Новости за 12.12.2019

د نوبل د ادبیاتو د جایزې د ګټونکي اتریشي لیکوال، پیتر هندکې په وړاندې د اعتراض په ترڅ کې بوسنیا او هرزګوېنا او کوسوو ویلي چې نه‌غواړي هغه دې هېوادونو ته ورشي. د بالکان په سیمه کې زیات وګړي په دې باور دي چې ۷۷ کلن هندکې د هغو جنګي جنایتونو په اړه چې صربانو په سیمه کې د کورنۍ جګړې پر مهال کړي وو، د عفوې دريځ غوره کړی و. د سرایوو کورني پارلمان پرون یوه لایحه تصویب کړه چې پر اساس‌یې هندکې غیر مطلوب وګړی معرفي شوی. د بوسنیا د پارلمان غړو همداراز د سویډن د نوبل اکاډمي غندلې چې سږ کال‌یې د ادبیاتو... Читать дальше...

دا ځل د ایران د ټرانسپورت زیات شرکتونه چې یمن ته‌یې پوځي وسایل او د ډله‌یېزې وژنې وسلې لېږدولې، په نښه شوي دي. د امریکا د بهرنیو چارو وزیر مایک پامپیو پرون پر دغو شرکتونو د بندیزونو اعلان وکړ. هغه وویل: "تر څو چې د ایران له شره ډک فعالیت روان وي، د زیات فشار راوستلو ته به دوام ورکوو. زه د ایران د ټرانسپورت پر درېیو شرکتونو د بندیزونو خبر اعلانوم چې له یمن سره‌یې د ډله‌ییزې وژنې لپاره د وسلو د پروګرام په صادرولو کې مرسته کوله." پامپیو همداراز وویل، دوی هیله لري چې د بندیانو هغه تبادله چې په... Читать дальше...

د افغانستان په شمال او جنوبي ولایتونو بغلان او ارزګان کې د ماشومانو د ګوزڼ یا پولیو دوه نوې پېښې ثبت شوي چې په دې سره په ټول افغانستان کې د پولیو پېښې ۲۵ ته ورسېدې. د بغلان د عامې روغتیا رئیس محب‌الله حبیب تېر ماښام ازادي راډیو ته وویل چې د ماشومانو د ګوزڼ یا فلج نوې پېښه د بغلان په ډنډ غوري ولسوالۍ کې ثبت شوې ده. ښاغلي حبیب وویل، دا هغه ولسوالي ده چې طالبانو په‌کې له یوه کال راهیسې ماشومانو ته د پولیو ضد واکسین مخه نیولې. هغه زیاته کړه: "موږ پر دې کار کوو چې څنګه طالبانو ته قناعت ورکړو چې... Читать дальше...

د نیجر د دفاع وزارت وایي چې د مالي له پولې سره نږدې د دې هېواد پر یوې پوځي اډې په حمله کې شااوخوا ۷۱ سرتېري وژل شوي دي. دفاع وزارت په یوه بیان کې ویلي چې په دغه حمله کې چې پرون شوې، یو زیات شمېر ترورېستان له‌منځه وړل شوي او د پوځ ۱۲ تنه ټپیان شوي او یو شمېر نور لادرکه دي. د دغې حملې مسؤلیت تر اوسه کومې ډلې نه‌دی اخیستی، خو له اسلامي دولت ډلې او نورو سخت دریځو ډلو سره تړلي وسله‌وال اکثره وختونه د دا ډول حملو مسؤلیت اخلي.

د امریکا د وسله‌والو ځواکونو لوی درستیز جنرال مارک میلي وایي، پنټاګون پر دې غور کوي چې په افغانستان کې لږ شمېر سرتېري پرېږدي. ښاغلي میلي پرون د امریکا کانګرس ته په خبرو که څه هم په دې اړه چې څه شمېر سرتېري په پام کې ده په افغانستان کې پاتې شي، زیات جزئیات ورنه‌کړل، خو دا یې ومنله چې په دې هېواد کې له ترورېزم سره د مبارزې لپاره د لږو امریکایي سرتېرو پرېښودل یو اغېزناک اقدام دی. هغه زیاته کړه، "موږ پر ډېرو غوراویو غور کوو چې یو یې هم دا دی." په اوس وخت کې شاوخوا ۱۳ زره امریکایي سرتېري په افغانستان... Читать дальше...

په بدخشان کې سیمه‌ییز چارواکي وايي، په راغستان ولسوالۍ کې د سرو زرو د یوه کان د ښویېدو له امله ۵ کارګران مړه شوي او لسګونه نور لادرکه دي. د بدخشان د والي ویاند نېک محمد نظري پرون د ډسمبر په ۱۱مه، ازادي راډیو ته وویل چې په دغې ولسوالۍ کې یو شمېر خلک د سرو زرو په لټه کې په کار لګیا وو چې واوره ورباندې راښویېدلې او هغوی یې لاندې کړي دي. د هغه په وینا، ۳۵ کارګران لا هم لادرکه دي. چارواکو ویلي چې په سیمه کې هره ورځ له ۴۵ تر ۵۰ کسانو کار کاوه. د بدخشان د کوهستان ولسوالۍ په شوکوه کلي کې هم تېر کال د سرو زرو یو کان ښویېدلی وو.

دغه لایحه چې وړاندې د استازو مجلس تصویب کړې وه او اعتراضونه‌یې راوپارول، پرون د سنا مجلس له ۱۲۵ غړو په ۱۰۵ موافقو رأیو تأیید شوه.

د پاکستان په پنجاب کې د ډاکټرانو او وکيلانو ترمنځ جګړه کې درې ناروغان مړه شوي دي. حکومت د امنيت په خاطر په لاهور کې ريجرز ځواک ځای پر ځای کړی دی.

د ارګ په خبرپاڼه کې د ولسمشر غني په حواله لیکل شوي چې پر عامه تأسیساتو او روغتیايي مرکزونو داسې "ترورېستي" حملې د افغانستان دښمنان خپل مقصد ته نه‌شي رسولائ.