د ابوظبي په نړیواله غونډه کې د ولسمشر غني ګډون
د ارګ په حواله، ولسمشر غني پرون ماښام ابو ظبي ته روان شو.
ابوظبي ته د ولسمشر غني د سفر په اړه نور جزئیات نه دي خپاره شوي.
خو په دې نړیواله غونډه کې د کابل ښاروال احمد ذکي سرفراز او د نیلي د ښاروالۍ مرستیاله خدیجه احمدي نومونه په ویناوالو کې راغلي دي.
خو په ابو ظبي کې په دې نړیواله غونډه کې د نړۍ له ۱۶۸ هېوادونو څخه ۱۸ زره کسان ګډون لري چې د هېوادونو مشران، د ټولنو استازي، هنرمندان، سوداګر او نور وګړي په کې دي.
په دې نړیواله غونډه کې به د بېلابېلو ټولنو په استازیتوب ۴۵۰ کسان خبرې کوي او ۴۷۰ ځانګړي نندارتونونه جوړ شوي دي.
دا نړیواله غونډه د ملګروملتونو د هبیتات ادارې په مشرۍ جوړېږي او هدف یې په نړۍ کې د ښارونو پر پراختیا، بحث او د تجربو تبادله ده.