Новости за 16.10.2020

Кыргызстан коңшу жана башка өнөктөш өлкөлөр менен дипломатиялык диалогун улантууда. Өкмөттүн маалыматына караганда, 15-октябрда Өзбекстандын премьер-министри Абдулла Арипов өкмөт башчы Садыр Жапаров менен телефон аркылуу сүйлөшүп, жогорку мамлекеттик кызматка дайындалышы менен куттуктады. Арипов мамилелерди кеңейтүүгө жана чыңдоого ишеним билдирди. Өз кезегинде Жапаров куттуктоо үчүн ыраазычылык айтып, бир тууган эки өлкө ортосундагы кызматташтыкты мындан ары өнүктүрүүнүн маанилүүлүгүн белгиледи. Читать дальше...

Беларус оппозициянын лидери Светлана Тихановскаяга өлкөдөгү конституциялык түзүлүштү бузууга жана бийликти басып алууга үндөгөн деген негизде мамлекет аралык издөө жарыяланды. Бул тууралуу орусиялык маалымат каражаттары жазып чыгышты. Буга чейин Беларустун Ички иштер министрлигинин өкүлү Тихановскаяга издөө жарыяланганын ырастап, бирок кандай айып коюлуп жатканын тактаган эмес. Ошондой эле Тихановская Орусияда изделип жатканы белгилүү болгон. Орус бийлиги беларус саясатчысына эки өлкө ортосундагы... Читать дальше...

15-октябрда элеттик аялдардын эл аралык күнү белгиленди. Кыргызстандагы аялдардын 64% айыл жеринде жашайт жана алардын көпчүлүгү жумушка жарамдуу катмар. Бирок элеттик кыз-келиндерди жумушка тартууда дагы эле кыйынчылыктар көп. Араван районундагы Кызыр-Абад айылынын тургуну Паизахан Нурманова айылдаштары менен бирге “Иштерман айым” тобун түзүп, иш баштаган. Нурманова айылындагы аялдар кеңешинин төрайымы, ал үй-бүлө зомбулугуна каршы элеттеги аялдарга укуктарын үйрөтүп жүрөт. (Тасмада Алишер Алиевдин... Читать дальше...

Жогорку Кеңешке келген президент Сооронбай Жээнбеков депутаттардын алдында сүйлөп жатып, 6-октябрдагы окуядан кийин өлкөнү мыйзам нугуна кайтаруу, элдин тынчтыгы үчүн болгон күч-аракетин жумшаганын айтты. Ал жарандык коом менен жалпыга маалымдоо каражаттарынын аракети үчүн ыраазычылык билдирди.

Алтынчы чакырылыштагы Жогорку Кеңештин Конституциялык мыйзамдар, мамлекеттик түзүлүш, сот-укуктук маселелери жана Жогорку Кеңештин регламенти боюнча комитети 16-октябрдагы жыйында шайлоо мыйзамына сунуш кылынган өзгөртүүлөрдү биринчи окуудан өткөрдү. Комитет документти жалпы жыйындын кароосуна жөнөттү. Бул тууралуу парламент депутаты, аталган комитеттин мүчөсү Айнуру Алтыбаева «Азаттыкка» билдирди. Комитет мүчөлөрү парламенттин бүгүнкү чечими менен Бишкекте өзгөчө абал режими жоюлганына байланыштуу... Читать дальше...

АКШнын президенти Дональд Трамп жана Демократиялык партиядан талапкер болгон Жо Байден эки башка жерде бир убакта шайлоочулары менен жолукту. Алардын жолугушуусу телеканалдардан түз көрсөтүлдү. Байден Филаделфиядагы жолугушуусу ABC каналынан көрсөтүлсө, ошол эле учурда Трамптын Майамидеги тарапкерлеринин алдындагы сөзүн NBC каналы чагылдырды. Бул жолугушуу бейшембиге пландалган талапкерлердин теледебатынын ордуна уюштурулду. Бирок жакында коронавирустан айыккан Дональд Трамп дебатка катышуудан баш тарткан болчу. Читать дальше...

Парламентте өткөн жыйында кызматын тапшырган Сооронбай Жээнбеков кызматтан кетүү тууралуу чечимин жарыялады.

Москва Бишкектеги абалдын турукташуусун күтөт.  Кыргызстандын президенти Сооронбай Жээнбековдун кызматтан кетүү чечимине эмоцияга таянып баа берүүгө мүмкүн эмес. Кремлдин басма сөз катчысы Дмитрий Песковдун мындай пикирин РБК басылмасы жарыялады. Журналисттер Путиндин өкүлүнө «Кремлдин Жээнбековдун бийликтен баш тартышын жоопкерчиликтүү кадам деп эсептейби же алсыздык катары баалайбы?» деген суроо менен кайрылган. «Абалды турукташтырууга жана конституциялык нукка кайтууга багытталган бардык аракеттер керек», - деген Песков. Читать дальше...

Жарандын улуту паспортунун бетинде эгер ал өзү кааласа гана көрсөтүлөт. Бул тууралуу 16-октябрда Мамлекеттик каттоо кызматы кабарлады. Мекеменин маалымат кызматы билдиргендей, мындан ары «улут» графасы паспорттун сыртына жарандын каалоосу болсо жазылат. Кыргызстанда жаңы үлгүдөгү ички паспорт (ID карта) 2017-жылы бериле баштаган. Анда жарандын улуту тууралуу маалымат картанын бетине эмес, ичиндеги электрондук чипте көрсөтүлөт. Ага чейинки үлгүдөгү паспортто улуту ачык жазылчу. Жаңы эрежеге... Читать дальше...

Бүгүн, 16-октябрда «Ала-Арча» мамлекеттик резиденциясында президенттин кызматтан кетишине байланышкан маселе каралган жыйында сөз сүйлөгөн парламент депутаты Айнуру Алтыбаева учурда президенттин милдетин аткара баштаган премьер-министр Садыр Жапаровго кайрылып, Бишкекте топтолгон тарапкерлерин үйлөрүнө таратууга чакырды. Депутат ар кайсы аймактардан аялдардан кайрылуулар болуп жатканын айтып, митингге чогулгандар тарашы керек деп эсептейт.  14-октябрда президенттин жарлыгы менен өкмөт башчылыкка... Читать дальше...

17-октябрда Кыргызстандын аймагында жаан-чачын жаабайт. Шамалдын багытты өзгөрүлүп турат, ылдамдыгы секундасына 1-6 метрге жетет. Абанын температурасы: Чүй өрөөнүндө түнкүсүн 2…7, күндүз 18…23; Талас жергесинде түнкүсүн -2...+3, күндүз 16…21; Ош, Баткен, Жалал-Абад дубандарында ​түнкүсүн 5…10, күндүз 19…24; Ысык-Көл облусунда түнкүсүн 1…6, күндүз 13…18; Нарын облусунда түнкүсүн -4…+1, күндүз 13…18; Бийик тоолуу аймактарда түнкүсүн -5…-10, күндүз 0…5 градус болот. Бишкекте жаан-чачын жаабайт. Читать дальше...

Президенттин да милдетин аткарууга киришип жаткан премьер-министр Садыр Жапаров алдыда боло турган президенттик шайлоого катыша албайт. Буга мыйзам жол бербей турганын 16-октябрда парламенттин кезексиз жыйынында сүйлөп жатып «Ата Мекен» партиясынын лидери, депутат Өмүрбек Текебаев билдирди. Ал Жапаровго кайрылып, президенттик шайлоого достору жана партиялаштары да катышпаса туура болорун жана шайлоолорду өткөрүү мөөнөтүн, тартибин өзгөртүү аракети өлкөдө саясий туруктуулукка шарт түзбөй турганын белгиледи... Читать дальше...

Мамлекеттик бажы кызматынын төрагасынын мурдагы орун басары Райымбек Матраимов боюнча маселе иликтенип-тергелиши керек. Мындай пикирин «Республика - Ата Журт» фракциясынын депутаты, Стамбулда өлтүрүлгөн кытай жараны Айеркен Саймаитиге байланышкан жагдайды жана маалыматтарды тешкерүү үчүн түзүлгөн убактылуу депутаттык комиссиянын төрагасы Талант Мамытов 16-октябрда «Азаттыктын» суроолоруна жооп берип жатып билдирди. Депутаттын айтымында иликтөө калыс жүргүзүлүшү үчүн тиешелүү укук коргоо органдарынын жетекчилерин алмаштыруу зарыл... Читать дальше...

Парламенттик шайлоонун баштапкы жыйынтыгы жокко чыгарылышына жана өлкөдөгү соңку саясий өзгөрүүлөргө негиз болуп берген 5-октябрдагы митингдин талаптары толук аткарыла элек. Бул тууралуу 16-октябрда Жогорку Кеңештин кезексиз жыйынында сүйлөп жатып депутат, "Бир бол" фракциясынын лидери Алтынбек Сулайманов билдирди. Ал шайлоо мыйзамдары өзгөрсө бул жараянды калыс жана таза өткөрүүгө шарт түзүлөрүн белгилеп, парламент маселени кароого кирише электигин белгиледи: “Жаштар «5-октябрда эмне үчүн чоң толкундоо болду? Читать дальше...

КР Президенти С.Н. Жапаровго

723317, Ош облусу, Кара-Суу району, Кызыл-Кыштак айыл аймагы, Кызыл-Байрак айылынын тургуну Токторалиева Орозкандан (тел. 0778 096762, эл.дарек 86vm@bk.ru)

АРЫЗ

Урматтуу Садыр Нургожоевич!

Президент кызматы менен Кара-Суу районунун эли Сизди куттуктайт. Кара-Суу районунун эли Матраимовдордун коррупциялык-мафиялык кланынан тойгон. Матраимовдор кланы Кара-Суу районунун башкаргандан бери карапайым эли жер тилке ала албай калды, бардыгы сатылды... Читать дальше...

Кыргызстанда конституциялык реформаны парламенттик кайра шайлоо өткөндөн кийин гана уюштурса болот. Бул тууралуу 16-октябрда Жогорку Кеңештин кезексиз жыйынында сүйлөп жатып президенттин милдетин аткара баштаган премьер-министр Садыр Жапаров айтты. Жапаров ошондой эле президенттик шайлоону өткөрүү мөөнөтү, парламенттик шайлоо уюштуруу эрежелери боюнча да пикирин билдирди: «Президенттик шайлоонун күнүн аркы жумада белгилейбиз. 10-январдан ары өтпөшү керек экен, анткени 90 күн ичинде болууга тийиш. Читать дальше...

Кыргызстанда Жогорку Кеңешке кайра шайлоо 20-декабрга белгилениши ыктымал. Бул тууралуу Борбордук шайлоо комиссиясынын (БШК) төрайымы Нуржан Шайлдабекова 16-октябрда «Ала-Арча» мамлекеттик резиденциясында президенттин кызматтан кетиши боюнча маселе каралган учурда журналисттердин суроолоруна жооп берип жатып билдирди. «Парламенттик кайра шайлоону БШК дайындайт. Ал дайындалган күндөн тартып эки ай ичинде өтүшү керек», - деген Шайлдабекова Боршайкомдо кайра шайлоо 20-декабрга дайындоо тууралуу план бар экенин кошумчалады. Читать дальше...

Жогорку Кеңештин 16-октябрдагы кезексиз жыйынында Кыргызстанда парламенттик шайлоодогу пайыздык босого, күрөө тууралуу маселе бир нече жолу көтөрүлдү. Жыйынга катышып жаткан өкмөт башчы жана президенттин милдетин аткаруучу Садыр Жапаров азыркы жети пайыздык чекке каршы экенин айтты: «Үч пайыз өтө эле ылдый болуп калат го, беш пайызга түшүрсөк болот. Беш миллиондук күрөөнү бир миллионго түшүрсөңөр деген сунушум бар. 120 деген санды 70-90го түшүрүп, андан кийин конституциялык реформага барсак туура болот». Читать дальше...

Жогорку соттун Конституциялык палатасы улут графасын жарандык паспорттон (ID картадан) алып салган кыргыз өкмөтүнүн чечимине каршы даттанган «Улутуңду унутпа!» кыймылынын пайдасына чечим чыгарды. Бул тууралуу аталган палата бүгүн, 16-октябрда тараткан маалыматта айтылат. Маалыматка караганда 2020-жылдын 14-октябрында Кыргыз Республикасынын Жогорку сотунун Конституциялык палатасы Кыргыз Республикасынын Өкмөтүнүн 2017-жылдын 3-апрелиндеги №197 токтому менен бекитилген ID карта жөнүндөгү жобонун 3-пунктунун конституциялуулугун карап чыгып... Читать дальше...

Жогорку Кеңештин депутаттык мандатын кайтарып алган «Ата Мекен» партиясынын лидери Өмүрбек Текебаев парламентте сүйлөгөн сөзүндө Садыр Жапаровго кайрылып, "президенттик, өкмөттүк, керек болсо парламенттик" бийлик эле эмес, элдин ишениминен, үмүтүнөн турган эбегейсиз бийликке ээ болгонун белгиледи. Бул эбегейсиз чоң жүк экенин айтып, кийинки парламент келгенге чейин Жапаровдун ойлорун, реформаларын ишке ашырууга көмөктөшүүгө депутаттарды чакырды. Депутат Текебаев ошондой эле Жапаровду саясий Олимптин чокусуна жеткирген досу... Читать дальше...

Кыргызстандын Улуттук банкы 15-октябрда 17,1 миллион доллар өлчөмүндө интервенция жүргүздү. Улуттук банк билдиргендей, бул кадамга акыркы күндөрү доллардын курсу кескин көтөрүлүп кеткени себеп болду. 2020-жылдын башынан бери Улуттук банк ушуну менен 14 жолу интервенция жүргүздү. Анда жалпысынан 303,3 миллион доллар валюта базарына чыгарылды. Бишкектин валюта базарларында, valuta.kg сайтында учурда бир доллар 81,5 сомдон алынып, 81,53-81,90 сомдон сатылып жатат. Улуттук банктын расмий курсу... Читать дальше...

Кыргызстандын экономикасы тогуз айда 6-7% артка кетти. Өкмөт муну коронавирус пандемиясы менен байланыштырып жатат. Жыл башында эл аралык уюмдар кыргыз экономикасы 10% төмөндөй турганын эскерткен. Ошол эле кезде адистер өлкөдөгү саясий олку-солкулуктар да кризисти тереңдетиши мүмкүн экенин белгилешүүдө.  Тогуз айдын эсеби Экономикага байланыштуу жаңы эсептерди адаттагыдай эле Улуттук статистика комитети чыгарды. Демек, алгачкы тогуз айдын жыйынтыгында дээрлик бардык тармактарда төмөндөө байкалды. Читать дальше...

Жогорку Кеңештин төрагасы Канатбек Исаев парламентте сүйлөгөн сөзүңдө кызматын өткөрүп берип жаткан президент Сооронбай Жээнбековго өлкө кыйын кырдаалда турганда башка президенттердей болбой, элдин жанында болгону үчүн ыраазчылык билдирди: «Өлкөбүздү, элибизди канга боебой, өз ыктыяры менен баш тартканын эске алып, мыйзамдарда өлкө башчылар үчүн каралган кепилдиктер Сооронбай Шариповичке (Жээнбеков-ред.) ыйгарылса деп ойлойм». Ушул эле жыйында депутаттык ишине кайрадан киришкен «Ата Мекен»... Читать дальше...

Дүйнөлүк айрым басылмалар Кыргызстандын президенти “кан төгүүнү алдын алуу” үчүн кызматтан кеткенин белгилешсе, кайсы бири эми эки тизгин бир чылбыр премьер-министр Садыр Жапаровго өткөнүнө көңүл бурууда.

Дүйнөлүк Саламаттык сактоо уюму билдиргендей, Европада COVID-19 илдети күч алганына байланыштуу катаал чаралар кабыл алынышы мүмкүн.