په پاکستان کې کوچنی اختر لمانځل کېږي
د مې ۲۴مې پر سهار د پاکستان پلازمېنې اسلام اباد په ګډون په لویو، وړو ښارونو کې خلکو د اختر لمونځ وکړ. مسلمانان دا کوچنی اختر پر داسې مهال لمانځي چې په نړۍ کې د کورونا وایرس وبا مخنیوي په موخه محدودیتونه عملي شوي دي. د همدې له وجې، د اسلام اباد فیصل جومات ته د تېر پرتله دا ځل لوړپوړي چارواکي نه ول ورغلي. په کوټه کې هم ګڼو کسانو د اختر لمونځ وکړ. د اختر په شپه خلکو په اسلام اباد کې د اختر لپاره شیان واخیستل. ویډیويي رپورټ.