Новости за 27.01.2019

Оьрсийчуьра ММА латархо Емельяненко Федор эшийна "Гран-при Bellator" турнирехь Iамеркхочо Бейдер Райана. Емельяненкос дита мегаш ду кхин дIа а латаран турнирашкахь дакъалацар. Латар хилла кIиранан буса Лос-Анджелесехь. Байдера хьалхарчу раундехь 34 секундехь хенал хьалха толам баьккхина. Iамеркахочо, буй тоьхна Емельяненко оха а вожийна, буйнаш беттар юкъахдаьккхина реферис. Оьрсийчуьрчу спортхочунна лоьрийн гIо эшна латар чекхдаьлча. РИА Новости агенталло бинчу хаамца, Емельяненко меттавеана, цуьнан проблемаш яц могашаллица.

Нохчийчоьнан коьртачу гIала Соьлж-ГIала доьду некъахойн кема юхадеана Москох "Внуково" аэропорте. Бахьана ду техникан кхачамбацарш хилар, хаам бо РЕН ТВ телеканало. Инцидент хилла «Ютэйр» компанин лайнерца, тахана, Дечкен-беттан 27-чохь. Болчу хаамца, болх бечура сецна хилла кеманан электросистема. "Внковохь" кема охьахиина, мехкадаьтта дагийначул тIаьхьа. Некъахой Соьлж-ГIала дIакхачийна кхечу кеманца.

Савченко Надежда билгалйина Украинин президентан харжамашкахь дакъалаца "Савченко Надеждин юкъараллин-политикан платформа" цIе йолчу партино. Карарчу хенахь политик, теракташ кечйеш хилла аьлла, лаьцна латтош ю талламан изоляторехь. Украинин хаамийн гIирсаша дийцарехь, Савченкон агIончийн кхеташо хилла "Украина" отелан доккхачу цIийнан чохь. Радан халкъан депутат йолу Савченко президентан харжамашкахь дакъалаца хьалхатоттуш кхаж тесна 100 гергга делегато.

Нохчийчуьра а, Дагестанера а паргIат латархоша 6 дашо мидал яьккхина Красноярскехь хиллачу Ярыгин Иванан безамна кхоьллинчу турнирехь. Хасавюртара Чакаев Ахьмад тоьлуш латар дIадирзича, реза боцучу хьажархоша хи чохь долу масийтта шиша кхоьссина латархойн куза тIе а, суьдхой болчу агIор а, яздо "Кавказский узело". Дечкен-беттан 24-чохь йолаелла "Ярыгин Иванан гран-при" цIе йолу дуьненаюкъара турнир дIайоьрзуш ю кIиранан дийнахь, Дечкен-беттан 27-чохь. Оьрсийчуьра боцурш, цигахь дакъалоцуш бу 6 пачхьалкхара латархой. Читать дальше...

Оьрсийчоьнан Пачхьалкхан Думан депутаташа хьалхарчу ешарехь тIеэцна берриг а бахархойх хьакхалур долчу низаман проект. Цуьнца а догIуш, Оьрсийчохь таIзар дийр ду интернетехь Iедал сийсаздарна. И низам тIеэцарехьа кхаж тесна 336 депутато, дуьхьал 43 а волуш. Низам кхоччуш тIеэцначул тIаьхьа Iедалхой сийсазбеш, царах цавешаш, Оьрсийчоьнан пачхьалкхан символш а, Конституци а, Iедалан органаш а ларам боцуш, томехь йоцучу кепехь хьехийначарна таIзар дийр ду 3-5 эзар сом гIуда тохарца, я 15 де-буьйса набахтехь даккхийтарца.