Новости за 22.10.2020

Улуттук коопсуздук боюнча мамлекеттик комитет (УКМК) «мыйзамдагы ууру» атыккан Камчыбек Көлбаевди (Камчыбек Асанбек) кармады.

Эл акыны Шайлообек Дүйшеевдин эне, аялзат тууралуу жазган чакан блогу.

Европа парламенти Андрей Сахаров атындагы быйылкы сыйлыгын Беларустун демократиячыл өзгөрүүлөрдү талап кылган оппозициячыл күчтөрүнө ыйгарууну чечти. Бул тууралуу Европарламенттин төрагасы Давид Сассоли 22-октябрда жарыялады. Маалыматка ылайык, сыйлык 16-декабрда Брюсселде расмий түрдө тапшырылат. Сыйлыкка татыктуу болгон оппозиционерлердин арасында Светлана Тихановская, Мария Колесникова, Вероника Цепкало жана Нобел сыйлыгынын лауреаты Светлана Алексиевич да бар. Советтик физик, диссидент Андрей... Читать дальше...

Өкмөт башчы жана президенттин милдетин аткаруучу Садыр Жапаровдун Борбордук шайлоо комиссиясына (БШК) президенттин квотасы менен шайланган төрт мүчөнү чакыртып алышы туура эмес. Ушундай өңүттө «Бүтүн Кыргызстан» саясий партиясы 22-октябрда билдирүү таратып, жаңы бийликти БШКга басым жасабоого чакырды. Билдирүүгө партия лидери Адахан Мадумаровдун колу коюлган. Анда «Кыргыз Республикасынын шайлоо жана референдум өткөрүү боюнча комиссиясы жөнүндө» мыйзамда БШК мүчөлөрүнүн ишмердигин президент же парламент... Читать дальше...

Ош облусуна караштуу Өзгөн районунун Шоро-Башат айылынын тургуну Нурсултан Иматиллаев 6-октябрь күнү өзүнүн айылдаштарынан таяк жеп райондук оорукананын жандандыруу бөлүмүнө түшкөн. Аны сабаган деп шек саналган төрт жарандын үчөө 9-октябрь күнү кармалган. Бул тууралуу облустук милициянын басма сөз катчысы Жеңишбек Аширбаев билдирди. «Кармалган балдар мурун соттолгон эмес. Кайра эле өзүнүн айылдаштары. Урушкан маалда таяк колдонулганы чын. Бирок тапанча колдонулганы далилдене элек. Бала эсине келе элек... Читать дальше...

Бириккен Улуттар Уюмунун (БУУ) Коопсуздук кеңеши «Ислам мамлекети» экстремисттик тобуна кошулуп кеткен мурдагы тажик полковниги Гүлмурод Халимовго каршы санкцияларын узартты. Жаңыланган санкциялык тизме 21-октябрда жарыяланды. Соңку жылдары Халимов жок кылынганы тууралуу бир нече жолу кабар тараган. Быйыл августта Тажикстандын ички иштер министри Рамазон Рахимзода полковник Гулмурод Халимов Сириядагы бомбалоодон каза болгону тууралуу маалымат бар экенин айтып, бирок анын өлүмүн расмий ырастаган эмес. Читать дальше...

Кыргызстанда президенттик шайлоо келерки жылдын 10-январында же 17-январында өтөт, ал эми Боршайком 20-декабрга белгилеген парламенттик кайра шайлоонун мөөнөтү өзгөрүшү ыктымал. Парламентке ушундай сунуш түшкөнүн 22-октябрда «Азаттыкка» Жогорку Кеңештин депутаты Өмүрбек Текебаев билдирди. Анын айтымында, Конституцияга өзгөртүүлөрдү киргизүү каралууда.  «Ошол сунушту мен бир гана шарт менен колдодум – бүгүнкү парламенттик башкаруу системасы сакталып калышы керек, бирок өкмөт жана премьер-министр күчөйт... Читать дальше...

Ооганстандын түндүгүндөгү Тахар провинциясында бир мечитке абадан сокку урулуп, андан 12 өспүрүм набыт болду. Дагы бир нече адам жараат алды. Окуя 21-октябрда провинциянын борборунан 15 чакырым алыс Бахарак районунда болгон. Провинциянын жергиликтүү кеңешинин мүчөсү Мохаммад Азам Афзали билдиргендей, бул чабуулдун алдында талиб жоочулары менен кармашта ондогон ооган коопсуздук кызматкери каза тапкан. Талибдер мечитте жашынып турганы тууралуу маалымат түшкөндөн көп өтпөй аймакка аскердик учак жөнөтүлгөн. Читать дальше...

Акжолтой Бекболотов «Кыргызфильм» улуттук киностудиясына директор болуп дайындалды. Тийиштүү буйрукка маданият, маалымат жана туризм министри Нуржигит Кадырбеков кол койгонун мекеменин басма сөз кызматы 22-октябрда кабарлады. «Кыргызфильмдин» мурдагы директору Айбек Жангазиев өз арызы менен иштен бошогон. Жаңы директор Акжолтой Бекболотов буга чейин «Айтыш» фондунда иштеген. Бир катар жергиликтүү жана эл аралык сыйлыктардын жеңүүчүсү.  «Кыргызфильм» 1941-1942-жылдары түптөлгөн.

Жогорку Кеңеште Баш мыйзамга  өзгөртүү киргизүү, парламенттик кайра шайлоону токтото туруу жөнүндө долбоорлор иштелип чыкты жана талкууга коюлганы жатат. Бул тууралуу 22-октябрда журналисттердин суроосуна жооп берип жатып Жогорку Кеңештин депутаты Талант Мамытов билдирди. Анын айтымында, өлкөдөгү азыркы коомдук-саясий кырдаалды, эпидемиологиялык жана экономикалык абалды эске алуу менен президентти жана парламентти шайлоо тууралуу конституциялык мыйзамдын айрым нормаларын токтото туруучу долбоор иштелип чыкты. Читать дальше...

Сириялык согушчандар Тоолуу Карабакта азери тарапта согушуп жүргөнүн далилдеген маалыматтар ачыкка чыкты. Армян премьер-министри элди куралданууга чакырды.

Кыргызстанда парламенттик шайлоодон кийинки нааразылыкка уланган окуялар, башаламандык, саясий кризис жана бийликтин алмашуусу өлкөнүн дүйнөлүк сахнадагы аброюна кандай таасир этти.

Бишкектин тургуну Орозбек Мейманбек уулунун салмагы 18 жашында эле 134 килограммга жетип калган. Бул көрүнүш өзүн гана санаага батырып, ден соолугуна кедергисин тийгизбестен, жакындарынын дагы тынчын ала баштаганын айтат.

Улуттук коопсуздук боюнча мамлекеттик комитет (УКМК) «мыйзамдагы ууру» атыккан Камчыбек Көлбаевди (Камчыбек Асанбек) кармады. Ага Жазык кодексинин «Кылмыштуу уюмду түзүү же ага катышуу» беренеси менен айып коюлууда. «Коля кыргыз» деген каймана ат менен таанылган кылмыш дүйнөсүнүн лөгүнүн ысымы айрыкча быйылкы парламенттик шайлоодо көп аталды. Көлбаевдин кармалышы жаңы келген бийликтин уюшкан кылмыштуу топтор менен күрөшүү аракетиби же коомчулуктун көзүн будамайлообу? Камчыбек Көлбаевге кине коюлду... Читать дальше...

“Мыйзамдагы ууру” Камчыбек Көлбаев (Камчыбек Асанбек) уюшкан кылмыштуу топторду аныктоо жана аларга бөгөт коюу ишинин алкагында кармалды. Бул тууралуу 22-октябрда Улуттук коопсуздук боюнча мамлекеттик комитет (УКМК) кабарлады. Мекеменин маалыматына караганда, ал боюнча материалдар Кылмыштардын жана жоруктардын бирдиктүү реестрине Жазык кодексинин 249-беренесинин биринчи бөлүгүнүн (Кылмыштуу топ түзүү жана ага катышуу) негизинде каттоого алынды. 22-октябрда Көлбаев кайсы жерде экени аныкталып... Читать дальше...

Ал эки бутуна кысылган баскетбол тобун артка сальто жасап бара жатып ыргытып, үч метрлик бийиктиктеги тор баштыкка түшүргөн.

«Империя пиццы» компаниясы кафедеги караокеде кыргызча ырларга тыюу салган окуя үчүн кечирим сурады. Компаниянын өнүктүрүү директору Мээрим Аманова кафенин администраторунун калпыс катасынын айынан ушундай жагдай жаралганын «Азаттыкка» билдирди. «Биздин кафелерде кыргызча ырдоого тыюу салынган эмес. Администратордун пикири биздин компаниянын көз карашына туура келбейт. Коногубуз менен болгон кырдаал үчүн кечирим сурайбыз»,- деди Аманова. 21-октябрда Интернетке видео тараган. Анда кафеде отурган... Читать дальше...

Мурдагы финансы министри Бактыгүл Жээнбаева 22-октябрда Экономикалык кылмыштарга каршы күрөш боюнча мамлекеттик кызматка (Финансы полициясы) суракка чакырылды. Бул тууралуу «Азаттыкка» мекеменин басма сөз кызматы кабарлады. Басма сөз катчы Анастасия Пискурдун айтымында, Жээнбаева суракка Соттук өкүлчүлүк борборундагы акча коромжулугуна байланыштуу жүрүп жаткан сотко чейинки териштирүү боюнча чакырылды. Жээнбаева өзү комментарий бере элек. Ал 2019-жылдын сентябрь айында да Финполицияда суракта болгон. Читать дальше...

Мурдагы башкы прокурор Аида Салянова Садыр Жапаровдун өзүнүн дарегине карата сегиз жыл мурда айткан маалыматын төгүндөдү.

Төкмө акын, маркум Элмирбек Иманалиевдин «Аманат» аттуу ырлар жыйнагы жана «Ак таңдагы ак бата» аттуу баталар топтому китеп болуп чыкты. Анын алгачкы ырлар жыйнагы жубайы Нурзат Абдрашитованын демилгеси менен жарыкка чыкканын китептин редактору Мирлан Самыйкожо маалымдады. «Китепке акындын мурдагы ырларынын тышкары, башталышы бар, бирок бүтпөй калган чыгармалары да камтылды. Башындагы башталган ой чоң философияны, тереңдикти бергендиктен, өзгөртүүсүз, кошумчасыз бердик. Ал эми «Ак тандагы ак... Читать дальше...

«Мыйзамдагы ууру» атыккан Камчы Көлбаев кармалып, Улуттук коопсуздук боюнча мамлекеттик комитетке (УКМК) жеткирилгени кабарланды. Интернеттеги социалдык түйүндөрдө аны 22-октябрда Бишкектеги спортклубдардын биринен кармашканы тууралуу сүрөттөр жарыяланды. УКМК бул маалымат боюнча расмий комментарий бере элек. Көлбаев ишкерлерди кысымга алганы аныкталса жазага тартыларын 16-октябрда УКМКга төрага болуп жаңы дайындалган Камчыбек Ташиев билдирген. Ал «Камчы Көлбаев кысым кылып же мыйзам бузса жазага тартылат. Читать дальше...

«Манас» аэропортунун жанында 30дай киши чогулуп, жаңы дайындалган жетекчинин иштен кетишин талап кылды. «Фейсбуктагы» баракчалардын биринде көрсөтүлгөн түз эфирде ал жерде чогулгандар өзүлөрүн аэропорттун кызматкери деп тааныштырып, «Сыдыков кетсин, жаштар келсин» деген ураандарды айтып жатышканы көрүндү. Ошондой эле алар ишкананын жетекчилик ордун басып алуу болгонун айтышты. Чогулгандарга мекеменин басма сөз катчысы Алия Курбанова чыгып, Бактыбек Сыдыковду башкармалыктын башчысы кылып дайындоо... Читать дальше...

"Азаттык" жаңы өкмөттүн акыркы кадрдык дайындоолору боюнча коомчулуктун пикирине кызыгып көрдү.

Ирландиялык мушкер бул иш-чарадагы сүрөттүн арткы планына өзүнүн гидроциклде келе жаткан сүрөтүн монтаждап кошуп койгон.

Кумтөрдү иштеткен канадалык «Centerra Gold Inc» компаниясынын директорлор кеңешине Кыргызстандан Тенгиз Бөлтүрүк сунушталды. Ал кыргызстандык үч өкүлдүн бири болорун «Кыргызалтын» ишканасынын басма сөз кызматы «Азаттык» радиосуна билдирди. 20-октябрда премьер-министр, презденттин милдетин аткаруучу Садыр Жапаров Тенгиз Бөлтүрүктүн директорлор кеңешине дайындаганын Би-Би-Сиге берген интервьюда айтып, аны иш билги адис катары мактаган. «Centerra Gold Inc» компаниясынын директорлор кеңешинде Канададан сегиз, Кыргызстандан үч өкүл бар. Читать дальше...