Новости за 08.01.2019

Маршо Радион тIаьххьара керланаш

Кегийрхой ВИЧ-унах цIенахилар толлуш Нохчийчохь йолийначу практикех масала эца тарло Дагестанехь а

Омскан кIоштарчу колонехь хан токхучу Нохчийчуьра схьаваьллачу Акиев Аптина йиттина кхечу метте дехьаваккхуш. Цунах лаьцна хаам бина тутмакхан адвокато Окушко Татьянас, яздо "Кавказский узело". Акиевна куьйгех тоьхна гӀоьмаш дIайохуш, догIа кагделла аьлла, буруца уьш хедо омра делла хилла цу колонин оперативан декъан хьаькамо. Адвокато дийцарехь, буру хьийзош тутмакхан куьг дагийна, эпсар тIехоьжуш а волуш. Цо шийла хи доьттина а, кхин хIума ца дайтина иза деш бохкучу нахе - оццу колонерчу тутмакхашка. Читать дальше...

Магнитогорскехь чухаьрцинчу цIийнан бухахь делла кхо бер а, церан нана а шайн даймахка дIахьажийна Магнитогорскехь бехачу бусалба наха. Лазийчхьана кхетамчуьра ваьлла Iуьллучу хIусамдена Улфатов Шукратна хууш дац шен доьзал беллий. Карарчу беттан 6-чохь Таджикистанехь лаьттах дохка дIакхачийна беллачийн декъий.

Microsoft-ал хьалха а йолуш, дуьненахь дуьххьара уггаре еза долара компани хилла Iамеркерчу Amazon-ах. Цуьнан мах бу карарчу хенахь 796 миллиард доллар. КхоалгIачу меттехь ю Alphabetс хIолдинг. Apple компани ю 4-гIа. Кху беттан 7-чу дийнахь махбеш Amazon-ан акцийн мах хьалабаьлла 3,4 процентана. Microsoft акцеш язйелла 0,1 процентана.    Интернетехула шуьйрачу хьаштийн сурсаташ духку компани ю Amazon.  Forbеs журналан рейтингаца а догIуш, Amazon кхоьллина волу цуьнан куьйгалхо Безос Джефф дуьненахь... Читать дальше...

Саратовхь "Стратегия-6" цIе йолчу юкъараллин вовшахтохаралло пикет дIаяьхьна, "Мемориалан" Нохчийчуьрчу декъан куьйгалхо Титиев Оюб маьрша ваккхар а доьхуш. Цу акцехь даьхна сурташ Facebook-хь "В поддержку Оюба Титиева" агIонехь арахецна Саратов гIаларчу "Социалан-бакъонан а, Iалам лардаран а центран" куьйгалхочо Хвостов Антона. Пикетан декъашхоша каралаьцна дара "За вашу и нашу свободу!" (Шун а, тхан а маршонехьа) тIехь долу Оьрсийчуьрчу набахташкахь латтош болу политикан тутмакхаш дIахецар доьху плакат... Читать дальше...

Вийначу Белхороев ИбрехIиман гергарнаш а, суфийн шейхан Белхороевн тIаьхье а шайн лидер вийнарг схьалаха дагахь бу. Байначу беттан тIаьххьарчу буса ша вехачу хIусамна гена доццуш герз тоьхна вийра гоьваьлла юкъаралхо Белхороев ИбрехIим. Иза чохь волчу машенна тIе масийттазза герзаш диттинера. Йинчу чевнех хьалха ца велира 46 шо долу Белхороев, ткъа иза дIасалелош хилла 28 шо долу Аушев Або дарбан цIийне кхачийнера. ГIалгIайчоьнан я прокуратуран а, я чоьхьарчу гIуллакхийн министраллан а сайташкахь бина цхьа а хаам бац хиллачу зуламах. Читать дальше...

Хонкарахь дIайолалуш ю 2018-чу шеран ГIура-баттахь Оьрсийчоьнан Туркойчохь векал хилла Карлов Андрей верца йоьзна кхел, хаам бо ББС-но. Талламхойн версица, жоьпе озийна ву Iамеркехь вехачу дешна стагаца Гюлен Фетхуллаца уьйраш латтош хилла 28 стаг. Туркойн Iедалша чIагIдарехь, Уьш берш Туркойчохь терроран лоручу Гюленан FETO вовшахтохараллан декъашхой бу. Карлов вийра 2016-чу шарахь ГIура-беттан 19-чохь, кхузаманахьлера исбаьхьаллан центрехь суртийн гайтам схьабоьллучехь. 22 шо долчу Алтынташ... Читать дальше...

2019-гIа шо доладелчул тIаьхьа цхьацца некъахьовзамашкахь 4 стаг вийна Нохчийн Республикехь. Цунах лаьцна хаам бина чоьхьарчу гIуллакхийн министраллан некъан полицин (ГИБДД МВД) Нохчийчуьрчу урхаллан куьйгахочо Чергигов Идриса, хаам бо "Нохчийчоь тахана" сайто. Некъашкахь кхерамазалла хилар алсамдаккха некъан низамаш дохор къийсам латтор алсамдаккха деза, бохуш вара иза. Къаьсттина Черхиговс тидам тIебахийтина некъан полицин белхахойн бераш машенашкахь дIасалелорца доьзна низамаш лардарна.

Доларчу хIусамехь цIеяьлла хилла Соьлж-ГIалан Октябран кIоштахь дIаяханчу буса 12 сахьт долуш. Иза дIайойуш дакъалаьцна 4 машенахь кхаьчначу 16 цIеяйархочо. Велла а, вагийна а, лазийна а стаг вац. ЦIеяйархойн аьтто баьлла цIарх лардан лулара цIенош. Хилларг толлуш бу говзанчаш а, прокуратуран белхахой а.