Новости за 09.03.2019

Кыргызстанда балага капитал чогултуу маданияты акырындап түптөлө баштады. Жергиликтүү жана эл аралык тажрыйбалар бул багытта эмне дейт?

Абакта отурган экс-депутат Садыр Жапаров апасын акыркы сапарга узатуу үчүн туулган айылына - Ысык-Көлдүн Түп районундагы Кең-Суу айылына 9-мартта барды. Жапаровдун апасы 7-мартта кайтыш болгон. 2017-жылы Садыр Жапаровдун атасы көз жумган, бирок анда коштошуу зыйнатына барууга ага уруксат берилген эмес.

Экс-депутат Садыр Жапаров апасын акыркы сапарга узатып, кайра абакка кайтып кеткенин жакындары билдиришти. Ал көзү өткөн энесине топурак салуу үчүн 9-мартта туулган кыштагына - Ысык-Көлдүн Түп районундагы Кең-Суу айылына барган. Саясатчынын энеси 7-мартта кайтыш болгон. Жаза аткаруу мамлекеттик кызматынын басма сөз кызматынын өкүлү Элеонора Сабатарова мындай учурда камактагы адамды үйүнө барып келүүгө мыйзам жол бере турганын билдирген.  Жапаров апасы менен коштошуу зыйнатында элдин алдында сүйлөп жатып... Читать дальше...

Кыргызстандын мамлекеттик башкаруу органдарында аялдар аз болуп жатканы Бишкекте 6-мартта өткөн форумда айтылды.

СССР кезинде таанылган орусиялык актер Владимир Этуш 97 жашында Москвада дүйнө салды. "Театрал" журналынын сайты 9-мартта тараткан кабарга ылайык, ал ооруканалардын биринде жашоо менен кош айтышты.  Владимир Этуш 1922-жылы Москвада төрөлгөн. Экинчи Дүйнөлүк согушка өз ыктыяры менен катышкан. 1943-жылы оор жараат менен кайткан.  1945-жылы театралдык окуу жайды аяктап, актерлук ишмердигин баштаган. Аны күйөрмандары "Адмирал Ушаков", "Кавказ туткуну", "Иван Васильевич кесибин алмаштырат" сыяктуу белгилүү кинолордон улам жакшы билишет.

"Азаттык+" бул чыгарылышын 8-март аялдардын эл аралык майрамына карата Кыргызстандагы жаш ишкер кыздарга арнады. Жеке бий студиясын, мекеме, кеңсени жууп- тазалаган кызматын жана кыргыз-жапон жеке менчик мектебин ачкан кыргыздын тың кыздарынын ийгиликтерин көрсөтүп бердик. Программа эч кимден жардам күтүп же бирөөнүн колун карабай, коомго салым кошкон кыз-келиндерге арналат.

2013-жылы "Wikileaks" сайтына жашыруун маалыматтарды берген деп айыпталып камалып чыккан Челси Мэннинг 8-март күнү кайра камалды.  Ал АКШнын Виржиния штатында башка бир жашыруун маалыматтарды тараткан кишилердин үстүнөн жүрүп жаткан тергөөдө көрсөтмө берүүдөн баш тартканы үчүн ушундай чара колдонулганы кабарланууда.  АКШнын атайын кызматынын мурдагы өкүлү Челси Мэннинг 2013-жылы "Wikileaks" сайтына жашыруун маалыматтарды берген деп айыпталып, 35 жылга камалган.  Иракта кызмат өтөгөн учурунда... Читать дальше...

Бул жолу "Эже-сиңдилер" берүүсүнө жалаң эркектерди чакырып, алар менен Кыргызстандагы аялдардын үй ичиндеги жумушу тууралуу баарлаштык. Улуттук статистика боюнча аялдар эркектерге салыштырмалуу үй тиричилигин үч эсе көп аткарат.

"Симпсондор” деп аталган көп сериялуу анимациялык фильмдин Майкл Жексон үн коштогон бөлүмдөрү прокаттан алынды. Бул тууралуу "Vulture" басылмасы жазды.  НВО телеканалында Майкл Жексондун балдарга ыдык көрсөткөнү тууралуу "Неверлендди таштап" деп аталган даректүү фильм кеткенден кийин ушундай чечим кабыл алынган.  Анын алдында Канада менен Жаңы Зеланиядагы бир катар радиостанциялар Жексондун ырларын эфирден алып салышкан.  Америкалык ырчы Майкл Жексон дүйнөдөгү эң ийгиликтүү артист катары сыпатталат. Читать дальше...

Тажикстандын Жерге-Талынан Чүй бооруна көчүп келгендер 2010-жылы Ивановка айлында залкар этнограф, фольклорчу, табият таануучу Тайтөрө Батыркуловдун 90 жашын утурлай маараке өткөрүштү.

Ички иштер министрлигинин каттоосунда турган уюшкан кылмыштуу топтун мүчөсү деп шектелген жаран кармалды. Ал Өзгөн районунун 37 жашоочусу экенин, изин жашырып жүргөн кезде 7-мартта Бишкек шаарында колго түшкөнүн Ош облустук Ички иштер башкармалыгынын басма сөз кызматы билдирди.  Маалыматка караганда, ал 26-январь күнү Өзгөн районунун Жылалды айылынын 33 жаштагы тургунун уруп, 90 миң сом акчасын тартып алып койгон. Бул факт 6-февралда Өзгөн райондук милициясынын кылмыштардын жана жоруктардын бирдиктүү реестрине катталып... Читать дальше...

10-мартта түнкүсүн Чүй, Талас, Ош, Жалал-Абад, Баткен облустарынын көпчүлүк аймактарында, Ысык-Көл, Нарын облустарынын кээ бир райондорунда жамгыр, тоолуу аймактарда кар жаайт. Күндүз Ысык-Көл, Нарын облустарынын кээ бир райондорунда, Чүй, Талас облустарынын тоолуу аймактарында бир аз кар жаайт. Түндө Чүй, Талас, Ош, Баткен, Жалал-Абад облустарынын кээ бир райондорунда туман түшөт. Тоолуу жолдорго муз тоңот. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй жана Талас облустарында түнкүсүн -1...+4... Читать дальше...

Абактагы саясатчы, парламенттин мурдагы депутаты Садыр Жапаров Кыргызстанда адилеттик орноп келатканына ишене баштаганын билдирди. Мындай пикирин 9-мартта апасын акыркы сапарга узатуу зыйнатына барган учурда, элдин алдында сүйлөп жатып айтты.

АКШ президентинин коммуникация жаатындагы кеңешчиси Билл Шайн отставкага кетти. Мындай чечим анын президент Дональд Трамптын 2020-жылдагы шайлоо штабына жумушка өткөнүнө байланыштуу кабыл алынды. Ак үйдүн пресс-катчысы Сара Сандерс билдиргендей, Шайн шайлоо өнөктүгүндө улук кеңешчи болот.  Трамп Шайнды өзүнө жардамчы жана Ак үй аппарат башчысынын орунбасары кылып, 2018-жылдын июлунда дайындаган. Билл Шайн сексуалдык ыдык көрсөтүүгө байланыштуу ызы-чуудан улам "Fox" телеканалынан кеткенден соң бир жылдан кийин Ак үйдө иштей баштаган. Читать дальше...

Түндүк Кореяда 11 млн. адам жетишсиз тамактанышат.

Түркиянын Стамбул шаарында 8-мартта кыргызстандык сүрөтчүлөрдүн көргөзмөсү ачылды. Ага Анара Искакова, Гүлчахра Токтосунова, Кайыргүл Казыбекова жана Камила Торогелдиеванын чыгармалары коюлду. Кыргыз сүрөтчүлөрдүн кийизден, айнектен жана курактан жасалган эмгектерине жергиликтүүлөрдү өзүнө тартып жатканын "Азаттыктын" кабарчысы маалымдады.  Түрк дүйнөсү муниципалитеттер биримдиги уюштурган көргөзмө түрк тилдүү мамлекеттердеги чыгармачыл аялдарга колдоо көрсөтүү жана алардын чыгармаларын дүйнөгө таанытуу максатын көздөйт. Читать дальше...

Филиппинде кызамык эпидемиясында жылдын башынан бери каза болгондордун саны 261ге жетти.

Сөз эркиндигин коргоо комитети журналист Нарын Айыптын телепрограммасына карата орус элчилигинин билдирүүсүн Кыргызстандын ишине кийлигишүү катары баалады.

Эл аралык Женева “ International Geneva Motor Show 2019” автомобиль жарманкеси өз каалгаларын ачты.

Абактагы саясатчы, парламенттин мурдагы депутаты Садыр Жапаров Кыргызстанда адилеттик орноп келатканына ишене баштаганын билдирди. Мындай пикирин 9-мартта апасын акыркы сапарга узатуу зыйнатына барган учурда, элдин алдында сүйлөп жатып айтты: - Мен камакта мыйзамсыз жактанымды эл билет. Мен мыйзамдуу, адилеттүү мамлекетте жашагым келет. Баары ошондой мамлекетте жашагысы келет. Адилеттик орноп келатканына мен бүгүн ишендим.  Жапаров Кумтөр маселесин көтөрүп, мурдагы бийликке жек көрүнгөнүн белгилеп, анын айынан камакта отурганын кошумчалады.

Кыргызстан Ооганстандагы тынчтыкты, ошол эле учурда чөлкөмдөгү коопсуздукту бекемдөө иштерине салым кошот. Мындай пикирин тышкы иштер министри Чыңгыз Айдарбеков Ооганстандын тышкы иштер министри Салахуддин Раббани менен телефондо сүйлөшкөн учурда айтты. Сүйлөшүү 8-мартта кыргыз тараптын демилгеси менен болду. Министрлер эки тараптуу кызматташууну талкуулап, саясий карым-катышты жандантуу маселесине токтолушту. Министрликтин басма сөз кызматы билдиргендей, быйыл Кыргызстанга Ооганстандын расмий делегациялары келип... Читать дальше...

Мексиканын Чьяпас шаарында мигранттарды ташыган жүк ташуучу унаанын оодарылышы тууралуу териштирүү башталды.

Конституциялык палатанын мурдагы судьясы, "Улуттар биримдиги" партиясынын аткаруу комитетинин катчысы Клара Сооронкулова "Багыт" гезити аны шылдыңдаганын билдирип, эгер мындай абал кайталанса, укук талаасында сүйлөшүүгө туура келерин айтты. Бирок азырынча соттошуу ниети жоктугун белгиледи.  Аталган гезит 6-марттагы санында Сооронкулованы доллар толо ваннада жатканын, жанында "Улуттар биримдиги" партиясынын лидери Мелис Мырзакматов турганын коллаж иретинде биринчи бетке жарыялаган.  -"Сооронкулованы... Читать дальше...

Бишкектеги Улуттук китепканада космонавт Юрий Гагариндин 85 жылдыгына арналган көргөзмө өтүп жатат. Аны Орус адабияты жана маданияты борбору уюштурууда. 7-мартта башталган иш-чара 25-мартка чейин уланарын китепкананын басма сөз кызматы кабарлады.  Көргөзмөдө Гагаринге арналган адабияттар, жакындарынын эскерүү жазуулары, жашоосуна жана ишмердигине арналган сүрөттөр коюлат.  Советтик учкуч Юрий Гагарин 1961-жылдын 12-апрелинде Казакстандагы Байкоңур космодромунан “Восток-1” космос кемеси менен учуп, космосто 108 мүнөт болгон. Читать дальше...

Тажик бийлиги тарабынан уурдалып, кыйноого алынганын айткан оппозициялык активист Шарофиддин Гадоев Нидерланддан үн катты. Ал бийлик өкүлдөрү ага 2020-жылга белгиленген шайлоодо президент Эмомали Рахмондун уулун колдойсуң деген талап койгонун айтты.