Новости за 26.03.2019

НАТОнун баш катчысы Йенс Столтенберг Грузия Орусиянын каршылыгына карабай альянстын курамына кошуларын, Москва ага бут тосо албай турганын билдирди. Ушу тапта Тбилисиде жүргөн баш катчы Грузиянын НАТОго киришине байланыштуу биргелешкен аракеттер улантыларын белгиледи.

26-мартта Бишкекте өтө турган тегерек үстөлдө Кыргызстан 2017-жылы кошулган Маракеш келишиминин аткарылышы боюнча сөз болот. Келишимге ылайык, өлкө азиздерди жана көрүүсү начар адамдарды чыгармалар, басылмалар менен камсыз кылуу милдетин алган. Бүгүнкү иш-чарада Билим берүү жана илим министрлиги, Маданият, маалымат жана туризм министрлиги жана Кыргызстандагы китепканалар ассоциациясы китептердин авторлору менен чогуу көрүүсү начар адамдардын китеп окуганына мүмкүнчүлүк түзүү шарттарын талкуулашмакчы. Читать дальше...

Ош шаардык ички иштер башкармалыгынын криминалдык милиция кызматкерлери ири суммадагы уурулуктун бетин ачышты. 8-мартка караган түнү белгисиз адамдар Ош шаарынын Алай көчөсүнүн аймагында жайгашкан жеке менчик кеңселердин бирине уурулукка кирип, андагы сейфте сакталган, жалпы суммасы 4 млн. 706 миң сом акчаны уурдап кетишкен.  Ар тараптуу издөө, иликтөө иштеринин натыйжасында бул кылмышка шектүү катары 23 жаштагы жана 27 жаштагы эки адам кармалды. Алар Ош шаарына чектеш жайгашкан айылдардын бириндеги... Читать дальше...

«Азаттыктын» кабарчысы, маркум Уланбек Эгизбаев көзү тирүү кезинде тасмага тартып коомчулукка алып чыккан Азамат паспорт алды. Бул тууралуу «Азаттыкка» Кочкор райондук паспорт столунун жетекчиси Пазылов Абдулазиз билдирди.  Азамат ушул айдын башында, кичине кезинде асырап алган ата-энесин тапкан. Энесинде анын туулгандыгы тууралуу күбөлүгү сакталуу боюнча экен.  Санжар тогуз айлык кезинде Садыковдордун үйүнө белгисиз бирөөлөр таштап кеткен. Бирок ал жети жашка чыкканда «бул баланын энеси менмин» деп бир аял алып кеткен. Читать дальше...

АКШнын мамлекеттик катчысы Майк Помпео Орусиянын тышкы иштер министри Сергей Лавров менен телефондон сүйлөшкөндө Москва Венесуэлага аскер жиберсе, ал кырдаалды курчутарын жана Вашингтон “кол куушуруп отурбасын” эскертти. Мамлекеттик департаменттин басма сөз катчысы Роберт Палладино 25-мартта Помпео орусиялык кызматташы менен сүйлөшкөнүн ырастады. Орусиялык согуштук учактар жана 100 чакты жоокер Каракаска конгону тууралуу кабар ишембиде тараган.  Гуайдо 22-мартта "Рейтер" агенттигине берген... Читать дальше...

Комиссиянын курамына Транспорт жана жол министрлигинин, ИИМдин, Экология жана техникалык коопсуздук боюнча мамлекеттик инспекциянын, Архитектура жана курулуш агенттигинин өкүлдөрү, өкмөттүн Чүй облусундагы өкүлчүлүгүнөн кызматкерлер жана Москва, Сокулук, Жайыл райондорунун акимдери киришти. Комиссияны транспорт жана жол министринин орун басары Бакыт Бердалиев жетектейт.​  Жумушчу комиссия 25-март күнү биринчи вице-премьер-министр Кубатбек Боронов Бишкек - Кара-Балта жолунун курулушу менен таанышууга барган учурда түзүлдү. Читать дальше...

Ирандын бир нече облусунда нөшөрлөгөн жамгырдан суулар ташкандап сел жүрүүдө.

Казакстандын БТА банкынын өкүлдөрү жана Алматы шаарынын жетекчилиги америкалык ишкер Феликс Сэтерди сотко берди. Бул жөнүндө доо арыз дүйшөмбү күнү Нью-Йорк шаарынын Түштүк округундагы федералдык соттун электрондук базасына келип түшкөн. Доо арызда айтылгандай, президент Трамптын бир кездеги өнөктөшү, теги орусиялык ишкер Сэтер 440 млн. долларды Алматы шаарынын бюджетинен жана БТА банктан чыгарып кеткен. Сэтер бул акчанын ичинен 40 млн. долларды мыйзамсыз менчиктештирип алганы айтылат. Доогерлердин жоромолу боюнча... Читать дальше...

25-марттан 31-мартка чейин Мамлекеттик салык кызматынын кызматкерлеринин иш убактысы саат 9:00дан 24:00кө чейин узартылды. Бул салык төлөөчүлөрдүн убактысын эске алуу менен уюштурулуп жатканын «Азаттыкка» мекеменин басма сөз катчысы Эркин Сазыков билдирди. Анын айтымында, саат 18:00го чейин иштеген жарандар мүлкү жана кирешеси тууралуу декларациясын жумуштан кийинки убакта тапшырып жетише алышат.  Жеке адамдар 1-апрелге чейин былтыркы жыл үчүн кирешесин, иши жана мүлкү тууралуу маалыматтарды Мамлекеттик салык кызматына берүүгө тийиш. Читать дальше...