Новости за 03.01.2019

ТIехаьрцинчу цIийнан бухахь бисина нах хьалабохуш йолийна операци йоьрзуш ю Магнитогорскехь. ТIаьххьара хиллачух официалан верси хIинца а кхайкхонза ю. Ишта Оьрсийчоьнан талламан комитето цхьана а кепара луш комментари яц,  кхо стаг а леш, "Газель" машен эккхийтарх а. Znak.com гIирсо, шайн ницкъаллийн структурашкарчу хьосташна тIе а тевжаш яздарехь, гIали чохь хилла ши инцидент цхьаьна юзу. Делахь а, официалехь информаци тIечIагIйина яцахь а, Znak.com  гIирсан къайлахчу сервисашлахь долчу хьосташа бакъйо динарг теракт хилла боху верси.

Шо карадеачхьана Оьрсийчохь некъан низамаш дохочу машенлелорхоша токху гIуданаш регионерчу некъан фондашка дIа а кхачош, некъаш тодан а, керланаш дахка а хьажор долуш ду. Пачхьалкхан Думан транспортан а, гIишлошъяран а комитетан декъехь волчу Афонский Владимира бина и хаам. Цо бахарехь, регионера некъан фондаш дIаюза а, доьхна некъаш юхаметтахIиттон а Iалашонца юкъадоккхуш ду и низам.

Журналист Хашогги Джамал вер талла долийна СаIуда Iаьрбийчохь. Бехкевен 11 стаг а, церан адвокаташ а бара ладегIаршкахь. Царех пхеанна бойуш кхел кхайкхор дехна. Туркойчуьрчу шайн белхан накъосташкара уликаш а, тоьшаллаш а кхачаре хьоьжуш бу СаIудера талламчаш. Шеконашца лецначаьрга бартхаттар ду дIахьош, яздо Bloomberg агенталло. The Washington Post газетан колумнист Хашогги Джамал вийра ГIадужу-беттан юьххьехь Истанбулерчу консулаллехь. ТIаьххьарчу шерашкахь Эр-Риядан Iедалхошна шога критика йора цо. Читать дальше...

Дахначу шарахь Парижерчу Лувр музейс рекорд хIоттийна. 10 миллион стаг чекхваьлла цуьнан хIусамашкахула. 25 процент лакхара ду гойту терахь, 2017-чу шарца дуьстича. Лувран директора Мартинез Жан-Люка динчу дIахьедарца, дуьненчуьрчу цхьана музейн дац цу кепара жамIаш. Доккхачу декъанна музей чохь хилларш кхечу пачхьалкхашкара нах бу – Iамеркан Цхьанатоьхначу Штаташкара а, Китайра а. Лувро кхул хьалха хIоттийра рекорд 2012-чу шарахь.  9,7 миллион стаг хилира цуьнан гIишло чохь. ХIетахь музейхь Исламан искусствон дакъа а диллина... Читать дальше...

Керлачу шеран буса Манчестерехь уьрсаца кхаа стагна чевнаш йина зуламхо ша цхьаъ хилла аьлла, Iорадаьккхина Британин полицино. Делахь а, Reuters агенталло хаамбарехь, полисхоша толлуш ду, хьаьнца уьйрашкахь хилла тIелеттарг. Официалехь терроран акт санна толлуш ду Манчестерехь дина тIелатар. ДIалаьцна ша зуламхо а. 25 шо долу жимстаг хилла иза. Психикаца проблемаш йолуш хила тарло тIелеттарг аьллера полицино. Могушаллина талламбан дарбан хIусаме хьажийна иза. ЦIерпоштан станцехь урс даьккхина... Читать дальше...

Шпионалла лелош хилла аьлла, оьрсийн Iедалша дIалаьцна, "Лефортово" олучу изолятор чохь латточу Уилан Полна тIевитина Iамеркан Оьрсийчуьра векал Хантсман Джон. Iамеркан пачхьалкхан департаментан пресс-секретаро бина и хаам.  Пачхьалкхан секретаро Помпео Майка кхааридийнахь дIахьедира, катоххий Уилан маьрша а ваккхий, иза лацаран бахьанаш шайна довзийта аьлла, Iамерко Оьрсийчоьнан Iедалшна тIедожорах. Байначу беттан 28-чохь Оьрсийчоьнан къайлахчу сервисаша лаьцна Уилан. "Шпионаж" аьллачу артиклца бехктакхаман гIуллакх долийна цунна дуьхьал. Читать дальше...

Магнитогорскехь чухаьрцинчу цIийнан херцаршлара 37 дакъа хьаладаьккхина. Царех 22-ннан чалхаш евзина церан гергарчарна. Челябинскан кIоштан орцан министраллан пресс-гIуллакххоша бина и хаам. Деллачу 6 берах кхоъ бен девзина дац. Орцанхоша белхаш кхи дIахьош бу. Дийцарехь, оцу петар чохь эккхийтар хуьлучу заманчохь кхин а диъ адам.  Орцан министраллан белхахоша чIагIдарца, херцарш луьстуш, нах лоьху болх еа рожехь дIахьош бу. Леринчу техникаца йовхо латтош ю херцаршна бухахь. Буьйсанна 20 градус шело лаьттар йолуш ю Магнитогорскехь. Читать дальше...