Новости за 29.10.2021

(Лениногорск, 29 октябрь, «Татар-информ», «Заман сулышы» , Розалия Мостафина). Лениногорск районының Яңа Шөгер авылында зур, изге эшкә — һәйкәл төзүгә тотынганнар. Бөек Ватан сугышы башлангач, Яңа Шөгердән 116 кеше фронтка, ил азатлыгы өчен китә. Шуларның 56сы — чит җирләрдә ятып кала, 60 кешегә туган ягына кайтырга насыйп була. Яңа Шөгердәге кечкенә генә һәйкәл еллар узу белән искергән, ташлары ишелә башлаган булган. Яңа һәйкәлнең проекты белән хәйрия проектларының инициатив төркеме — «Творцы жизни» кызыксынган. Читать дальше...

(Казан, 29 октябрь, «Татар-информ»). Ульяновск өлкәсе татарларының билгеле шәхесе Дамир Исмәгыйль улы Шәриповның тууына 25 октябрьдә 90 ел була. Аның турында «Өмет» газетасында Ульяновск өлкә татар милли-мәдәни автономиясе президиумы әгъзасы Җәмил Хәкимов истәлекләре чыкты. Аның Чардаклы районы халкына һәм татар милләтенә багышланган хезмәтләре бүген дә күңелләрдә саклана. Ул гомер юлын башкаларга үрнәк итеп узды. Шул чорда эшләгән күпчелек җитәкчеләр, бигрәк тә гади халык аны зур хөрмәт белән искә алалар. Читать дальше...

(Казан, 29 октябрь, «Татар-информ»). Башкортстанда Уфаның элеккеге мэры Өлфәт Мостафинга һәйкәл ачу тантанасы булды. Мемориал комплекс Чакмагыш районының Иске Ихсан авылында Өлфәт Мостафин җирләнгән зиратта урнашкан. Анда Башкортстан башлыгы Радий Хәбиров, төбәк хөкүмәте премьер-министры Андрей Назаров, Башкортстан башлыгы хакимияте җитәкчесе Александр Сидякин, башка рәсми затлар катнашты. Бу хакта « Башинформ » хәбәр итә. «Ул вакыттагы вакыйгалар кичәгедәй күз алдына килеп баса. Һәм мин тагын табибларга зур рәхмәт әйтергә телим... Читать дальше...

(Казан, 29 октябрь, «Татар-информ», Наталья Рыбакова). Ноябрьдә Россия Пенсия фондының Татарстан буенча бүлеге Татарстанда яшәүче Ленинград блокадачыларына 50 мең сум түләячәк. Бу хакта ведомствоның матбугат хезмәте хәбәр итә. Россия, Латвия, Литва һәм Эстония, Абхазия, Көньяк Осетия республикалары һәм Приднестровье территориясендә даими яшәүче, «Ленинград оборонасы өчен» медале яки «Блокададагы Ленинградта яшәүчегә» билгесе белән бүләкләнгән РФ гражданнары бер тапкыр бирелә торган 50 мең сум күләмендә акча алачак. Читать дальше...

(Казан, 29 октябрь, «Татар-информ»). Түбән Новгород өлкәсенең « Туган як » газетасында Кызыл Октябрь районының җирле үзидарə башлыгы Риант Җәләловның Əсма апа Сөлəймановага багышланган язмасы чыкты. Аллаһы боерса, килəсе елда балалар укыта башлавының 80 еллыгын каршы алучы хөрмəтле мөгаллимəбез, Өчкүлдə яшəүче Кочко-Пожар кызы, сугыш чоры баласы Əсма апа Сөлəйманова 27 октябрьдə, үзенең 97 яшен тутырды. Шул уңайдан, район хакимияте исеменнəн кадерле бəйрəм сəбəпчесен олуг игътибарга лаек булган туган көне белəн ихластан котлыйм. Читать дальше...

(Казан, 29 октябрь, «Татар-информ», Наталья Рыбакова). Ноябрьдә Татарстан башкаласында уртача һава температурасы нормадан бераз югары булачак. «Казанда уртача айлык температура норма буенча гадәттә -4,5 градус була. Әмма киләсе айда ул нормадан бераз югары, ә явым-төшем нормадан түбән, дип фаразлана. Шәһәрдә норма буенча явым-төшем 44-50 мм булырга тиеш. Гадәттә мондый озак вакытка фаразлар 60-70 процентка аклана», — диде профессор, Казан университетының метеорология, климатология һәм атмосфера экологиясе кафедрасы мөдире Юрий Переведенцев. Читать дальше...

(Казан, 29 октябрь, «Татар-информ»). Татарстанда узган тәүлектә 1941, 1955, 1942, 1938, 1934 елларда туган биш ир-ат һәм 1974, 1960, 1955 елларда туган өч хатын-кыз ковид корбаны булган. «Үлем сәбәпләре патологоанатомик экспертиза нәтиҗәсендә ачыкланган. Вирус идентификацияләнгән», диелгән Татарстан Сәламәтлек саклау министрлыгы хәбәрендә. 29 октябрьгә булган мәгълүмат буенча, республикада Covid-19 инфекциясеннән 971 үлем очрагы теркәлгән.

(Казан, 29 октябрь, «Татар-информ»). Мәҗит Гафури исемендәге Башкорт академия драма театрының баш режиссеры Айрат Абушахманов Россия Театр эшлеклеләре берлегенең милли театрлары кабинеты сәркатибе итеп сайланды. Россия Театр эшлеклеләре берлегенең 23 октябрьдә узган VIII съезды нәтиҗәләре буенча шул хакта билгеле булды, дип яза «Башинформ» . «Айрат Әхтәм улының тәҗрибәсе һәм профессионаллыгы РФ Театр эшлеклеләре берлегенең бөтен Россиядә милли театрларының киләчәге өчен җавап бирә торган мөһим... Читать дальше...

(Казан, 29 октябрь, «Татар-информ», Алинә Фәйзрахманова). Татарстанда автомобиль йөртүчеләрне җәйге резиналарны кышкыга алыштыру турында алдан ук кайгыртырга чакыралар. «Барыбыз да алда елның салкын вакыты көтелүен яхшы аңлауга карамастан, практика күрсәткәнчә, кызганычка, кыш һәрвакыт көтмәгәндә килә. Шул ук вакытта безнең кайбер автоһәвәскәрләр соңгы чиккә кадәр җәйге шиналар куелган килеш йөрүне дәвам итә», — диде «Татар-информ» мәгълүмат агентлыгында узган матбугат конференциясендә Татарстанның баш дәүләт автоинспекторы Ленар Габдрахманов. Читать дальше...

(Казан, 29 октябрь, «Татар-информ»). Омск шәһәрендә Татарстанның «Агыйдел» Дәүләт җыр һәм бию ансамбле концерты булды. Бәйрәм тамашасы хуҗаларның — Омск өлкәсенең «Умырзая» татар-башкорт халык ансамбле чыгышы белән башланып китте. Залга җыелган халыкны Татарстан Республикасы Премьер-министры урынбасары, Бөтендөнья татар конгрессының Милли шура рәисе Васил Шәйхразиев исеменнән БТК Башкарма комитеты җитәкчесенең Россия Федерациясе төбәкләрендәге татар иҗтимагый берләшмәләре белән эшләү буенча урынбасары Марс Тукаев сәламләде. Читать дальше...

(Казан, 29 октябрь, «Татар-информ», Наталья Рыбакова). Эш бирүченең Covid-19 инфекциясеннән прививкадан баш тарткан хезмәткәрләрне эш хакын түләмичә эштән читләштерергә хокукы бар. «РФ Хезмәт кодексының 76 маддәсенең 3 бүлеге нигезендә, прививкадан баш тарткан хезмәткәрне эш бирүче хезмәт хакын сакламыйча читләштерергә хокуклы. Мондый хезмәткәрләрне эштән читләштерү процедурасы Хезмәт һәм мәшгульлек буенча федераль хезмәтнең «Коронавирустан прививка ясатмаган хезмәткәрне эштән читләштерү мөмкинлеге турында»гы хатында аңлатылды... Читать дальше...

(Пенза, 29 октябрь, «Татар-информ», Энҗе Габдуллина). Пенза өлкәсенең татар милли автономиясе Халыклар дуслыгы көне уңаеннан төрле милләт вәкилләре белән түгәрәк өстәл оештырды. Пенза татар яшьләре төрле милләт вәкилләрен бергә җыйды. Татар, рус, мордва, чуваш, таҗик, азәрбәйҗан — барысы тугыз милләт вәкиле үзләре һәм проектлары белән таныштырды. Һәр милләт үзенең милли ашларын әзерләгән иде. Чарада Бөтендөнья татар конгрессы вәкилләре дә катнашты. Татарстанда үткәрелә торган проектлар белән халыкара... Читать дальше...

(Казан, 29 октябрь, «Татар-информ»). Татарстанның беренче Президенты, Дәүләт киңәшчесе Минтимер Шәймиев җанисәп уңаеннан халыкка мөрәҗәгать итте. «Кадерле милләттәшләр! Бөтенроссия халык исәбен алу — илнең бөтен халкы катнаша торган, ил үсеше өчен кирәкле, даими үткәрелүче чара. Аңа катнашу — ирекле гамәл, һәркемнең үз ихтыярында. Телне, милләтне саклау күзлегеннән карасак, җанисәп — безнең ни дәрәҗәдә татар булуыбызның иң ачык күрсәткече. Һәрберебез үз нәселенең, үз гаиләсенең үткәненә күз салсын. Читать дальше...

(Казан, 29 октябрь, «Татар-информ», Илгиз Гыйльманов). Бүген Кукмарада район мәгълүмат үзәгенең яңа офисын ачу тантанасы булды. Биредәге «Хезмәт даны» газетасы, «Кукмара-24» телекомпаниясе, «Кукмара авазы» радиосы һәм «Кукмара-яңалыклар» интернет-порталы капиталь ремонтланган заманча бинада урнаша. Аларны «Татмедиа»ның филиалы — «Кукмара-информ» берләштерде. Мондый карар күптән түгел, 2021 елның маенда, Кукмараның үз телевидениесе формалашуы белән барлыкка килде. Барлык редакцияләрне дә техник җиһазларны... Читать дальше...

(Казан, 29 октябрь, «Татар-информ»). Татарстанда яңа коронавирус инфекциясенә каршы республиканың бер миллион биш йөзенче кеше прививка ясаткан. Ул — Казанда яшәүче 26 яшьлек Юлия Сабирова. Кыз прививканы кичә, аның сүзләренчә, йорты янында урнашкан «Мега»да вакциналаштыру пунктында ясаган. Бу турыда Татарстан Сәламәтлек саклау министрлыгы хәбәр итә. Юлиянең әнисе, әбисе һәм бабасы коронавирус инфекциясен кичергән, бабасы әле дә хастаханәдә, әмма төзәлүгә бара. Юля үз сәламәтлеге турында кайгыртып, привика ясатырга карар иткән. Читать дальше...

(Истанбул, 20 октябрь, «Татар-информ», Рушания Алтай). Истанбул үзәгендә урнашкан яңа «Бәйоглу» сәнгать галереясе татар рәссамы Айгөл Окутан оештырган рәсем күргәзмәсе белән ачылды. Тантанага РФның Истанбул баш консулы Андрей Буравов, Төркия мәдәният министры урынбасары Өзгүл Явуз, Бәйоглу районы башлыгы Хәйдәр Али катнашты.   Төркия мәдәният һәм туризм министры урынбасары Өзгүл Явуз «Савыктыручы сәнгать — әбру» дип аталган күргәзмәне «Иннновация» дип бәяләде. «Халкыбызның борынгы сәнгать төре... Читать дальше...

(Казан, 29 октябрь, «Татар-информ», Дмитрий Киселев). Татарстан Премьер-министры урынбасары, Бөтендөнья татар конгрессы Милли шура рәисе Васил Шәйхразиев Татарстан Президенты Рөстәм Миңнеханов йөкләмәсе буенча Әфганстан татарлары җәмгыятенең Россия мөселманнары Хәйрия патриотик фонды генераль директоры Рөстәм Хәбибуллин белән очрашты.  Очрашуда гуманитар ярдәм вариантлары турында фикер алыштылар, продуктлар исемлеге һәм күләме турындагы мәсьәләләр күтәрелде. Шулай ук Васил Шәйхразиев гуманитар ярдәмне... Читать дальше...

(Казан, 29 октябрь, «Татар-информ», Наталья Рыбакова). Эш атнасы вакытында эшләргә тиешле категориягә карамаган оешмаларның хезмәткәрләрен хезмәт вазифаларын башкарырга мәҗбүр итүче җитәкчеләре җаваплылыкка тартылачак. «Эш атнасы булмаган режимда булачак предприятиеләрне һәм оешмаларны контрольдә тоту Роспотребнадзорның Татарстан буенча идарәсенә йөкләнгән. Хезмәт законнары таләпләрен һәм коронавирус таралу шартларында имин эш оештыру кагыйдәләрен бозу хезмәткәрләр өчен дә, эш бирүче өчен дә тискәре нәтиҗәләргә китерергә мөмкин»... Читать дальше...

(Казан, 29 октябрь, «Татар-информ», Рузилә Мөхәммәтова). Балалар һәм үсмерләр өчен иң яхшы әсәргә Роберт Миңнуллин исемендәге конкурс игълан ителәчәк. Конкурс татар телендә язылган әсәрләр арасында үткәрелә. Балалар һәм үсмерләр өчен язылган әсәрләр ноябрь аеннан кабул ителә башлаячак ди оештыручылар. Конкурска дигән әсәрләрне Язучылар берлеге кабул итә. Конкурс дүрт жанрны үз эченә ала — шигырь, проза (хикәя, повесть), комикслар һәм скетчлар (бер актлы кыска пьесалар). Ягъни, әдәби конкурсның үзенчәлеге — комикслар. Читать дальше...

(Казан, 29 октябрь, «Татар-информ», Наталья Рыбакова). Алдагы декада Татарстан башкаласында аномаль җылы булачак. Бу хакта профессор, география фәннәре докторы, КФУның метеорология, климатология һәм атмосфера экологиясе кафедрасы мөдире Юрий Переведенцев белдерде. «Җылыну Азор антициклоны йогынтысында булуыбызга бәйле. Октябрьнең соңгы декадасында шәһәрдәге уртача тәүлеклек температура норма буенча 0 градус булырга тиеш. Ә бездә бик зур аномалия, якын көннәрдә ул тәүлегенә 5-8 градуска кадәр җылы булачак. Читать дальше...

(Казан, 29 октябрь, «Татар-информ»). Татарстан Президенты Рөстәм Миңнеханов «Биосфера-Фиш» балык үрчетү комплексының өченче чиратын карады. Татарстан Президентының матбугат хезмәте җитәкчесе Лилия Галимова хәбәр иткәнчә, республика җитәкчесенә комплексның эш нәтиҗәләре турында сөйләделәр. Шулай итеп, балык үрчетү комплексының өченче чираты төзелеп беткән һәм технологик җиһазлары монтажлана, анда 1,8-2 килограммлы 100 тонна форель һәм 2 млн данә форель маймычлары үстерү планлаштырыла. Шулай ук «Эко-Парк... Читать дальше...

(Казан, 29 октябрь, «Татар-информ»). Балаларны ковидтан мәҗбүри вакцинацияләү мөмкинлеге турындагы карар –Кремльнең өстенлекле карары түгел, дип аңлатты журналистларга Президентның матбугат секретаре Дмитрий Песков. Бу хакта «Российская газета» хәбәр итә. «Бу очракта Кремль түгел, ә белгечләр балалар вакцинациясе һәм теге яки бу режимнарның максатка яраклылыгы турында карарлар чыгарырга тиеш. Бу Кремль карары түгел», — диде Песков, балаларга коронавирустан мәҗбүри вакцинация ясалырмы һәм QR-кодлар булырмы, дигән сорауга җавап биреп. Читать дальше...

(Казан, 29 октябрь, «Татар-информ», Гөлүзә Ибраһимова). Беренче ноябрьдән, өйгә азык-төлек яки дарулар китертүне сорап, волонтерларга мөрәҗәгать итеп булачак. «Беренче ноябрьдән „Без бергә“ Бөтенроссия акциясе башлана. Шул юнәлештә биш меңнән артык волонтер катнашачак. Нигездә „Молодежка ОНФ“ оешмасы һәм медицина волонтерлары төркеме ярдәм итәчәк. Өйгә азык-төлек яки дарулар китерергә кирәк булса, шалтыратып мөрәҗәгать итәргә кирәк», — дип аңлатты Татарстанның яшьләр эшләре министры Тимур Сөләйманов җанисәп волонтерлары белән очрашуда. Читать дальше...

(Казан, 29 октябрь, «Татар-информ»). Россиядә коронавируска карата күмәк иммунитет дәрәҗәсе 46,8 процентка җиткән. Бу хакта РИА Новости агентлыгына инфекциягә каршы көрәш буенча оператив штабта хәбәр иттеләр. Бер атна эчендә әлеге күрсәткеч 1 процентка арткан — ул вакытта әлеге сан 45,7 процент тәшкил иткән иде. Россиядә Covid-19 йогышына каршы прививка ясату кампаниясе актив уза. Чаралар барысы да коронавирус инфекциясе таралуын туктату өчен юнәлтелгән.

(Казан, 29 октябрь, «Татар-информ», Илгиз Гыйльманов). Татарстанның һәр районында массакүләм мәгълүмат чаралары базасында көчле мәгълүмат үзәкләре булырга тиеш. Бу хакта «Татмедиа» АҖ генераль директоры Шамил Садыйков «Татар-информ» корреспондентына Кукмарада медиахолдинг филиалының яңа бинасын ачу тантанасыннан соң әйтте. «Татарстан — актив үсә торган төбәк. Республика Президенты Рөстәм Миңнеханов тарафыннан һәр районда тулы канлы тормыш булдыру бурычы куелды. Безнең барлык район үзәкләрендә боз сарайлары... Читать дальше...