Новости за 06.03.2019

АКШнын Украинадагы элчиси Мари Йованович Киевди башкы прокурордун коррупция боюнча орун басары Назар Холодницкийди кызматтан алууга чакырды. Дипломаттын сөзүнө караганда, "кылмышка шектүүлөргө жоопкерчиликтен кантип кутулуп кетүүнүн жолун үйрөткөн адамга мындай маанилүү иштерди тапшырууга болбойт". Холодницкий атайын коррупциялык иштерди кароого түзүлгөн прокуратураны 2015-жылдан бери жетектейт. Былтыр мартта “Украин правдасы” гезити өз булактарына таянып, Коррупцияга каршы улуттук бюро Холодницкийдин... Читать дальше...

Чеченстанда «Мемориал» укук коргоо уюмунун Грозныйдагы бөлүмүнүн башчысы, баңги заттарын сактоого айыпталган Оюб Титиевдин ишин иликтөө аяктады. Укук коргоочу 10 жылга чейин түрмөгө кесилиши мүмкүн. Сотто тараптардын жарыш сөзү 11-мартка белгиленди. Алдын ала маалыматка караганда, марттын аягында Титиевге өкүм угузулушу мүмкүн.    Титиев өзүнө тагылган айыпты анын чечен согушунда дайынсыз болгондорду издөө жана кылмышка күнөөлүүлөрдү табуу аракети менен байланыштырат.  “Мемориал" уюмунун Грозныйдагы... Читать дальше...

Тажикстандык оппозиционер Шарофиддин Гадоев уурдалып, кыйноого кабылганын айтып чыкты. Анын видеобилдирүүсү 5-мартта "Youtube" каналына жарыяланды. Анда Гадоев тажик күч кызматкерлери аны "уурдап кетип кыйнаганын жана коё берерден мурун бийликти даңазалаган видеого тартылууга мажбурлашканын" айткан. "Мени Москвадан уурдап кетишти. Мени тажик өкмөтү мыйзамсыз уурдап кетти", - дейт "Группа 24" тобунун мүчөсү. Гадоев анын бошонушуна көмөктөшкөн журналисттерге, укук коргоочу уюмдарга жана дипломаттарга ыраазычылыгын айтат. Читать дальше...

Коомдук телерадио корпорациясынын жаңы жетекчиси болуп Жайнак Үсөн уулу шайланды. Жабык добуш берүүнүн жыйынтыгында Жайнак Үсөн уулу 13, Галина Байтерекова бир, Болотбек Тиллебаев бир добуш алды. Жаңы шайланган директор ишине 19-мартта киришет. Коомдук каналдын директорлугуна жалпы жети киши ат салышты.

Кыргызстанда электрондук паспортту даярдоо боюнча тендер жаңжал менен коштолду. Тендерге катышкан компаниялардын бири тандоонун жыйынтыгына нааразы болуп, өлкө башчыларына кайрылды. Буга чейин бир нече чырга кириптер болгон документ даярдоодогу көмүскө жагдайларды “Ыңгайсыз суроолор” берүүсүндө баяндайбыз.

Орусиянын президент Владимир Путин аскер кызматкерлерине жана жоокерлерге кызмат маалында телефон колдонууга, маалыматты жазып алууга, сактоого, Интернетке туташкан жабдыктарды пайдаланууга тыюу салган мыйзамга кол койду.  Мамлекеттик Думада мыйзам долбоорун 408 депутат колдоп, эч ким каршы болгон эмес.  Ошондой эле аскерлерге кызматынын өзгөчөлүгү жана мурун бирге жүргөндөр, туугандары тууралуу маалыматты журналисттерге берүүгө, Интернетке жазууга тыюу салынат. Социалдык сайттардагы мындай... Читать дальше...

Ош шаарынын мэри Таалайбек Сарыбашов аз камсыз болгон үй-бүлөдө мүмкүнчүлүгү чектелген балдарды тарбиялап жаткан энелерди 8-март майрамы менен куттуктап, үйлөрүнө барды. Мэр энелерге үй тиричилигине керектүү буюмдарды: телевизор, кир жуугуч машина, муздаткыч, электр мештерин белекке берди. Ошондой эле балдарга таттууларды, азык-түлүк тапшырды.  Таалайбек Сарыбашов майып балдарын багып жаткан энелерге ыраазычылык билдирип, шаар жетекчилиги аларды камкордукка алып, жардам берүүгө дайым даяр экенин айтты. Читать дальше...

Бишкек шаарында футболчу кыздар өлкөнүн таанымал аялдары менен достук беттештерин өткөрдү. Бул тууралуу Кыргызстандын Футбол федерациясынан билдирди. (Сүрөттөр Футбол федерациясына таандык).

Кыргызстанда элеттеги аялдарды ар тараптуу өнүктүрүү зарылдыгы, айылдык кеңештерде аялдардын ордун көбөйтүү тууралуу маселе козголду. «Аялдар айылдык кеңештерде 30% кем болбосун» аттуу форумда экс-президент Роза Отунбаева башкаруу органдарында эркектер басымдуу экенин айтты. Форумга премьер-министр, парламенттин фракция жетечилери, эркек депутаттар келген жок. Катышуучулар бийлик башчыларынын мындай мамилесинин өзү аялдардын саясаттагы ордуна көңүлкош мамиледен кабар берерин белгилешти.

Ооганстандын Нангархар провинциясында согушкерлердин кол салуусунан кеминде 16 киши көз жумду. Тажикстанда "Гардуна" компаниясынын үч жетекчиси камакка алынды. Алар 200дөн ашык кишини Чехияда жакшы ишке орноштурууга убада берип, акча чогулткан бойдон алдап кеткен деп айыпталууда. Өзбекстандын мурдагы президенти, маркум Ислам Каримовдун тун кызы Гүлнара үй камагынан жалпы тартиптеги түрмөгө которулду.

Жогорку Кеңештеги КСДП фракциясынын депутаты Рыскелди Момбеков ал тууралуу Жогорку соттун төрайымы Гүлбара Калиева УКМКга даттанганын билдирди.

Роза Даудова атындагы Жаш журналисттердин социалдык маанилүү маселелерди чагылдырган публицисттик эмгектеринин Улуттук сынагы жыйынтыкталды. Сынактын жеңүүчүлөрүнүн бири "Азаттык" радиосунун кабарчысы, маркум Уланбек Эгизбаев болду. 6-март күнү жеңүүчүнүн диплому Уландын кесиптештерине тапшырылды. Роза Даудова атындагы Жаш журналисттердин социалдык маанилүү маселелерди чагылдырган публицисттик эмгектеринин Улуттук сынагы кыргыз өкмөтү тарабынан уюштурулган. Роза Даудова көп жылдар бою маалымат жана журналистика тармагында иштеп келген. Читать дальше...

Бишкекте Аялдардын эл аралык майрамы менен Аялдардын футбол күнүнө карата "Мени менен ойно. Футболдо баары бирдей" аттуу фестиваль өттү.

Медиа эксперт Кубан Абдымен Коомдук телеканалдын жетекчилигине НТС телеканалынын мурдагы жетекчиси Жайнак Үсөндүн шайланганы өлкөдөгү негизги медиа каражат болгон КТРКга пайдалуу болду деп эсептейт. Мындай пикирин ал "Азаттык" менен бөлүшүп, өзүн мыкты менеджер катары көрсөтө алган адиске 700дөн ашуун киши иштеген эмгек жамаатынын колдоосу да мааниге ээ экенин айтты: - Жайнак Үсөн уулу буга чейин да телекомпанияда иштегендиктен, анын технологиясын, коомдук пикирди эске алуунун жолдорун жакшы үйрөнгөн. Читать дальше...

Шейшембиде АКШ Сенатынын комитетинде өлкөдөгү ар кандай оорулардын күч алышына байланыштуу талкуу өттү. Ага катышкан 18 жаштагы Итан Линденбергер «эмдөөгө каршы чыгып жаткан Интернеттеги ар кандай топтор - жалган маалыматтын негизги булагы», деп айтты.  «Эмдөө өмүрдү сактап калат» деген темадагы талкуулар АКШнын төрт штатында, анын ичинде Нью-Йоркто кызамык оорусу күч алган маалда өтүп жатат. Илдет Кошмо Штаттарда 2000-жылдары эле толугу менен жоголду деп эсептелчү. Бул өлкөнүн 17 штатында мыйзам... Читать дальше...

Жогорку соттун төрайымы Гүлбара Калиева Жогорку Кеңештин депутаты Рыскелди Момбековго каршы УКМКга кайрылуусуна депутаттын парламентте сүйлөгөн сөзү негиз болгон. Бул тууралуу Жогорку сот «Азаттыкка» билдирди. Андан алынган маалыматта: ««YouTube» сайтында депутат Рыскелди Момбеков «жер тилкелеринин мыйзамсыз берилгенин таануу тууралуу сот чечими ката, соттор мындай аракеттери менен карапайым элдин канын ичип жатат» деп айтылган сөзү жазылган видеотасма жарыяланган. Жогорку соттун төрайымы бул тасма... Читать дальше...

Тажикстанда "Гардуна" компаниясынын үч жетекчиси камакка алынды. Алар 200дөн ашык кишини Чехияда жакшы ишке орноштурууга убада берип, акча чогулткан бойдон алдап кеткен деп айыпталууда.

Бир нече ымыркайды саткан деген шек менен айыпталып жаткандардын сот иштери уланууда. Айыпталган жети кишинин экөө «документ жасоо» боюнча кылмышты мойнуна алды.

Өзбекстандын алгачкы президенти, маркум Ислам Каримовдун кызы Гүлнара үй камагынан кайрадан кадимки түрмөгө которулду.

КТРКны 19-марттан баштап жаңы директор жетектей турган болду. Буга чейин коомчулукта КТРКнын жетекчисин тандоо тууралуу ар кандай кызуу талкуулар жүрүп, негизинен эки талапкердин аты аталып келген. Айрымдар добуш берүүнүн жыйынтыгы күтүүсүз болгонун айтып, талапкер жогору жактын буйругу менен тандалганын белгилешет. КТРКнын жетекчисин тандоонун жүрүшү тууралуу Жогорку Кеңештин депутаттары, саясий серепчилер, медиа эксперттердин жана талапкерлердин өздөрүнүн пикирин сунуштайбыз.

Тажрыйбалуу улакчылар көкбөрүгө чабыла турган буудан күчтүү, шамдагай анан акылдуу болушу керек деп айтышат. Учурда улакка түшкөн мыкты аттын баасы акыркы үлгүдөгү автоунаанын кунунан эки эсе ашып түшөт.

Бишкекте 11-марттан 16сына чейин Франкофония жумалыгы өтөт. Бул жылы жумалык «Жакшы калгыла, өйдө жактагылар» аттуу француз фильмин «Ала-Тоо» кинотеатрында көрсөтүү менен башталат. Ал эми «Соңку жаңы осуят» аттуу Белгия фильми 13-мартта саат 18:00дө «Россия» кинотеатрында көрсөтүлөт. «Тимбукту» же экинчи аталышы «Куштар кайгысы» аттуу франко-мавританиялык фильм Бишкектеги «Француз альянсында» бейшембиде күнү 18:30да тартууланат. Жумалык Швецариянын «МОКА / Сүт менен кофе түсү» аттуу фильми менен 16-мартта «Россия» кинотеатрында жыйынтыкталат.

Ички иштер министрлигинин (ИИМ) Уюшкан кылмыштуулук менен күрөшүү башкармалыгынын кызматкерлери тарабынан өткөрүлгөн атайын операциянын натыйжасында адамдарды уурдап жана опузалап жүргөн кылмыштуу топ кармалды. Бул тууралуу ИИМ кабарлады. ИИМдин тараткан маалыматка ылайык кылмыштуу топ ири суммадагы акча каражатын талап кылып, ар кимге зомбулук көрсөтүп, кыйнап келген. Алар чет элдик жарандын башына кап кийгизип, опузалап, анын мүлкүнө ээлик кылуу аракетин көрүшкөн. Чет өлкөнүн жараны милицияга арыз менен кайрылган. Читать дальше...

Бишкек шаарынын бийлиги жыл сайын 8-март майрамына карата өтүүчү «Аялдардын тилектештик шаарчасы» аттуу тынчтык маршын өткөрүүгө тыюу салды. Бул тууралуу бүгүн, 6-мартта акциянын уюштуруучулары, «Бишкек феминисттик демилгелери» бирикмеси «Фейсбуктагы» баракчасына жазды. Маалыматка караганда, Бишкек мэриясы аларга «ар кандай митингдерди жана тынчтык акцияларын өткөрүү жайларын чектөө» тууралуу кат жөнөткөн. Тыюу салууга шаардын борбордук бөлүгүндө «Эл аралык аялдар күнүнүн урматына иш-чаралар» пландалганы себеп болгону көрсөтүлгөн. Читать дальше...

Бүгүн, 5-мартта Ирандын Орусиядагы элчиси Мехди Санаи Орусиянын тышкы иштер министринин орун басары Игорь Моргулов менен жолугушту.