Новости за 04.01.2019

Шемахь кеманца динчу тохаршкахь Оьрсийчуьра зуда а, бер а дийна аьлла, хаамбоина "Новости" агенталле Нохчийчуьрчу бакъонашларъярхочо Саратова Хедас. Цо бахарехь, Дейр-эз-Зор провинцерчу Аш-Шаафа эвлахь кемано бомбанаш тоьхна йийна Теркйистера 35 шо долу Ахъядова Хьава. Пхи йоI йисина цуьнан, уггар йоккхачун 12 шо, жимачуьн 1,5 бутт хан а йолуш. Иштта делла цу тохаршкахь Дагестанерчу Юзбекова Розин беран бер - 4 шо долу Халид а. "Нанна чевнаш йина цу кIентан, шолгIа Iумар цIе йолу кIант дийна висина",- дийцина Саратовас. Читать дальше...

Дахначу шарахь 1, 2 эзар экстремизме зуламаш дина Оьрсийчохь аьлла бу пачхьалкхан чоьхьарчу гIуллакхийн министраллан хаам. ТАСС агенталле урхаллан белхахоша дийцарехь, оцу зуламашна бехкеволу 800 стаг лаца ницкъ кхаьчна полисхойн. Дахначу шеран итт баттахь 1209 дина зулам чоьте эцна ницкъаллийн структураша, ткъа 2017-чу шарца дуьстича, 7,4 процентна лахара ду и терахь.

Урдунерчу паччахьца Iабдулла ШолгIачуьнца зIене ваьллачу Кадыров Рамзана дехар дина цуьнга нохчийн диаспоран векална Башир Мухьаммадна оьшу гIо латтор. Инарлан чинехь лаьттинчу ИсмаьIал аш-Шишани Мухьаммад Баширна йиттина байначу беттан тIаьххьарчу деношкахь, буьйсанна Заркъехь цуьнан хIусам чу а иккхина вевзашвоцчу зуламхочо. Бехке ву аьлла, шеконаш кхоллаелла шолгIачу дийннехь лецира полицино зуламхо. Маршо Радионо яздира, нохчийн диаспоран декъахочунна, инарлана, Урдунехь мэр а лаьттина, юьртбахаман... Читать дальше...

Нохчийн меттан къамелан дакъошлахь коьртачех долу цIердош 8 дожаде легало. Царех шолгIаниг ду Доланиг дожар

Iаьрбийн Эмираташкара хьоста: Кадыровс курдошна гIоьнна бIо хьажабойла а, Туркойчоьнна тохардеш гIолоцийла а лаьа Эланна Шемарчу курдошкахьа тIемаш бен болу ницкъ вовшахтохийтархьама оьшу Цхьаьнатоьхначу Iаьрбийн Эмиратийн куьйгалхошна шаьш Кадыровца кхобу зIе. Иза бакъдеш ду "Эмиратийн къайлахчу сервисан полковник" шех олучу цхьана Iаьрбийчо Твиттеран аккаунте хIоттийна йоза. "Полковникца" юкъарлонехь болчу твиттерхоша шеко ца юьту иза воккха хьаькам хиларх. Хьанна дуьхьал хир бу курдойн и тIом, ца дуьйцу авторо. Читать дальше...

1864-чу шеран Дечкен-беттан 3-чу дийнахь, нийсса 155 шо хьалха, оьрсийн администрацино лаьцна, маках а ваьккхина, Вологодск-кIоштарчу Устюжна гIала "даиманенна" дIавахийтина Нохчийчохь а, ГIалгIайчохь а, Дагестанерчу Iаьндахь а къадирийн тIерикъат даржийна устаз Кишин Куньа-Хьаьжа. Цуьнца цхьаьна а, цул тIаьхьа а дукха лецна цуьнан вирдавежарий а. Шайх Сибрех хьажор а, "кIайлавалар" а дагалоцуш зикарш дира сагIанаш дехира Нохчийчохь еарийдийнахь.

Оьрсийчоьнан премьер-министро Медведев Дмитрийс къобалйина, пачхьалкхан сайтехь зорбане яьккхинчу программица а догIуш, 159 миллион сом хьажор Нохчийчоьнна молханашна лерина. Пачхьалкхан регионашна аьлла, Федералан бюджетере билгалдаьккхина 2019-чу шарахь 31 миллиард сом. Оцу ахчанна медицинан молханаш а, кеп-кепарчу заьIапхошна шайнна лерина дарбане кхача а латтор бу.

Оьрсийчохь дIаяьхьначу конкурсашкахь дакъалаьцначу шинна Мерседес автомобилаш елла совгIатна Кадыров Ахьмадан цIарахчу фондо цхьана кIиранчохь. Уггар дукха дотацеш кхочучу Нохчийчуьрчу бахархоша билгалдоккху къийсадаларшкахь толам баьккхинарш хьакъ долуш хилар, амма цара емалдо махкарчу Iедалша оццул деза совгIаташ дIасадекъарна. Кху шарахь "Голос" проектан финале ваьлла Нурадиловн цIарахчу театран актер, филармонин белхахо Умаев Iамирхан. "Нохчийн халкъан артист" аьлла цIе а туьллуш, Мерседес машен елла цунна совгIатна аьлла... Читать дальше...

Деркач Анвар "Вайфондан" векал – Оьрсийчуьра нохчий къелхьарабахарх лаьцна 2017-чу шарахь дуьйна йовза йоьлла нахана сагIадаран юкъаралла "Вайфонд" (Швеци). Цуьнан коьрта Iалашо ю Нохчийчуьрчу мухIажиршна гIодар. Оьрсийчоьно хьийзош болу нах дуьххьара шен лаьтта тIе буьссу мохк бу Украина. Къилбаседа Кавказерчу мухIажиршна дечу гIоьнах а, иштта, "Вайфондан" Iалашонех а, гIайгIанех а лаьцна "Кавказ.Реалиига" дийцира оцу юкъараллин Украинерчу векало Бондаренко Татьянас. Нах чалтачийн карара бахар   - Маца евзина хьуна "Вайфонд"... Читать дальше...

Iамеркан эскарш Шемара арадаккха долийна. Newsmax телеканална еллачу интервьюхь бина и хаам пачхьалкхан секретаро Помпео Майка. Эскарш арадахаран раж ца йовзийтина цо, информаци мостагIчух дIакхетийта ца лаарна. Юккъерчу Малхбалехь хьал тодархьама хьалха а санна гIулчаш яха Iалашо ю Iамеркан президентан Трампан аьлла, тIетоьхна Помпеос. Ишта "Исламан пачхьалкх" шех олучу тобанхошна а, Димаьшкъана гIо латточу ГIажарийчоьнна а дуьхьал Цхьанатоьхначу Штаташа кампани кхин дIа а хьор хилар хоуьйтуш. ... Читать дальше...

Магнитогорскехь охьахаьрцинчу цIийнан херцаршлара 39 дакъа хьаладаккха аьтто хилла орцанхойн. ГIалин администрацин пресс-гIуллакххоша бина и хаам. Тахана лаьтте кховдор бу белларш. Магнитогорскерчу а, Челябинскерчу а, Москохарчу а дарбан хIусамашкахь Iуьллуш ву лазийн пхи стаг, шайлахь 11 бутт болу бер а долуш. 35 сахьт хан яьккхина цу беро херцаршлахь. Мосокхарчу клинике кхачийна и кIант, кхерамечу мIаьргонех хьалхаваьлла лору иза лоьраша. Байначу беттан тIаьххьарчу дийнахь 10-зза тIекIелдинчу цIийнан цхьа подъезд чуйоьжнера эккхийтар хилла.

Масех сахьтехь полисхоша Къилба ХIирийчуьрчу постехь (КПП) латтош ду шаьш, лерина машенах хьовса деза бохуш, амма мича бахьанашца шеко кхоллаелла хоуьйтуш дац. Ишта латкъамбина лаьцна латточачарех цхьаммо Мазаева Маликас. 31 шо долчу Соьлжа-ГIалин яхархочо бахарехь, еарин буса 10 сахьт даьллачу заманчохь шен цомгашцу ненаца а, вешица а, йишица а, несаца а БуьритIе чу вуллучуьра "Вильнюс" олучу постехь сацийна лаьтта уьш. Гуьржийчу садаIа боьлхуш хилла доьзал. "Тхо совца а дина, кехаташка хьоьвсира полисхой. Читать дальше...