Новости за 08.10.2021

(Казан, 8 октябрь, «Татар-информ»). Түбән Каманың «Татнефть-поиск» эзләнү отряды вәкилләре Кырымда Хәтер вахтасында катнашып, сугыш вакытында һәлак булган Чиләбе кешесе Василий Архипович Ломановның җәсәден табалар. Бүген Василий Ломановның туганнары һәм Чиләбе хакимияте вәкилләренә  аның җәсәден тапшырдылар. 1942 елда Кырым Республикасының Владиславовка авылы янында һәлак булган Василий Ломанов тумышы белән Чиләбе өлкәсенең Кыштым шәһәреннән. Сугыш башлангач, шәһәрдә яшәүчеләр кебек үк, ул фронтка алына. Читать дальше...

(Казан, 8 октябрь, «Татар-информ»). Татарстанда томан төшәчәк, күз күреме 500 метр яки кимрәк булырга мөмкин. Татарстан Гидрометеорология һәм әйләнә-тирә мохитне күзәтү үзәге хәбәр иткәнчә, һава торышы болытлы һәм коры булачак. Җил көнбатыш һәм төньяк-көнбатыштан уртача тизлектә фаразлана. Төнлә һава температурасы -4.1 градус, урыны белән — 7 градус көтелә. Көндез +9.+14 градуска кадәр җылытачак.

(Казан, 8 октябрь, «Татар-информ»). Табиб һәм телетапшырулар алып баручы Александр Мясников көн саен кайнар аш ашамаска киңәш итте. Бу хакта аның сүзләренә сылтама белән РИА Новости хәбәр итә. Белгеч сүзләренчә, Япониядә ашар алдыннан җылы су эчәргә тырышалар, чөнки ул ашказаны согы бүлеп чыгарырга ярдәм итә. Табиб сүзләренчә, кайнар ашны абсолют файдалы ризык дип әйтеп булмый. «Ул тозлы, майлы, калорияле субстанция», — дип аңлатты ул. Шуңа күрә Мясников төшке аш вакытында аш ашауны мәҗбүри итеп куймаска киңәш итте. Читать дальше...

(Казан, 8 октябрь, «Татар-информ»). Уфада коронавирус белән бәйле вәзгыять аркасында киң күләмле күмәк чаралар һәм Республика көне уңаеннан бәйрәм фейерверкы гамәлдән чыгарылды. Бу хакта «Башинформ» яза. Билгеләп үтелгәнчә, планлаштырылган чараларның бер өлеше онлайн-режимда узачак. Бәйрәмгә багышланган тантаналы җыелыш ковидка каршы кагыйдәләрне үтәп узачак. «Татар-информ» мәгълүмат агентлыгы хәбәр иткәнчә, 11 октябрьдән Татарстанда коронавирус чикләүләрен катгыйландыру планлаштырыла.

(Казан, 8 октябрь, «Татар-информ»). Төмән китапханәсендә татар язучылары һәм фәнни эшлеклеләренең өлкә хөкүмәте ярдәме белән чыгарылган китапларын тәкъдим иттеләр. Яңа китаплар арасында себер татары шагыйрәсе һәм фольклорчысы Клара Кучковскаяның «Туганнар» хикәяләр җыентыгы, Россия Фәннәр академиясенең Себер бүлегенең Төмән фәнни үзәге Төньякны үзләштерү проблемалары институты өлкән фәнни хезмәткәре Гөлсифа Бакиеваның «Бөек Ватан сугышы геройлары» белешмәсе, «Төмән өлкәсендә мөселман берләшмәләре... Читать дальше...

(Казан, 8 октябрь, «Татар-информ»). Узган тәүлектә Татарстанда коронавирустан җиде кеше үлгән, алар арасында 1994 елда туган ир-ат та бар. «Үлем сәбәпләре патологоанатомик экспертиза нәтиҗәсендә ачыкланган. Вирус идентификацияләнгән», диелгән Татарстан Сәламәтлек саклау министрлыгы хәбәрендә. Шулай итеп, 1939, 1941, 1943, 1958, 1994 туган биш ир-ат һәм 1938, 1958 елда туган ике хатын-кыз Covid-19 корбаны булган. Пандемия башланганнан алып, Татарстанда 788 кеше коронавирустан үлгән.

(Казан, 8 октябрь, «Татар-информ»). РФ Иминлек советы рәисе урынбасары Дмитрий Медведев Россиядә коронавирус таралу тизлеге фонында вакцинация темпы җитәрлек дәрәҗәдә булмавын әйтте. Бу хакта аның сүзләренә сылтама белән «Российская газета» хәбәр итә. «Бүген илебез гражданнарын вакцинацияләү буенча киң күләмле мәгълүмати кампания кирәк. Монда төбәкләрдә булган иң яхшы тәҗрибәләрне кертергә кирәк», — диде Медведев. Хәзерге вакытта Россиядә коллектив иммунитет формалаштыру өчен кирәкле гражданнарның яртысыннан күбрәге прививка ясаткан. Читать дальше...

(Казан, 8 октябрь, «Татар-информ», Павел Климчак). Социаль челтәрдә Казанда Тукай урамында низаг вакытында билгесез кеше ир-атны юлга этеп чыгарган һәм аны автомобиль таптаткан. Тикшерү ачыклаганча, бу хәл 5 октябрьдә кич булган. Әлегә билгесез кеше 27 яшьлек ир-атны Skoda автомобиле тәгәрмәче астына эткән. Хәзер имгәнгән кеше хастаханәдә ята. «Үтерергә омтылу» маддәсе буенча җинаять эше кузгатылган. Хәзер тикшерүчеләр бу хәл килеп чыгу сәбәпләрен ачыклый, шулай ук ир-атны юлга этеп чыгарган кешене эзлиләр... Читать дальше...

(Казан, 8 октябрь, «Татар-информ», Зилә Мөбәрәкшина). Россия Герое, Мәскәү өлкәсендә двигателе сүнгән самолетны кукуруз басуына утырта алган очучы Дамир Йосыпов шул вакыйгаларга бәйле фильм төшереләчәген әйткән. «Мәскәү өлкәсендә кукуруз кырына А321 очкычын утырту белән бәйле вакыйгалар турында тулы метражлы нәфис фильм төшерә башлаячаклар. Минем белән танылган кинокомпания элемтәгә керде һәм без бу идеяне тормышка ашырырга карар кылдык. Мин консультант вазифасында булам. Фильмны 2022 елның җәендә төшерә башлыйлар. Читать дальше...

(Казан, 8 октябрь, «Татар-информ»). Татарстанда коронавирустан беренче прививканы 11 октябрьгә кадәр сәүдә үзәкләрендә ясатырга мөмкин. Татарстан Сәламәтлек саклау министрлыгы матбугат хезмәтендә мобиль вакцинация пунктларының эш тәртибен аңлаттылар. Казанда көн саен «Мега», «Южный» һәм «Парк Хаус» сәүдә үзәкләрендә иртәнге уннан алып кичке унга кадәр вакцинация узарга мөмкин. Шулай ук дүшәмбедән җомга көнгә кадәр беренче прививканы «Саклык банкы» бүлегендә (Пушкин урамы, 4 адресы буенча, 9.00- 14.00... Читать дальше...

(Казан, 8 октябрь, «Татар-информ», Гөлнар Гарифуллина). Татарстан Дәүләт Советы Рәисе урынбасары Марат Әхмәтов телсез халыкның милләтен дә югалта алуы турында кисәтте. «Милләтебезне телебез белән турыдан-туры бәйлим, чөнки телсез халык акрынлап милләтен дә югалтырга мөмкин. Ә милләтле халык телле булырга тиеш. Татар теле ул дәүләтле, дәүләте булган тел», — диде Марат Әхмәтов «Татар-информ» хәбәрчесенә. Ул халык санын алу бик мөһим, җаваплы чор булганын искәртте. «Ил күләмендә татарларның саны кимемәсен иде дип теләр идем. Читать дальше...

(Казан, 8 октябрь, «Татар-информ», Гөлнар Гарифуллина). Татарстанның мәгариф һәм фән министры Илсур Һадиуллин дәреслекләрне федераль исемлеккә кертү эше дәвам итәчәген әйтте. Бу хакта ул Татарстан Президентының парламентка еллык юллама белән чыгышыннан соң «Татар-информ» хәбәрчесе соравына җавабында сөйләде. Рөстәм Миңнеханов бүген юлламада Мәгариф һәм фән министрлыгы туган телләр буенча яңа дәреслекләрне кулланышка кертү һәм тәрҗемә ителгән дәреслекләрне федераль исемлеккә кертү буенча федераль үзәк белән конструктив эшне дәвам итәргә тиеш... Читать дальше...

(Казан, 8 октябрь, «Татар-информ», Гөлнар Гарифуллина). Татарстанның мәгариф һәм фән министры Илсур Һадиуллин әйтүенчә, укытучыларны мәктәпләрдә тотып калу өчен, халык тарафыннан яхшы мөнәсәбәт кирәк. Бу фикерен ул Татарстан Президенты Рөстәм Миңнеханов Дәүләт Советына еллык юллама белән чыгышыннан соң әйтте. «Укытучыларны тотып калу өчен иң беренче укытучыга, гомумән, мәгариф системасына мөнәсәбәтне үзгәртергә кирәк. Бу мөнәсәбәт ул Хөкүмәт, Президент тарафыннан бик яхшы. Дәүләт дәрәҗәсендә борчылып сөйлиләр... Читать дальше...

(Казан, 8 октябрь, «Татар-информ»). Коронавирустан саклануның төп ысулы вакцинация булып тора — башка юл юк. Бу хакта РФ Премьер-министры Михаил Мишустин Курск өлкәсе хастаханәсенең йогышлы авырулар корпусын караганда әйтте. «Курскта яшәүчеләр дә, бөтен ил халкының да ковидтан саклануның төп юлы — вакцинация икәнен аңлаулары бик мөһим», — дип китерелә Мишустин сүзләре ил Хөкүмәтенең телеграм-каналында. Премьер сүзләренчә, Курск өлкәсе тулысынча препаратлар белән тәэмин ителгән һәм вакцинация... Читать дальше...

(Казан, 8 октябрь, «Татар-информ», Гөлнар Гарифуллина). Татарстан Дәүләт Советы Рәисе урынбасары Марат Әхмәтов фикеренчә, авыл хуҗалыгы өчен бу ел авыр килсә дә, нәтиҗәләр начар түгел. «Республиканың тамагы тук, 2,5 млн тонна бу ел өчен яхшы уңыш», — диде ул «Татар-информ» хәбәрчесенә. Ул бу елның һава торышы буенча хәтта 2010 елга охшаш булганын искәртте. «Президент әйткәнчә, 2010 елда авыз пешкәннән соң күрелгән чараларның нәтиҗәсе буларак та, авыл хуҗалыгына даими игътибар нәтиҗәсендә, быелгы авыр елда да тармак тотрыклыгын... Читать дальше...

(Казан, 8 октябрь, «Татар-информ»). 9 октябрьдә Санкт-Петербург Милләтләр йортында Лев Николаевич Гумилёвның тууына 109 ел тулуга багышланган укулар узачак. Ул «Татар кунак йорты» мәдәни-агарту проекты кысаларында уза. Санкт-Петербург һәм Ленинград өлкәсендәге даими вәкиллек матбугат хезмәте хәбәр иткәнчә, анда культурология кандидаты, А. И. Герцен исемендәге педагогика университетының теория һәм мәдәният тарихы кафедрасы доценты Алексей Владимирович Бондаревның «Ата һәм улы: Николай Гумилёвның Лев... Читать дальше...

(Казан, 8 октябрь, «Татар-информ», Гөлнар Гарифуллина). Татарстан Дәүләт Советы Рәисе урынбасары Марат Әхмәтов ТР Президенты Рөстәм Миңнехановның Дәүләт Советына еллык юлламасы турында фикере белән уртаклашты. Халыкның тормыш дәрәҗәсен арттыруга зур басым ясалганын искәртеп: «Эшле кеше — ашлы кеше», — диде. «Республика алдагы ел дәвамында да оешканлыгын, тотрыклыгын, киләчәккә карап, дөрес гамәлләр белән яшәвен расларга тиеш», — дип белдерде Дәүләт Советы Рәисе урынбасары «Татар-информ» хәбәрчесенә. Читать дальше...

(Казан, 8 октябрь, «Татар-информ», Зилә Мөбәрәкшина). Мәскәү татарлары штабы җитәкчесе Рөстәм Ямалиев фикеренчә, Рөстәм Миңнехановның ТР Дәүләт Советына Юлламасыннан соң кадрларда зур үзгәрешләр булырга мөмкин. «Рөстәм Миңнехановны кешеләрнең матди торышы, сәламәтлеге борчый. Ул сәнәгать, икътисад өлкәләре турында гына түгел, социаль өлкәне дә кайгырта. Таләпчәнлек коэффициенты артты. Таләпнең тагын да көчлерәк булачагын аңладым», — диде ул «Татар-информ» хәбәрчесенә. Рөстәм Ямалиев Президент Юлламасында һәр милләткә... Читать дальше...

(Казан, 8 октябрь, «Татар-информ», Гөлнар Гарифуллина). Татарстан мөфтие Камил хәзрәт Сәмигуллин бүген республика Президенты Рөстәм Миңнехановның парламентка юлламасыннан эмоцияләре позитив булуын әйтте. «Президентыбыз хәләл продукция җитештерүгә игътибар юнәлтергә кирәклегенә басым ясады», — диде. «Президент киләсе елда Ислам кабул итүнең 1100 еллыгы билгеләп үтеләчәген искәртте. Бөтен Россия өчен бу зур дата. 922 елда Исламны кабул иттек, күршеләребез руслар 988 елда гына христанлыкны кабул иткән. Читать дальше...

(Казан, 8 октябрь, «Татар-информ», Гүзәл Хөсәенова). Казанның 175нче гимназия директоры Әминә Вәлиева мәктәптә атыш эше буенча гаепләнүче булган. Аңа карата ваемсызлык маддәсе буенча җинаять эше кузгатылган. «Татар-информ»га укучыларның ата-аналары хәбәр иткәнчә, директорга августта ук гаепләү белдерелгән һәм беркая да китмәү турында гариза яздырылган. Искәртеп үтик, хәзер тагын өч кешегә җинаять эше кузгатылган. Атыш оештырган Илназ Галәвинга карата «Үтерү» маддәсе буенча эш ачылды. Бу хәлдән соң... Читать дальше...

(Казан, 8 октябрь, «Татар-информ», Зилә Мөбәрәкшина). ТР Дәүләт Советы депутаты, Татарстан язучылар берлеге рәисе Ркаил Зәйдулла Рөстәм Миңнеханов ТР Дәүләт Советына Юлламасында Камал театрының кемгә биреләчәген тәгаенләмәгәнен әйтте. «Ул Кариев театры, ТЮЗны күз алдында тотты микән, белмим. Бу мәсьәләне тәгаенләнмәде», — диде ул «Татар-информ» хәбәрчесенә. Ркаил Зәйдулла әйтүенчә, Юлламада милли мәгариф турында сүз булмаган. «Мәдәниятнең нинди юлдан барачагы турында да ишетәсе килгән иде. Күбрәк хуҗалык эшләре... Читать дальше...

(Казан, 8 октябрь, «Татар-информ», Зилә Мөбәрәкшина). ТР Милли китапханә директоры урынбасары Тәбрис Яруллин фикеренчә, тел мәсьәләсе, милләтара мөнәсәбәтләр турында аерым тәфсилләп сөйләшү кирәк. «Бу ел — Туган телләр һәм халыклар бердәмлеге елы. Бу турыда Татарстан Президенты Юлламасыннан тыш, Туган телләр һәм халыклар бердәмлеге елы нәтиҗәләрен билгеләгәндә дә әйтелсен иде», — диде ул «Татар-информ» хәбәрчесенә. Аның әйтүенчә, бу сөйләшүдә республика, җәмгыять алдына куелган мәсьәләләргә җавап бирү... Читать дальше...

(Казан, 8 октябрь, «Татар-информ», Эвелина Киселева). Татарстан Республикасында үлем очраклары арткан. «Кызганычка, бездә үлем-китемнең артуы турында мәгълүмат бар», — диде «Татар-информ» мәгълүмат агентлыгында узган матбугат конференциясендә республика сәламәтлек саклау министрының беренче урынбасары Альмир Абашев. Моның сәбәпләре төрле: олы яшькә җитеп үлүчеләр категориясе бар, дип сөйләде ул. Министр урынбасары өстәп әйткәнчә, Казанда патологоанатомик хезмәт эшен Республика клиник хастаханәсендә һәм 7нче шәһәр хастаханәсендә алып баралар.

(Казан, 8 октябрь, «Татар-информ», Эвелина Киселева). Татарстанда яңа чикләүләр кертелгәннән соң QR-кодсыз чикләнгән урыннарга гына эләгергә мөмкин. «Прививкадан медицина күрсәтмәләре буенча баш тарту турындагы белешмә QR-код түгел, бу кешеләрне предприятиеләргә һәм оешмаларга кертү өчен нигез булып тормый», — диде «Татар-информ» мәгълүмат агентлыгында узган матбугат конференциясендә Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтнең Татарстан буенча идарәсенең... Читать дальше...

(Казан, 8 октябрь, «Татар-информ», Зилә Мөбәрәкшина). Бөтендөнья татар яшьләре форумы рәисе Ленария Мөслим фикеренчә, Камал театры бинасында эшләү яшьләргә тагын да җаваплылык өстәячәк. Татарстан Президенты бинаның яшьләргә биреләчәге турында ТР Дәүләт Советына Юлламасында әйтте . «Киңрәк мәйданга чыккан саен, күбрәк бурычлар өстәләчәк. Яшьләр эшчәнлеге турында да әйтелде. Әйтик, без дә „Сәләт“ белән бер системада: кадрлар әзерләүдә ролебез зур. Проектлар белән шөгыльләнүче татар яшьләре бар, аларны аерым билгеләп үтүләрен ошаттым»... Читать дальше...