په خیبر پښتونخوا کې د شاتو کاروباريان اود مچیو ساتونکي اندېښمن دي چې د ماحولياتي تبديلۍ له لاسه یې ۶۰ سلنه مچۍ مري. دوی له حکومته غوښتنه وکړه، هغه ونې دې ولګوي چې د شاتو پيداوار ته وده ورکړي او د مچیو لپاره ګل وکړي. نور تفصيل د عظمت علي شاه په دې رپورټ کې.
په کابل کې د ککړې هوا د مخنیوي هڅې، په بغداد کې د واشنګتن پر سفارت برید، په استرالیا کې د زرګونو کسانو بیځایه کیدل او ورسره ترڅنګ په نیوزیلنډ کې د نوي کال د جشن پيلامه.
د کابل ښار د لویدیځې څنډې اوسېدونکو، په ښار کې د بې نظمۍ، خپلسریو او د موټرو ګڼې ګوڼې ډېرېدو له امله په یوه بې ساري اقدام سره، کابل ښاروالۍ، ترانسپورت وزارت او د ترافیکو مدیریت ته «تنبل نامه» ورکړه.
د سره صلیب نړیوالې کمېټې یو جګپوړی چاروکی وایي چې د اسلامي دولت (داعش) ډله توانیدلې د افغانستان په شمالي سیمو کې د یوشمېر وسله والو ډلو ملاتړ خپل کړي. د دغې کمیټې د عملیاتو د برخې مشر دومینیک سټیلهرټ له روسي تاس خبري آژانس سره په ځانګړې مرکه کې ویلي چې په افغانستان کې شخړې په تېره بیا وروستیو دوه درېیو کلونو کې بیا زیاتې شوې دي. د هغه په وینا یوه ستونزه چې دوی د افغانستان په شمال کې ورسره مخامخ دي، د شخړو یو تیت او پرک چاپریال دی چې په زیاتیدونکي ډول سخت دریځې ډلې له اسلامي دولت یا داعش ډلې سره یوځای کیږي. Читать дальше...
د افغانستان د ټاکنیزو شکایتونو کمېسیون چارواکي وايي، د نن ورځې تر پایه به د ټولو ولایتونو د شکایتونو طبقه بندي بشپړېږي.
په افغانستان کې طالب زندانيان د امريکې او طالبانو ترمنځ ممکنه سولې تړون ته هيله من دي او د خپلې ازادۍ ښه موقع يې بولي.
د راپورونو له مخې د عراق په پلازمېنه بغداد کې د امریکا سفیر او د سفارت کارکونکي د هغو مظاهرو له امله انتقال شوي چې په دې وروستیو کې د امریکا د هوایي حملو پرضد پیل شوي دي.
مظاهرچيان د هغه امريکايي بريد پرضد راوتلي چې پکې په عراق او شام کې د ايران ملاتړې ملېشه ۲۵ کسان وژل شوي ول.
د ولسي جرګې له خوا د سولې په چارو کې د دولت وزارت د تشکیل تر تصویبېدو وروسته، د افغانستان سولې عالي شورا چارواکي وايي، دغه وزارت به په اوسنيو شرایطو کې د سولې په برخه کې کومه لویه لاسته راوړنه و نه لري.
د مسلم ليګ ن صدر شهباز شريف په لاهور کې خبري غونډې پر مهال په وزيراعظم عمران خان تور په پورې کولو سره وويل نېب دا ټولې نیونې د ده په وينا کوي.
د رزمي ترکیبي هنرونو (ام ام اې) ورزشکار حسین صفري د خپل روسي سیال پیتربرګ تر ماتولو وروسته افغانستان ته ستون شو. یو شمېر حکومتي چارواکي او د کابل اوسېدونکي د صفري د هرکلي لپاره د کابل هوايي ډګر ته ورغلي وو. نوموړي د جدي په ۷مه نېټه په مسکو کې په ام ام اې رشته کې پر خپل روسي سیال برلاسی شو او تر درې مرحلې مقابلې وروسته یې سیالي وګټله. ولسمشر محمد اشرف غني، اجرائیه رئیس عبدالله عبدالله، د امریکا د بهرنیو چارو وزارت مرسیتالې الېس ویلز او یوشمېر سیاسونو صفري ته د دې بریا مبارکي ویلې ده. نوموړي تر اوسه څو د طلاوو مډالونه ګتلي دي. Читать дальше...
په سوات کې د پښتو ژبې نومیالي لیکوال او د ګندهارا هنري ټولنې مشر پروفيسر محمد پروېش شاهين په ادبي خدماتو يوه غونډه وشوه. نور حال د نياز احمدخان ویډیويي راپور کې وګورئ.
۲۵ کلن زین الدین د ۱۳۹۶ کال د دلوې میاشتې په اوومه نیټه، د صدارت څلور لارې په چاودنه کې لادرکه شوی. خو بوره مور او کوژدنه یی لا هم د ده د راتلو لارې څاري.
د افغانستان د عامې روغتیا وزارت چارواکي وايي، که په کابل کې د هوا ککړتیا ډېرېدل همداسې دوام وکړي نو د تنفسي ناروغانو په شمېر کې به د پام وړ زیاتوالی راشي.
شفيق احمد اېډوکېټ د ډېسېمبر پر ۱۰مه نېټه د پنجاب اوکاړه ښاره تښتول شوی وو چې د هم دې مياشتې پر ۲۷مه نېټه د پنجاب بکهر ښار په دښتو کې پرېښودل شو.
ایرانۍ ملاتړ لرونکې ملیشې ویلي له امریکا څخه به د عراق او شام د ورستیو بریدونو غچ اخلي.
د پروان امنیتي چارواکي وایي چې د دې ولایت په سیاګرد ولسوالۍ کې د دوه سیمه ییزو قومندانانو ترمنځ په نښته کې دوه کسان وژل شوي دي. د دې ولایت امنیې قومندان محمد محفوظ ولیزاده دا پیښه تایید کړه او ازادي راډیو ته یې وویل چې دغه نښته نن سهار د سیاګرد ولسوالۍ د چهارده په کلي د آمر ستار او څارنوال دادالله ترمنځ رامنځته شوه. ښاغلي ولیزاده د دغې نښتې انګیزه شخصي دښمني وبلله. له دې مخکې هم په پروان کې د سیمه ییزو قومندانانو ترمنځ د خونړیو نښتو راپورونه ورکړل شوي وو.
د افغانستان د ښارجوړونې او ځمکو وزارت د ټاپي پروژې په لاره کې د جایدادونو د استملاک خبر ورکوي. د دغه وزارت ویاند حشمت الله ناصري ازادي راډيو ته وویل، چې د ټاپي پروژې پر لار کې څه باندې ۱۲ کلیومټره ځمکه تخنیکي،تصفیه او تثبیت کېږي. نوموړي وویل، چې ډير ژر به دغه بهیر په هرات کې بشپړ او فراه، کندهار، هلمند او نیمروز کې به پیل شي. ټاپي د ترکمنستان، افغانستان، پاکستان او هندوستان ګډه اقتصادي پروژه ده چې د ترکمنستان ګاز پاکستان او هندوستان ته لېږدوي. د ګازو دا پایپلاین د افغانستان د پنځه ولایتونو له ۲۲ ولسوالیو تېرېږي.
د افغانستان د کرنې او مالدارۍ وزارت وايي چې په کندهار ولایت کې د شترمرغ د روزنې لومړنۍ فارم جوړ شو. د دې وزارت ویاند اکبر رستمي نن ازادي راډيو ته وویل، چې دغه فارم د خصوصي سکټور په پانګونې جوړ شوی دی. هغه زیاته کړه: "د شتر مرغ د روزنې یاد فارم په کندهار ولایت کې د یو ملي سوداګر له خوا جوړ شوی دی، د شتر مرغ فارمونه د تېرو دوو کلونو راهیسې دود شوی او د هېواد په یو شمېر ولایتونو کې موجود دي." نوموړي وویل، چې په دې فارم کې سلګونه شتر مرغان روزل کېږي. دی وايي د فارم خاوندانو تر دې دمه شپږ زره... Читать дальше...
په عراق او سوريه کې يوې ايران-پلوه ملېشه ډلې ويلي چې د امريکا د پوځي بریدونو غچ به اخلي. د امريکا متحدو ايالتونو پرون وويل، چې په عراق او سوريه کې يې پر پنځو اهدافو چې د کتائب حزب الله ډلې له خوا کنټرولېدل دقيقې دفاعي حملې کړې دي. د امريکا دفاع وزير مارک ايسپر پرون په خپلو خبرو کې وويل: "د امريکا دفاع وزارت په عراق کې د خپل پرسونل او ګټو د دفاع لپاره د F-15 ډوله جنګي الوتکو په مرسته تهاجمي اقدامات وکړل، دا حملې پر پنځو اهدافو شوي چې په کتائب حزب الله پورې مربوط دي، دا د شيعه وو داسې ملېشه ډله... Читать дальше...
کابل چاپ ننیو ورځپاڼو ترډيره د سولې روانې پروسې په اړه لیکنې او تبصرې کړې دي.
د روسيې د بهرنيو چارو وزير وايي، د امريکا متحد ايالتونه او اروپايي ټولنه دې يا د ٢٠١٥میلادي کال د اټومي هوکړې شرايط رعايت کړي، يا دې دا هوکړه له منځه تللې وګڼي. سرګي لاوروف دا خبرې نن په مسکو کې له خپل ايراني سيال محمد جواد ظريف سره تر کتنې وروسته وکړې. ښاغلي ظريف وويل: "د اټومي تړون د ملاتړ لپاره اروپايي لاسليکوونکو عملي اقدامات نه دي کړي." دغۀ اټومي تړون چې د عمل ګډ هراړخيز پلان هم بلل کېږي، له تهران څخه د اټومي فعاليتونو د محدودولو په بدل کې ځينې اقتصادي بنديزونه ليرې کړي وو. دغه اټومي... Читать дальше...
ولسمشرۍ ماڼۍ وايي، په هېواد کې د سولې د ټينګښت لپاره اوربند، اساسي شرط دى. ولسمشرۍ ماڼۍ وروسته له هغې دا څرګندونې وکړې، چې وسله والو طالبانو وويل په افغانستان کې د اوربند د ټينګولو کوم پلان نه لري. دغې ډلې پرون په يوه اعلاميه کې د اوربند په اړه د هر ډول موافقې خبرونه رد کړل. د ولسمشرۍ ماڼۍ يوه وياند دوا خان مينه پال په دې اړه ازادۍ راډيو ته وويل چې په افغانستان کې د سولې ټینګښت لپاره اوربند اساسي شرط دی. تر دې مخکې د اسوشېټېد پريس خبري اژانس تر څنګ ځينو رسنيو راپور ورکړى و، چې د طالبانو شورا له اوربند سره موافقه کړې ده. Читать дальше...
یو شمېر امریکايي رسنیو د افغانستان د سولې هڅو، د امریکايي ځواکونو وتلو، اوربند او بین الافغاني خبرو ته پام کړی دی.
د هلمند چارواکي د دې ولایت په ناوې ولسوالۍ کې د څلورو ملکي وګړو د وژل کېدو خبر ورکړ. د هلمند د والي ویاند عمر ځواک تېر ماښام آزادي راډیو ته وویل چې دغه کسان د دوشنبې په ورځ د ناوې ولسوالۍ په سرخدوز سیمه کې د سړک غاړي ماین په چاودنه کې وژل شوي دي. ځواک زیاته کړه: "د وسله والو مخالفینو لخوا د سړک پر غاړې ایښودل شوی ماین د ملکي وګړو پر موټر سایکل چاودلی دی چې په نتیجه کې یې یو نارینه یوه ښځه او دوه ماشومان وژل شوي دي." د هلمند چارواکي وایي د ناوې په ګډون د دې ولایت په ډیری سیمو کې د سړک د غاړې ماینونه د ملکي وګړو ژوند ګواښي.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
123ru.net — живые новости в прямом эфире!
В любую минуту Вы можете добавить свою новость мгновенно — здесь.