Новости за 16.01.2019

Дахначу шарахь Нохчийчохь хиллачу 67 некъан бохамашкахь велла 87 стаг, шайлахь 9 кхиазхо а волуш, хаамбо мехкан прокуратуран пресс-гIуллакххоша. Лурчаха хиллачуьнца дуьстича, некъан бохамашкахь нах балар 23, 8 процентна лахделла хилар билгалдаккха деза, яздо махкарчу "Грозный" агенталло. Доккхачу декъанна, хуьлу зуламаш машенаш чехка хахкаран бахьанашца а, хьалхавала а гIуртий, шена леринчу асанах валарца а хуьлуш ду аьлла некъан полицин урхалло. Болчу хаамашца, 132 зулам даьстина полисхоша, машенлелорхо маларх кхетта хиларца доьзна. Читать дальше...

Францехь вехачу шен кIантана гIодархьама, нохчийн полисхоша йиттинера цунна аьлла, лоьрашкара кехат-тоьшалла дIакхачо гIоьртина ТIехьа-Мартанан яхархо Вадаева Кхокха, чIагIдо махкарчу "Грозный" телеканалан белхахоша. Республикан Iедалшна хьалха гечдар дехна ша зудчо а, цуьнан гергарчара а. Шинаридийнахь меттигерчу телехьожийлан эфирехь сюжет гайтира, 2016-чу шарахь дуьйнна Францехь вехачу шайн кIантана лоьрашкара даьккхина харц тоьшалла дIакхачо гIортарх цуьнан гергарнаш. Юкъарчу хIусамчохь вехачу... Читать дальше...

Кенин шахьарерчу Найробин хьешан цIенна динчу тIелатарехь вийна лахара а 14 стаг. ТIелеттарш байина полисхоша, яздо Reuters агенталло. Маса вара зуламхо къаьстина даьлла дац. Ши эккхийтар а дина, дIалаьцнера хьешан цIа. Полисхой а, къайлахчу сервисийн белхахой а кхаьчнера оцу меттиге. Масех граната а кхоьсина, герзаш детташ, гIишло чохь хьулбеллера тIелеттарш. 20 сахьтехь дIаяьхьира операци. ХIусамчуьра араваьккхира 700 стаг. Iедалша теракт ду динарг аьлла, дIакхайкхийна. Исламан радикалан "Аш-Шабаб" тобано шена тIелаьцна зулам. Читать дальше...

Вевзачу нохчийн блогерна Абдурахманов Тумсона гонах долчун хьокъехь кхайкхамбина Кавказан къаьмнийн Ассамблейн президиумо Полшин президенте Дуда Анджейга. Кехат тIехь билгаладьккхина, Шемахь тIамехь хилла иза аьлла, Оьрсийчохь цунна дуьхьал бух боцуш долийна гIуллакх бахьана долуш, Полшехь лачкъа иза декхаре хилар. Полшин куьйгалхочуьнга доьху Ассамблейн президенто Кутаев Руслана  Абдурахманов Iалашвар, цуьнан гIуллакх шен тергоне а эцна, цунна политикан тховкIело ялар. Оьрсийчу юхаваха некъ бац Тумсон... Читать дальше...

Оьрсийчоьнан президентан Путин Владимиран пресс-секретаро Песков Дмитрийс дIахьедина, шен цIарах объекташ еллар ца тов оьрсийн президентна аьлла. Амма Нохчийчохь тахкар – "ша – башха хIума ду" аьлла цо, "Аргументы и факты" хьостана еллачу интервьюхь. Нохчийчохь цхьацца гIишлошна Путинан цIе стенна ло аьлла, журналисто хаьттинера пресс-секретаре. Дукха хьолахь президент реза ца хуьлу, я урамна, я гIишлонна шен цIе тиллича, амма Нохчийчохь "ша-тайпа" ситуаци ю аьлла Песковс. "Цкъа делахь, Нохчийчохь шайн ламасташ, гIиллакхаш ду. Читать дальше...

Керлачу шеран дезачу деношкахь Къилбаседа Кавказан курорташка оьхучийн терахь 20 проценте хьаладаьлла, стохка оццу хенахь хиллачуьнца дуьстича. Нохчийчуьрчу туризман министралло дIакхайкхийра, эзар сов турист хилира когсалазаш хохкучу "Ведучи" курортехь карадеанчу шеран хьалхарчу кIиранчохь аьлла. Ткъа, "Кавказский узел" агенталлан хаамашца, курортан белхахочо а, меттигерчу бахархоша а шеконашка дуьллу и терахь. 10 процентал сов ду "Эльбьрус" когсалазийн курорте керлачу шеран дезачу деношкахь баьхкинчийн терахь аьлла... Читать дальше...

20I8-чу шеран гурахь дуьйна Таджикистанерчу базарашкахь мехала девлла чола куйнаш. И куй тиллина лата юкъавелира Хьабиб ирландхочуьнца Макгрегор Конарца. Толам а баьккхира Дагестанерчу Нурмагомедов Хьабиба оцу латарехь. Хьабибан фанаташна цуьнан санна духар лело лаьа, и месал куй шайна везачу футболистан майка санна, беза хета царна.

Хьонка боккху хан тIекхачарца ГIалгIайчуьрчу орцан министралло хаам Iорабаьккхина, махкарчу бахархошна хьонка баккхар доьхкуш "доза цхьаьнадогIучу меттигехь" . Шинаридийнахь арахецначу хаам тIехь ишта тIедиллина орцанхоша бахархошна, шаьш хьуьнчу боьлхучу заманчохь гергарчу орцанхойн тобане дIахаийта аьлла, маса стаг ву а, муьлхачу маршрутехь доьлху а. Документ тIехь яздина ду "хьонка боккхучу хенахь доьхку доза цхьаьнадогIучу территори тIе валар", аьлла Нагахь хьуьнхахь тилахь, экстремалан ситуаци хIоттахь а бохуш... Читать дальше...

Шейхан БатIал-Хьаьжин тIаьхьено ГIалгIайчуьра ара а ваьккхина, дарбадан дIавигийтина, Белхороев ИбрехIим вуьйш, лазийна висина цуьнан шофер Аушев Або. Церан вирдан векало дийцарехь, цуьнан къерамзалла ларъярхьама дехьаваьккхина иза. Маршо Радионо хаамбира, меттигерчу Телеграм-каналан информацина тIе а тевжина, ГIалгIайчохь шейхан Белхороев БатIал-Хьаьжин кIентан кIант Белхороев ИбрехIим верах. Чевнаш йира иза дIасалелочу шоферна Аушев Абона. Несарарчу Пионерская олучу урамехь шен машенчохь герз тоьхна вийра Белхороев. Читать дальше...

Къилба-ХIирийчуьра зуда -таксхо йийна аьлла, бехкевечу Нохчийчуьрчу вахархочун гIуллакх Заводской кIоштан кхеле дIакховдийна. Стохка бIаьста Къилба-ХIирийчу яхначу нохчийн маслаIатан тобан аьтто белира йийначуьн гергарчаьрца бертабаха. Стохка Охан-баттахь Нохчийчохь йийра хIирийн яхархо. Масийттазза цунна урс а диттина, Сунжа хи чу кхоьсинера оцу стага цуьнан дакъа. "Заводской кIоштан кхеле дIакхачийна 25 шо долчу жимчу стагна дуьхьал айдина бехкталламан гIуллакх. Иза бехкево Бехктакхаман кодексан... Читать дальше...

Нохчийчуьрчу Грозненск кIоштахь хиллачу некъан бохамехь велла кхо стаг, лазийна цхьаъ. Некъан полисхойн урхалло (ГИБДД) бина и хаам, яздо ТАСС агенталло. "ВАЗ-24 а, кир дIасакхоьхьу "Газель" микроавтобус а вовшахкхетта "Кавказ" олучу некъа тIехь. Жимачу машенчуьра кхо стаг велла, ткъа микроавтобусан урхалла дечунна а, цуьнца цхьана хиллачу зудчунна а чевнаш йина", - дийцина ГИБДД-ехь. Маршо Радионо шинаридийнахь хааме даьккхира, Грозненск кIоштахь дуьхь-дуьхьал кхеттачу машенашкара виъ стаг лазорах... Читать дальше...