Новости за 06.10.2020

(Казан, 6 октябрь, «Татар-информ»). Татарстан буенча Росреестр идарәсе кече һәм урта бизнес вәкилләре өчен туры эфир үткәрә. Бу хакта ведомствоның матбугат хезмәте хәбәр итә. «8 октябрьдә 10.00 сәгатьтә Татарстан Республикасы буенча Росреестр идарәсе „Инстаграм“ социаль челтәрендә кече һәм урта бизнес вәкилләре, шул исәптән шәхси эшкуарлар өчен күчемсез милекне рәсмиләштерү мәсьәләләре буенча туры эфир үткәрә», - дип искәрттеләр матбугат хезмәтендә. ТР буенча Росреестр эксперты эшкуарлар өчен... Читать дальше...

(Казан, 6 октябрь, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 25 яңа очрагы ачыкланган, бер кеше чирне читтә йоктырып кайткан, 24е башка авырулар белән аралашу нәтиҗәсендә эләктергән. Бу хакта ТР Сәламәтлек саклау министрлыгының матбугат хезмәте хәбәр итә. «Алты кеше хастаханәгә озатылган, 19 кеше өендә дәвалана», - дип белдерделәр матбугат хезмәтендә. Инфекция йоктыручыларның күбесе 30-50 яшь (8 кеше) аралыгында ачыкланган, 50-60 яшь һәм 60-70 яшь аралыгында алтышар очрак теркәлгән. Читать дальше...

(Казан, 6 октябрь, «Татар-информ»). Татарстан Хөкүмәте республика алдында торган максатларга ирешү өчен бердәм команда булып эшләргә тиеш. ТР Президенты Рөстәм Миңнеханов башкарма хакимият органнары җитәкчеләре белән очрашуда шундый фикерен белдерде. Бу хакта республика Президентының матбугат хезмәте хәбәр итә. «Без бердәм команда булып эшләргә тиеш. Сез имтихан тапшырдыгыз, комиссия фикер алышулар үткәрде. Республика Хөкүмәтендә эшләү – зур ышаныч ул. Барыбызга да уңышлы эшчәнлек телим», - диде Миңнеханов. Читать дальше...

(Чаллы, 6 октябрь, «Татар-информ»). Бүген иртән «КАМАЗ» акционерлык җәмгыятенең профсоюз комитеты рәисе Александр Васильев вафат булган. Бу хакта автогигантның мәгълүмати сәясәт департаменты җитәкчесе Олег Афанасьев хәбәр итте. «Зур фаҗига булды. Каты авырудан соң дустыбыз, „КАМАЗ“ акционерлык җәмгыятенең профсоюз комитеты рәисе Александр Анатольевич Васильевның кинәт йөрәге тибүдән туктады. Үзенең бөтен язмышын предприятие белән бәйләгән, КАМАЗның тәне һәм җаны булган кеше бүген иртән мәңгегә күзләрен йомды»... Читать дальше...

(Казан, 6 октябрь, «Татар-информ», Гөлнар Гарифуллина). ТР Дәүләт Советы рәисе урынбасары, Татарстан Республикасы Президенты каршындагы Татар телен саклау һәм үстерү мәсьәләләре комиссиясе рәисе Марат Әхмәтов кайбер министрлык-ведомстволарның татар теленә сүлпән мөнәсәбәтен әйтте. «Татар телле министрлар да татар телендә чыгыш ясамый», — диде ул комиссиянең икенче утырышында. «Кайбер министрларның татар теленә мөнәсәбәте бик салкын. Спорт, Яшьләр эшләре, Транспорт һәм юл, Сәламәтлек саклау министрлыгы... Читать дальше...

(Казан, 6 октябрь, «Татар-информ»). Azur Air авиакомпаниясе Казаннан Лондонга рейс ясау мөмкинлегенә ия булды. Бу хакта Росавиациянең матбугат хезмәте хәбәр итә. Мондый карар Covid-19 пандемиясе башланганнан алып беренче тапкыр үткәрелгән, чит илгә рейслар оештырырга рөхсәт бирүче ведомствоара комиссия утырышында кабул ителде. Авиакомпания атнага ике рейс ясый алачак. Моннан тыш, Azur Air авиакомпаниясе Екатеринбург, Иркутск, Краснодар, Красноярск, Түбән Новгород, Новосибирск, Пермь, Ростов-Дон... Читать дальше...

(Казан, 6 октябрь, «Татар-информ»). Covid-19 коронавирус пандемиясе аркасында кертелгән чикләү шартларында эшләүләрен дәвам итүче пенсионерларга өстәмә акча түләргә тәкъдим иттеләр. РФ Иҗтимагый палатасы әгъзасы Солтан Хәмзәев Россия хезмәт һәм социаль яклау министры Антон Котяковка шул хакта хат юллаган. Бу турыда RT телеканалы хәбәр итә. Үз хатында ул коронавирус инфекциясе йоктыручыларның артуы фонында төбәк хакимиятләренең өлешчә яңа чикләү чаралары кертә башлавын искәрткән. Әмма эшләүче... Читать дальше...

(Казан, 6 октябрь, «Татар-информ»). ТР мөселманнары Диния нәзарәте җәмәгать намазларында саклану чараларын үтәү кирәклеге турында искә төшерә. Бу хакта нәзарәтнең матбугат хезмәте хәбәр итә. «Хөрмәтле дин кардәшләребез! Сездән сулыш органнарын индивидуаль саклау чараларыннан (битлекләрдән) файдалануыгызны һәм мәчетләргә шәхси намазлык белән йөрүегезне үтенәбез», диелгән хәбәрдә. ТР мөселманнары Диния нәзарәте 65 яшьтән өлкәнрәкләргә һәм сәламәтлегенә зыян килер дип курыккан, иммунитеты какшаган кешеләргә... Читать дальше...

(Казан, 6 октябрь, «Татар-информ»). Административ хокук бозулар турында яңа кодекс автомобильне газонда калдырган һәм аннан барган өчен машина йөртүчене 1,5-3 мең сум күләмендә штрафка тартуны күздә тота. 16.9нчы маддә («Территорияләрне төзекләндерү өлкәсендәге таләпләрне бозу») проектында шул турыда сүз бара. Бу хакта РИА Новости агентлыгы хәбәр итә. Машина хуҗаларын автомобильләрен «балалар уен һәм спорт мәйданчыкларында, спорт-уен комплекслары һәм ял мәйданчыкларында, газоннар, чәчәк түтәлләре... Читать дальше...

(Тәтеш, 6 октябрь, «Татар-информ», « Тәтеш таңнары »). Тәтеш кадет мәктәп-интернаты базасында «Мәгариф» илкүләм проекты кысаларында «Үсеш ноктасы» ачылды. Бу турыда район басмасы хәбәр итә. Кадет мәктәп-интернаты районда цифрлы һәм гуманитар профильдәге белем бирү үзәге булган өченче уку йорты булачак. «Үсеш ноктасы» бүгенге көндә Олы Тархан һәм Алабирде урта мәктәпләрендә уңышлы эшләп килә. «2020 елда уку йор­ты­бызны уку ­барышын, өс­тәмә белемне һәм мәк­тәптән тыш эшне ка­милләштерергә исәп­лән­гән „Үсеш ноктасы“ прог­раммасына керттеләр. Читать дальше...

(Казан, 6 октябрь, «Татар-информ»). Япониядән егет Юто Хисияманың күптәнге хыялы тормышка ашты. Ул Токионың чит телләр университетында татар теле укыта башлады. Бу хакта «Идел» журналына сылтама белән Бөтендөнья татар конгрессының матбугат хезмәте хәбәр итә. Исегезгә төшереп узабыз, Юто Хисияма — Япониядә татар телен фәнни дәрәҗәдә беренче һәм җентекләп өйрәнүче бердәнбер япон галиме. Яшь егет татар теле буенча докторлык диссертациясе язды. Татарстанда да белем алды.

(Казан, 6 октябрь, «Татар-информ»). Россия авиакомпанияләре 24 илдән даими очышларга рөхсәт алды, тиешле боерык Росавиация чыгарды. Илләр исемлегендә әлегә чикләре ябык булган илләр дә бар. Авиакомпанияләр Белоруссия, Бөекбритания, Мисыр, Казахстан, Кыргызстан, Мальдивлар, Берләшкән Гарәп Әмирлекләре, Төркия һәм Танзаниягә керә алачак. Очышларга рөхсәт бирелгән ябык илләр арасында — Әзербайҗан, Әрмәнстан, Германия, Греция, Израиль, Испания, Италия, Кипр, Кытай, Мальта, Нидерланд, Согуд Гарәбстаны, Төрекмәнстан, Чехия, Үзбәкстан. Читать дальше...

(Казан, 6 октябрь, «Татар-информ»). ТР мөселманнары Диния нәзарәте «Ислам. Беренче адымнар» проектында катнашырга теләүчеләрдән алтынчы сезонга гаризалар кабул итә башлады. Әлеге курсларга язылучылар 7 дәрестә намаз уку күнекмәләрен һәм ислам дине нигезләрен бушлай үзләштерә алачак. Бүгенгә дәресләргә иллегә якын кеше язылган. Язылу дәвам итә. Бу хакта нәзарәтнең матбугат хезмәте хәбәр итә. Беренче — кереш дәрес 17 октябрь көненә билгеләнгән һәм ул Татарстан мөфтияте бинасында үтәчәк. Ислам нигезләренә тәҗрибәле хәзрәтләр һәм абыстайлар... Читать дальше...

(Казан, 6 октябрь, «Татар-информ»). Америка галимнәренең тикшеренүләре күрсәткәнчә, сезонлы ОРВИ белән авырган кешеләрнең күп кенә коронавирусларга, шул исәптән Covid-19га иммунитет барлыкка килергә мөмкин. Бу хакта РИА Новости хәбәр итә. Федераль ведомствода тикшеренүчеләр мондый иммунитетның ни дәрәҗәдә нәтиҗәле булуын әлегә әйтә алмый, дип ассызыкладылар. Шулай ук грипп белән авыручылар коронавируска каршы иммунитетлы була ала дигән фәнни мәгълүматлар юк. Соңгы тикшеренүләр күрсәткәнчә, IgG антитәнчекләре... Читать дальше...

(Казан, 6 октябрь, «Татар-информ»). 6 октябрьдә Яшел Үзән шәһәре халыкны эш белән тәэмин итү үзәгендә пенсия яшенә җитүчеләр һәм өлкән яшьтәге гражданнар өчен махсус вакансияләр ярминкәсе узачак. Бу хакта «Новости Зеленодольска» яза. Һәр килүчегә хезмәт мөнәсәбәтләре һәм мәшгульлек, һөнәри белем бирү һәм яңадан укыту, һөнәр сайлау мәсьәләләре буенча консультация бирәләр. Шулай ук эш эзләүчеләр предприятиенең кадрлар хезмәте хезмәткәрләре белән эшкә урнаштыру мөмкинлеге турында әңгәмә кора ала. Моннан тыш... Читать дальше...

(Казан, 6 октябрь, «Татар-информ»). Быел Чүпрәле үзәк хастаханәсенә грипптан 12941 доза вакцина кайтачак. Бу хакта «Родной край» газетасы яза. Татарстанда ел саен грипп һәм кискен тын юллары вирус инфекциясе белән 700 меңгә якын кеше авырый. Бу йогышлы авыруларның 85 процентын тәшкил итә. Вакцинация иммунитетны ныгытуның һәм авырудан яклауның бердәнбер дөрес ысулы булып тора. 90 процент очракта прививка организмга зыян китермичә авыруны булдырмый калырга ярдәм итә. Үзәк район хастаханәсе баш табибы урынбасары Гүзәлия Маликова... Читать дальше...

(Казан, 6 октябрь, «Татар-информ»). Шушы көннәрдә Лениногорск шәһәре китапханәчеләре шәһәр халкы белән аралашырга булды. «Көзге марафон» әдәби десанты урман паркына төште. Бу хакта «Лениногорские вести» газетасы яза. Бу көннәрдә бик матур һава торышы тора, скверларда һәм паркларда халык күп, алар алтын көзнең шау-шулы төсләре белән ләззәтләнә. Г.Тукай исемендәге Үзәк китапханә кулланучыларына хезмәт күрсәтү бүлеге мөдире Полина Аралина шәһәр кешеләренә көз — илһам, шигърият, матурлык булуын искә төшерергә карар кылулары турында сөйләде. Читать дальше...

(Казан, 6 октябрь, «Татар-информ»). Кама Тамагында походта һәм велоузышта катнашучылар «Аргамак» балалар лагере янында 1 меңгә якын тирәк утыртты. Бу хакта «Волжские зори» газетасы яза. Көннең икенче яртысында машина белән агач үсентеләре алып килделәр. Агач утыртуга беренчеләрдән булып «Ирләр сукмагы» походында катнашучылар чыкты. Балалар һәм педагоглар лагерьның көньяк чиге буйлап тирәкләр утыртырга кереште. Җир төзелеш техникасы белән нык изелгән иде, шуңа күрә үсентеләр өчен чокырлар казырга авырга туры килде. Читать дальше...

(Казан, 6 октбрь, «Татар-информ»). Түбән Кама мэры Айдар Метшин укытучысын һөнәри бәйрәме белән котлады. Район башлыгы видеоязманы инстаграмдагы битендә урнаштырган. Бу турыда Түбән Кама муниципаль районы рәсми сайты нда хәбәр ителә. Валентина Долгашева гомере буе математика укытучысы булып эшләгән, берничә буын укучылар тәрбияләгән. 1993 елдан ул 25нче гимназия директорының укыту эшләре буенча урынбасары булып эшли.

(Казан, 6 октябрь, «Татар-информ»). Мәскәү татарлары автономиясе Татарстанның Россиядәге Тулы вәкаләтле вәкиллеге ярдәмендә «Киноҗомга» кичәләр циклын тәкъдим итте. Кичәнең модераторы буларак Татарстанның атказанган артисткасы Ләйсән Дусаева чыгыш ясады. Проектның максаты — тамашачыларны милли кинолар белән таныштыру, диул. Бу турыда Вәкиллекнең матбугат хезмәте хәбәр итә. Октябрьдә зур экранда «Алтын тәлинкә» кинематография өлкәсендә I Төбәкара премия каталогыннан иң яхшы фильмнарны күрсәтәчәкләр. Читать дальше...