Новости за 26.04.2020

د خیبر پښتونخوا حکومت وایي په صوبه کې د کورونا وایرس کېسونو مخنیوي لپاره ګامونه پورته کوي. د خیبر پښتونخوا د صحت او خزانې وزیر ویاند سجیر عالم د اپریل پر ۲۳مه مشال ریډیو ته وویل دا وخت په صوبه کې د ورځې په حساب تر ۱۵۰۰ ټیسټونه کېدای شي‌ خو په راتلونکو څو ورځو کې به دوی هره ورځ د ۲۰۰۰ ټیسټونو کولو جوګه وي. نوموړي وویل د نورو صوبو پرتله په خیبر پښتونخوا کې د کورونا وایرس د کېسونو شمېر کم دی خو زیاته یې کړه په زیاتو ټیسټونو سره ښایي زیات شمېر کېسونه مخې ته راشي. خو سجیر عالم وویل چې حکومت هر قسمه... Читать дальше...

د روغتیا او غذاییت ماهرین وايي، د کورونا وایرس په وبايي حالاتو کې ضروري‌ ده چې انسان خپل مدافعتي نظام ته پام وکړي‌ او د هغې د قوي‌کولو کوشش وکړي. هم دا پوښتنه مو په برتانیا کې میشت د غذاییت له ماهرې یا نیوټرشنسټ فریحه جې نه کړی ده چې مدافعتي نظام یا ایمنیوټي‌سسټم څرنګه قوي کیدای شي. ‌ هغه وايي انسان خپل مدافعتي نظام په ښه خوراک سره مضبوطولی شي او باید روژو کې ورته خاص پاملرنه وشي. له فریحه جې سره زموږ همکارې ملیحه امیرزاده مرکه کړې ده راځئ چې واورو.‌

د افغانستان جمهوري ریاست وايي، په وروستیو څو ورځو کې د وسله والو طالبانو د حملو زیاتېدل ښيي چې دا ډله د تاوتریخوالي کمولو ته ژمنه نه ده.

د پاکستان په پنجاب ایالت کې روغتیا پالو د کرونا ویروس پرضد د مبارزې پر مهال د وقایې د لازمو تجهیزاتو د نشتوالي له کبله په اعتصاب لاس پورې کړی. د ځوانو ډاکټران د اتحادیې د پنجاب د ایالتي څانګې رییس سلمان چودري نن وویل، د ټیټ کیفیت لرونکو وسایلو د کارولو په نتیجه کې د هغو مسلکي روغتیايي کارکوونکو په شمیر کې زیاتوالی راغلی دی چې د کرونا ویروس پرضد مبارزه کوي. هغه زیاته کړه چې په پاکستان کې په تېرو ۲۴ ساعتونو کې سل تنه مسلکي روغتیاپال په کرونا ویروس اخته شوي دي. د چودري په وینا د دوی اتحادیه د... Читать дальше...

د پاکستان پوځ وايي چې د شمالي وزیرستان په قبایلي سیمه کې په یوه وسله واله نښته کې لږترلږه دوه پاکستاني پوځیان او ۹ وسله وال مخالفین وژل شوي دي. د پاکستان د پوځ مطبوعاتي څانګې نن یکشنبې په یو بیان کې وویل چې په نښته کې ۵ نور پاکستاني سرتېري هم ټپیان شوي دي خو په بیان کې نه دي ویل شوي چې بریدکوونکي د کومې ډلې وو. دا سیمه له تېرې یوې لسیزې راهیسې د القاعده ډلې، حقاني شبکې او پاکستاني طالبانو د وسله وال د فعالیتونو ډګر دی. که څه هم د پاکستان پوځ د وسله والو فعالیتونو د ځپلو لپاره له۲۰۱۴ کال راهیسې پوځي عملیات کړي خو د دې ډلو حملې هم روانې دي.

سازمان وايي حکومت دې د وایرس د خپراوي مخنیوي په موخه ۱۵ ورځنی ګرځبند اعلان کړي. خو د بلوچستان حکومت د ډاکترانو غوښتنه رد کړې

د تاجکستان حکومت د کرونا ویروس د مخنیوي لپاره د لګول شویو محدودیتونو په ترڅ کې د دې هېواد د فوټبال د لسو ټیمونو ترمنځ د لوبو لیګ د دوو اونیو په مخه ځنډولی دی. د تاجکستان د فوټبال فدراسیون نن اعلان وکړ چې له سبا ورځې څخه به دا لوبې د مې تر لسمې نېټې پورې وځنډول شي خو د نن ورځې لپاره پلان شوې لوبې به ترسره کېږي. په داسې حال کې چې کرونا ویروس په ټوله نړۍ کې په چټکۍ سره د پرمختګ حال کې دی، په تاجکستان کې تراوسه د دې ناروغۍ د هېڅ پېښې راپور نه دی ورکړل شوی. دې کار یو لړ شکونه هم پارولي چې ښايي دوشنبې به د دې وبا په اړه حقایق له خلکو پټوي.

د یوه خیریه بنسټ ایرلنډی موسس اډی روچې چې په بیلاروس کې د یو مرستون ملاتړ کوي وايي کرونا ویروس دې مرکز ته هم سرایت کړی دی. د بیلاروس د مرکزي ولسوالۍ هلوسک په ویسنووا نومي مرستون کې ۱۷۰ ماشومان او تنکي ځوانان چې جدي معلولیتونه او د وجود د مقاومتي سیسټم کمزورتیا لري ساتل کېږي. چارواکو وړمه ورځ دې مرستون ته د کرونا ویروس خپرېدل تایید کړل مګر د اخته کسانو شمېر یې ونه ښود خو بي بي سي پرون راپور ورکړ چې د ۱۳ ماشومانو په ګډون ټول ۲۳ کسان په دې ویروس اخته شوي دي.

د افغانستان د کورنیو چارو وزارت وايي په غزني ولایت کې نن سهار یو موټربم له یوه وسله وال طالب سره له منځه یووړل شو. د کورنیو چارو وزارت په یوه خبرپاڼه کې وايي، وسله وال غوښتل چې د موټربم په وسیله پولیس په نښه کړي خو د ښار په ارزو سیمه کې د غزني د پولیسو په کمین کې له مینځه یووړل شو.

د ناټو په مشرۍ د غوڅ ملاتړ ماموریت وايي چې د کرونا ویروس پرضد د مبارزې په لړ کې یې د پلازمېنې کابل له ۱۶ زره پولیسو سره د روغتیايي وسایلو مرسته کړې. دې ماموریت پر خپله ټویټر پاڼه لیکلي چې په دې مرستو کې ۱۸ زره ماسکونه، ۱۸ زره جوړې دستکش او ۱۸ زره بستې چې عفوني ضد مواد او د حرارت سنجولو وسایل یا ترمامیتر پکې دي شامل دي. غوڅ ملاتړ پرون هم په یو بیان کې وویل چې هرات، غور، فراه او بادغیس ولایتونو ته یې تېره اوونۍ د روغتیايي وسایلو بستې استولې وې. د ناټو مقر تېره اونۍ وویل افغانستان د کرونا ویروس... Читать дальше...

له ننه ۴۲ کاله مخکې، د کودتا پر مهال د سردار محمد داوود خان له وژنې سره د هغه حکومت ړنګ شو. د افغانستان د خلق ډېموکراټیک ګوند نورمحمد تره‌کی

د لوګر سیمه ییز چارواکي په برکي برک ولسوالۍ کې د یوې امنیتي پوستې د سقوط خبر ردوي. د لوګر ولایت د رسنیو دفتر په یو بیان کې وايي، طالبانو تېره شپه د برکي برک د سنګ مرمر پر امنیتي پوستې برید وکړ چې په ترڅ کې یې ۷ طالب وسله وال او ۴ پولیس وژل شوي دي خو د بیان له مخې د دې پوستې د سقوط خبر ناسم دی. مخکې له دې د لوګر د ولایتي شورا رییس حسیب الله ستانکزي آزادۍ راډیو ته په غږیز پیغام کې د سنګ مرمر پوستې د سقوط او پولیسو ته د تلفاتو د اوښتو خبر ورکړی و. هغه زیاته کړه: "د لوګر ولایت په برکي برک ولسوالۍ... Читать дальше...

د افغانستان د سولې لپاره د امریکا ځانګړي استازي زلمي خلیلزاد له طالبانو څخه د اوربند غوښتنه کړې. ښاغلي خلیلزاد نن پر ټویټر په یوه بیان کې لیکلي، روژه طالبانو ته دا فرصت برابروي چې د روان روغتیايي بحران تر پایه د بشري مرستو لپاره د اوربند په منلو سره تاوتریخوالی کم کړي او تهاجمي حملې بندې کړي. ښاغلي خلیلزاد همداراز پر افغان حکومت او طالبانو غږ کړی چې د بندیانو د خوشې کولو بهیر چټک کړي او ویلي یې دي چې د کوویډ- ۱۹ ناروغۍ پر ضد مبارزه د بندیانو د سمدستي خوشې کولو اړتیا په ډاګه کوي او د بین الافغاني خبرو له پیل سره مرسته کوي. Читать дальше...

په پکتیا کې د ۹۱ میلیونو افغانیو په ارزښت د ۴ ښوونځیو لپاره د ودانیو د جوړېدو چارې پیل شوې. د پکتیا ولایت د مرکز ګردېز اړوند د ابراهیم خېلو په سیمه کې د څلورو ښوونځیو د جوړېدو د چارو بنسټ ډبره کېښودل شوه. د پکتیا والي شمیم خان کټوزاي د یکشنبې په ورځ د یادو پروژو د بنسټ ډبرې د اېښودلو په مراسمو کې له رسنیو سره په خبرو کې وویل، چې په دې پروژو شاوخوا ۹۱ میلیونه افغانیو په ارزښت لګښت راځي. د نوموړي په وینا د یادو پروژو لګښت د ښارجوړونې د وزارت لخوا ورکول کېږي چې چارې به یې په دولسو میاشتو کې بشپړې شي.

۳۴ کاله وړاندې د ۱۹۸۶ز کال د اپرېل پر ۲۶مه په اوکراین کې د چرنوبل اټومي بټۍ دننه چاودنه وشوه چې یوې برخې یې اور واخیست.

یو شمېر پخواني جهادي مشران وايي، د غوايي د اوومې نېټې کودتا په افغانستان کې د بحران د پیل نېټه ده.

د افغانستان د امنیتي او دفاعي بنسټونو متقاعد منسوبین وايي، د تقاعد پېسې په وخت نه ورکول کېږي.

د اپرېل ۲۶مې تر ماسپښینه په خیبر پښتونخوا کې ټول ۱،۷۹۳، په بلوچستان کې ۷۲۲ او په افغانستان کې ۱،۴۶۳ کسان کورونا وایرس وهلي ول.

د افغانستان د عامې روغتیا وزارت په تېرو ۲۴ ساعتونو کې په هېواد کې د کرونا ویروس د ۶۸ نویو مثبتو پېښو د ثتبولو خبر ورکوي.

د کورونا وایرس وبا مخنیوي لپاره د سعودي عرب د مکې او مدینې په لویو جوماتونو کې د روژې میاشت پر مهال هم پر باجماعت لمونځ بندیز دی. نور د اې اېف پي اژانس په ويډیو کې.

د کندز امنیه قوماندانۍ د یوې کورنۍ د اووه غړو په وژنه د یو تورن قاتل د نیولو خبر ورکوي. د کندز د امنیه قوماندانۍ ویاند هجرت‌الله اکبري نن ازادي راډیو ته وویل، د دې کورنۍ غړي د شخصي دښمنۍ په پایله کې د شنبې په شپه د امام صاحب ولسوالۍ په کنم کلي کې په خپل کور کې په بې‌رحمۍ سره وژل شوي دي.  هغه زیاته کړه: "د کندز ولایت د امام صاحب ولسوالۍ په کنم سیمه کې د یوې کورنۍ اووه غړي د کلشنیکوف د مرمۍ په وسیله په ډېرې بې‌رحمۍ سره وژل شوي وو." د اکبري په وینا په پېښه کې څلور نارینه او درې ښځې وژل شوي او د کورنۍ دوه زامن‌يې ټپیان شوي دي. Читать дальше...

د کورونا وایرس د خپرېدو مخنیوي له کبله په ګڼو هېوادونو کې ټولبند (لاکډاون) دی. د محدودیتونو له وجې په هېوادونو کې مسلمانان په جومات کې لمونځ نشي کولای. دا چې په بېلا بېلو ځایونو کې د روژې عبادتونه په څه ډول کېږي، په اړه یې د رویټرز اژانس ویډیويي رپورټ.

۳۴ کاله وړاندې د ۱۹۸۶ کال د اپریل په ۲۶مه په اوکراین کې د چرنوبل اټومي بټۍ دننه یو ري اکټور وچاودېد چې یوه برخه یې د اور لمبه شو.

د لوګر سیمه‌ييز چارواکي وايي، د دې ولایت په برکي برک ولسوالۍ کې طالبان او ۴ افغان سرتېري وژل شوي دي. د لوګر ولایت د رسنیو دفتر په یوه خبرپاڼه کې وايي چې طالبانو تېره شپه د برکي برک د سنګ مرمر پر امنیتي پوستې برید کړی چې په نتیجه کې یې اووه طالب وسله‌وال او څلور پولیس وژل شوي، خو د خبرپاڼې له مخې د دې پوستې د سقوط خبر ناسم دی. مخکې تر دې د لوګر د ولایتي شورا رئیس حسیب‌الله ستانکزي ازادي راډیو ته په یو غږیز پیغام کې د پنځو پولیسو د وژل کېدو او د څلورو نورو د لادرکه کېدو خبره کړې وه. هغه زیاته کړه... Читать дальше...

په افغانستان کې د طالبانو تر نفوذ لاندې سیمو کې د ښځو پر فعالیتونو محدودیتونه دي، خو خالده توانېدلې چې خپل کار ته دوام ورکړي. د ازادۍ راډیو خبریال نسیم شفق د طالبانو تر ولکې لاندې سیمې ته تللی او د روغتیا پالې خالدې د کار څرنګوالی یې انځور کړی.