Новости за 15.10.2021

(Актаныш, 15 октябрь, «Татар-информ», « Актаныш-информ », Ләйсән Газизова). Бүген Актанышта Әлфия Авзалова исемендәге район мәдәният сараенда Үзбәкстан республикасы президенты сайлауларына алдан тавыш бирү узды. 24 октябрьдә Үзбәкстан Республикасы президентын сайлаулар узачак. Татарстан Республикасында, шул исәптән Актаныш районында яшәүче яки вакытлыча торучы үзбәкстанлылар сайлауларда тавыш бирә ала. Актаныш районында Үзбәкстаннан 53 граждан яши. Шулардан 31 кеше район үзәге булган Актаныш авылында... Читать дальше...

(Казан, 15 октябрь, «Татар-информ»). Новосибирскиның өлкә татар мәдәни үзәге «Супер әби-2021» онлайн-конкурсын оештырды. Бу хакта җирле «Ак калфак» оешмасына сылтама белән Бөтендөнья татар конгрессы хәбәр итә. Бәйгедә Новосибирск өлкәсенең төрле авылларыннан һәм Новосибирск шәһәреннән барлыгы 7 әби катнашкан. Катнашучылар видеоролик форматында иҗади программа әзерләгәннәр. Видеода алар үзләре белән таныштыра, иҗади номер тәкъдим итә, татар ашларын пешерүдә осталыкларын күрсәтә.

(Казан, 15 октябрь, «Татар-информ»). 16 октябрьдә республикада аязучан болытлы һава торышы көтелә, төнлә урыны белән кыска вакытлы яңгыр явачак. Көньяк-көнбатыштан талгын җил исәчәк. Һава температурасы төнлә +3-5 градус, көндез +9-11 градус булачак. Якшәмбе, 17 октябрь көнне, Татарстанда явым-төшем көтелми. Көньяк-көнбатыштан талгын җил исәчәк. Төнлә һава температурасы +1 градустан +6 градуска кадәр, көнчыгышта урыны белән 0 градуска кадәр, көндез +8 градустан +13 градуска кадәр булачак, дип хәбәр... Читать дальше...

(Казан, 15 октябрь, «Татар-информ»). РФ Президенты Владимир Путин Бөтенроссия халык санын алу башланган көнне анда катнашты. Ул дәүләт хезмәтләре порталында электрон анкета тутырды, дип хәбәр итә Кремльнең матбугат хезмәте. Таралган видеода Россия лидерының үз фамилиясен, исемен һәм әтисенең исемен күрсәтүе күренә. Моннан тыш, ул әлеге адрес буенча даими (12 ай һәм аннан да күбрәк) яши һәм хуҗалык әгъзасы булып тора, дип билгеләп үтте. «Россия гражданнарына мөрәҗәгать итеп, шуны әйтәсем килә... Читать дальше...

(Казан, 15 октябрь, «Татар-информ»). Казан метрополитенының икенче линиясенең беренче участогы төзелешенә Татарстан бюджетыннан тагын 999,1 млн сум акча бүлеп бирелгән. Бу дәүләт сатып алулары сайтында урнаштырылган тендердан күренә. Подрядчыны 25 октябрьдә билгеләү планлаштырыла. Контракт буенча эшләрне тәмамлау срогы 2022 елның 1 мартына куелган. Эшләрнең заказчысы — ТР Баш төзелеш оешмасы, генераль проектчысы — «Татинвестгражданпроект». «Татар-информ» мәгълүмат агентлыгы элек объектның гомуми... Читать дальше...

(Казан, 15 октябрь, «Татар-информ»). Бүген Мәскәүдә чит илләрдә яшәүче Россия ватандашларының VII Бөтендөнья конгрессы үз эшен башлады. Конгрессның пленар утырышында Татарстанның ватандашлар белән эшләү тәҗрибәсе турында ТР Дәүләт Советы Рәисе Фәрит Мөхәммәтшин сөйләде, дип хәбәр итә республика парламенты матбугат хезмәте. Татарстан өчен ватандашлар белән эшләү аерым әһәмияткә ия. Россиядә икенче милләт булган татарлар төрле илләр һәм кыйтгаларга таралган. Татарларның милли үзенчәлеген саклап калуда... Читать дальше...

(Казан, 15 октябрь, «Татар-информ», Алена Низамова). Россия Федерациясе Тышкы эшләр министры Сергей Лавров Россия ватандашларының VII Бөтендөнья конгрессына нинди бурычлар куелганы хакында сөйләгәндә, «күп миллионлы татар җәмәгатьчелеген берләштергән» Бөтендөнья татар конгрессы белән мөнәсәбәтләрне ныгытырга өндәде. «Милли төркемнәр белән диалогны тирәнәйтү кирәк. Россия милләтләренең халыкара оешмалары белән эшчәнлекне ныгыту мөһим. Алар арасында — Россиядәге һәм чит илләрдәге күпмиллионлаган... Читать дальше...

(Казан, 15 октябрь, «Татар-информ»). Пандемия фонында Бөтендөнья сәламәтлек саклау оешмасын халыкның симерүе аеруча борчый, дип белдерде Бөтендөнья сәламәтлек саклау оешмасының йогышлы булмаган авыруларны профилактикалау буенча Европа офисы башлыгы доктор Кремлин Викрамсингхе. Бу хакта РИА Новости хәбәр итә. Доктор Кремлин сүзләренә караганда, симерү проблемасы пандемия вакытында тагын да кискенләшкән — үз-үзеңне изоляцияләү һәм читтән торып эш белән тәэмин итү аркасында даими тукланмау тенденциясе көчәйгән. Читать дальше...

(Казан, 15 октябрь, «Татар-информ»). Татарстанда ипотека кредитының уртача күләме 2021 елның сентябрендә 2,7 млн сум тәшкил иткән, бу, узган ел белән чагыштырганда, 15,9 процентка күбрәк. Бу хакта Кредит тарихларының илкүләм бюросы хәбәр итә. Бюро мәгълүматлары нигезендә, хәзер республика бирелгән ипотека кредитларының уртача күләме буенча Россия төбәкләре арасында 23нче урында тора. Лидерлар өчлегендә Мәскәү — 7,1 млн сум, Мәскәү өлкәсе — 5,3 млн сум һәм Санкт-Петербург 4,9 млн сум тора. Приморье крае... Читать дальше...

(Казан, 15 октябрь, «Татар-информ»).Татарстанның тагын тугыз кешесе Covid-19 коронавирусы корбаны булган. Алар биш хатын-кыз һәм дүрт ир-ат. Бу хакта ТР Сәламәтлек саклау министрлыгының матбугат хезмәте хәбәр итә. «Татарстанда коронавирустан тугыз үлем очрагы расланган», — дип хәбәр иттеләр ведомствода. Covid-19 инфекциясеннән 1938, 1951, 1955, 1956 һәм 1959 елларда туган хатын-кызлар, 1942, 1958 (ике кеше) һәм 1960 елларда туган ир-атлар вафат булган. «Үлем сәбәпләре патологоанатомик экспертиза нәтиҗәсендә билгеләнгән. Читать дальше...

(Казан, 15 октябрь, «Татар-информ»). Россиядә Covid-19 коронавирусына тикшеренүне башкару вакыты материал лабораториягә кергән вакыттан алып 48 сәгатьтән 24 сәгатькә кадәр кыскартылган. РФ баш дәүләт санитар табибы Анна Попованың тиешле карары хокукый мәгълүматның рәсми интернет-порталында басылып чыкты. «3.2 пунктның өченче абзацын түбәндәге редакциядә бәян итәргә: Covid-19 йогышына лаборатор тикшеренүне башкару срогы лабораториягә биологик материал кергән вакыттан алып тиешле тикшеренү уздырылган... Читать дальше...

(Казан, 15 октябрь, «Татар-информ», Павел Климчак). Дәүләт автоинспекциясе хезмәткәрләре социаль челтәрләрне мониторинглау вакытында яшүсмернең Казанның бер гимназиясе территориясендә укучыларга куркыныч тудырып автомобильдә йөргән роликны күргән. Тәртип сакчылары автомобиль руле артында әлеге гимназиянең элеккеге укучысы — 16 яшьлек үсмер булуын ачыклый. Укучы үз гаебен тулысынча таныган. Аны таныклыксыз йөрткән, каешы эләктерелмәгән, машинаны куркыныч йөрткән һәм ОСАГО полисы булмаган өчен штрафка тартканнар. Читать дальше...

(Казан, 15 октябрь, «Татар-информ», Эльза Кузнецова). Элвин Грей тәхәллүсе белән танылган татар-башкорт җырчысы Радик Юльякшин Covid-19 коронавирусыннан вакцина ясаткан. Instagram социаль челтәрендәге үз битендә ул үткәрелгән процедурадан алган тәэсирләре белән уртаклаша.  «Мин моны эшләдем! „Кирәк“ һәм „каршы“ дип барысын да уйладым, үз табибым белән киңәшләштем һәм карар кабул иттем. Мин хәзер Covid-19 инфекциясеннән вакциналаштырылган», — дип язган ул. Моннан тыш, Радик җәмгыятьтә һәр кеше үз сәламәтлеге өчен генә түгел... Читать дальше...

(Казан, 15 октябрь, «Татар-информ», Эвелина Киселева). Волонтерлар Татарстанның өлкән яшьтәге кешеләренә QR- кодлар алуда ярдәм итә башлады. Бу хакта бүген ТР Министрлар Кабинетында узган брифингта ТР Яшьләр эшләре министры Тимур Сөләйманов хәбәр итте. «Бу атнадан безнең иреклеләр хәрәкәтенең „Помощь рядом — Ярдәм янәшә“ эше яңартылды», — дип хәбәр итте яшьләр эшләре министры. Иреклеләр республиканың өлкән яшьтәге кешеләренә QR-кодлар алырга һәм бастырып чыгарырга ярдәм итәчәк. «Помощь рядом ... Читать дальше...

(Казан, 15 октябрь, «Татар-информ»). Бүген Россиядә коронавирстан авыручылар һәм үлүчеләр саны буенча яңа антирекорд куелды. Узган  тәүлектә илдә коронавирус белән зарарлануның 32 196 очрагы ачыкланган, 999 кеше үлгән. Ике сан да пандемия башланганнан бирле максималь. Бу хакта оператв штаб хәбәренә сылтама бнлән ТАСС хәбәр итә. Авыручылар санының артуы чагыштырмача 0,41 процент тәшкил итә. Санкт-Петербургта — 2 632, Мәскәү өлкәсендә — 2 110, Самара өлкәсендә — 791, Түбән Новгород өлкәсендә — 695, Воронеж өлкәсендә 668 очрак ачыкланган. Читать дальше...

(Казан, 15 октябрь, «Татар-информ», Егор Никитин). Бөтенроссия халык санын алу барышында исәпкә алучылар ил халкы турында мәгълүмат кертү өчен 360 мең электрон планшет кулланачак. Бу экологиягә таба бер адым ясарга һәм шактый кәгазьне янга калдырырга мөмкинлек бирәчәк, дип сөйләде журналистларга брифингта Росстат башлыгы урынбасары Павел Смелов. «Тагын бер яңалык - кәгазьдән баш тарту. Бу цифрлы гына түгел, ә экологик халык санын алу да. Без бер тонна кәгазьне янга калдырдык, эшне планшет компьютерларга күчереп... Читать дальше...

(Казан, 15 октябрь, «Татар-информ», Эвелина Киселева). Татарстанда халыкның кайбер төркемнәренә мәҗбүри вакцинация 2022 елның язына кадәр дәвам итәргә мөмкин. Бу хакта ТР Министрлар Кабинетында узган брифингта Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе Марина Патяшина хәбәр итте.  «Карар эпидемиологик иминлек булмаган чорда гамәлдә булачак, ул 2022 елның язына, ягъни вирус инфекцияләренең сезонлы күтәрелеше булган чорга кадәр дәвам итәргә мөмкин»... Читать дальше...

(Казан, 15 октябрь, «Татар-информ», Гадел Әхмәтҗанов). Краснодар краеның «Болгар-К» татар оешмасы 30 октябрь көнне «Саламат» бәйрәмен оештыра. «Чарада милли уеннар, бәйгеләр, көрәш буенча осталык дәресе, бәйрәм концерты булачак. Кунаклар учакта пешкән плов һәм татар камыр ризыкларыннан авыз итә алачак», — дип хәбәр итә Краснодар краеның «Болгар-К» татар оешмасы үзенең Инстаграм аккаунтында . Бәйрәм Кубань ярында 12.00 сәгатьтә башлана. Керү ирекле.

(Казан, 15 октябрь, «Татар-информ», Эвелина Киселева). Татарстанда  Covid-госпитальләрдә дәваланучыларның бары тик 4,57 проценты гына коронавируска каршы вакцинация үткән. Бу хакта Татарстан Сәламәтлек саклау министрлыгының матбугат хезмәтендә сөйләделәр. «Стационар дәвалануда булган пациентлар структурасында вакцинация алучылар өлеше 4,57 процент тәшкил итә», - дип хәбәр иттеләр ведомствода. Республика Сәламәтлек саклау министрлыгында шулай ук прививка ясаткан бер генә кешенең дә ИВЛ аппаратына тоташтырылган булмавын искәрттеләр. Читать дальше...

(Казан, 15 октябрь, «Татар-информ», Эвелина Киселева). Үз QR-кодын күрсәтмәгән татарстанлыларны административ җаваплылык көтә. Бу хакта Министрлар Кабинетында узган брифингта җәмәгать тәртибен саклау буенча полиция начальнигы урынбасары Фәргать Мөхәммәтҗанов сөйләде. Җәмәгать урыннарында тикшерү өчен үзенеке булмаган QR-код тәкъдим ителгәндә административ хокук бозу өчен беркетмәләр төзеләчәк. Исегезгә төшерәбез, халыкка 30 мең сумга кадәр, вазифаи затларга һәм шәхси эшмәкәрләргә 50 мең сумга кадәр... Читать дальше...

(Казан, 15 октябрь, «Татар-информ»). Эчке эшләр министрлыгы хезмәткәрләре социаль челтәрләрдә өч җинаятьченең Казанның Дәрвишләр бистәсендәге бер мәктәптә теракт әзерләве турында пост урнаштырган яшүсмерне тоткарлады. Бу хакта «Татар-информ» агентлыгына хокук саклау органнарындагы чыганак хәбәр итте. Социаль челтәрләрдә мәктәптә әзерләнә торган теракт хакында фикер алышуларга бәйле сигнал «Дәрвишләр» полиция бүлегенә 14 октябрьдә килгән. «Әлеге аноним хәбәрне мәктәпнең элеккеге укучысы язуы ачыкланды... Читать дальше...

(Казан, 15 октябрь, «Татар-информ»). Казан Мэры Илсур Метшин кичә шәһәр Башкарма комитетында Казанның Мәскәү районы Ж.А.Зайцева исемендәге 122 нче номерлы гимназиясенең инглиз теле укытучысы, «Ел укытучысы» бөтенроссия конкурсы финалисты Мария Голованова белән очрашты. Казан укытучысы илнең иң яхшы укытучылары бишлегенә керде, шулай ук РФ мәгариф министры киңәшчесе булды. «Мин сезне җиңү белән котлыйм, сез булдырдыгыз, илнең иң яхшы укытучылары бишлегенә керү – лаеклы күрсәткеч, без сезнең белән горурланабыз», – диде Илсур Метшин. Читать дальше...

(Казан, 15 октябрь, «Татар-информ»). Бүген Татарстан мөфтиятендә Берләшкән Гарәп Әмирлекләреннән Мөхәммәд бин Зәйед исемендәге Гуманитар фәннәр университеты ректоры Халид әл-Йабхуни җитәкчелегендә делегация килде. Мөхтәрәм кунакларны мөфти Камил хәзрәт Сәмигуллин каршы алды. Халид әл-Йабхуни Казанга «Хәзерге Россиянең фән-мәгариф киңлегендә традицион диннәр теологиясе» Халыкара фәнни-гамәли конференциясендә катнашу максаты белән сәфәр кыла, дип хәбәр итә ТР Диния нәзарәте матбугат хезмәте. Мөфти Камил хәзрәт ректорны мөфтиятнең эшчәнлеге... Читать дальше...

(Казан, 15 октябрь, «Татар-информ»). 14 октябрьдә «Миллиард.татар» проекты Татарстанның Россиядәге Вәкаләтле вәкиллегендә түгәрәк өстәл үткәрде. Бу хакта вәкиллекнең матбугат хезмәте хәбәр итә. Бүген – 15 октябрьдә онлайн форматында башланган Бөтенроссия халык санын алу кампаниясе (ул 8 ноябрьгә кадәр дәвам итәчәк) түгәрәк өстәлдә күтәрелгән төп тема булды. Чарага ТР Премьер-министры урынбасары — Татарстанның Россиядәге Вәкаләтле вәкиле Равил Әхмәтшин да килгән иде. Вәкаләтле вәкиллек чакыруы буенча... Читать дальше...

(Казан, 15 октябрь, «Татар-информ»). Җанисәптә татар булып онлайн язылуны аңлаткан ролик чыкты. Халык санын алуда татар булып онлайн язылу өчен 5 адым башкарырга кирәк. Gosuslugi.ru сайтына кереп, «Пройти перепись населения» хезмәтен сайларга. Соңыннан исәп битләрен тутырырга. «Тагын нинди телләр беләсез?» дигән 13 нче пунктта беренче итеп «Татар телен» сайларга һәм 14 нче «Туган телегез» пунктында — «Татар телен» сайларга кирәк. «Милләтегез» дип аталган 16 нчы пунктта «Татарин (татарка)» дип билгеләргә кирәк. Читать дальше...