Новости за 13.10.2020

Жогорку Кеңештин депутаты, «Кыргызстан» фракциясынын лидери Канатбек Исаев эгер анын талапкерлиги парламент төрагалыгына көрсөтүлүп, колдоо тапса иштеп берүүгө даяр. Бул тууралуу ал 13-октябрда «Азаттыктын» суроосуна жооп берип жатып айтты: «Кызматташтар сунуш кыла турган болсо иштеп бергенге даярбыз. Күн тартибине кирсе каралат. Депутаттар чечет». Исаев 6-октябрга караган түндөгү окуяны шайлоонун жыйынтыгына нааразылык деп кабыл аларын айтты. Депутат Жанарбек Акаев бүгүнкү, 13-октябрдагы чукул... Читать дальше...

Пандемиянын экинчи толкунуна туш болгон Европада кайрадан чектөөчү чаралар киргизилип, бир катар жерлерде мектептер, бар-ресторандар, эс алуучу, спорттук жайлар жабылууда. Шейшембиде Еврошаркеттин мүчөлөрү блоктун ичинде эки жакка каттоо боюнча координацияланган системаны кабыл алууну караган жатат. Ушул күндөрү Европада коронавирустун 100 миң жаңы учуру катталууда.  Вирустун очогуна Европада бул ирет Британия, Орусия, Испания, Франция жана Чехия айланды. Буга чейин өзгөчө кырдаал жарыялаган чех... Читать дальше...

Соңку күндөрү Кыргызстанда аялын кордогон, зомбулук көрсөткөн эркектер тууралуу маалыматтар кайра көбөйдү.

Жогорку Кеңештин депутаты Каныбек Иманалиев 4-октябрда өткөн парламенттик шайлоодогу мыйзамсыздыктан криминалдык күчтүн лидерлери гана утту деп эсептейт. Мындай пикирин ал 13-октябрда журналисттердин суроосуна жооп берип жатып билдирди. Депутаттын пикиринде, 500 миңдей шайлоочу №2 форма менен добуш бергени партиялар алардын добушун сатып алган дегенди түшүндүрөт. «Чоң чырдын башы №2 форма болду. Шайлоо мыйзамына чукул өзгөртүү киргизишибиз керек. Бүгүнкү катастрофа кайталанбашы зарыл. Бүт дүйнөгө уят болдук. Читать дальше...

Президент Сооронбай Жээнбеков Бишкекте Орусиянын президенти Владимир Путиндин администрация башчысынын орун басары Дмитрий Козак менен жолугушту. Бул тууралуу президентке караштуу расмий president.kg сайты 13-октябрда жазып чыкты. Маалыматта өлкөдө түзүлгөн коомдук-саясий кризистин биринчи күндөрүнөн тартып Сооронбай Жээнбеков Владимир Путин менен бир канча жолу телефон аркылуу сүйлөшкөнү айтылат. Ошондой эле Кыргызстан менен Орусия стратегиялык өнөктөштөр экени, ЖККУ, ЕАЭБ, КМШ жана ШКУ уюмдарына мүчө экени белгиленген. Читать дальше...

Жогорку Кеңештин депутаты Жанарбек Акаев «Ала-Тоо» мамлекеттик резиденциясында өтүп жаткан жыйында парламенттин төрагасын шайлоо маселеси каралышы мүмкүн экенин билдирди. Анын айтымында, бул кызматка эки талапкердин аты аталууда. Акаев 5-октябрда аянтта айтылган талаптар күчүндө экенин, саясатчылар кайра шайлоо өткөрүү тууралуу талабынан кайтпай турганын айтты: «Эч кимден, саясий күчтөрдүн фанаттарынан коркуп калган жокпуз. Алар менен аягына чейин күрөшөбүз. Айылдардан, аймактардан (элди) алып келип алып саясатчыларды коркутуп атпайбы... Читать дальше...

Бүгүн, 13-октябрда президент Сооронбай Жээнбеков саясатчы Садыр Жапаров менен жолукту. Бул тууралуу президенттин басма сөз кызматы кабарлады. Жолугушууда өлкөдөгү азыркы коомдук-саясий кырдаал талкууланган. Анда президент өкмөттүн түзүмү менен курамын аныктоо, программасын бекитүү тууралуу парламенттин токтомун кайрадан Жогорку Кеңешке кайтарарын билдирди. «Өлкөдөгү туруктуулукту сактоо жана бекемдөө үчүн биздин чечимдерибиздин баары легитимдүү болушу керек жана алар күмөн жаратпашы зарыл», - деп билдирген Жээнбеков. Читать дальше...

Ош облусунун Араван районундагы Алля Анаров айыл аймагында, Кара-Суу районунун Кашкар-Кыштак жана Нариман айыл аймагында мектеп окуучулары «Биз коронавируска каршыбыз» деген акция өткөрүштү. Акция COVID-19 вирусуна каршы күрөш боюнча атайын долбоордун алкагында өттү. Бул тууралуу долбоорду ишке ашырган «Search for Common Ground» эл аралык уюмунун Кыргызстандагы өкүлчүлүгү билдирди. Анда чоңдор үчүн спорттук мелдештер, кичинекей балдарга «Таза колдор» сынагы уюштурулду. Онлайн жүргүзүлгөн сынакта балдар колду качан... Читать дальше...

Жогорку Кеңештин вице-спикери, 10-октябрдагы кезексиз сессияны алып барган депутат Мирлан Бакиров өкмөттүн курамын жана программасын бекиткен токтом тууралуу «Азаттыкка» маек берди. Ал парламент коллегиалдуу чечимин бекиткен токтомго жоопкерчилик менен кол койгонун, эч ким мажбурлабаганын билдирди.

Ишкер Сыргак Кенжебаев кайрадан абакка отургузулду. Бул тууралуу анын жубайы Ширин Айтматова «Твиттердеги» баракчасына 12-октябрда жазды.   Кенжебаев абактан 6-октябрга караган түнү бошонуп чыккан. Ошол түнү 4-октябрдагы парламенттик шайлоонун жыйынтыгына каршы митинг бийликтин башкы имаратын басып алуу менен аяктап, камакта отурган бир топ саясатчылар бошонгон. Алардын дээрлик баары кайра кайтарылды.   Кенжебаевди 2019-жылы 19-декабрда Улуттук коопсуздук боюнча мамлекеттик комитет (УКМК) Алматы аэропортунан кармап... Читать дальше...

"Ак Шоола" балдар хорунун ар бир баласы өзгөчө кылыктары, кыймылы менен көрүүчүлөрүн суктантып келет. 35 жылдык тарыхы бар топто комуз, скрипка, пианино сабактары өтүлөт. "Ак Шоола" хор искусствосунда классикалык өңүттөн чыгып, театралдык хорду түзө алган топ. Кыргыз балдарынын жандуу хору 1985-жылы түзүлгөн.

Кыргызстанда соңку бир жума ичинде коронавирустан 20 киши каза болду. Оору акыркы күндөрү күчөп, июнь айындагы көрсөткүчкө жеткени калганы айтылууда. Дары-дармек кайра тартыш болбойбу? Ооруканалар жана дарыгерлер даярбы? Медициналык кызматкерлердин абалы кандай?

Айрым кыргыз саясатчылары эгемендиктен “чарчашканын”, мурдагы метрополия болгон Орусияга “кайтуу керектигин” айтып жатышса, Кыргызстандагы чакан этностордун алдыңкы көз караштагы өкүлдөрү Атажурттун эгемендигин чыңдап, анын демократиялуу өнүгүшүнө салым кошууга чакырышууда. Тарыхчынын блогу.

Эл аралык уюм мындай чечимди дүйнөдөгү улуттук федерациялардын 70 пайызынын мелдешке катышууга даярдыгы тууралуу тастыктоо алгандан кийин кабыл алган.

“Социал-демократтар” партиясынын мүчөсү Темирлан Султанбеков 9-октябрдагы окуялардын негизинде "Массалык башаламандыктарды уюштуруу" беренеси менен айыпталып жаткандардын эң кенжеси. 22 жаштагы Султанбеков өзүнүн кармалышын мыйзамсыз деп эсептеп, каршылык көрсөтүү максатында ачкачылык жарыялаган. Ал 12-октябрда Биринчи май райондук сотунун чечими менен 10-декабрга чейин камакта калтырылды. Султанбеков буга чейин темир тор артынан тарапташтарына мындай кайрылуу жолдогон: “Азыркыга чейин мени... Читать дальше...

Жогорку Кеңеш 13-октябрдагы кезексиз сессиясында "Кыргызстан" фракциясынын лидери Канатбек Исаевди парламент төрагалыгына шайлады. Исаевдин талапкерлигин "Кыргызстан" фракциясы сунуш кылып, аны 78 депутат колдоп, эки депутат каршы добуш берди. Добуш берүүдөн кийинки сөзүндө Исаев мамлекетте кырдаал оңой эмес болуп турганын айтып, өлкөнүн укук нугуна кайтышына, элдин коопсуздугун камсыз кылууга Жогорку Кеңештин салымы эбегейсиз экенин белгиледи: "Парламент өткөн-кеткен окуялардан сабак алып... Читать дальше...

Кыргызстандын аймагында коомдук абал туруктуу жана укук тартиби органдарынын толук көзөмөлүндө. Бул тууралуу 13-октябрда Ички иштер министрлигинин басма сөз кызматы кабарлады. Мекеменин маалыматына караганда, Бишкекте милиция башка күч органдары менен биргеликте кылмыштарды аныктоо, алдын алуу жана бетин ачуу иштерин жүргүзүп жатат. 12-октябрга карата бир күндө республика аймагында Кылмыштардын жана жоруктардын бирдиктүү реестрине 303 материал катталды, алардын 151и кылмыш, калган 152си жорук.... Читать дальше...

"Бүтүн Кыргызстан" партиясынын лидери Адахан Мадумаров өлкөдө калыптанып калган саясий кырдаал боюнча "Азаттыктын" суроолоруна жооп берди. Ал жаңы премьер-министрдин дайындалышы, президенттин кызматтан кетиши жана оппозициялык күчтөрдүн биригиши тууралуу өз позициясын билдирди.

Таласта ушу тапта дыйкандар төө буурчактын акыркы түшүмүн чогултуп жатат. Жыйырма жыл мурда колго жулунуп, сорттолгон фасоль азыр эми техниканын жардамы менен оруп-жыйналып, экспортко чыгат. Таласта жылына 90 миң тоннанын тегерегинде төө буурчак өндүрүлөт. Расмий маалыматтарга караганда, Талас облусунун калкынын 80% төө буурчак менен жан багат. Бул тууралуу “Данисте” түрмөгүндө айтып беребиз.

Британия музейи Самарканддагы Шохи-Зинда комплексинен уурдалган плиталарды Өзбекстанга кайтарат. Плиталар былтыр Лондондун Хитроу аэропортунда контрабанда товары катары конфискацияланган. Бул тууралуу "The Guardian" басылмасы 11-октябрда жазды. Кабарга ылайык, плиталар Бириккен Араб Эмираттарынын Шаржа шаарынан 86 долларга алынган жана декларацияда "сатык үчүн" деп көрсөтүлгөн. Тарыхый буюмдардын жылын жана кайсыл мамлекетке таандык экенин аныктоо максатында Улуу Британиянын Чек ара кызматы Братиния музейине кайрылган. Читать дальше...

"Кырдаал аз болсо да турукташып келе жатат, бирок бул дагы түрдүү интригалар токтобосо, кыйроо алдында турат". Мындай пикирин экс-депутат Алманбет Шыкмаматов "Акипресс" агенттигине билдирди. Ал учурда эң башкы маселе тынчтык жана туруктуулук экенин баса белгиледи: “Президент менен Жапаров каршылашпай, бир столго отуруп, сүйлөшүүсү керек. Аларга Роза Отунбаева арбитр болуп бере алат. Садыр Жапаровду шайлашты. Кворум жок деп атышат, алтынчы чакырым беш жыл бою эле кворумсуз иштеп келген. Элдин баарынын эсинде бул. Читать дальше...