Новости за 24.03.2019

Белградда жекшембиде ашынган улутчул Серб радикал партиясынын ондогон тарапкерлери НАТОнун аба чабуулдарынын 20 жылдыгына карата митингге чыгышты. Алар «Евробиримдик + НАТО = Сербиянын душмандары» деген жазууларды көтөрүп, босниялык сербдердин мурдагы лидери Радован Каражичти өмүр бою эркинен ажыраткан сот чечимин сынга алышты.  Ашынган улутчул Серб радикал партиясын Воислав Сесель жетектейт. Сеселдин өзүн да Эл аралык трибунал адамзатка каршы кылмыштары үчүн күнөөлүү деп таап, соттогон.   НАТО... Читать дальше...

Румыния Израилдеги элчилигин Тель-Авивден Иерусалимге көчүрөт.  Бул тууралуу румын премьер-министри Виорика Дэнчилэ 24-мартта Коомдук байланыш боюнча Америка-Израил комитетинин Вашингтондогу жыйынында билдирди. Анын айтымында, "Израил менен Европа биримдигинин алакасын чыңдоо үчүн" Румыния уюмга төрага болгон мезгилин колдонууга аракеттенет.   Коомдук байланыш боюнча Америка-Израил комитети -  эки өлкөнүн кызматташтыгын бекемдөөгө көмөктөшкөн таасирдүү бейөкмөт уюм.  Комитеттин жыл сайын өткөргөн... Читать дальше...

Ирактын парламенти кеминде 100дөй кишинин өмүрүн алган кеме кырсыгынан кийин Ниневия провинциясынын губернаторунун отставкасын колдоду.   24-мартта Ирактын премьер-министри Адил Абдул-Махди губернаторду шалаакылык жана коррупция үчүн иштен алуу тууралуу өтүнүч менен парламентке кайрылган.   Мыйзам чыгаруучулар премьердин сунушу менен дагы эки аймактын губернаторунун кызматтан кетишин кубаттады.   21-мартта Нооруз майрамы белгиленип жатканда Тигр дарыясында ашыкча киши түшкөн кеме чөгүп, 100дөй кишинин өмүрү кыйылган. Читать дальше...

Жаңы Зеландиянын Крайстчерч шаарындагы эки мечитте ок атып, 50 кишини өлтүргөн Брентон Таррантка карата манифестти сактоого жана таратууга тыюу салынды.   Өлкө жарандары манифесттин көчүрмөсүн, шилтемелерин  компьютерлеринен өчүрүүгө милдеттүү. Мындай чечимди Жаңы Зеландиянын зомбулукту пропагандалаган маалыматтарды цензуралаган Кинофильмдер менен китептер агенттиги кабыл алды. Буга Таррантка карата манифестте Жаңы Зеландияда чабуул уюштурула турган жайлар жана аны ишке ашыруу жолдору тизмектелген деген жүйө келтирди. Читать дальше...

Кыргызстандык балбан Атай Изабеков Моголиянын Улан-Батор шаарында 24-мартта жыйынтыкталган күрөш боюнча 23 жашка чейинкилер арасындагы Азия чемпионатында коло байгенин ээси болду. "Биргелешкен Күрөш дүйнөсү" уюмунун расмий сайтындагы маалыматка таянсак, Изабеков 24-март күнү эркин күрөштөн 79 килограммга чейинки салмакта килемге чыкты. Ал айлампа тартибинде өткөн төрт таймашта монголиялык балбанды жеңип, ирандык жана индиялык балбандарга жеңилди. Чечүүчү таймашта казакстандык атаандашынан мыкты болуп, 3-орунду ээледи. Читать дальше...

Казакстанда Асет Исекешев башка ишке өткөнүнө байланыштуу президенттин администрациясынын жетекчиси кызматынан бошотулду.  Анын ордуна 1-марттан бери өлкөнүн мамлекеттик катчысы болуп иштеп жаткан мурдагы премьер-министр Бакытжан Сагинтаев дайындалды. Тиешелүү жарлыктарга өлкөнүн убактылуу президенти Касым-Жомарт Токаев кол койгону кабарланды.  Ал эми мамлекеттик катчы кызматын президенттик администрациянын биринчи орун басары Марат Тажин ээледи.   19-мартта мөөнөтүнөн мурда кызматын тапшырган... Читать дальше...

Сербиянын башкалаасы Белградда 23-мартта миңдеген киши бийликке каршы демонстрацияга чыгышты. Демонстрациялар Сербиянын ондогон шаар-кыштактарында да өттү. Белградда миңдеген киши өлкөнүн радио-телеберүү компаниясынын имаратынын алдына чогулуп, маалымат каражаттарынын эркин болушун талап кылышты. Акыркы 30 жыл ичинде киши колдуу болгон журналисттерди да эскеришти.   16-мартта ашынган оңчул оппозиционер Боско Обрадович башында турган ондогон адам Мамлекеттик телекомпаниянын кеңсесине кирип, элге кайрылуу үчүн эфир берүүнү талап кылышкан. Читать дальше...

АКШда атайын прокурор Роберт Мюллердин 2016-жылдагы президенттик шайлоого Орусиянын мүмкүн болгон кийлигишүүсү боюнча иликтөөсүнүн баштапкы жыйынтыктары жарыяланары күтүлүп жатат.   22-мартта иликтөөнүн жыйынтыгын алган башкы прокурор Уильям Барр Конгресске жолдогон катында "негизги корутундуну" ушул дем алышта жарыялай турганын айткан.   Буга чейин Барр корутундуну Конгресске 23-мартта бере турганы болжолдонуп жаткан.  АКШнын Юстиция министрлиги иликтөөнүн жыйынтыгы Конгресске качан жибериле турганын айта элек. Читать дальше...

Эркектер арасында биринчи орунду кытайлык Ли Янг алса, экинчини кыргызстандык Адилет Кыштакбеков ээлеген.

Экинчи раунддун бүтөрүнө беш секунд калганда Петтис каршылашын нокаутка кетирген.

Мелдешке Россия, АКШ, Чехия, Латвия, Өзбекстан, Казакстан жана Кыргызстандан сегиз команда катышат.

НАТО Польшага бригаданы курал менен толук камсыз кылууга жете тургандай америкалык бронотехника, курал, ок дарыларды жайгаштыруу үчүн кампаларды түзөөрүн тастыктады. НАТОнун өкүлү бул маалыматты "Wall Street Journal" гезитине тастыктап, кампалар Повидзе шаарында болот деп пландалып жатканын билдирген. Курулушка болжол менен 260 млн. доллар кетет. Жумуштар 2019-жылдын аягында башталып, эки жылга созулат.  Польша өкмөтү өлкөнүн аймагында америкалык аскер базанын туруктуу жайгашуусуна аракет кылып келет. Читать дальше...

“Кыргызгидромет” борбору кабарлагандай, 25-мартта көпчүлүк аймактарда жамгыр, тоолуу райондордо кар жаайт. Тоолуу райондордо жолдор тоңголок, тайгак болот. Батыштан соккон шамалдын ылдамдыгы 4-9, кээ бир аймактарда секундасына 15-20 метрге жетет. Абанын температурасы: Чүй өрөөнүндө түнкүсүн 1…6, күндүз 16…21, Талас жергесинде түнкүсүн 1…6, күндүз 15…20, Баткен облусунда түнкүсүн 2…7, күндүз 17…22, Ош, Жалал-Абад аймактарында түнкүсүн 2…7, күндүз 17…22, Ысык-Көл дубанында түнкүсүн -3…+2... Читать дальше...

Кыргызстандын мурдагы акыйкатчысы, Март ыңкылабына катышкан укук коргоочу Турсунбек Акун туңгуч президент Аскар Акаевдин айткандарына жооп кайтарды. Укук коргоочу 2005-жылы 24-мартта аянтка үй-бүлөлүк башкарууга каршы чыккан карапайым эл чогулганын айтты. - Ал киши өмүр бою күнөөсүн мойнуна албай келатат. Бир дагы криминал чыкканын көргөн эмесмин. Ошол 15 миң адам Акаевдин үй-бүлөлүк башкаруусуна каршы чыккан карапайым эл болгон. Эл менен эсептешпей аялын, баласын, кызын саясатка аралаштырып, коррупцияга жол берген. Читать дальше...

Дүйнөлүк басма сөзгө баяндама (18-25-март).

22 жаштагы вандык кыргыз жоокер Өмер Улутүрк 23-мартта Түркиянын Мардин аймагында жол кырсыгында каза тапты. Бул тууралуу "Азаттыкка" Түркиянын Ван аймагындагы Улуу Памирдин айыл башчысы Эйүпхан Кошар билдирди. Өмер Улутүрк армияда жарым жылдан бери кызмат өтөп жүргөн. Кыргыздар Түркиянын Ван аймагына 1986-жылы Ооганстандан көчүп келишкен. Улуу Памир айылында эки миңге жакын кыргыз жашайт. Ал эми Стамбул, Анкара, Малатия жана Йозгат аймактарында беш миңден ашык вандык кыргыз жашайт. (ElB)

Узап бараткан жуманын урунттуу окуяларына сереп.

Улукбек Өмүрбеков башында турган төрт жигит Camel Fest фестивалына катышып кыргыздын эр сайыш өнөрүн даңазалашты. Эрендердин ат үстүндө ойногонун көргөн арабдар аларды жомоктогу каармандарга салыштырыптыр.

Сейил бакта 20 мүнөт сейилдеген киши өзүн бактылуу сезет. Көпчүлүк чет элдик акцент менен сүйлөгөндөргө «өгөйлөп» мамиле кылат. Айнек металлга ширетилди. Акыркы 20 жылда Жердин жашыл кымкап тону кеңейди.

Райкан Шүкүрбеков окурмандарга таланттуу драматург, таасын акын, сатирик катары көбүрөөк белгилүү.

Кыргызстанда март ыңкылабына 14 жыл толду.