Новости за 14.08.2019

Мурдагы президент Алмазбек Атамбаевди кармоо операциясында сүйлөшүү жүргүзгөн Ички иштер министринин орун басары Курсан Асанов кызматтан алынып, ага карата кылмыш иши козголду. Кой-Таштагы кандуу окуядан кийинки бул учур жана жалпы эле күч түзүмдөрүнүн кыймыл-аракети, абалы коомчулуктун талкуусуна түшүүдө. Эфирде “Азаттыктын” “Ыңгайсыз суроолор” телепрограммасы. Бүгүнкү студиянын коноктору – Ички иштер министринин мурдагы биринчи орун басары – Өмүрбек Эгембердиев, УКМКнын төрагасынын мурдагы биринчи... Читать дальше...

Европадагы эң көп чылым чегилген өлкөлөрдүн башкы сабында турган Монтенегродо (Черногория) казинолордон башка бардык жабык коомдук жайларда тамеки тартууга тыюу салынды.14-августта күчүнө кирген жаңы мыйзамга ылайык, ресторан, кафелер сыяктуу коомдук жайларда чылым чегүүгө болбойт. Мындай эрежени бузгандарга 560 доллардан 22 370 долларга чейин айыппул салынышы мүмкүн.  Жаңы мыйзамды Монтенегронун парламенти 31-июлда бир добуштан жактырган. Мындай документке тамекиге каршы 2004-жылы кабыл алынган... Читать дальше...

Тажикстандын Хожент шаарындагы түрмөдө былтыр ноябрь айында чыккан тополоң боюнча үч адам өмүрүнүн акырына чейин түрмөгө кесилди. Жазасын өтөп жаткан дагы 30 киши 14 жылдан 24 жылга чейин эркинен ажыратылды.  Бул маалыматты адвокаттардын бири жана соттолгон адамдардын жакындары «Азаттыктын» тажик кызматына ырасташты. Алардын айтымында, тополоңду уюштурууга катышканы айтылган бул кишилерге сот өкүмү июль айынын соңунда чыккан.  Өмүр бою түрмөгө кесилгендердин бири Амирали Давлатовдун аялы Окиламох... Читать дальше...

Кыргыз театрларынын жайкы эс алуусу соңуна чыкты. Учурда театрлардын баары күзгү сезонго жана Ош шаарында өтө турган «Арт Ордо» эл аралык театр фестивалына даярданып жатат. Ал эми музейлер үчүн жайкы мезгил иш кызып турган учур болот.

Улуттук коопсуздук боюнча мамлекеттик комитеттин (УКМК) «Альфа» түзүмүнүн жоокери Үсөнбек Ниязбековду өлтүргөн деп шек саналган адам кармалды. Бул маалыматты «Азаттыкка» жабырлануучу тараптын жактоочусу Кайрат Загибаев тастыктады.  Айрым массалык маалымат каражаттары күч тармагындагы жеке булактарына таянып, Ниязбеков өзүнүн куралы менен атылганын, шектүү УКМКнын тергөө абагына киргизилгенин жазышты. Атайын кызмат бул ишти Ички иштер министрлиги тергеп жатканын билдирди. Ал эми ИИМ бул боюнча кийинчерээк маалымат берилерин кабарлады. Читать дальше...

Курсан Асанов буга чейин козголгон иш боюнча далил буюмдарды жана документтерди тергөөдөн жашырууга аракет кылган деп шек саналууда.

Бишкек шаардык соту 16-августта мурдагы президент Алмазбек Атамбаевдин бөгөт чарасын өзгөртүүнү карайт. Бул тууралуу «Азаттыкка» Атамбаевдин жактоочусу Сергей Слесарев билдирди. Ал «мыйзам боюнча Атамбаев шаардык сотко жеткирилиши керек» дейт. Соттук отурум саат 10:00го белгиленди. Алмазбек Атамбаев 8-августта ИИМдин атайын операциясынан соң кармалып, УКМКнын тергөө абагына камакка алынган. Бишкектин Биринчи май райондук соту 9-август күнү аны кримтөбөл Азиз Батукаевдин иши боюнча кылмышка шектүү... Читать дальше...

Шейх Закзаки коопсуздук күчтөрдүн кысым көрсөтүүлөрүнөн улам Нигерияга кайтып келүүнү чечти.

СионисттикYadioth Aharonoth гезити Газага жакын аскердик базалардагы израилдик күчтөр психикалык ооруларга чалдыгышканын жарыялады.

Пакистандын премьер-министри Имран Хан 14-августта - эгемендик майрамында Кашмирдин Исламабад көзөмөлдөгөн аймагына келди.

«Апрель» телеканалынын юристтери Ички иштер министрлигинин (ИИМ) тергөө тобунун кызматкерлеринин иш-аракетине каршы Башкы прокуратурага жана Биринчи май райондук сотуна кайрылышты. Каналдын сайтына жарыяланган маалыматка караганда, 9-августта ИИМдин тергөөчүсү атайын даярдыктагы кызматкерлердин коштоосунда «Апрель-ТВ» жоопкерчилиги чектелген коому жайгашкан имаратка кирип келген. Ошондой эле каналдын кызматкерлерин кеңседен чыгып кетүүсүн талап кылган. Бирок күч кызматкерлери бир да документин көрсөтүшкөн эмес. Читать дальше...

Сүрөтчү Амос Чаппл 2012-жылдын жайында Түркмөнстанда болгон. Бул сүрөттөрдүн айрымдары биринчи жолу чыгып жатат. Анда жабык өлкөдөгү кызыктуу, ошол эле учурда жүрөк үшүн алган сүрөттөрдү көрүүгө болот.

Тегеранда британ жарандыгын алып жүргөн ирандык антрополог Камил Ахмади кармалды. Бул маалыматты илимпоздун аялы Шафах Рахмани «Азаттыктын» Иран кызматына 14-августта ырастады.  Анын айтымында, Ахмадини өз ишмердигине байланыштуу «белгисиз айыптар» менен 11-августта Ирандагы үйүнөн кармап кетишкен.  - Менин күйөөм 25 жыл мурда Британиянын жарандыгын алган. Бирок соңку 15 жылдан бери Иранда жашап келген, - деди Шафах Рахмани.  Ахмади Ирандагы жашы жетек эле өспүрүм кыздардын күйөөгө берилиши... Читать дальше...

Кыйноонун алдын алуу боюнча улуттук борбордун жетекчиси Нурдин Сулайманов Улуттук коопсуздук боюнча мамлекеттик комитеттин (УКМК) тергөө абагында отурган мурдагы президент Алмазбек Атамбаевге жолугуп чыкты. Сулайманов «Азаттыкка» мурдагы президент эки кишилик камерада жалгыз отурганын, УКМКнын кызматкерлерине эч кандай дооматы жок экенин айтканын билдирди: - «Кармоо шарттары, тергөөчүлөрдүн мамилеси жакшы. Дары-дармектер бар» дейт. Дарыгерлер күн сайын үч жолу кан басымын текшерип чыгышат экен. Читать дальше...

Орусиядагы «Яблоко» оппозициялык партиясынын сегиз талапкеринин төртөө 8-сентябрда өтө турган Москва шаардык кеңешине шайлоого катышууга уруксат алды. Ага ылайык, партиянын мүчөлөрү Сергей Митрохин, Евгений Бунимович, Максим Круголов жана Дарья Беседина расмий түрдө талапкер болуп катталышты.  13-августта Москва шаардык соту шайлоо комиссиясынын Митрохинди каттоодон баш тарткан чечимин жокко чыгарган эле. Буга чейин аймактык шайлоо комиссиясы Митрохин топтоп келген кол тамгаларда маселе бар экенин жүйө келтирип... Читать дальше...

15-августта Чүй, Талас, Ысык-Көл, Нарын облустарынын көпчүлүк аймактарында, Ош, Жалал-Абад, Баткен облустарынын тоо этектеринде жана тоолуу райондорунда мезгил-мезгили менен жаан жаап, күн күркүрөйт. Бийик тоолуу райондордо жаан карга айланышы күтүлөт, калган аймактарда жаан-чачын болбойт. Абанын температурасы: Чүйдө түнкүсүн 13…18, күндүз 23…28; Таласта түнкүсүн 9…14, күндүз 21…26; Баткенде, Ошто, Жалал-Абадда түнкүсүн 14…19, күндүз 24…29; Ысык-Көлдө түнкүсүн 11…16, күндүз 21…26; Нарында түнкүсүн 8…13, күндүз 23…28 градус болот. Читать дальше...

Бириккен Араб Эмираттарынын Дубай шаарында Тажикстандагы жарандык согуш маалында Элдик фронтту жетектеген мурдагы талаа командири Хужи Каримов (Хужа-командир) кармалды. Бул тууралуу Тажикстандын Ички иштер министрлигинин басма сөз катчысы Умаржон Эмомали «Азаттыктын» тажик кызматындагы маегинде билдирди.  Анын айтымында, учурда Каримовду Тажикстанга экстрадициялоо маселеси чечилип жатат. Экс-командир Дүйшөмбүнүн өтүнүчү менен Интерпол тарабынан кармалган.  Тажикстандан качып кеткен Хужа Каримов 2000-жылдан бери эл аралык издөөдө жүргөн. Читать дальше...

Киевдин соту украин бийлигине мурдагы президент Петро Порошенкону салыктан качуу ишине байланыштуу калпты аныктоочу детектор аркылуу суракка алууга уруксат берди. Бул тууралуу Украинанын Мамлекеттик тергөө бюросунун басма сөз өкүлү Анжелик Иванова 13-августта билдирди. Бирок сот чечимине ылайык, полиграфтан өтүүгө Порошенконун өзүнүн да макулдугу керек. Мурдагы украин президенти калпты аныктоочу детектор аркылуу суроолорго жооп берүүгө даяр экенин, бирок бул процесс "Прямий" телеканалынын студиясында... Читать дальше...

Бүгүн, 14-августта Бишкек шаардык соту кримтөбөл Азиз Батукаевдин адвокаты Али Касымовду 26-августка чейин №1 тергөө абагына камакка алуу боюнча Биринчи май райондук сотунун чечимин күчүндө калтырды. Бул тууралуу «Азаттыкка» шаардык соттун басма сөз кызматы билдирди. Ички иштер министрлиги Касымовдун кармалышы жана ага коюлган айып тууралуу кенен маалымат бере элек. Азиз Батукаевдин түрмөдөн мыйзамсыз бошотулушуна байланыштуу козголгон кылмыш иши боюнча мурдагы президент Алмазбек Атамбаев, мурдагы... Читать дальше...

Дарыларды муштумга түйүп, өлүмгө аттанып жатканда аң-сезимиме бир нерсе жарк этти: “6 ай өзүңө мөөнөт бер дагы 15 кызды турмушка берип, андан соң дүйнө менен коштошо бер!”

Аскер прокуратурасы Кыргызстан социал-демократиялык партиясынын (КСДП) төрагасынын орун басары Кундуз Жолдубаеванын үйүндө тинтүү жүргүзүп жатат. Бул тууралуу «Азаттыкка» Жолдубаеванын адвокаты Замир Жоошев билдирди. Ал эми Кундуз Жолдубаева тинтүү ички иштер министринин (ИИМ) мурдагы орун басары Курсан Асановго козголгон кылмыш ишине байланыштуу болуп жатканын айтты. Аскер прокуратурасы Курсан Асановго «Кызмат абалынан кыянаттык менен пайдалануу» беренеси менен иш козгоп, тергеп жатат. 13-августта... Читать дальше...

Пакистандын премьер-министри Имран Хан өлкөнүн эгемендик күнүнө карата тараткан билдирүүсүндө Кашмирдин Индия башкарган бөлүгүнүн тургундарын Делинин "куугунтугунан жабыркагандар" деп атады. Ал Пакистандын бийлиги басымдуу бөлүгүн мусулмандар түзгөн Жамму жана Кашмир аймагынын жашоочуларына тилектеш экенин айтты. "Эгемендик күнү - улуу бакыттын жарчысы. Бирок бүгүн биз Кашмирдеги бир туугандарынын тагдырына кайгырып турабыз. Кашмирдеги бир туугандарымды ишендирип кетейин, биз силер менен биргебиз", - деп белгиледи Имран Хан. Читать дальше...

Камакта отурган мурдагы президент Алмазбек Атамбаевге дагы эки кылмыш иши козголгону тууралуу Аскер прокуратурасы тарабынан маалымдама берилди. Бул жөнүндө «Азаттыкка» Атамбаевдин жактоочусу Сергей Слесарев билдирди. Анын маалыматына караганда, жаңы козголгон эки кылмыш иши Бишкек Жылуулук электр борборун модернизациялоо жана «Форум» ишканасына байланыштуу. «Атамбаевге биринчи маалымдама ал кармалган күнү берилген. Андан соң ИИМ тогуз маалымдама берген. Эми бүгүн дагы эки маалымдама берилди. Жаңы... Читать дальше...

Вашингтон Орусиянын Нёнокса аскер полигонунда болгон жарылуу менен Москванын үндөн да ылдам учкан канаттуу ракеталары боюнча программасынын ортосунда байланыш бар деп ишенет. Бул тууралуу Ак үйдүн атын атагысы келбеген жогорку расмий өкүлү «Reuters» маалымат агенттигине билдирди. Анын айтымында, АКШ Нёноксадагы окуяны өзөктүк жарылуу деп атоого даяр эмес, бирок бул жарылууга радиоактивдүү элементтер аралашкан деп эсептейт. Орусиядагы «Росатом» мамлекеттик корпорациясы Архангелск облусундагы бул... Читать дальше...

Террорчулардын маселелери боюнча аналитик Умар Фаруг ИШИМ террордук уюмунун келечеги туурасында өз пикирин айтып, ИШИМ Африка континентинде өз ишмердүүлүгүн кеңейтүүгө аракет кылып жатат деп билдирди.