Новости за 22.01.2019

Mash Телеграм-Канало хаам бина, Сургутера Москох доьдуш Ханты-Мансийскех охьахаийна кема лерринчу ницкъаша маьрша даьккхина хиларх лаьцна. Иза дадийна зуламхо лаьцна. Цу Телеграм-Канало видео арахецна, гарехь, кема маьрша доккхуш яьккхина йолу.

Дагестанан Iедалан векална а тIе а тевжаш, «Дербент» агенталло бинчу хаамца, ХIинжа-ГIалахь хиллачу Нохчийчоьнан а, Дагестанан а Iедалийн векалийн кхеташо хьалхара цхьаьнакхетар дара белхан комиссин. Цуьнан Iалашо ю Нохчийчоьнан а, Дагестанан а доза билгалдаккхар. Барт баран комиссин декъашхой муьлш бу цкъачунна хууш дац. Хьалхо Маршо Радионо хаам бина ма хиллара, белхан визитца шинарин дийнахь ХIинжа-ГIала веана Нохчийчоьнан парламентан спикер Даудов Мохьмад.

Оьрсийчоьнан антитерроран комитето хаам бина, Ханты-Мансийскехь охьахиъна кема дадийна стаг цу чохь вуьсуш ву, лаьцна вац аьлла. Кеманчохь вуьсуш ву верриг а аэробусан 70 некъахо, хаам бо ТАСС агенталло. Царна юкъахь бераш а ду. Кеманан портехь кхоьллина оперативан штаб. Ханты-Мансийскан аэропорте тIеозийна ю цIеххьана хаьл хIоьттича оьшуш йолу сервисаш. Полицино гоне лаьцна аэропортан гIишло. "Интерфакс" бинчу хаамца, 41 шо долчу ОЬрсийчоьнан вахархочо тIедожийна пилоташна "Аэрофлотан" кема ОвхIанистане дIадахийтар. Читать дальше...

Пенси боьлху хан кхаьчнарш, аьлча а, пенси ваха 5 шо, я кхин а кIезиг хан йисина нах бахьана доцуш балхара дIа ца бахийта, терго латто буьйлабелла оьрсийн Iедалхой. Къинхьегаман, социалан хьелаш кхиоран министараллан куьйгакIеларчу бахархой мукъа ца хилийтаран центрашка ГIадужу-баттахь дуьйнна болх лучара хIора кварталехь информаци кхачо еза царех: маса ву ишта пенсхо, церан хенаш билгал а йохуш. ГIадужу-беттан 3-чохь Оьрсийчоьнан президенто Путин Владимира куьйгяздира, бахьана а доцуш, пенси ваха... Читать дальше...

Нохчийчоьнан парламентан гIантда Даудов Мохьмад белхан визитца кхаьчна Дагестанан коьртачу гIала ХIинжа-ГIала. Цунах лаьцна хаам бина "Нохчийчоь тахана" агенталло. Даудов къамел дан дагахь ву Дагестанан Халкъан гуламна хьалха. Цхьаболчу хаамашца, визитан Iалашо ю шина республикан административан доза билгалдаккхуш маслаIатан комисси кхолла.   "Нохчийчоь тахана" агенталло яздарехь, цкъачунна хууш дац Даудов Дагестане вахаран бахьана.

Нохчийчуьрчу "Грозный" телевизионан куьйгалхочо Дудаев Ахьмада харцдина шаьш нахе бехк цабиллар дехийта леррина рубрика кхоьллина бохург. Официалан кепара дIахьедар до ша аьлла цо, иза данне а бакъ ца хилар. Дудаевс чIагIдарехь, нохчийн телерадиокомпанин куьйгаллан "хилла а яц, цкъа а хир а яц цу кепара рубрика кхолла планаш". Нохчийчоьнан Iедалш кийча ду республикерчу телевизионехь а, газеташкахь а нахе бахархой къинтIера бахийта рубрикаш кхолла аьлла "Говорит Москва" радион эфирехь дIахьедар динарг вара меттигера зарбанан а... Читать дальше...

"Газпром межрегионгаз Грозный" компанино аппеляцин латкъам бина Нохчийчуьрчу кхело 9 миллиард сом декхар дита ша декхарелахь еш сацам барна. Дечкен-беттан 16-чохь Нохчийчоьнан прокуратуро хаам бира, кIоштан кхелан сацамца 9 миллиард сом декхар дитина республикехь ягийначу газах аьлла.  ТIаьхьо Оьрсийчоьнан цхьамогIа регионийн депутаташа прокуратуре кехаташ яздина, Нохчийчохь санна шайн бахархошна а газах гулделла декхар дитар доьхуш. Цу тайпа кехаташ яздина низамаш лардечу органашка Чувашехь а... Читать дальше...

Хьонка баккха хьуьнха вахана 17 шо долу Барахоев Iимран вайнера Дечкен-беттан 20-чу сарахь. Иза лаха арабевллачу орцанхошна а, полисхошна а де-буьйса даьлча карийна иза Мужичи эвлан йистехь сарахь 7 сахьт даьлча. И эвла гена йоццуш Iуьллуш ю хьонка боккхуш Барахоев тилвеллачу меттигана хаам бо "Интерфакс-Юг" агенталло. Болчу хаамца, кхиазхо кIелхьарваьлла жима-тIама когаш-куьйгаш а дахьийна. Лоьраша дийцарехь, цуьнан могашаллана кхераме долуш хIумма а дац. Кхиазхо лохуш дакъалоцуш хилла 100 сов стаг.

Михальченко Лидия. Кавказ.Реалии Соьлжа-ГIаларчу автономин коммерцица йоьзна йоцчу "Зударий кхиамехьа" ("Женщины за развитие") организацехь "Сатийсар" ("Надежда") цIе а тиллина, кризисан центр схьайиллина. Церан Iалашо ю, дахарехь хала мур тIехIоьттинчу зударшна а, берашна а шайн кхерчахь йовхо яла.  Президентийн грантийн Фондо аьтто бина и проект юьхьаръерзош аьлла организацин куьйгалхочо Базаева Липхана. Къинхьегаман а, дешаран, Iилманан а, могушаллин министраллийн а, берийн бакъонаш ларъечу... Читать дальше...

Низамаш лардон органаша лоьхуш хилла жима стаг лаьцна Нохчийчохь чоьхьарчу гIуллакхийн министраллан урхаллан бехктакхаман лехаман урхаллан белхахоша. Иза ву 1991-чу шарахь вина Гикало эвлара вахархо. Иза лехаме велла хилла Ставрополерчу номер 1 йолчу полицин декъо. Цу стагана бехке дуьллуш ду къола дар. Карарчу хенахь лоьхуш хиллачуьнгара кехат даьккхина цIера дIасавера вац аьлла. Таллам бу дIахьош.

Серноводскехь керла дарбанан хIусам ян сацам бина Нохчийчоьнан куьйгалхочо Кадыров Рамзана. Цунах лаьцна цо хаам бина хьажа-хIотта  цу эвла вахханчохь. Кадыровс дийцарехь, керлачу поликлиникехь хIоттор бу кхузаманахьлера гӀирс. Нохчийчоьнан куьйгалхочуьнан дешнашца, хин йолу поликлина хир ю кхузза тIекъелйина хIусам, 60 дархо охьавижо а, цхьана дийнахь 150 стаг тIеэца аьтто а болуш. Кадыровс омра делла Нохчийчоьнан могашаллан министарна Сулейманов Эльханна керлачу поликлиника оьшуш йолчул а алсам сиха лоьрийн гIо кхачоран машенаш ло аьлла... Читать дальше...

Кхушара ХьаьжцӀа боьлхучу нехан терахь алсамдаккхар дехна Нохчийчоьнан муфтийс Межиев Салахь-Хьажас СаIудийн Iаьрбийн пачхьалкхан Iедалшка. Цунах лаьцна Межиевс хаам бина Нохчийчоьнан куьйгалхочуьнца Кадыров Рамзанца шен хиллачу цхьаьнакхетарехь, хаам бо "Нохчийчоь тахана" агенталло. Межиевс бинчу хаамца, кхушара Оьрсийчуьра ХьаьжцӀа баха луучу нехан квота хIоттийна СаIудийн Iедалша 20 500 стаг. Муфтийс дийцарехь, цо дехар дина и терахь 5 эзарна алсамдаккхарх лаьцна. Цул сов СаIудийн Iедалша керла мах хIоттийна шолгIа а... Читать дальше...

"Газпром межрегионгаз Грозный" компанино дIахьедар дина, газахь билггал 9 миллиард сом декхар дита кхело ца аьлла шайга аьлла. Цунах лаьцна хаам бина ТАСС агенталло, цу компанин векална Амерханов Рустамана тIе а тевжаш. Амерхановс дийцарехь, кхело декхарелахь бина уьш догдохийла йоцу декхарш дита, амма ца хьахийна билггала ахчанан барам. Цунна хетарехь, 9 миллиард сом ахча хьехадаран бахьана хила мега "информацин юкъакхоссар". Хьалхо и терахь далийнера прокуратуро. Дечкен-беттан 16-чохь Нохчийчоьнан... Читать дальше...