Новости за 24.10.2021

(Чаллы, 24 октябрь, «Татар-информ», « Шәһри Чаллы »). Шушы көннәрдә Тантаналар сараенда Юл хуҗалыгы хезмәткәрләре көненә һәм Автомобиль транспорты хезмәткәрләре көненә багышланган бәйрәм чарасы узды. Тармак ветераннарын һәм хезмәткәрләрен һөнәри бәйрәмнәре белән мэр урынбасары Ирина Сәгыйдуллина котлады. Ул билгеләп үткәнчә, федераль үзәк, Татарстан Республикасы Хөкүмәте ярдәме белән Чаллыда юлларны ремонтлауга, шулай ук яңа автотрассалар төзүгә зур игътибар бирелә. Чаллы җиденче ел рәттән «Имин сыйфатлы юллар» программасында катнаша. Читать дальше...

(Аксубай, 24 октябрь, «Татар-информ», « Авыл таңнары »). Аксубай районының Горький урамындагы күп катлы ишегалларында совет чорында салынган сарайлар һәм корылмалар «Безнең ишегалды» программасын гамәлгә ашырырга комачаулый, ишегалларының эстетик йөзен боза. Хуҗалар, сарай, гараж һәм мунчаларга беркем дә кагылмас дип өметләнеп, корылмаларны ахыргача сүтмәделәр. Чөнки алар совет чорында ук, кайберләре күп катлы йортлар белән бергә төзелгән. Тик менә алар утырган җир генә, корылмалар кебек үк, законлы рәсмиләштерелмәгән... Читать дальше...

(Азнакай, 24 октябрь, «Татар-информ», « Маяк », Резидә Шәрипова). Азнакай балалар сәнгать мәктәбенең Светлана Сергеева җитәкчелегендәге фортепиано классында укучы Наилә Гайнановага шундый бәхет елмайган. Ул «Татнефть» җәмгыятенең «Рухият» һәм И.Воронова исемендәге «Яңа исемнәр» хәйрия фондлары программасы буенча мәдәни-мәгариф проектында катнашып, герой-шагыйрь Муса Җәлилнең оныгы Татьяна Малышевадан мастер-класс алган. Танылган Россия музыкантлары нефть төбәгенең балалар сәнгать һәм музыка мәктәпләрендә... Читать дальше...

(Актаныш, 24 октябрь, «Татар-информ», « Актаныш-информ »). Бүген озак еллар Актаныш районы авыл хуҗалыгы өлкәсендә хезмәт куйган, җитәкче вазифалар башкарган Ягъфәр Гыйбадуллин вафат булды. Бу хакта үзенең инстаграмдагы аккаунтында район башлыгы Энгель Фәттахов хәбәр итә. Ул мәрхүмнең якыннарының кайгысын уртаклашкан, Ягъфәр Гыйбадуллинның районның авыл хуҗалыгы тармагы үсешендә тирән эз калдыруын әйткән. Ягъфәр абый соңгы елларда Түке авылында гомер кичерде. Туган авылы Илтимердә туып-үскәннәрне бергә җыйнап... Читать дальше...

(Казан, 24 октябрь, «Татар-информ», Зилә Мөбәрәкшина). Зәркәнче, International Jewellery Design Excellence Award конкурсының гран-при иясе Илгиз Фазылҗанов фикеренчә, үзен татар дип санаган кеше әби-бабаларының гореф-гадәтләренә хыянәт итми. «Үзеңне татар дип саныйсың икән, димәк, син әби-бабаларыңны сатмыйсың, аларга хыянәт итмисең. Син аларның гореф-гадәтләрен дәвам итәсең генә», — диде ул «Татар-информ» мәгълүмат агентлыгы хәбәрчесенә. Аның сүзләренчә, кеше үзенең тамырларын оныта калса, эчке идеологиясен дә юкка чыгара. Читать дальше...

(Казан, 24 октябрь, «Татар-информ»). Белгечләр алдауның яңа ысулын теркәгән, аның ярдәмендә мошенниклар микрофинанс оешмадан Россиядә яшәүчеләр исеменә займнар ала. Qrator Labs генераль директоры киңәшчесе Артем Гавриченков аңлатканча, мошенниклар корбанның паспорт мәгълүматларын һәм телефон номерын ала, ә аннары аны дистәләрчә сайтларда, шул исәптән микрофинанс оешмада да теркәргә тырыша. Шуның аркасында 10-15 минут эчендә номерга теркәлү турындагы кодлар белән 200гә якын SMS килә, дип аңлатты ул. Читать дальше...

(Казан, 24 октябрь, «Татар-информ»). Эш көне булмаган ялларда яңа коронавирус инфекциясе белән авыруын яки вакцинация ясатуын дәлилләүче QR-коды булмаган россиялеләргә федераль медицина хастаханәләренә озатканда ковидка экспресс-тест ясаячаклар. Бу хакта хөкүмәт утырышында кабул ителгән карарларда әйтелә. Шул рәвешле, әлеге учреждениеләргә мондый экспресс-тестлар үткәрүне тәэмин итү йөкләнгән, дип яза «Российская газета». Федераль медицина учреждениеләре эш көне булмаган ялларда ашыгыч ярдәм күрсәтүне дәвам итәчәк.

(Казан, 24 октябрь, «Татар-информ»). Россиядә коронавирус вазгыяте начарлану сәбәпле, игълан ителгән эш көне булмаган өстәмә яллар озайтылырга мөмкин. «Мөгаен, алар озайтылыр. Чөнки авыручылар саны кимүе күзәтелсен өчен минималь вакыт — бу ким дигәндә ике атна. Трендны сындыру өчен шулкадәр кирәк», — диде ТАСС агентлыгына НКОМ молекуляр-генетик тикшеренүләрнең фәнни үзәгенә нигез салучы һәм генераль директоры Андрей Исаев. Хәзер хакимият Covid-19 инфекциясеннән вакцинацияләнгән халыкның өлешен арттыру өчен барлык кирәкле чараларны күрә. Читать дальше...

(Казан, 21 октябрь, «Татар-информ», Гөлнар Гарифуллина). Исмәгыйль Гаспралының төп максаты — төрки-мөселман халыкларының тәрәккыяте, алгарышы. Ш. Мәрҗани исемендәге Тарих институтының Тарих һәм милли мәгариф теориясе үзәгенең әйдәп баручы фәнни хезмәткәре Ләлә Мортазина галимнең тууына 170 ел тулуга багышланган фәнни конференциядә шул хакта сөйләде. «Мәктәпләрдә, татарлар белән беррәттән, үзбәк, кыргыз, казах, каракалпак һәм башка милләт балалары укыган. Укыту татар телендә алып барылган, Гаспралы дәреслекләре белән бергә... Читать дальше...

(Казан, 24 октябрь, «Татар-информ», Гөлнар Гарифуллина). Кырым татар зыялысы, язучы, җәмәгать эшлеклесе Исмәгыйль Гаспралы мәгариф тармагына зур өлеш керткән шәхес. Ш. Мәрҗани исемендәге Тарих институты директоры урынбасары Марат Гыйбатдинов аның шушы юнәлештә ролен билгеләде. «Исмәгыйл бәкнең бер сабагы — ул мәктәпләрнең җәмгыятьтән бикләнмәве, киресенчә, аның ата-аналар, хәйриячеләр өчен ачыклыгы (бүген без аны транспарент дип әйтер идек). Ачык имтиханнар, күргәзмәләр, кичәләр аркылы җәдитчеләр җәмгыятькә яңа мәктәпнең файдасын... Читать дальше...

(Казан, 24 октябрь, «Татар-информ»). Коралны эксперт тикшеренүләрен үткәрү Эчке эшләр министрлыгы тарафыннан гражданлык һәм хезмәт коралының криминалистик таләпләргә туры килүе турында бәяләмә бирү өчен мәҗбүри булырга мөмкин. Бу хакта РФ Эчке эшләр министрлыгы сайтында хәбәр ителә. Министрлык РФ Хөкүмәтенең 2011 елның 6 маендагы карары белән расланган исемлеккә өстәмә яңалык буларак беркетелә торган хөкүмәт карары проектын эшләде. «Татар-информ» мәгълүмат агентлыгы хәбәр иткәнчә, Татарстанда коралны... Читать дальше...

(Казан, 24 октябрь, «Татар-информ»). Дүшәмбе Татарстанда һава шартлары начарлануы көтелә. Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр иткәнчә, 25 октябрьдә иртән һәм көндез республика территориясендә һәм Казанда көчле җил көтелә, көчәйгәндә секундына 15-17 метрга кадәр җитәргә мөмкин. Яңгыр һәм җепшек кар яварга мөмкин. Шул сәбәпле, юлларда күз күреме начарланачак. Моннан тыш, иртән аерым участокларда бозлавык хасил булырга мөмкин. Төнлә һава температурасы +2..-3 градус... Читать дальше...

(Казан, 24 октябрь, «Татар-информ»). Татарстан Президенты Рөстәм Миңнеханов РСФСРның атказанган сәнгать эшлеклесе, композитор София Гобәйдуллинаны 90 яшьлек юбилее белән котлады.  «Язмышның тиңдәшсез таланты һәм музыкага фидакяр хезмәт итүе, туктаусыз иҗади эзләнүләр, бары тик сәнгать һәм музыка гына кешенең җанын тынычландырырга, бу дөньяны берләштерергә һәм коткарып калырга сәләтле икәненә тирән ышану — Сезнең уникаль, күпкырлы шәхес икәнлегезне исбатлый», диелгән котлауда. Рөстәм Миңнеханов сүзләренчә... Читать дальше...

(Казан, 24 октябрь, «Татар-информ»). Россиядә рөхсәт ителмәгән урыннарда тәмәке тартучы кешеләрне теркәячәк системаны эшләү планлаштырыла. Илкүләм технологик инициатива матбугат хезмәтендә хәбәр итүләренчә, система тыелган территорияләрдә тәмәке тарту фактын ачыклаячак һәм куркынычсызлык өчен җаваплы кешеләргә мәгълүмат тапшырыр дип көтелә. Ул хокук бозуларны вакытында ачыкларга, аерым алганда, янгын һәм шартлау куркынычын булдырмау мөмкинлеге бирәчәк. Программа реаль вакыт режимында камералардан... Читать дальше...

(Казан, 24 октябрь, «Татар-информ»). Соңгы тәүлектә Россиядә коронавирусның 35 меңнән артык очрагы ачыкланган. «85 төбәктә яңа коронавирус инфекциясе йоктыруның 35 660 очрагын ачыклаганнар», дип хәбәр итә РИА Новости коронавируска каршы оператив штабка сылтама белән. Кичә пандемия башланганнан алып антирекорд куелды, 37,1 меңнән артык кешенең ковид йоктыруы ачыкланды. Алтынчы көн рәттән Covid-19 инфекциясеннән үлүчеләр меңнән арткан. Бөтенроссия сәламәтлек саклау оешмасының соңгы мәгълүматлары буенча... Читать дальше...

(Казан, 24 октябрь, «Татар-информ»). ДНКОМ молекуляр-генетик тикшеренүләр фәнни үзәге башлыгы Андрей Исаев ноябрь уртасына кадәр коронавирус белән авыручылар артуы дәвам итәчәк һәм саннар югары булачагын әйтте. Белгеч аңлатканча, «дулкын» гадәттә 4-8 атна дәвам итә. Ноябрь уртасында авыручылар арту тукталачак, шул ук вакытта күрсәткечләр югары булачак, дип фаразлый Исаев. Алар декабрь башында төшә башлаячак, ә вазгыять кабул ителә торган чаралардан тора. Юу турыда «Российская газета» хәбәр итә. Читать дальше...

(Казан, 24 октябрь, «Татар-информ»). Узган тәүлектә Татарстанда яңа коронавирус инфекциясен йоктыруның 155 яңа очрагы теркәлгән. Җиде кеше чирне республикадан читтә йоктырган, калганнары авыру кеше белән аралашканда эләктергән. «45 кеше хастаханәгә салынган, 110 кеше өйдә дәвалана», диелә Татарстан Сәламәтлек саклау министрлыгының матбугат хезмәте хәбәрендә. Авыручыларны күбесе Казанда теркәлгән, анда 95 кеше ковид йоктырган. Чаллыда коронавирус йоктыруның 26 очрагы, ә Яшел Үзәндә биш очрагы ачыкланган. Читать дальше...

(Казан, 24 октябрь, «Татар-информ»). Галимнәр кешеләрнең күпме вакыттан соң коронавирусны кабат йоктыруын санап чыгарган. РИА Новости The Guardian басмасына сылтама белән хәбәр иткәнчә, аерым алганда, вакцинацияләнмәгән кешеләрнең һәр ел ярым саен һәм ешрак та инфекцияне эләктерү куркынычы бар. 2020 елда күпчелек белгечләр ковид белән кабат авыру очракларын искәрмә дип санаган, чөнки алар аз булган. Ләкин соңрак билгеле булганча, барлыкка килгән иммунитетның көчсезләнүе аңлашылды. Моннан тыш... Читать дальше...

(Казан, 24 октябрь, «Татар-информ»). Россия Халыклар дуслыгы университетының икътисад факультеты деканы урынбасары Елена Григорьева 1 ноябрьдә кайбер категориягә керүче гражданнарның пенсияләрен арттырулары турында сөйләде. Шулай итеп, октябрь аенда үзенең 80 яшьлеген бәйрәм итүчеләр өчен картлык буенча пенсиянең иминият өлеше күләме 12 088,96 сум тәшкил итәчәк. Белгеч сүзләренчә, эшләүче пенсионерларның пенсиясе индексацияләнми, әмма алар июльдә эштән киткән булсалар, 3 ай узгач (ягъни ноябрьдә)... Читать дальше...

(Чаллы, 24 октябрь, «Татар-информ», Гөлназ Хәбибуллина). Чаллының «Нур» яшьләр үзәгендә үткәрелгән Татар яшьләре форумы быел экологик юнәлештә узган. Бу хакта URBANTATAR берләшмәсе җитәкчесе, Татар яшьләре форумының оештыручысы Гүзәл Әхмәтгәрәй хәбәр итте.  «Без быелгы Татар яшьләре форумы кысаларында кәгазь-каләм кулланмадык. Чарада катнашучылар проектлар турындагы мәгълүматны Miro интерактив тактасына онлайн режимда тутырдылар. Шулай ук жюри әгъзалары да форумда катнашучы командаларга үз бәяләрен телеграм-канал аша бирде»... Читать дальше...

(Казан, 24 октябрь, «Татар-информ»). АКШ Дәүләт департаменты россиялеләрне үз иле территориясендә Америка визасын ала алмаган категориягә кертте, дип тапшыра РИА Новости. Homeless Nationalities (сүзгә-сүз тәрҗемә «йортсыз милләтләр») исемлегенә Россия илдә Америка дипломатлары саны кимүгә бәйле рәвештә эләккән, чөнки 1 августтан башлап бу вазифаларга АКШта яшәүчеләрдән кала россиялеләрне яки теләсә нинди ил кешеләрен яллау тыела. Америка илчесе Джон Салливан сүзләренчә, консуллык хезмәтләрен тулы... Читать дальше...

(Казан, 24 октябрь, «Татар-информ», Павел Климчак). Кичә кич Биектау районының Сосновка авылында Үзәк урамда янгын чыккан. Сак хезмәтенең 101 номерына шәхси йорт һәм ишегалды корылмалары януы турында хәбәр килгән. Янгын 200 кв.метр мәйданга зыян китергән. Ашыгыч хезмәтләр янгынны тиз арада сүндергән. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр. Янгында 98 яшьлек хатын-кыз һәм аның 68 яшьлек туганы үлгән. Якынча... Читать дальше...

(Чаллы, 24 октябрь, «Татар-информ», Гөлназ Хәбибуллина). Чаллыда узган Татар яшьләре форумында катнашучылар төрле татарча проектларны тирәнрәк өйрәнеп, аларны тагын да камилләштерү юлларын тәкъдим итте. Форум «Нур» яшьләр үзәгендә узды. Чарада 70 тән артык өлкән сыйныф укучысы һәм студент катнашты.  Командаларга бүгенге көндә уңышлы эшләп килүче 8 татарча проект тәкъдим ителде. Алар арасында URBANTATAR альтернатив татар музыкасының интернет-радиосы, «Әйдә, ШаяРТ» Татар КВН лигасы, «Ачык университет» проекты... Читать дальше...

(Казан, 24 октябрь, «Татар-информ», Оксана Романова). Татарстан Фәннәр академиясенең Халиков исемендәге Археология институты белгечләре Казанның Петропавел соборы территориясендә XVI гасыр каберендә Иван Грозный чорындагы көмеш тәңкә тапкан. «Бу көмеш тәңкә — вак номинал. Тәңкәгә „Царь Великий князь Иван“ дип язылган», — диде «Татар-информ»га институтның фәнни хезмәткәре, археолог Илья Тищенко. Археологлар күптән инде үзләре өчен XVI гасырның икенче яртысында Идел буе территориясендә казылган каберләрдә инвентарьлар булмаганлыгын аңлаган ... Читать дальше...

(Казан, 24 октябрь, «Татар-информ»). «Бердәмлек» газетасында Эльмира Сәйфуллина «Яктылык» мәктәбенең көзге өмәсе турында яза. Үткән шимбәдә Самараның «Яктылык» татар мәктәбе дә көзге өмә оештырган иде. Балалар да, ата-аналар да күптән инде матур гадәткә әверелгән әлеге чарада бик теләп катнашалар. Менә бүген дә иртәнге сәгать сигездә мәктәп тирәсе инде шау-гөр килеп тора иде. Өмәчеләр мәктәп ишегалдын җыештырдылар, чәчәк клумбаларын тәртипкә китерделәр, тәҗрибәле бакчачы Асия Сәйфетдинова җитәкчелегендә күпьеллык чәчәкләр утырттылар. Читать дальше...