Новости за 07.08.2019

Нарындагы Солтон-Сары кенинде жергиликтүү тургундар менен кытайлык инвесторлор ортосунда чыр чыкты. Андан 40ка жакын адам ооруканага кайрылды. Жергиликтүү тургундар кенди чет өлкөлүк компаниянын иштетишине каршы болуп, буга чейинки лицензияны жокко чыгарууну талап кылууда. Учурда өкмөт өкүлдөрү жаңжалды жөнгө салууга аракет кылууда. Кыргызстанда улам-улам катталган кендердеги чыр-чатакка эмне себеп болууда жана аны кантип чечүү керек? Бул суроого “Азаттыктын” “Эксперттер талдайт” берүүсүндө жооп издейбиз. Читать дальше...

Нарында соңку эки күндөн бери мобилдик операторлордун интернет кызматы жакшы иштебей жатат. Бул тууралуу “Азаттыкка” кайрылган угармандар да, радионун облустагы кабарчысы да билдиришти. Негизинен нааразылык "Мегаком" жана "Билайнга" байланыштуу экени айтылууда. “Мегаком» компаниясы түзүлгөн жагдайга электр энергиясы үзгүлтүккө учурап жатканы себеп экенин билдирди. Ишкананын маалымат катчысы Жумгалбек Өмүрканов бул тууралуу: - Биздин техникалык адистер электр энергиясы үзгүлтүккө учурагандыктан ушундай болуп жатканын айтууда. Читать дальше...

Эмират маалыматтары Арабстандын мураскер шахзаадасы Хашыкчынын иш-кагазын эртерээк жабууга аракет жасап жатканын жарыялады.

Американын экс-президенти жаңы президентке карата алгачкы ирет саясий унчукпоосун бузуп, Трампты сынга алды.

Орусия ТИМинин расмий өкүлү Мария Захарова Москва Венесуэланын АКШ аймагындагы каражаттарына жана активдерине бөгөт коюлуусун “экономикалык террорчулук” деп эсептей тургандыгын жана Вашингтондун бул аракетинде эч кандай юридикалык негиз жок экенин билдирди.

Айыл чарба, тамак-аш өнөр жайы жана мелиорация министрлиги бөлүм башчыны «министрдин орун басары» деген жалган маалымат менен Кытайга иш сапарына жөнөтүп жатканы коомчулуктун катуу сынына кабылды.

Солтон-Сарыда чогулган эл жол тосуу үчүн ылдый түшө баштады. «Азаттыктын» кабарчысы билдиргендей, Бишкек-Торугарт автоунаа жолунун боюна, Кара-Чий айылынын тушуна сегиз боз үй тигилди. Нарындын Солтон-Сары алтын кенин иштетип жаткан кытайлык «Zhong ji Mining» компаниясына нааразы болгон 600-700гө чукул адам ишти токтотууну талап кылып 5-августта чыккан. Ошол күнү чыккан чырдан компаниянын 20 кызматкери жабыркап, Нарын облустук бириктирилген ооруканасына кайрылган. Кытайдын «Zhong ji Mining»... Читать дальше...

Латвиянын укук коргоо органдары Кыргызстандын мурдагы вице-премьер-министри Дүйшөнбек Зилалиевдин жубайына жана балдарына карата "акчанын изин жашыруу" фактысы боюнча кылмыш ишин козгоду. Бул тууралуу 7-августта Кыргызстандын Улуттук коопсуздук боюнча мамлекеттик комитети (УКМК) билдирди. Мекеменин басма сөз кызматынын маалыматына караганда, бул иш Зилалиевге мыйзамсыз баюу фактысы боюнча Кыргызстанда козголгон кылмыш ишинин алкагында, Латвиянын Каржылык чалгын кызматынан алынган маалыматтын негизинде козголгону маалым болду. Читать дальше...

АКШнын Орусиядагы элчиси Жон Хантсман кызматтан кетүү тууралуу арыз жазды.

Репрессияга туш келген мугалимдердин дагы бири Айтбай Чолпонбаев болгон.

Турнирдин программасында көк бөрү, ат чабыш, эр эңиш жана салбурун каралган.

Кыргыз өкмөтү тараткан маалыматка ылайык, «Zhong Ji Mining Company» компаниясы Солтон-Сары кенинде 2009-жылдан бери иштеп келет. Алгач «Zhong Ji Mining Company» ишканасы 2009-жылдын 20-декабрынан 2020-жылдын 2-сентябрына чейин Солтон-Сарынын Бучук аймагынан алтын кенин чалгындоо үчүн лицензия алат. Ал кезде Мамлекеттик геология агенттигин Капар Курманалиев жетектеп турган. Андан кийин 2011-жылы Замирбек Эсенамановдин, 2014-жылы Дүйшөнбек Зилалиевдин, 2018-жылы Сүйүнтбек Аликеевдин жетекчилигинде ишкананын лицензиясы узартылган. Читать дальше...

АКШ Венесуэланын президенти Николас Мадуронун режимин кулатуу үчүн бардык тийиштүү мүмкүнчүлүгүн колдонот. Бул тууралуу Ак үй тараткан маалыматта айтылат. Анда Вашингтон Венесуэла элин колдоп, гуманитардык жардам менен камсыз кылууга жана өлкөгө демократиянын орношуна жардам берери кабарланат. Мындан сырткары, Ак үй адам «укуктарын бузууну улантып жатат» деп Мадуронун режимин айыптады. «Венесуэлага демократия орноп, коомдук  башаламандык токтоп, жаркын келечек үчүн Мадуронун диктатурасы бүтүшү керек» деп айтылат билдирүүдө. Читать дальше...

6-августта Бишкек шаардык сотунда Бишкек Жылуулук электр борборундагы кырсыкка байланыштуу иш каралып, Биринчи май райондук соту чыгарган чечим өзгөртүлдү. Ал чечимге ылайык соттолуучулар - «Улуттук энергохолдинг» компаниясынын мурдагы төрагасы Айбек Калиев, «Электр станциялары» компаниясынын мурдагы башчысы Узак Кыдырбаев, ЖЭБди модернизациялоо долбоорунун аткаруучу директору Темирлан Бримкулов - материалдык чыгым катары «Электр станциялары» компаниясынын пайдасына 3 млн. 808 миң 702 сом төлөп берүүгө милдеттендирилди. Читать дальше...

5-августтан баштап «Баламды мектепке кабыл алгыла!» аттуу акция башталды. «Баланын укугун коргоочулардын лигасы» фонду өткөрүп жаткан бул акциянын максаты - ата-энелерге балдарын мектепке берүүдө укуктук жардам көрсөтүү. Бул тууралуу аталган фонддун өкүлдөрү кабарлашты. Эгерде жарандар балдарын мектепке кабыл алуу учурунда документ, даярдоо курстарын өткөндүгү тууралуу тастыктама, мектеп формасы, баланын билимин сыноо жана төлөмдөр сыяктуу маселе чыгып калса коомдук фонддун 0709 845 775 жана  0556 409 082 номуруна байланышса болот. Читать дальше...

Өлкө аймагындагы тогуз китепканада балдарды эрте куракта өнүктүрүү үчүн борборлор пилоттук режимде ачылды. Алар учурда окуу материалдары менен камсыз болуп, балдарды окутуу үчүн китепкананын жумушчулары атайын тренингден өтүшкөн. Бул борборлор 400 баланы камтыйт. Бул тууралуу вице-премьер-министр Алтынай Өмүрбекова маалымдаганын өкмөттүн басма сөз кызматы билдирди.  Өмүрбекова кыргыз өкмөтү 2023-жылга чейин балдардын 80% мектепке чейинки билим берүү менен камсыз кылуу милдети коюлганын белгиледи. Читать дальше...