Новости за 21.03.2019

Болгариянын Башкы прокуратурасы башкаруучу ГЕРБ (Жарандар Болгариянын европалык өнүгүүсү үчүн - ГЕРБ) партиясынын төрагасынын орун басары кантип кыймылсыз мүлк сатып алганын иликтей баштады. Буга «Эркин Европа/Азаттык» радиосунун болгар кызматынын иликтөө материалы себеп болду.   Болгар кызматынын журналисттери ГЕРБ партиясынын төрагасынын орун басары Цветан Цветанов 2018-жылдын июнунда София шаарында “Артекс” курулуш компаниясынан өтө кымбат баалуу батирди кантип алганын иликтеп чыгышкан.    ... Читать дальше...

Брюсселде Евробиримдикке мүчө өлкөлөрдүн эки күндүк саммити башталды. Анда Брекзиттин мөөнөтүн узартуу маселеси талкууланат. Мурдарак премьер-министр Терезе Мэй Британиянын биримдиктен чыгуу мөөнөтүн 30-июнга чейин узартууну өтүнгөн. Мэй француз президенти Эммануэл Макрон жана Европа кеңешинин жетекчиси Дональд Туск менен жолугушат. Лондон 29-мартка чейин Евробиримдиктен кайсы жол менен чыгып кетүүнү чечиши керек. Бирок британ мыйзам чыгаруучулары Мэйдин өкмөтү даярдаган келишимдин долбоорун четке каккан. Читать дальше...

Ирактын бийлиги Мосул шаарындагы дарыяда эл ташыган кеме чөгүп, 70тен ашуун киши набыт болгонун билдирди. Каргашалуу окуя 21-мартта эл Ноорузду майрамдап жаткан маалда болду. Ниневия провинциясынын жарандык коргонуу бөлүмүнүн башчысы полковник Хусам Халил өлгөндөрдүн көбү аялдар менен балдар экенин айтты. Ал Тигр дарыясында издеп куткаруу иштери жүрүп жатканын кошумчалады. Ички иштер министри генерал Саад Маан 55 киши куткарылганын билдирди.  Коопсуздук кызматынын атын атабаган өкүлү “кемеге 100дөн ашуун киши түшүп алгандыктан... Читать дальше...

Нооруз майрамы алдында кыргыз-тажик чек арасында кайрадан тирешүү чыгып, 13-мартта ал жерде ок атылып, Тажикстан тараптан эки киши каза тапканы кабарланган. Эки өлкөнүн өкмөт өкүлдөрү чыр-чатакты жөнгө салыш үчүн төрт күндүк сүйлөшүү да өткөрүштү. Дал ошол чек арада жашаган элдин маанайы кандай? Жашоо өз нугуна түшүп, кастык басылдыбы? "Азаттык" радиосунун кыргыз, тажик кызматынын кабарчылары Жеңиш Айдаров, Медербек Ниязалиев жана Маъсум Имомом эки элди бөлүп турган чек арадагы айылдарды кыдырып келишти.

Пакистандын түндүк батышында социалдык тармактарда жазган билдирүүлөрү үчүн чогуу окуган студентти "жаратканга акарат келтирди" деп, "токмоктоп өлтүрүп коюшкан" деген айып менен эки адам өмүр бою эркинен ажыратылды. Окуя эки жыл мурда болгон. Абдул Вали Хан университетинин студенттери Машал Хан аттуу 23 жаштагы жигитти социалдык тармактарда "жаратканга акарат келтирген маалыматтарды жайылтат" деп союл менен сабашкан. Айыпталгандардын бири Ариф Хан премьер-министр Имран Хандын «Техрик-и Инсаф» партиясына мүчө экени аныкталды. Читать дальше...

Премьер-министр Тереза Мэй Британиянын Евробиримдиктен чыгуусун 30-июнга чейин узартууну өтүндү.

Бишкекте Нооруз майрамына карата көк бөрү боюнча жогорку лиганын финалы болду.

Казакстанда жаңы президент Касым-Жомарт Токаев Астананын аталышын Нурсултан деп өзгөртүүнү сунуш кылып, депутаттар демилгени колдоп добуш беришти. 19-мартта ыйгарым токтотконун жарыялаган Нурсултан Назарбаев бийликтеги "Нур-Отан" партиясынын лидери, Коопсуздук кеңешинин төрагасы бойдон кала бермекчи. Бир нече күн мурун жаңжал чыккан кыргыз-тажик чек арасындагы айыл тургундары Ноорузда ымалага келип, мурункудай эле ынтымактуу жашоого аракеттенип жатышат.

Нидерланд прокуратурасы Утрехттеги кол салууга шектүү адамга "террорчулук" боюнча айып тагыларын кабарлады. Прокуратуранын билдирүүсүнө караганда, бул иш боюнча сот 22-мартта башталат.  Азыр шектүү киши террордук максатты көздөгөнбү же анын аракети жеке маселеге байланыштуу экени иликтенип жатат.   Утрехт шаарында 18-мартта трамвайдагы ок атууда үч кишинин өмүрү кыйылып, бешөө жаракат алган. Окуяга шектүү катары 37 жаштагы түркиялык Гөкмен Таныш жети сааттан кийин кармалган. Прокуратура ал өзү жалгыз ок атканын... Читать дальше...

Бишкектеги “Ак-кула” ат майданында Нооруз майрамына арналган көкбөрү оюндары өттү. Күйөрмандардын негизги көңүлү көкбөрү оюндарынын финалына бөлүндү. Финалда “Ынтымак” жана “Достук” командалары ойношту.

Астанада шаардын аталышын Нурсултан деп өзгөртүүгө каршы чыккандар кармалды. Премьер-министр Тереза Мэй Британиянын Евробиримдиктен чыгуу датасын 30-июнга жылдырууну өтүндү.

Бишкек шаарынын борбордук аянтында Нооруз майрамына арналып уюштурулган салтанат бул жолу кытайлык кыргыздардын ыр-бий тобунун катышуусу менен өзгөчөлөндү. Шиңжаң-Уйгур автономиялуу районунан келген маданий делегация элге өз өнөрүн тартуулады.

Баткен районундагы кыргыз-тажик чек арасындагы жаңжалга туш болгон Ак-Сай айылынын тургундары Нооруз майрамын мектеп аянтында белгилешти. Адаттагыдай эле сүмөлөк кайнатылып, улуттук тамак-аш жана кол өнөрчүлүк буюмдарынын көргөзмөсүн уюштурушту.

Таласта 80 жаштан ашкан байбиче бакма кызына белекке берген үйүн сот аркылуу кайтарып алуу максаты ишке ашпай, арызы соттон сотко өтүп келатат.

Астанада шаарды Нурсултан деп өзгөртүүгө каршы чыккандар кармалды. Башкалаанын аталышы казак мажилиси кабыл алган мыйзамга президент кол койгондон кийин расмий өзгөрөт.

Оюн "Ак-Кула" ат майданында өттү.

Нооруз майрамына арналган көкбөрү боюнча республикалык мелдеште "Ынтымак" командасы жеңишке жетти.

Улустун улуу күнү - Нооруз майрамы Иранда да эзелтеден бери белгиленип келет. Тегеранда даярдык бир апта мурда эле башталган. Базарларда Нооруздун символдору деп саналган кызыл балык, дасторконго коюлчу дүр-дүйүм тамактын түрлөрү сатылып жатат. Бирок аларды сатып алган элдин саны мурунку жылдарга салыштырмалуу аз. Буга АКШ Иран менен дүйнөлүк алты держава макулдашкан өзөктүк келишимден чыгып, Тегеранга каршы экономикалык санкцияларды калыбына келтиргени түрткү болду. Ирандын улуттук акчасы - рупий наркын жоготуп, баалар өсүп кетти. Читать дальше...

Астанада шаардын аталышын Нурсултан деп өзгөртүүгө каршы чыккандар кармалды. Бул тууралуу "Азаттыктын" казак кызматы билдирди. Маалыматка караганда, 21-мартта Астананын акимчилиги жайгашкан аянтта баш калаанын аталышын өзгөртүүгө каршы акция өткөнү жаткан. Бирок чогулган онго жакын кишини полиция автобустарга салып кетти. Шаршембиде казак парламенти коңшу өлкөнү 30 жыл башкарган Нурсултан Назарбаевдин урматына борбор шаар Астананын аталышын Нурсултан деп атоо тууралуу сунушту колдоп, Баш мыйзамга өзгөртүү киргизген. Читать дальше...

Түштүк Кореядагы популярдуу музыканын же "K-pop'тун" таанымал өкүлдөрү жыныстык жаңжалдын чордонунда калышты. 21-мартта белгилүү ырчы Чон Чжун Ён Сеул сотунда өткөн жараянга катышып, “кечиримсиз кылмышка аралашканына өкүнөрүн” айтып, баарынан кечирим сурады. Тергөөнүн версиясына ылайык, Чон Чжун Ён атактуу ырчы, актриса кыздар менен жакын мамиледе болуп, алардын уруксатысыз купуя маанидеги видеолорду тартып, досторунун чаттарына жиберип жүргөн. 30 жаштагы Чон Чжун Ён шоу-бизнес дүйнөсүнөн кетерин билдирди. Читать дальше...

Жаңы Зеландиянын премьер-министри Жасинда Ардерн өкмөт элдин колундагы ок атуучу куралдын айрым түрлөрүнө тыюу салганын билдирди. Мындай кадамга Крайстчерч шаарындагы эки мечитте 50дөй адамдын өмүрүн алган теракт түрткү болду. Тыюу салынган куралдын тизмеси атайын сайтта жарыяланат. Ал эми алардын ээлери атайын анкета толтуруп, автоматтык түрдө атылган куралды өткөрүп берүү боюнча полиция менен байланышууга тийиш. Премьер-министр ошондой эле курал ээлерине кенемте төлөп берүүнү убада кылды. Өкмөттүн... Читать дальше...

Орусия аннексиялап алган Крымда Федералдык коопсуздук кызматы (ФСБ) “Жахабанын күбөлөрү” диний уюмунун мүчөсү Артем Герасимовду кармады. Ал “экстремисттик уюмдун ишмердигине аралашкан” деп айтыпталып жатат. Бул тууралуу “Жахабанын күбөлөрү” уюмунун сайты кабарлады. ФСБнын аймактык бюросунун билдирүүсүндө 34 жаштагы жигит камакка алынганы айтылат. “Ялтанын тургуну "Жахабанын күбөлөрүнүн" жергиликтүү түйүнүн түзгөн. Ал жолугушууларды, сыйынууну уюштуруп, тыюу салынган диний сектанын идеяларын жайылткан” – деп айтылат билдирүүдө. Читать дальше...

Кытайдын Шиңжаң-Уйгур автономиялуу районунан келген кыргыздардын маданий делегациясы 21-мартта Бишкекте Нооруз майрамында өз өнөрлөрүн тартуулашты. Алар “Ала-Тоо” аянтындагы майрамдык салтанатка жана Курманжан Датка эстелигинин алдында уюштурулган иш-чарага катышты. Маалыматка ылайык, кытайлык делегация Бишкекте 25-мартка чейин болот. 22-мартта Абдылас Малдыбаев атындагы опера жана балет театрында, 23-мартта Калый Молдобасанов атындагы улуттук консерваториясында концерт беришет. 24-март күнү делегациянын өкүлдөрү Кыргызстандын маданият... Читать дальше...

Ушул жылдын июнь айында Индиянын премьер-министри Нарендра Моди Кыргызстанга келет. Кыргызстандын Тышкы иштер министрлигинин басма сөз кызматы тараткан маалыматка караганда, 21-мартта тышкы иштер министри Чыңгыз Айдарбеков Индиянын тышкы иштер министри Сушма Сварадж менен телефон аркылуу сүйлөштү. Эки өлкөнүн министрлери жайында өтчү ШКУ министрлер кеңешинин жана ШКУ мамлекет башчыларынын саммитин да талкуулашты. (BTo)

Нооруз майрамына арналган көкбөрү боюнча республикалык мелдештин Жогорку лиганын финалында "Ынтымак" командасы жеңишке жетти. Бүгүн Бишкектеги "Ак-Кула" ат майданында өткөн финалдык таймашта Таластын "Ынтымак" командасы Оштун "Достук" командасын 6:1 эсеби менен утуп алды. “Ынтымак” ушуну менен Нооруз турнирин үчүнчү жолу жеңди. Жогорку лигада 3-орунду "Бакубат Талас" командасы алды. 3-орун үчүн беттеште таластыктар "Көк Жал" командасын 7:1 эсебинде жеңген. Ошондой эле бүгүн Биринчи лиганын... Читать дальше...