Новости за 05.01.2019

Гергарчу Малхбалера Оьрсийчу далийна бераш Москохарчу медицинан центрехь лоьрех чекхдаьхначул тIаьхьа, церан гергарчу нахе дIадигийтина аьлла, хаамбина Оьрсийчоьнан берийн омбудсмено Кузнецова Аннас. Нохчийчоьнан урхалхочун аппаратехь дIахьединера, оцу берашна психологан гIо оьшу аьлла. Маршо Радионо яздира, шайн наношца Иракъерчу набахтешкахь латтийна Оьрсийчуьра 4 шарера 15 шаре кхаччалц долу 30 бер Москох кхачорах. Кеманчохь цаьрца цхьана хиллера берийн омбудсмен Хирахматов Хьамзат а, Оьрсийчохь... Читать дальше...

Кху шеран беттан 1-чу дийнера 4-чу дийне кхаччалц Нохчийчохь 290 бер дина. Махкарчу хаамийн гIирсаша баржийна и хаам, могушаллин министраллан информацех пайда а эцна. Ишта республикан статистийн зерашца, Оьрсийчоьнан регионашлахь цхьана Нохчийчохь лахделла дац бераш дуьненчу довларан терахь.

Лос-Анджелесна гергарчу Торрансерчу гIалин боулинг-клубехь герзаш диттина 3 стаг вийна, 4 чевнаш йина аьлла,  хаамбина CNN телеканало. Хьалхо гIалин полицино дIахьединера "дуккха а нахана зенаш хилла" аьлла, амма билггал маса ву велларг, лазийнарг къайладьахьнера. Инцидентан цхьана тешо фейсбукерчу шен пенатIехь видео яьккхинера хиллачух. Цу тIехь гуш ву лаьттахь Iуьллуш цIех вуьзна стаг. The Los Angeles Times хьостане кхечу тешо дийцина, герзаш деттале хьалха цу клубехь дов дара доьдуш аьлла. Читать дальше...

Австралина гена йоцчу Сайпан гIайри тIехь 72 шо долу Оьрсийчоьнан вахархо лаьцна ФБР-о, яздо Saipan Tribune хьостано. Байначу беттан 29-чу дийнахь каравеана и стаг. Иза бехкево, кхечу пачхьалкхе йохка-эца йихкина хилла тIеман техника Оьрсийчу дехьаяккха гIортарна. Доккхачу декъанна, цуьнгахь хилла буса са гойту гIирсаш а, тепловизорш а. 2017-чу шарахь Флоридехь ордер елла хилла иза лаца. Оццу зуламна бехкевина, лаьцначу Оьрсийчоьнан кхечу вахархочунна Неведомый Владимирна набахтехь яккха 26 бутт хан тоьхна.

Къилба Корейн BTS "Love Yourself" группан филм-концерте билеташ дохкар сацийна Соьлжа-ГIалахь. "Киностар" кинотеатран Инстаграмерчу сайтехь бина и хаам. Карарчу беттан 26-чохь цхьа могIа Оьрсийчоьнан гIаланашкахь гайта лерина яра и кино. Хьалхо "оьздангаллин гIаролхоша" ХIинжа-ГIалахь дихкира "корейн гейх филм" гайтар. Цул тIаьхьа, шайн республикехь кино гайтар дихкича, Дагестанера Корейн группан фанаташ Соьлжа-ГIала баханера, цигарчу кинотеатрехь хьовса. Цигахь а дихкина хилла филм гайтар. ВКонтактерчу... Читать дальше...

Шен хенна кеманаш гIуьттучу аэропортийн тептарехь ю Москохара Шереметьево. 2018-чу шеран рейтинг зорбане йиллина OAG Aviation Worldwide аналитикан компанино. Рейтингехь аэропорташ екъна еа кепе. Коьртачарлахь лидер лерина Шереметьево. Уггар яккхийчу аэропорташлахь билгалъяьккхина Токиора Ханэда, кегийчарлахь ю Минскера аэропорт. Цул сонах цIераш яьхна, уггар а дурсечу авиакомпанийн а. Кхузахь лидер хаьржина Панамера Copa Airlines. Ишта Латвира airBaltic а, Катарера Qatar Airways а, Голландера KLMа. Читать дальше...

17 шарахь ОвхIанистанан Iедална а, тIалибашна а юкъахь лаьтта къийсам маслаIатца берзош дийцаршкахь шен пачхьалкх юкъара хир ю аьлла Туркойчоьнан президенто ЭрдогIан Реджепа. ГIажарийчоьнан премьер-министрца Хан Iимранца пIераскандийнахь цхьана хиллачу пресс-конференцехь вистхуьлуш ЭрдогIана дIахьедина, кхаа пачхьалкхан векалийн цхьанакхетар Истанбулехь Зазадоккхучу-баттахь хир ду аьлла. Хан Iимрана ша догйовха ву аьлла, хиндолчу дийцарша ОвхIанистане машар бохьург хиларх, хаамбо Associated Press агенталло. Читать дальше...

Дуьненаюкъарчу Amnesty International организацино динчу дIахьедарехь кхайкхамбина, нохчийн блогер Оьрсийчоьне дIалахь цунна тIехь ницкъбийр бу аьлла. Блогеран адвокато Полшин дозанхойн урхалле чукхачийна кехат, Абдурахмановна депортаци ца яр доьхуш. Нохчийчуьрчу полисхоша бехкево Тумсо Шемарчу даIишхошца воьзна ву бохуш. Блогеро чIагIдо, ша Шемахь хилла цахиларх, шена дуьхьал долийна гIуллакх махкарчу цхьана лакхарчу даржхочуьнца шен иккхина конфликт бахьана долуш ду бохуш. Полшин чоьхьарчу гIуллакхийн... Читать дальше...