать дальше...

Нохчийчохь Путин Владимиран цIарх объекташ хIунда ю аьлла, Оьрсийчоьнан президентан пресс-секретаре Песков Дмитрийга журналисташа деллачу хаттарх комментари йитина махкарчу зорбан министро Умаров Джамбулата. "Халачу муьрехь нохчийн къомана тIехIоьттина адам, иза ца хиллехь, тахана Нохчийчоь ишта дIахIуттур яра олийла а дацара. Ницкъболчу, хьекъалечу президентна нохчийн къомера баркалла ду иза, кхи хIуммаъ дац", - аьлла Умаровс. Цундела шен цIарх Нохчийчохь гIишлош хIиттор адекватехь тIеэцна президенто аьлла министро. Читать дальше...

Дуьненаюкъарчу террорхойн "Иблисан пачхьалкх" ("Исламское государство") организацица цхьана болх беш ю Украинан къайлаха сервисаш. Ишта дIахьедар дина Нохчийчоьнан куьйгалхочо Кадыров Рамзана шен сайтехь. Дахначу шеран тIаьххьарчу беттан 26-чу дийнахь The Times газетехь зорбане яьллачу артиклца уьйр тосуш, зорбане яьккхина цуьнан публикаци. Материалехь вуьйцуш ву Шейх Мансуран цIарахчу батальонан эскархо. Украине ваха шен хиллачу бахьанех дуьйцу цо. Кадыровс яздарехь, батальонан хьалханчу ву аьлла... Читать дальше...

Нохчийчоьнан куьйгалхочун Украинехь хиллачу векалан Цицулаев Рамзанан шаьш дIалаьцна 218 эзар доллар ахча юхаделла Москохарчу кхело. ТАСС агенталло бина и хаам. Талламчийн версица, 2014-чу шарахь бизнесхо Закриев Iела лачкъа а вина, цуьнгара 100 миллион сом даккха гIиртинчу тобанца хилла ву иза. "Пресненскан кхело стохка Чиллан-баттахь Москохарчу "Золотое кольцо" хьешан цIийнехь Цицулаевгара схьадаьккхина 218 эзар доллар дIалоцуш бина сацам юхабоккхуш хьесап дина кхело", - аьлла агенталлан хьостано... Читать дальше...

"ЦхьаьнадогIучу дозан тIехь хьонка баккха мегар дац" аьлла, дина шайн дIахьедар юхаэцна ГIалгIайчуьрчу орцан министралло. И дешнаш информаци юкъахь нисдалар гIалат ду аьлла цара. Сунжа кIоштарчу вахархочо "Кавказский узел" агенталле дийцарехь, урхаллан сайтехь динчу дIахьедарна юкъара дIадаьхна "цхьанадогIучу дозанах" лаьцна дешнаш, амма ГIалгIайчоьнан бахархошна дихкина ду Фортанган дехьарчу хийисте вала. Агенталлан хаамашна тIе а тевжина, Маршо Радионо яздира кхааридийнахь, хьонка боккху хан... Читать дальше...