Новости за 06.10.2021

(Алабуга, 6 октябрь, «Татар-информ», «Алабуга нуры» ). Алабуга районы мәдәният учреждениеләре җитәкчеләре проектларны гамәлгә ашыру өчен өстәмә акча җәлеп итү турында фикер алышты. «Быел Мәдәният учреждениеләре, бизнес, коммерциячел булмаган оешмалар үз проектларын алар җирлегендә мәдәниятне үстерүгә бирә алган мәдәни инициативалар Президент фонды оештырылды. Без заявкалар булдырырга, мәдәният хезмәткәрләренең фикерләвен үзгәртергә ярдәм итү максатыннан килдек», − дип уртаклашты Россия яшьләре проектларының... Читать дальше...

(Казан, 6 октябрь, «Татар-информ»). Россия хөкүмәте Россия төбәкләрендә һәм Байконурда амбулатор дәвалануны уза торган коронавирус йоктырган пациентлар өчен дарулар сатып алуга 5 155 953,4 мең сум акча бүлеп бирәчәк. РФ Премьер-министры Михаил Мишустин имзалаган карар хокукый мәгълүматның рәсми порталында чыкты. Документ нигезендә, акча Министрлар Кабинетының резерв фондыннан бүлеп биреләчәк. Аларны куллануны Россия Сәламәтлек саклау министрлыгы контрольдә тотачак.

(Казан, 6 октябрь, «Татар-информ»). Бүген Мәскәүдә 1978 елдан 1983 елга кадәр ТАССР эчке эшләр министры вазифасын биләгән генерал-лейтенант, 1983 елдан 1991 елга кадәр — СССР Эчке эшләр министрлыгы башлыгы урынбасары һәм Социалистик милекне урлауга каршы көрәш бүлегенең баш идарәсе башлыгы урынбасары Николай Демидов вафат булды. Татарстан җитәкчелеге аның үлеме белән бәйле кайгы уртаклашу белдерде. «Николай Демидовның тормыш юлы зур ихтирамга лаек. Катлаулы һәм зур бурычларны хәл итәргә туры килгән... Читать дальше...

(Казан, 6 октябрь, «Татар-информ»). Иртәгә Татарстанда болытлы һава торышы була, явым-төшем көтелми. Төнлә республика буенча һава температурасы -5 градуска кадәр төшә. Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр иткәнчә, көндез һава температурасы +8.+13 градус торачак. Шулай ук синоптиклар 7 октябрьдә уртача тизлектә җил фаразлый.

(Казан, 6 октябрь, «Татар-информ»). Узган тәүлектә Татарстанда коронавирус инфекциясеннән дүрт үлем очрагы расланган. Шулай итеп, пандемия вакытында республикада 774 кеше ковид корбаны булган. Татарстан Сәламәтлек саклау министрлыгы хәбәр иткәнчә, 1959 елда туган хатын-кыз һәм 1940, 1954, 1964 елда туган өч ир-ат Covid-19 инфекциясеннән үлгән. «Татар-информ» агентлыгы хәбәр иткәнчә, узган тәүлектә Татарстанда коронавирус йоктыруның 73 очрагы ачыкланган.

(Казан, 6 октябрь, «Татар-информ»). Башкала парламенты РФ хөкүмәтенә төнлә тынлыкны бозган йөртүчеләр өчен җаваплылыкны көчәйтү турында закон проектын юллады. Бу турыда «Интерфакс»ка Мәскәү шәһәр Думасы рәисе Алексей Шапошников хәбәр итте. «Документ РФ Хөкүмәтенә җибәрелде», — диде Шапошников. Ул искәрткәнчә, бу очракта сүз РФ КоАПына үзгәрешләр кертү турында бара. 8 сентябрьдә Мәскәү мэры Сергей Собянин Мәскәү парламентына төнлә тынлык һәм тынычлыкны бозган өчен машина йөртүчеләргә җаваплылыкны... Читать дальше...

(Казан, 6 октябрь, «Татар-информ»). Кырым Республикасына эшлекле сәфәр кысаларында, ТР Премьер-министры урынбасары, Бөтендөнья татар конгрессы Милли Шура рәисе Васил Шәйхразыев милләттәшебез, Советлар Союзы Герое Гали Әхмәт улы Мәҗитов истәлегенә мемориаль такта ачылышы тантанасында катнашты. Истәлек тактасы Кырым Республикасы Ялта шәһәренең Гали Мәҗитов исемен йөртүче урамдагы йорт диварына куелды, дип хәбәр итә Бөтендөнья татар конгрессы матбугат хезмәте. Шулай ук, Мәҗитов урамыннан ерак түгел... Читать дальше...

(Казан, 6 октябрь, «Татар-информ»). Төбәкләр коронавируска каршы чараларны үзләре кабул итә, әмма локдаун игълан итү кирәкмәс иде. Бу турыда Россия Президентының матбугат секретаре Дмитрий Песков сүзләренә сылтама белән «Российская газета» хәбәр итә. «Пандемия шартларында барлык төбәкләр гадәттән тыш хәлләр вәкаләтләренә нигезләнеп, эпидемиологик вәзгыятькә карап, чараларны аерым кабул итәләр», — дип аңлатты Песков. «Төгәл чаралар кирәк, чөнки билгеле ысуллар эшләнгән. Теләсә кайсы төбәкләр өчен... Читать дальше...

(Казан, 6 октябрь, «Татар-информ», Полина Шевчук). Татарстанда гражданнар оборонасы буенча штаб тренировкасы узды. Өйрәнүләр сценарие буенча, «Казан мотор төзелеше җитештерү берләшмәсе»нә һавадан һөҗүм итү нәтиҗәдә предприятиенең 300 хезмәткәре хәрабәләр астында калган. 23 кеше үлгән, тагын 141 кеше имгәнгән. Янгын сүндерүчеләр һәм коткаручылар урында тикшерү үткәргән, янгынны ликвидацияләгәннәр һәм зыян күрүчеләрне эзләргә тотынганнар. Блокировкада калган корылмага кислород бирелгән, зыян күрүчеләрне хәрабәләр астыннан алганнар... Читать дальше...

(Казан, 6 октябрь, «Татар-информ»). Агач ташу өчен электрон рөхсәт документы булмаган кешеләргә 400 мең сум штраф каралган. Юлда тотылган броконьерларга шул сумманы түләргә кирәк булачак. Административ хокук бозулар турындагы Кодекска мондый төзәтмәләрне Экология һәм табигать ресурслары министрлыгында әзерләделәр. Документ норматив актлар проектлары турында фикер алышу порталында урнаштырылган. Агач әйләнеше өлкәсендә яңа мәҗбүри таләпләрне бозган өчен штраф суммасы 2013 елдан бирле гамәлдә булган... Читать дальше...

(Казан, 6 октябрь, «Татар-информ»). «Интертат» электрон газетасы «Гадел әңгәмә» дип аталган Ютуб-проект башлап җибәрде. Тапшыруга татар эстрадасы артистлары, блогерлар, җәмәгать эшлеклеләре чакырыла. Беренче кунак — блогер Рафис Атаказ. Ул үзенең балачагы, блогер булып танылуы, якын кешесен югалтуы турында сөйләде, татар дөньясына кагылышлы мәсьәләләргә карата фикере белән уртаклашты. «Гадел әңгәмә» тапшыруын «Татар-информ» журналисты Гадел Әхмәтҗанов алып бара. Беренче чыгарылышны сылтама аша кереп, карый аласыз.

(Казан, 6 октябрь, «Татар-информ»). Табиблар яшь пациентларда коронавирусның авыр нәтиҗәләре булуына борчыла. Бу хакта «Российская газета» хәбәр итә. Россия Сәламәтлек саклау министрлыгының һәм Федераль медицина-биология агентлыгының балаларда йогышлы авырулар буенча штаттан тыш баш белгече Юрий Лобзин «Вирусология көннәре-2021» Халыкара форумында сөйләгәнчә, ковид белән авырганда Кавасаки авыру симптомнары булган балалар саны арта. Санкт-Петерубргта Федераль медицина-биология агентлыгында елына 2-3 очрак теркәлгән... Читать дальше...

(Казан, 6 октябрь, «Татар-информ», Гүзәл Хөсәенова). Ел башыннан бирле татарстанлыларга ирекле рәвештә корал тапшырган өчен 570 мең сум акча бирелгән. Бу хакта «Татар-информ» мәгълүмат агентлыгына Росгвардиянең Татарстан буенча идарәсенең Лицензия-рөхсәт эше үзәге корал әйләнешен контрольдә тоту бүлеге башлыгы Рамил Камалиев сөйләде. «Әгәр дә кеше табылган коралны кулга алырга курка икән, аңа полиция хезмәткәрләрен чакыртырга кирәк. Алар килеп, корал табылу фактын теркәячәк һәм аны алачак», — дип сөйләде Камалиев. Читать дальше...

(Казан, 6 октябрь, «Татар-информ»). 8 октябрьдә Казанның Мәскәү районындагы кайбер йортларда вакытлыча су сүндереләчәк. Су бер тәүлектән соң — 9 октябрьдә иртәнге сәгать 9 да биреләчәк . Татарстан башкаласы мэриясенең матбугат хезмәте хәбәр иткәнчә, чаралар суүткәргечне кисеп ялгау өчен кабул ителә. Серов урамындагы 51нче йорт, Энергетиклар урамы буенча 1нче йорт, 1 корпус 2, 7 һәм 9нчы, 11/51 йортлар сусыз калачак. Әлеге йортларда яшәүчеләргә алдан ук су запасы җыярга кирәк, дип хәбәр итә «Водоканал». Читать дальше...

(Казан, 6 октябрь, «Татар-информ»). Казанның Совет районында экологлар кирпеч калдыклары чүплеген тапкан. Бу участок Себер тракты буенча урнашкан һәм сусаклагыч зона — Нокса елгасына кагыла. Татарстан Экология һәм табигать ресурслары министрлыгы белгечләре хәбәр иткәнчә, чүплек мәйданы 12 мең кв. метрдан артык, күләме 18 мең куб.метр тәшкил итә. Юридик затка карата «Су объектының яр буе яклау полосасыннан, су объектының су саклау зонасыннан хуҗалык һәм башка эшчәнлек чикләүләрен бозып файдалану»... Читать дальше...

(Казан, 6 октябрь, «Татар-информ»). Казан Россия җыелма командасының экс-футболчылары һәм блогерлар катнашындагы «Наши парни» автоузышының чираттагы ноктасы булды. Алар Махсус Олимпиада атлетлары булган үзенчәлекле интеллектуаль үсешле балалар белән инклюзив матч үткәрде. Казанга Дмитрий Сычев, Руслан Пименов, Динияр Биләлетдинов, Дмитрий Хлестов, шулай ук блогер Дмитрий Егоров килде. Алар балалар өчен мастер-класс үткәрде, алар белән футбол уйнады һәм автограф-сессия үткәрделәр. Матчта шулай ук... Читать дальше...

(Казан, 6 октябрь, «Татар-информ»). Газга бәяләр арту аркасында Европа базарларында барлыкка килгән буталчык әлеге проблемага җитди мөнәсәбәт булмау белән бәйле. Бу хакта Министрлар Кабинеты белән киңәшмәдә Россия Президенты Владимир Путин сөйләде.  «Европада ниләр булганын күрәсезме. Анда базарларда истерика һәм ниндидер буталчык! Ни өчен? Чөнки моңа җитди карамыйлар. Кемдер климат үзгәрешләре проблемаларында спекуляцияли, кемдер нәрсәнедер бәяләми, кемдер бу тармагына инвестицияләрне киметә башлый», — дип дәүләт башлыгы сүзләрен китерә ТАСС. Читать дальше...

(Казан, 6 октябрь, «Татар-информ», Рузилә Мөхәммәтова). Әтнә театры Дагыстан башкаласы Махачкалада үткәрелгән II Халыкара милли театрлар фестивалендә хәзерге заманның кискен проблемаларын талантлы рәвештә ачып биргән өчен дипломга ия булды. «Театрыбыз Дагыстан тамашачысына 29 сентябрьдә Рамил Фазлыев сәхнәләштергән „Ана күңеле… далада“ спектаклен тәкъдим итте», — дип хәбәр итә театрның матбугат үзәге. Фестиваль 28 сентябрьдән 5 октябрьгә кадәр үтте. Программада — Дагыстан, Төньяк Осетия, Карачай-Черкес... Читать дальше...

(Казан, 6 октябрь, «Татар-информ», Полина Шевчук). Социаль челтәрләрдә 45нче маршрутта хәрәкәт итүче автобусның фотолары чыкты. Анда транспортның тәрәзәләре ватылганы күренә. Шаһитлар сүзләренчә, билгесез кешеләр Адмиралтия бистәсе тирәсендә транспортка аткан. «Татар-информ» агентлыгына Татарстан Автотранспорт ассоциациясе рәисе Сергей Темляков хәбәр иткәнчә, белгечнең якынча нәтиҗәләре буенча автобуска пневматик пистолеттан атканнар. «Бу хәл белән полиция кызыксына. Автобус йөртүче полициягә гариза язган... Читать дальше...

(Казан, 6 октябрь, «Татар-информ»). Россия хакимияте коронавирус таралу аркасында локдаун игълан итмәячәк. «Гомумфедераль локдаун булмаячак дип ышанам. Федерация субъектларына килгәндә исә, алар төбәктәге вазгыятьне исәпкә алып карарлар кабул итә», — дип белдерде журналистларга Федерация Советы рәисе Валентина Матвиенко. Шулай ук ул илдә коронавируска каршы мәҗбүри вакцинация юк һәм була да алмый, дип белдерде. «Монда бары тик күпчелек халыкның ихтыяри карары, моның киләчәктә пандемияне тоткарлап... Читать дальше...

(Казан, 6 октябрь, «Татар-информ»). Татарстан Росреестры һәм Кадастр палатасы экспертлары өлкән кешеләргә күчемсез милеккә хокук рәсмиләштерү мәсьәләләре буенча бушлай консультацияләр үткәрәчәк. Сорауларны 7-8 октябрьдә Өлкәннәр декадасы уңаеннан кабул итәчәкләр. ТР Росреестры матбугат хезмәте хәбәр иткәнчә, коронавируска каршы чикләү чаралары гамәлдә булу аркасында, консультация республика буенча кайнар элемтә рәвешендә узачак. Гражданнар ни өчен күчемсез милекне теркәргә кирәклеге турында, милекне мошенниклардан ничек сакларга... Читать дальше...

(Казан, 6 октябрь, «Татар-информ»). Узган тәүлектә Россиядә 929 кеше коронавирустан вафат булган, бу пандемия башланганнан бирде яңа максимум булды. Оператив штаб хәбәр иткәнчә, Мәскәүдә 71, Санкт-Петербургта 55, Свердловск өлкәсендә 46 үлем очрагы теркәлгән. Кичә 895 үлем очрагы булган иде, пандемия башланганнан бирле барлыгы 212,6 мең кеше коронавирустан вафат булган. Узган тәүлектә Россиядә 25 меңнән күбрәк кеше коронавирус йоктырган, шул исәптән Татарстанда 73 кеше авырган.

(Казан, 6 октябрь, «Татар-информ»). Татарстан Президенты Рөстәм Миңнеханов республикада инвестицион климат булдыру буенча эшнең уңай булуын, әмма моның гына җитәрлек булмавын әйтте. Министрлар Кабинетында республиканың РФ субъектларының инвестицион җәлеп итүчәнлеге буенча илкүләм рейтингында катнашуы турында фикер алышканнан соң, Рөстәм Миңнеханов эшне яхшырту өчен цифрлы система булдырырга кирәклеген әйтте. Аерым алганда, ул документның яки карарның нинди этапта «тукталып» калганын күрергә мөмкинлек бирәчәк. Читать дальше...

(Казан, 6 октябрь, «Татар-информ», Эльза Кузнецова). Укытучылар, студентлар һәм экоактивистлар Казанда Рус-немец Швейцариясе паркы территориясендә Аграр университет студенты Илнур Хөснетдинов үстергән 50 төп нарат үсентесе утыртачак. Илнур «Дөнья яшьләре» экология клубы җитәкчесе, Казан Дәүләт аграр университетының урман хуҗалыгы һәм экология факультетында укый. Үз өендәге теплицада 200 төп гади нарат үсентесе үстергән. Студент сүзләренчә, орлыктан үсенте үстерү җиңел түгел. «Фәнни җитәкчем белән даими киңәшләшеп тордым. Читать дальше...

(Казан, 6 октябрь, «Татар-информ»). Татарстан Президенты Рөстәм Миңнеханов һәм «Яңа проектларны таныту буенча стратегик инициативалар агентлыгы» генераль директоры Светлана Чупшева инвестицион климатны яхшырту һәм эшмәкәрлеккә ярдәм итү буенча фикер алышты. «Светлана Чупшева эш сәфәре белән Казанга килде, ул республика икътисады үсешен тәэмин итү өчен эшлекле климатны яхшырту буенча Татарстан Министрлар Кабинеты утырышында катнаша», — дип хәбәр итә Президентның матбугат хезмәте. Очрашу республиканың Хөкүмәт йортында узган.