Новости за 24.05.2020

په داسې حال کې چې په نړۍ کې په کوویډ- ۱۹ ناروغۍ د اخته کسانو شمېر نن له ۵،۴ میلیون او د مړو شمېر یې له ۳۴۴ زرو واوښت چین وايي چې پر دې هېواد د کرونا ویروس په برخه کې تورونه له قانوني پلوه بې بنسټه دي او د نړۍ په کچه پخوا تردې ساری نه لري. د چین د بهرنیو چارو وزیر نن یکشنبې په پېکېنګ کې خبریالانو ته وویل د نورو هېوادونو په څېر چین هم د دې نړیوالې وبا قرباني و، او په دې برخه کې یې له نورو اړو هېوادونو سره لازمې مرستې هم کړې دي. وانګ لي د امریکا د ولسمشر او نورو چارواکو څرګندونو ته چې د دې ناروغۍ... Читать дальше...

د بګرام پر هوايي اډې نن له غرمې مخکې د توغندیو برید وشو. د راپورونو له مخې دوه بي ام یو ډوله توغندي چې په یوه موټر کې ځای پرځای شوي وو، شاوخوا یوولس بجې د بګرام پر هوايي اډې چې د نړیوالو ځواکونو لوی مرکز پکې دی، وتوغول شول. په پروان ولایت کې د امنیتي ځواکونو د همغږۍ د مرکز قوماندان الوزي احمدي د دې خبر د تایید ترڅنګ آزادۍ راډیو ته وویل چې دا توغندني بګرام اډې ته نژدې راپرېوتي دي او تلفات نه لري. د دې حملې مسوولیت تر اوسه کومې ډلې نه دی منلی.

د ایران په لویدیځ کې کوه کیلویه او بویر احمد ولایتونه نن یوې زلزلې ولړزول. د امریکا د جیولوژیکي سروې ادارې نن وویل چې د دې زلزلې قوت د ریښتر په مقیاس ۵،۱ درجې وه. ایرنا خبري آژانس، د تهران پوهنتون د جیوفزیک انستیتیوت په حواله وايي چې زلزله په سیمه ایز وخت د ماسپښین په شل کم دوو بجو وشوه او مرکز یې د ځمکې په لس کیلومتره ژور تل کې و. سمدستي د دې زلزلې د انساني تلفاتو او زیانونو راپور نه دی ورکړل شوی. ایران د ځمکې په هغه موقعیت کې پروت دی چې ډېرې زلزلې پکې کېږي.

چارواکي وايي، په غزني کې دوو پېښو کې ۷ تنه ملکیانو ته مرګ ژوبله اوښتې ده. د غزني ولایت په قره باغ ولسوالۍ کې په یو کور د هاوان د مرمۍ د لګېدو په ترڅ کې ۵ ماشومانو ته مرګ ژوبله اوښتې. د ولایت ویاند وحیدالله جمعه زاده د یکشبې په ورځ ازادي راډیو ته وویل: "د غزني ولایت قره باغ ولسوالۍ د موشکي په سیمه کې پر یو کور د هاوان مرمۍ د لګيدو له امله یو ماشوم وژل شوی او ۴ نور ټپیان دي، په ټپیانو کې هم د دوو تنو حالت د اندېښنې وړ دی." ښاغلي جمعه زاده زیاتوي، د غه پېښه تېره شپه ناوخته هغه مهال رامنځته شوې ده. Читать дальше...

د مې ۲۴مې پر سهار د پاکستان پلازمېنې اسلام اباد په ګډون په لویو، وړو ښارونو کې خلکو د اختر لمونځ وکړ. مسلمانان دا کوچنی اختر پر داسې مهال لمانځي چې په نړۍ کې د کورونا وایرس وبا مخنیوي په موخه محدودیتونه عملي شوي دي. د همدې له وجې، د اسلام اباد فیصل جومات ته د تېر پرتله دا ځل لوړپوړي چارواکي نه ول ورغلي. په کوټه کې هم ګڼو کسانو د اختر لمونځ وکړ. د اختر په شپه خلکو په اسلام اباد کې د اختر لپاره شیان واخیستل. ویډیويي رپورټ.

د افغانستان ولسمشراشرف غني نن د طالبانو له خوا د اعلان شوي اوربند هرکلی وکړاو ویې ویل چې دولتي ځواکونو ته یې امرکړی چې پرطالبانو حملې ونه کړي. ښاغلي غني همداشان وویل چې د طالبانو د بندیانو د خوشې کیدو بهیربه په ګړندی شي.

که څه هم د جګړې دواړه خواوې د اوښتو مالي او ځاني زیانونو په اړه معلومات نه ورکوي، خو وايي، چې د کوچنی اختر په اوربند کې به دغه زیانونه وروستي حد ته راښکته شي.

په هانګ کانګ کې زرګونه تنه د پیکینګ له لوري پر دغه ښار د نویو قوانینو د تحمیلېدو پر ضد د اعتراض لپاره واټونو ته راووتل.

په خوست کې د کوچني اختر لمونځ کوونکیو د حکومت او طالبانو تر منځ د اوربند د اعلان هرکلۍ وکړ

د اختر په شپو او ورځو کې د افغانستان د حکومت او وسله‌والو طالبانو لخوا د اوربند اعلان افغانان خوښ کړي، خو یو شمېر غوښتنې هم لري.

په سرپل ولایت کې نن یو شمیر مېرمنو د اختر په لمانځه کې ګډون وکړ. د سرپل د ښځو د چارو رییسې نبیلا حبیبي آزادۍ راډیو ته وویل چې د سرپل د امام خرد سیمې په جامع جومات کې نن شاوخوا سلو مېرمنو د اختر لمونځ په جماعت ادا کړ خو نوموړې زیاته کړه چې دوی د عامې روغتیا وزارت ټولې روغتیايي سپارښتنې په پام کې نیولې وې.  مېرمن حبیبي زیاته کړه چې دوی د اختر په لمانځه کې په هېواد کې د سولې او ثبات د ټینګښت لپاره دعا وکړه.

تېره شپه د لغمان د علیشنګ ولسوالي د سالاب ګردي په سیمه کې پر یوه کور د هاوان مرمۍ د لګېدو په پېښه کې ۴ ماشومان ووژل شول. د لغمان د والي ویاند اسدالله دولتزي شېبه وړاندې ازادي راډيو ته تایید کړه چې تېره شپه شااوخوا نهه بجې د قدیر په نامه د یوه کس پر کور د هاوان مرمۍ لګېدلې چې له امله یې د دې کورنۍ ۴ تنه وژل شوي دي. د ښاغلي دولتزي په خبره چې په پېښه کې همداشان د یادې کورنۍ ۷ نور غړي ټپیان شوي چې اوس تر درملنې لاندې دي. دا په داسې حال کې د چې د پېښې د ځای اوسېدونکي نن د لغمان مرکز مهترلام کې د... Читать дальше...

د افغانستان د عالمانو د شورا مشر او مخکښ دیني عالم مولوي قیام الدین کشاف په حق ورسيد. د افغانستان د ارشاد حج او اوقافو وزارت ویاند فضل محمد حسیني ازادۍ راډيو ته وویل چې کشاف د ناروغۍ له کبله په حق رسېدلی دی. کشاف له څو کلونو راهیسې د افغانستان د عالمانو د سراسري شورا مشر و. هغه د افغانستان د جګړې د مذهبي توجیهاتو په برخه کې د طالبانو او افراطي عالمانو پر وړاندې د غوڅ دریځ په نیولو مشهور و.

د بغلان ولایت په بنوی اندراب ولسوالۍ کې نن د اختر له لمانځه وروسته په یوه وسله واله نښته کې ۶ کسان وژل شوي دي. د اندراب ولسوال محمدمنصور عزیزي آزادۍ راډیو ته وویل چې نښته د اختر له لمانځه یو ساعت وروسته په خوشدرې سیمه کې دوو کورنیو د دښمنۍ په نتیجه کې شوې. ښاغلي عزیزي په دې اړه نور جزییات ورنه کړل خو ویې ویل چې پولیس سیمې ته استول شوي او موضوع به له څېړنو وروسته روښانه شي.

د اسراییلو د صدراعظم محاکمه نن پیل شوه. بنیامین نتنیاهو د فساد په یوه قضیه کې چې دی یې سیاسي دسیسه بولي محاکمه کېږي. نتنیاهو د اسراییلو لومړنی برحاله صدراعظم دی چې جنایي تورونه پرې لګول شوي دي. نوموړی باید د بیت المقدس په یوه محکمه کې حاضر شي. دا محاکمه یوه اوونۍ وروسته له هغه پیلېږي چې نتنیاهو د بیسارې پنځمې دورې لپاره د ملي وحدت د حکومت د مشر په توګه لوړه وکړه.

د ملګرو ملتونو سرمنشي په افغانستان کې د حکومت او طالبانو له خوا د اوربند هرکلی کړی. د ملګروملتونو ویاند نن په یوه خبرپاڼه کې د انټونیو ګوټیریش له قوله لیکي چې نوموړی د افغانستان د جګړې پر ټولو ښکېلو غږ کوي چې له دې فرصت څخه ګټه واخلي او د افغانانو په مشرۍ د سولې په بهیر کې برخه واخلي. د بیان له مخې سرمنشي ویلي چې یوازې سوله ییز حل د افغانستان جګړه پای ته رسولی شي. ښاغلي ګوټیریش ویلي چې ملګري ملتونه په دې مهمه پروسه کې د افغانستان د خلکو او حکومت ملاتړ ته ژمن دی. طالبانو پرون خپلو جنګیالیو... Читать дальше...

د ارزګان ولایتي اداره بیا وايي، پر بستونو هغه څوک ګماري چې وړتیا ولري هغه که نارینه وي اوکه ښځې او بستونه يې هم توپیر نه لري.

د پاکستان حکومت د يوې مسافر وړونکې الوتکې د لوېدو په پېښه کې د وژل شویو کسانو له کورنیو سره یو یو میلیون روپۍ مرسته کوي.

د اسلام اباد په بني ګالا سیمه کې یوه کس په نانوایانو کې د نېکۍ ټوکرۍ ایښې دي چې پکې خلک ډوډۍ ږدي او بې وزله کسان یې ورڅخه وړي. دې کار ته د رانا محمد اخلاق پام څنګه واوښت او ایا نانوایان ورسره همکاري کوي او که څنګه؟ ځواب یې په ویډیويي رپورټ کې.

دا ځل اختر داسې حال کې لمانځل کېږي چې د کورونا وایرس جهاني وبا نړۍ ځپلې، په پاکستان کې د کورونا وایرس مثبتو پېښو شمېر

افغان ولسمشر محمد اشرف غني په طالبانو غږ کړی چې له تشدده دې لاس واخلي. هغه نن (د مې په ۲۴مه) په کابل کې د اختر په مناسبت په وېنا کې وويل د طالبانو له خوا د اختر له ورځې شروع شوي درې ورځني بند هرکلی کوي.

افغان ولسمشر محمد اشرف غني د کوچني اختر په مناسبت نن یکشنبه ارګ کې یو ځل بیا د طالبانو له لوري د اوربند هرکلی وکړ او افغان ځواکونو ته یې امر وکړ څو دفاعي حالت غوره کړي.

د افغانستان په ګډون د نړۍ د اسلامي هېوادونو خلک نن، یک شنبه د مې ۲۴مه، د کوچني اختر لومړۍ ورځ لمانځي. په داسې حال کې چې په افغانستان کې د کرونا ویروس مثبتې پېښې لس زرو ته رسېدلې دې. د افغانستان د عامې روغتیا وزارت پرون پر خلکو غږ وکړ چې د اختر په درېیو ورځو کې دې په کورونو کې پاتې شي. د افغانستان د حج او اوقافو وزارت د اختر په ورځو کې خلکو ته جوماتونو ته د تګ په اړه ځانګړی اعلان نه دی کړی خو له خلکو یې غوښتنه کړې چې د اختر په درېیو ورځو کې دي له کورونو نه وځي. په پاکستان کې خلکو ته اجازه... Читать дальше...

د مسکو یوه ژوبڼ پرون، د مې په ۲۳مه، د یوې ۸۳ کلنې تمساح د مړینې خبر خپور کړ. دا تمساح له ۱۹۴۶ میلادي کاله د مسکو په ژوبڼ کې ساتل کېده. د مسکو ژوبڼ د هغې د مړینې خبر پر انستګرام خپور کړی دی. په عمومي ډول، امریکايي تمساح په طبیعت کې له دېرشو تر پنځوسو کلونو ژوند کوي. د مسکو د ژوبڼ تمساح په امریکا کې پیدا شوې وه. هغه په ۱۹۴۳ میلادي کال کې د برلین ژوبڼ ته ور کړ شوې او کله چې د دوهمې نړیوالې جګړې په وروستیو کلونوکې پر برلین بمبارد شوی و، هغه له ژوبڼه تښتېدلې وه. دا چې هغه څرنګه درې کاله ژوندۍ... Читать дальше...

د امریکا د بهرنیو چارو وزیر مایک پومپیو د چین د حکومت هڅې چې د هانګ کانګ د ملي امنیت قانون د کنټرول لپاره یې کوي، غندلي دي. مایک پومپیو د مې په ۲۲مه، په یوه بیان کې وویل چې د چین د حکومت هڅو چې د هانګ کانګ د ملي امنیت قانون له پامه غورځوي او د خلکو غوښتنې تر پښو لاندې کوي د سیمې د کور واکۍ مرګ دی چې د چین حکومت پر هانګ کانګ د بریتانیې د واکمنۍ تر خلاصېدو وروسته، په ۱۹۹۷ میلادي کال کې د هانګ کانګ له خلکو سره ژمنه کړې وه. پومپیو پر چین غږ کړی چې خپل خطرناک وړاندیز بېرته واخلي، خپل نړیوال مسئولیت... Читать дальше...