Новости за 30.10.2021

(Чүпрәле, 30 октябрь, « Туган як », Гөлия Фәизова). 28-29 октябрь көннәрендә Болгар шәһәрендә Татарстан Республикасы муниципаль хезмәткәрләренең волейбол буенча ирләр командалары арасында (3 төркем) Спартакиада ярышлары узды. Ярышларда 15 команда катнашты. Уен нәтиҗәләре буенча 1 урынны Чүпрәле районы командасы алды. Команда составында район башлыгы Марат Гафаров та уйнады. 2 урынны Чирмешән районы, 3 урынны Әтнә районы командалары яулады. Спас муниципаль районы башлыгы Ф.В. Мөхәммәтов һәм Татарстан... Читать дальше...

(Казан, 30 октябрь, «Татар-информ»). Коронавируска каршы прививка ясаткан кешеләр «дельта» штаммы булганда хәтер күзәнәкләренең эшләп өлгермәве аркасында авырырга мөмкин. «Прививка ясаткан кешеләр дә авырый, чөнки „дельта“ штаммы булганда хәтер күзәнәкләре эшләп өлгерми. „Дельта“ штаммы күзәнәкләр белән бәйләнеш характерын үзгәртте һәм күзәнәкләр эчендә „яши“. Антитәнчекләр аз булганда вирус күзәнәкләр эченә керергә өлгерә», — дип аңлатты Гамалея исемендәге Эпидемиология һәм микробиология тикшеренү үзәге директоры Александр Гинцбург. Читать дальше...

(Чирмешән, 30 октябрь, «Безнең Чирмешән », Марат Гомәров). Чирмешәндә өч бала үстерүче Екатерина һәм Александр Волковлар гаиләсенә «Татнефть» җәмгыяте генераль директорының социаль үсеш буенча урынбасары Рөстәм Мөхәммәдиев яңа йорт ачкычы тапшырды. «Татнефть» җәмгыятенең авыл җирлегендә торак төзү программасы кысаларында Чирмешәндә 12 шундый торак төзелә. Анда нефтьчеләребез яшәячәк. Ә аерым йортың булу — зур бәхет инде ул. Гомумән, безнең компания халыкка һәм үз хезмәткәрләренә күп төзи. Төзүчеләргә... Читать дальше...

(Әлмәт, 30 октябрь, « Әлмәт таңнары »). Урсалада һәм Азнакай районының Мәлбагыш авылында агачлар утырттылар. Үсентеләр арасында ТР Президенты Рөстәм Миңнеханов һәм «Татнефть» генераль директоры Наил Маганов утыртканнары да бар иде. Үсентеләр үсешен онлайн күзәтергә мөмкин. Триплоидлы усак Татарстанның көньяк-көнчыгышында укучылар тарафыннан «Татнефть» төзегән биолабораторияләрдә үстерелә. Нефтьчеләр мәктәпләргә акча эшләү мөмкинлеге биреп, мәктәпләрдән агачлар сатып алалар. Мондый сорт тиз үсә... Читать дальше...

(Казан, 30 октябрь, «Татар-информ»). Түбән Новгород өлкәсенең « Туган як » газетасында Ринат Сөннәтовның төбәктәге фермерлар турында язмасы чыкты. Безнең якларда бәрәңгегә зур ихтирам белән карау бер дә гаҗәп түгел. Авыр елларда халыкны ачлыктан нәкъ менә «икенче икмәк» саклап калган. Авылда гына түгел, кечкенә шәһәрләрдә дә бәрәңгене ел саен хәлдән килгәнчә утыртырга тырышалар. Һәр шәхси хуҗалыкта диярлек июль башлану белән бәрәңге басулары ап-ак чәчәккә күмелә. Интернет магълүматләре буенча... Читать дальше...

(Казан, 30 октябрь, «Татар-информ»). 30 октябрьдән Татарстан Милли китапханәсенең эш тәртибенә үзгәрешләр кертелә. Китапханәнең рәсми сайтында хәбәр ителгәнчә, 30 октябрьдән 7 ноябрьгә кадәр китапханә гадәти тәртиптә эшли: кергәндә температураны үлчәү һәм битлекләр кию мәҗбүри. 30 октябрьдән 7 ноябрьгә кадәр китапханәдә чаралар узмаячак. 15 ноябрьдән башлап китапханәгә Covid-19дан вакцинация узу сертификатының QR-коды буенча гына кереп була. Битлекләр кию мәҗбүри булып кала, диелә хәбәрдә.

(Казан, 30 октябрь, «Татар-информ», Рузилә Мөхәммәтова). «Әкият» татар дәүләт курчак театры яңа бинасының зур сәхнәсендә беренче тапкыр татар телендә зур форматлы спектакль чыгарды. Нәкый Исәнбәтнең «Мырау батыр» әкияте буенча спектакльне театрның сәнгать җитәкчесе Илгиз Зәйниев сәхнәләштергән. Инсценировка авторы да ул үзе. Куючы рәссам — Екатерина Спиридонова. Композитор — Миләүшә Хәйруллина. Хореограф — Сәлимә Әминова. Спектакльдә театрның татар төркеме артистлары уйный. Мырау батыр курчагы театрның яшь артисты Нияз Садыйковка тапшырылган. Читать дальше...

(Казан, 30 октябрь, «Татар-информ», Эльза Кузнецова). Яшел Үзән районы башлыгы Михаил Афанасьев Зур Ачасыр авылында йортлары янган күп балалы гаиләгә тиешле ярдәм күрсәтергә йөкләмә бирде. Әлеге гаиләнең йорты узган төндә янган, дип хәбәр ителә Яшел Үзән районының матбугат хезмәтендә. «Күп балалы гаилә янгыннан соң йортсыз калды. Өй, мунча, хуҗалык корылмалары янып көлгә әйләнде. Район башлыгы зыян күрүчеләргә ярдәм итүдә шәхсән катнашты, аларга кирәкле бөтен әйберне дә алып киләчәкләр», — ди Яшел... Читать дальше...

(Казан, 30 октябрь, «Татар-информ», Гөлия Хәсбиуллина). Бүген Казанның «Ак Барс» хоккейчылары Чиләбе шәһәренең «Трактор» командасына 5:0 исәбенә җиңелде. Матч Чиләбедә узды. Әлеге уенда «Трактор» командасы составында 2018 елда, «Ак Барс»та уйнап, Гагарин Кубогын җиңгән капкачы Эмиль Гарипов, һөҗүмче Владимир Ткачёв һәм сакчылар Альберт Яруллин белән Роман Манухов бозга чыкты. Эмиль Гарипов, Владимр Ткачёв, Альберт Яруллин — Казан хоккей мәктәбе шәкертләре. Беренче икесенең «Ак Барс»ка каршы уйнаганнары бар иде... Читать дальше...

(Казан, 30 октябрь, «Татар-информ», Эльза Кузнецова). Чаллыда күпфатирлы йортта газ шартлауда зыян күргән кешеләргә ярдәм итү өчен 700 мең сум акча җыелган. «Кичә иртән 700 мең сум чамасы акча зыян күргән кешеләрнең счетына күчерелде. Шәһәр советының күпчелек депутатлары миңа инициатива белән мөрәҗәгать итте. Партиядәге һәм шәһәр советындагы коллегаларымның инициативасын хупладым. Алар беренчеләрдән булып шәхси акчаларын счетка күчерә башлады», — дип сөйләде Чаллы мэры Наил Мәһдиев күчмә киңәшмә вакытында. Читать дальше...

(Казан, 30 октябрь, «Татар-информ»). Татарстан Президенты аппараты җитәкчесе Әсгать Сәфәров республиканың субъектлардагы вәкилләре белән 2021 елгы җанисәпкә багышланган онлайн-киңәшмә уздырды, дип хәбәр итә Татарстан Республикасының Россиядәге Тулы вәкаләтле вәкиллегенең матбугат хезмәте. Киңәшмәдә Татарстан Премьер-министры урынбасары, Бөтендөнья татар конгрессының Милли шура рәисе Васил Шәйхразиев, Татарстанның Башкортстандагы, Санкт-Петербургтагы һәм Ленинград өлкәсендәге, Свердловск өлкәсендәге даими вәкилләре дә катнашты. Читать дальше...

(Казан, 30 октябрь, «Татар-информ», Рузилә Мөхәммәтова). Татарстан Президенты каршындагы Татар телен саклау һәм үстерү мәсьәләләре комиссиясе ярдәме белән үткәрелгән Татарстан Республикасының заманча драматургиясен һәм театр сәнгатен үстерүгә багышланган конкурсында җиңеп грант алган проектларның беренчесен Чаллы театры тәкъдим итте. «Капка» спектаклен сәхнәгә Айгөл Әхмәтгалиеваның шул исемдәге пьесасы буенча театрның сәнгать җитәкчесе Олег Кинҗәгулов куйган. Касыйм ролен театр артисты Разил Фәхретдинов башкара. Читать дальше...

(Казан, 30 октябрь, «Татар-информ», Полина Шевчук). Истанбул — Казан рейсы пассажирының самолет бортында хәле начарланган. «Татар-информ» агентлыгына билгеле булганча, самолет төшеп утыруга ук, пассажирны табиблар хастаханәгә алып киткән. Агентлык мәгълүматлары буенча самолет расписание буенча туктаган.

(Казан, 30 октябрь, «Татар-информ»). Бүген Татарстан Премьер-министры урынбасары, Бөтендөнья татар конгрессы Милли Шура рәисе Васил Шәйхразыев Новосибирск шәһәрендә Татар мәдәнияте йорты ачылышында катнаша. Тантанага килүчеләр арасында шулай ук Новосибирск өлкәсе губернаторы урынбасары Ирина Мануйлова, Новосибирск шәһәре мэры вазифаларын башкаручы Геннадий Захаров, биредә эшләп килүче татар оешмалары җитәкчеләре бар иде дип хәбәр итә Бөтендөнья татар конгрессы . Тантана «Мирас» ансамбле башкаруындагы «Себер» җыры белән башланып китте. Читать дальше...

(Казан, 30 октябрь, «Татар-информ»). Бүгенгә Татарстанда олы яшьтәге халыкның яртысы коронавируска каршы вакцинация узган. План буенча барлыгы 2,4 млн чамасы кеше прививка ясатырга тиеш. «Бүгенгә республикада олы яшьтәге халыкның нибары яртысы гына вакцинация узган. 80 процентка җиткерү өчен безгә тагын миллионга якын кешегә прививка ясатырга кирәк. Әгәр көненә 30 мең прививка ясату темпын саклап кала алсак, декабрьгә бу бурычны уңышлы гына хәл итә алачакбыз», — диде Кулланучы хокукларын яклау... Читать дальше...

(Казан, 30 октябрь, «Татар-информ», Рузилә Мөхәммәтова). Минзәлә театры Федор Достоевскийның «Преступление һәм наказание» романы буенча «Җинаять һәм җәза» спектаклен чыгарды. Театр әлеге спектакль буенча зур гастрольләргә йөрергә, өлкән класслардагы һәр мәктәп укучысы һәм студентына барып җитергә хыяллана. Илсур Казакбаев тарафыннан Минзәлә театрында куелган «Җинаять һәм җәза» спектакле — әлеге романның татар телендә беренче куелышы. «Илсур Казакбаевның әлеге әсәргә яңача карашы спектакль карарга килгән яшь буынны кызыксындыра алды. Читать дальше...

(Казан, 30 октябрь, «Татар-информ», Сергей Гаврилов). Казанның Су спорты төрләре сараенда Йөзү буенча дөнья кубогы ярышларының икенче көненнән соң Россия җыелма командасы алдынгы булды. Әмма дөнья рекордын Австралия спортчысы куйды. Россиялеләр өч алтын, алты көмеш һәм тугыз бронза медаль яулады. Россиянең төп көндәшләре –австралиялеләр өч алтынга, бер көмеш һәм бер бронзага ия булды. 100 метрга ирекле йөзүдә дөнья рекордын австралияле Кайл Чалмерс куйды. Ул 13 ел элек француз Амари Лево куйган рекордны уздырды. Читать дальше...

(Казан, 30 октябрь, «Татар-информ», Рузилә Мөхәммәтова). «Китап» радиосының «Мин матурлык эзләп йөрим» дип исемләнгән автомарафонында катнашучылар Туймазы халкына үзләрен җылы каршылаган өчен рәхмәтләрен җиткерде. «Таяну ноктасы» телетапшыруы кысаларында Казан — Уфа — Казан маршруты белән үткән «Мин матурлык эзләп йөрим» дип исемләнгән автомарафон вакытында килеп чыккан кайбер көтелмәгән хәлләргә нәтиҗәләр ясалды. Бу катнашучыларың Башкортстанның кайбер районнарына кертелмәвенә бәйле. «Безнең маршрутыбыз әзер иде. Читать дальше...

(Казан, 30 октябрь, «Татар-информ»). Узган тәүлектә Татарстанда коронавиурсның 176 яңа очрагы теркәлгән. Дүрт кеше вирусны республикадан читтә, калганнары аралашу юлы белән йоктырган. «40 кеше хастаханәдә, 136 кеше өйдә дәвалана», — дип хәбәр иттеләр республиканың Сәламәтлек саклау министрлыгында. Авыручыларның иң күбе (108 кеше) Казанда булган. Чаллыда 28, Түбән Кама районында 10 кеше авырган. Лаеш һәм Тукай районнарында дүртәр, Биектау, Лениногорск районнарында өчәр, Алабуга, Зәй, Яшел Үзән һәм Минзәлә районнарында икешәр очрак теркәлгән.

(Казан, 30 октябрь, «Татар-информ», Рузилә Мөхәммәтова). «Китап» радиосының «Мин матурлык эзләп йөрим» дип исемләнгән автомарафонында катнашучылар «Таяну ноктасы» телетапшыруы кысаларында әлеге акциянең максаты һәм ни өчен аның башкарып чыга алмаулары турында сөйләделәр. Татарстан һәм Башкортстан республикаларындагы 18 шәһәр һәм район үзәгендә булырга тиешле марафон Башкортстанның кайбер районнарына кертелмәде. Бу вакыйгалар ике республика арасындагы мөнәсәбәтләр мәсьәләсендә сораулар тудырды. «Бурычларның максаты ... Читать дальше...

(Казан, 30 октябрь, «Татар-информ»). Камал театрның матбугат хезмәте хәбәр иткәнчә, 15 ноябрьдән театрга QR-код белән генә керергә мөмкин булачак.  Татарстан Министрлар Кабинетының 28.10.2021 ел, № 1006 карары нигезендә, 30 октябрьдән Камал театры штатлы режимда эшли. Афишада күрсәтелгән барлык спектакльләр дә була.  «Ишек төбендә озын чират җыелмасын өчен спектакльләргә алданра килүегезне сорыйбыз. Сезнең аңлавыгызга өметләнәбез һәм спектакльләрдә көтеп калабыз. Үзегезне һәм якыннарыгызны саклагыз», диелә хәбәрдә.

(Казан, 30 октябрь, «Татар-информ»). Бүген Новосибирск шәһәрендә өлкә татар милли-мәдәни автономиясе оешуга 25 ел тулу уңаеннан «Без бергә!» дигән юбилей концерты уза. Тантаналы чарада Татарстан Премьер-министры урынбасары, Бөтендөнья татар конгрессы Милли шура рәисе Васил Шәйхразыев катнаша. Ул автономияне бәйрәме белән котлады. Чирек гасыр дәвамында туган телне, гореф-гадәтләрне саклау буенча алып барган эшчәнлекләрен югары бәяләде, дип яза Бөтендөнья татар конгрессы . 2010 елгы Бөтенроссия халык санын алу мәгълүматларына караганда... Читать дальше...

(Казан, 30 октябрь, «Татар-информ»). Татарстанда октябрь аенда эпидемиология вазгыяте гаять киеренке саклана. Сентябрь белән чагыштырганда, авыручылар саны ике тапкырга арткан һәм бер айда 3,5 меңгә җиткән.  «Узган елның октябренә караганда, быел октябрь аенда авыручылар өч тапкырга күбрәк. Бу республикада һәм гомумән илдә Һиндстан штаммы әйләнешенә бәйле, ул Британия штаммына караганда 2,5 тапкыр йогышлырак», — дип сөйләде Кулланучы хокукларын яклау һәм кеше иминлеге өлкәсендә күзәтчелек федераль... Читать дальше...

(Казан, 30 октябрь, «Татар-информ»). Бөтендөнья татар конгрессы ярдәме белән Бурятия татарлары автономиясе Усть-Кяхта чик буе шәһәрендә «Алмагачлар» дип аталган татар көнкүреше музей-утары төзи. Бөтендөнья татар конгрессы хәбәр иткәнчә, йортны борынгы татар традицияләре буенча төзиләр. Йорт 32-40 см диаметрлы себер наратыннан төзелә. Бу йортта «Алмагачлар» Татар мәдәнияте үзәге хуҗабикәләренә кунакларны һәм туристларны каршы алу өчен уңайлы шартлар булачак. Экскурсоводлар кунакларга 1937-1953 елларда... Читать дальше...

(Казан, 30 октябрь, «Татар-информ»). Вакцинациядән башка кешеләрнең сәламәтлеген һәм гомерен саклап калу авыр булачак, дип белдерде Татарстан Президенты Рөстәм Миңнеханов. «Вазгыять киеренке, әмма контрольдә. Без әлегә бераз тотрыклылык күрәбез. Бер тәүлектә 170-176 очрак теркибез. Әмма, кызганыч, кешеләрне югалтабыз», — диде республика Президенты Татарстанның Хөкүмәт йортында узган киңәшмәдә. Рөстәм Миңнеханов әйткәнчә, бүгенгә прививканың беренче компонентын 1 млн 556 мең кеше ясаткан. «Вакцина җитәрлек күләмдә. Читать дальше...