Новости за 05.08.2019

5-августта Нарындын Солтон-Сары кениндеги кытайлык компания менен жергиликтүү элдин ортосунда чыккан чатактан отуздан ашык киши жаракат алды. Алардын көпчүлүгү кытайлык компаниянын кызматкерлери. "Азаттык" радиосунун Нарындагы кабарчысынын айтымында, 5-август күнү 500дөй адам чогулуп, кен комбинатын куруп жаткан кытайлык «Жоржи Майнинг» компаниясына бараткан учурда чатак чыккан. Алгач эки тарап бири бирин таш менен уруп, андан кийин жаалданган жергиликтүү эл кытай компаниясынын кызматкерлерин токмоктоп салышкан. Читать дальше...

Орусиянын Красноярск крайындагы аскердик кампада 40 миңдей снаряд менен ок-дары сакталчу.

Кыргызстандын футбол боюнча улуттук курама командасынын чабуулчусу Мирлан Мурзаев Түндүк Кипрдин чемпиону «Доган Түрк Бирлиги» клубу менен келишим түздү. Бул тууралуу түркиялык басылмалар жазып чыкты. Маалыматка караганда, Мурзаев жаңы клубда 10 катар санында ойномокчу. 29 жаштагы чабуулчу «Доган Түрк Бирлиги» клубу менен канча жылга келишим түзгөнү азырынча белгисиз. Мурзаев жыл башынан бери Бишкектин «Дордой» клубунун катарында ойноп, Кыргызстандын премьер-лигасында (КПЛ) алты гол, Кыргызстандын кубогунда эки гол киргизген. Читать дальше...

Бир айдан бери кайда экени так белгисиз Түркмөнстандын президенти Гурбангулы Бердымухамедовду эли телевизордон көрдү. "Ватан" телеканалы тарткан тасмада президент эмгек өргүүсүндө спорт менен активдүү машыгып жүрөт. Ушул апта соңунда Орусиянын премьер-министри Дмитрий Медведев Каспий экономикалык форумуна катышууга Түркмөнстанга барат.

5-августтун түнүндө Египеттин борбор шаары Каирде онкологиялык оорукананын жанында жарылуу болду. Өлкөнүн Ички иштер министрлиги жолдо келе жаткан бир автоунаа каршысындагы үч унаа менен кагылышканын, натыйжада жарылуу болгонун билдирди. Министрлик бул кол салуунун артында "Хазм" экстремисттик тобу турат деп айыптап, сүзгөн унаанын ичинде жарылуучу зат болгонун маалымдады. Аталган топ азырынча комментарий бере элек. Жарылуудан 19 адам ажал тапты, 50дөй киши жаракат алды жана бир канча автоунаа күйүп кетти. Читать дальше...

Чоңдор менен тең ата нан тапкан балдар. Көчөдө күн көргөн эне менен чөбөрө. Көзү азиз студенттерди кубанткан китептер. Алты муундан бери алмашпаган кесип. Нарындагы суу боюндагы суусуз айыл. Ар аймактан чогулган аккордеончу айымдар тобу.

Өзбекстанда президент Шавкат Мирзиёевдин талабы менен Кашкадарыя, Фергана жана Хорезм облустарынын акимдери элден кечирим сурашты. Алар социалдык тармактар аркылуу тараткан билдирүүдө «тургундардын макулдугусуз алардын үйлөрүн, имараттарын буздурууга күнөөлүү экенин, айыбын мойнуна алышарын» айтышкан.  Шавкат Мирзиёев 2-августта өкмөттүн жыйынында бул акимдерди катуу жемелеген жана элден кечирим сурашын талап кылган:  - Уяты жоктор, мен кимиңерге «үйлөрдү буздургула» деп буйрук бердим эле? Мен... Читать дальше...

Нарындын Солтон-Сары кенинде ушу тапта 500дөй адам чогулуп, кен комбинатын куруп жаткан кытайлык «Жоржи Майнинг» компаниясына барган. Чогулгандар кытайлык компаниянын кызматкерлеринин чыгып кетишин талап кылышкан. «Азаттыктын» кабарчысы маалымдагандай, ортодо пикир келишпестик чыгып, кытай компаниясынын кызматкерлери токмоктолду. Буга чейин чогулгандар менен сүйлөшүүгө облус башчысы Аманбай Кайыпов барган. 4-августта ал жерде 30дай малчы чогулуп, кытайлык компаниянын өкүлдөрүн айыптап, «күнөөлүүлөр... Читать дальше...

Орусиянын Өзгөчө кырдаалдар министрлиги Сибирин токойлорундагы өрттүн башкы себеби катары өрт коопсуздугун сактабаган адамдардын шалаакылыгын белгиледи. Мекеме өрт адеп тутанган жерлердин көбү жолго жакын болгонун билдирди.  Буга чейин Айыл чарба министрлиги өрттү кургакчылык, чагылган менен байланыштырган.  Расмий маалыматка ылайык, ушул тушта 57 миң гектардай токой өрттөнүп жатат. Өрттү төрт миңдей адам өчүрүп жүрөт жана 400дөй техника каражаты колдонулууда.  Август айынан башына карата жалпысынын... Читать дальше...

Кримтөбөл Азиз Батукаевдин түрмөдөн эрте бошотулушуна байланыштуу иштин алкагында сурак берип жаткан депутат Зарылбек Рысалиев үй камагына алынды. Соттун Жаза аткаруу мамлекеттик кызматынын (ЖАМК) мурдагы башчысына карата чыгарган мындай чечими көп суроолорду жаратты.

АКШда дем алыш күндөрү Техас жана Огайо штаттарында 29 адамдын өмүрүн алган куралдуу чабуулдарга байланыштуу аза күтүү жарыяланды.

Улуттук коопсуздук боюнча мамлекеттик комитет (УКМК) Мамлекеттик каттоо кызматынын мурдагы төрайымы Алина Шаиковага издөө жарыялады. Ал паспорт даярдоодогу коррупцияга байланыштуу шек саналууда.

Орусиянын Красноярск крайындагы Ачин районунда ок-дары сакталган кампа жарылууда. Каменка кыштагында жайгашкан кампада артиллериялык курал-жарактар  - миналар менен ок-дарылар сакталчу. «РИА Новости» агенттиги 40 миң снаряд тууралуу билдирүүдө.  Башка басылмалар Каменка кыштагы менен кампадан 20 чакырым аралыктагы үч пункттун жашоочулары эвакуациялана баштаганын кабарлап жатышат. Расмий билдирүү жарыялана элек.   «Азаттыктын» орус кызматына жергиликтүү жашоочулар жөнөткөн видеодо асманга көтөрүлгөн түтүн менен жарылууну көрүүгө болот. Читать дальше...

АКШда Демократиялык партиянын катарындагы президенттикти көздөп турган айрым талапкерлер 29 адамдын өлүмү менен аяктаган Техас жана Огайо штатындагы куралдуу кол салууга байланыштуу саясий жоопкерчилик президент Дональд Трампта экенин айтып чыгышты. Бето О'Рурк, Элизабет Уоррен, Берни Сандерс жана башка демократтар өлкөдө курал алып жүрүүгө чектөө киргизүүнү сунуш кылып жүрүшөт. Аларга негизинен республикачылар каршы чыгып жатышат. Демократтар Трампты «ак расанын үстөмдүгү» идеясына жана мигранттарга каршы саясатына байланыштуу айыпташты. Читать дальше...

Чоң-Алайдагы Ленин чокусунун алдында “Тоолорго саякат” аттуу фестивалга бул жолу көп эл келди. Аны бир катар туристтик компаниялар швейцариялык "Хелветас" уюмунун колдоосу менен уюштурду. Фестиваль Алай, Чоң-Алай өрөөндөрүн туристтерге таанытуу жана аймакта туризмди өнүктүрүү максаты менен өткөрүлдү.

Нарындын Солтон-Сары кенинде ушу тапта 500дөй адам чогулуп турат. «Азаттыктын» кабарчысы маалымдагандай, алар кытайлык компаниянын кызматкерлеринин чыгып кетишин талап кылышууда. Чогулгандар менен сүйлөшүүгө облус башчысы Аманбай Кайыпов барды.  4-августта ал жерде 30дай малчы чогулуп, кытайлык компаниянын өкүлдөрүн айыптап, «күнөөлүүлөр мыйзам чегинде жазасын алсын» деген талап коюшкан. Чогулгандар менен жолуккан Нарын районунун акиминин орун басары Жаныш Ибраимакунов окуяга укуктук баа берилерин айтты. Читать дальше...

Кыргызстандан Улуу Памирге кол өнөрчүлөр барат. Бул тууралуу Түркиянын Кыргызстандагы элчилиги кабарлады. Маалыматка караганда быйыл 12-24-август күндөрү Түркиянын Ван аймагында жайгашкан Улуу Памир айылына Кыргызстандан беш адис жиберилет. Алар вандык кыргыздарга кийиз, темир, тери буюмдарын иштетүүнү, улуттук музыкалык аспаптардын жасалышын жана ал аспаптарда ойноо өнөрүн үйрөтүшөт. «Ата Журттан туулган жерге карай: кыргыз туугандар Ванда жолугушат» долбоору Түркиянын Кыргызстандагы элчилигинин... Читать дальше...

Ирандын Керманшах провинциясынын маданий мурастар, кол өнөрчүлүк жана туризм уюмунун башкы директору Херсин Иран килиминин улуттук калаасы катары катталганын маалымдады.

Кыргызстан өзүнүн диний саясатында «салттуу ислам» деген терминди колдонуп келет. Бул терминди колдонуу менен бийлик өкүлдөрү дүйнөлүк динди өлкөнүн чектеринде кармоого аракет кылууда.

Өзбекстанда президент Шавкат Мирзиёев «Жаслык» түрмөсүн жабуу тууралуу буйрук чыгарды. Ага ылайык, атайын комиссия түзүлүп, түрмөдөгүлөрдү башка жакка которуу иштери башталды.  Өзбекстандын курамындагы Каракалпакстан автономиялуу республикасындагы шарты катаал «Жаслык» түрмөсү 1999-жылы Советтер Союзунун тушунда химиялык курал сыналган жайдын ордуна ачылган. Анда негизинен диний экстремизм боюнча соттолгон адамдар кармалып келген.  Түрмө ириде аёосуз кыйноого, адам өлүмү менен аяктаган кейиштүү... Читать дальше...

Индиянын өкмөтү Кашмирдин Нью-Делиге баш ийген бөлүгүнүн атайын макамын жокко чыгарууну чечти. Ага ылайык, мусулмандар басымдуулук кылган Жамму жана Кашмир штаты мурдагыдай өз алдынча иш алып бара албай калат. Бул чечимди коңшу Пакистандын бийлиги кескин сынга алууда.

Кыргыз-тажик чек арасында топтолгондор тарап кетти, абал туруктуу. Бул тууралуу «Азаттыкка» Кыргызстандын Мамлекеттик чек ара кызматынын басма сөз катчысы Гүлмира Бөрүбаева билдирди. Окуя бүгүн, 5-августта түштөн кийин Кыргызстандын Лейлек районуна караштуу Максат айылы менен Тажикстандын Гафуров районунун Овчи-Калача айылынын ортосундагы жерде болгон. Бөрүбаеванын айтымында, ортодогу тактала элек тилкеде пикир келишпестик чыккан.  - Тажик жарандары «футбол аянтчасын тазалайбыз» деп келишкен экен... Читать дальше...

Камбоджада «кызыл кхмерлердин» бийлигинин тушундагы эң таасирлүү адамдардын бири болгон Нуон Чеа каза болду. 94 жаштагы аскер кылмышкери Баттамбаң провинциясындагы түрмөдө жаза мөөнөтүн өтөп жаткан.  Былтыр «кызыл кхмерлердин» бийлигине алгачкы жолу геноцид тууралуу айып коюлган. Бириккен Улуттар Уюмунун (БУУ) колдоосу менен түзүлгөн атайын сот Нуон Чеа менен Кхиеу Сампханды «вьетнамдыктарга жана чам мусулман азчылыгынын өкүлдөрүнө каршы тукум курут саясатын жүргүзгөн, согуш кылмыштарын, адамзатка каршы кылмыш кылган» деп тапкан. Читать дальше...

Алмаз Оңолбеков ээлеген кызматынан кетти. Бул тууралуу буйрукка премьер-министр Мухаммедкалый Абылгазиев кол койгонун 5-августта өкмөттүн басма сөз кызматы билдирди. Ал төрагалык кызматтан берген арызына байланыштуу бошотулганы расмий айтылды.  Оңолбеков бул орунга 2018-жылдын май айында дайындалган. Ушул эле күнү Мамлекеттик бажы кызматынын башчылыгына Алтынбек Торутаев дайындалды. 42 жаштагы Торутаев буга чейин ушул эле мекемеде жетекчинин орун басары болчу. (RK)

Түштүк Кореянын аскер жетекчилери АКШ менен чогуу машыгуу башталарын билдиришти. Мунун алдында Түндүк Корея эгер мындай машыгуу өтөт турган болсо Пхеньян менен Вашингтондун сүйлөшүүлөрү үзгүлтүккө учурайт деп эскерткен эле.  Түштүк Кореянын коргоо министри 5-августта биргелешкен машыгуунун башкы максаты Корей жарым аралында кокус согуш чыгып кетсе, кырдаалды Вашингтондон ыкчам башкарууга даярдык көрүү болорун ырастады.  Сеул менен Вашингтондун ортосундагы азыркы коопсуздук келишимине ылайык,... Читать дальше...