Новости за 03.08.2019

Москвада шаардык думага шайлоого катыша албай калган талапкерлерди колдогон акцияда кармалгандардын саны 685тен ашты. Бул тууралуу “ОВД-Инфо” порталы маалымдады. "Азаттыктын" орус кызматынын Москванын борборунан түз көрсөтүп жаткан кабарчысынын маалыматында, көбүнчө кармоолор Пушкинский менен Трубной аянттарында болду. Бүгүнкү акция сейилдөө форматында өтүп жаткандыктан бульвардан да кишилерди кармап кетти.    Макулдашылбаган акциянын катышуучуларынан сырткары өзүн тактаган күбөлүгү бар... Читать дальше...

Нарындагы Солтон-Сарыдагы кен иштеткен компаниянын өкүлдөрү менен жергиликтүү тургундардын ортосунда чыр чыкты. Бул тууралуу Нарын облустук ички иштер башкармалыгынын башчысы Улан Аалиев билдирди. Анын айтымында, окуя бүгүн, 3-августта түштөн кийин болгон. Мас абалындагы Оттук айылынын эки тургуну кен иштетүүчү комбинаттын ичине кирип барган. Ортодо келишпестик чыгып эки тарап уруша кеткен. Натыйжада Оттук айылынын тургундары токмок жеген. Учурда 12 кытай Нарын райондук ички иштер бөлүмүндө суралып жатат. Читать дальше...

Орусиянын Тергөө комитети тарабынан Коррупция менен күрөшүү фондуна каршы “кимдир бирөөлөрдүн кылмыш жолу менен табылган каражаттарына каржылык операция кылган” деп кылмыш иши козголду. Мекеменин сайтында, Ички иштер министрлигине түшкөн кылмыш иштин материалында "Коррупция менен күрөшүү фонду миллиард рублге жакын каражатты адалдаган" деп кабарланат.   Тергөөнүн маалыматында, “2016-жылдын январь айынан баштап, 2018-жылдын декабрь айына чейин Коррупцияга каршы фонд деп аталган коммерциялык эмес... Читать дальше...

Бишкектин четиндеги 14 жыл мурда түптөлгөн Алтын-Казык конушу бир да административдик аймакка кошула элек. Мунун айынан конушта социалдык көйгөйлөр арбын. Ошого карабай жашоочулар белин бекем бууп, тиричилигин улап келишет.

Аскаралы Ражабалиевдин “Куру кайткан жуучу” аңгемесинде ушу күндөгү олуттуу моралдык-этикалык маселе көтөрүлгөн.

Москвада полиция Коррупцияга каршы фонддун юристи жана Шаардык думага катталбай калган талапкер Любовь Соболду кармап кетти. Бул тууралуу анын шайлоо штабын түз эфирде чагылдырып жаткан "Настоящее время" каналы маалымдады. Соболь катталбай калган көз карандысыз талапкерлерди колдогон акцияга баруу үчүн таксиге отурган. Кичи автобус менен келген полиция кызматкерлери Соболду машинеден чыгарып, алып кеткени маалым болду. Коррупцияга каршы фонддун юристи коомдук иш-чараны өткөрүү мыйзамдарын бузган деп айыпталууда. Читать дальше...

Москвада полиция таза шайлоону талап кылып акцияга чыккандарды кармай баштады.

Москвада Шаардык думага катталбай калган оппозициялык жана көз карандысыз талапкерлерди колдоп, акцияга чыккандардын полиция кармап жатат. Пушкинский аянтында автозак отуздан ашык адамды кармап кеткенин "Азаттыктын" орус кызматы маалымдады.   “ОВД-Инфонун” маалыматында, кармалгандардын арасында журналисттер да бар. Трубной аянтында жүздөн ашык адам чогулду. ОМОНдор аларды тосуп, Садовой айлампасына барууну талап кылып жатат. Буга чейин ал жактан бир нече активистти кармашкан. Документ текшерүү учурунда бир нече адамды кармап кетишкен.

АКШ жарыялаган баяндамада Кытайдагы "Бир бала" саясаты түйүлдүктүн жынысына карап жасалган миллиондогон абортко себеп болгону айтылат. Мындай саясаттын кесепетинен экономикасы кубаттуу коңшубузда аялдардын саны азайып кеткен.

Мурдагы президент Алмазбек Атамбаевдин расмий өкүлү Сергей Слесарев Башкы прокуратуранын Атамбаевдин суракка чакырылганы боюнча билдирүүсүнө кат түрүндө жооп берди. Анын катында мурдагы президент Алмазбек Атамбаевди азыркы учурда суракка чакыруу Конституцияга каршы келерин айтып, Башкы прокуратура күбө катары чакыруу мыйзамдарын өзүнө ыңгайлуу кылып чечмелеп алган деп эсептейт.  Слерсаревдин билдиргенине караганда, Алмазбек Атамбаев кримтөбөл Азиз Батукаевдин абактан бошотулушу боюнча өзүндөгү... Читать дальше...

4-августта Ысык-Көл, Нарын, Чүй, Талас, Ош, Жалал-Абад, Баткен облустарынын тоо этектеринде жана тоолуу райондордо өткүн өтүп, күн күркүрөшү ыктымал. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 18…23, күндүз 32…37; Таласта түнкүсүн 15…20, күндүз 31…36; Ош, Жалал-Абад аймактарында түнкүсүн 18…23, күндүз 33…38; Баткенде түнкүсүн 18…23, күндүз 33…38; Ысык-Көл дубанында түнкүсүн 12…17, күндүз 26…31; Нарында түнкүсүн 11…16, күндүз 27…32 градуска чейин ысыйт. Читать дальше...

Өкмөт башчы Мухаммедкалый Абылгазиев жалпы товар анын ичинде күйүүчү-майлоочу материалдарды өлкө аймагына мыйзамсыз ташуу маселеси боюнча кеңешме өткөрүп, салык төлөөдөн баш тартууга каршы чараларды күчөтүү тапшырмасын берди. Бул тууралуу өкмөттүн басма сөз кызмат маалымдады. Абылгазиев салык көлөмүнүн азайышына көп жылдан бери чогулган салык системасындагы алешемдиктер себеп болууда деп эсептейт. “Бардык мамлекеттик органдар бул багыттагы ыкчам ишин күчөтүү керек. Бүгүнкү күнү ал канааттандырарлык эмес жана зор көңүл бурууну талап кылат”... Читать дальше...

Соңку жылдары волейбол ойногон кыз-келиндердин катары калыңдоодо. Топко, ишке, үйгө да убакыт тапкан айымдар волейболду жашоосунун ажырагыс бөлүгү катары эсептешет. Алардын көбү спорттун бул түрүнө турмуштан ордун таап, токтолуп калган кезде кайтып келишкен.

Кошмо Штаттар Ооганстандан аскеринин бир даарын чыгарууга даяр. Бул үчүн "Талибан" кыймылы куралдуу жаңжалга чекит коюу максатында Кабул өкмөтү менен сүйлөшүүлөрдү баштоо кепилдигин берүүгө тийиш.

"Манас" аэропортунан Pegasus компаниясынын Бишкек-Стамбул багыты боюнча сапарга чыккан самалетто бир жарым айлык бала чарчап калды. Бул маалыматты "Манас" эл аралык аба майданынын басма сөз кызматы ырастады. 3-августта Стамбулга жөнөгөн учак таңкы саат 8:50 учуп, бир нече убакыттан кийин капитан "Манас" аэропортуна кайра конууга уруксат сураган. Ал жүргүнчүлөрдүн бири өзүн жаман сезип жатканын маалымдаган. Учак кайрадан Бишкекке саат 10дон өткөндө конгон. "Тез жардам" медицина борборунун кызматкерлери... Читать дальше...

Кыргызстандын Тышкы иштер министрлигинин демилгеси менен кыргыз өкмөтүнүн 2019-жылдын 1-августунда кабыл алынган токтомуна ылайык, жеңилдетилген виза режими киргизилген өлкөлөрдүн тизмеси кеңейтилди. Ал тизмеге Алжир, Бангладеш, Египет, Индия, Иордания, Ливан, Марокко, Непал, Пакистан, Тунис, Шри-Ланка кошулду. Бул өлкөнүн жарандары Бириккен Араб Эмираттарынын, Кувейт, Катар, Бруней- Даруссалам мамлекетинин, Оман жана Бахрейн падышалыгынын (жарандар аты аталган өлкөлөрдүн резидент-карталарына ээ... Читать дальше...

Орусиянын премьер-министри Дмитрий Медведев 11-12-августта Каспий экономикалык форумуна катышуу үчүн Түркмөнстанга барат. Бул тууралуу өкмөт башчынын басма сөз кызматы маалымдады.    Орус өкмөт башчысынын сапары түркмөн лидери тууралуу айың кептер тараган учурга туш келди. Визиттин алкагында Түркмөнстандын президенти Гурбангулы Бердымухамедов менен жолугуп, эки тараптуу кызматташуу талкууланары кабарланды.  Бердымухаммедовдун 5-июлдан бери коомчулукка көрүнбөй жатканы анын ден соолугу боюнча ар кандай кептердин чыгышына себеп болгон. Читать дальше...

Конгресстеги Демократиялык партиянын көпчүлүк мүчөлөрү президент Дональд Трампка карата импичмент жарыялоо боюнча процедуралардын башталышын колдоду. Импичментти колдогондордун катарына жума күнү өкүлдөр палатасынын Калифорниядагы мүчөсү Салюд Карбаджал кошулгандан кийин бул идеяны жактагандардын саны 118ге жетти. Карбаджал президенттин аракеттерин “кылмыштуу” деп атап, импичментти баштоого чакырды. Өкүлдөр палатасынын импичмент аракеттерин баштоо үчүн 218 конгрессмендин макулдугу керек. Конгрессте учурда демократтардын 235 мүчөсү бар. Читать дальше...

Кыргызстанда тарыхчылар, юристтер тобу «Саясий жана диний ишеними үчүн куугунтукталып, кийин акталган жарандардын укугу жана кепилдиктери жөнүндө» мыйзамга өзгөртүүлөрдү киргизүү демилгесин көтөрүшүүдө.

Кыргыз өкмөтү канадалык "Центерра Голд" компаниясы менен Кумтөр кенин иштетүү боюнча жаңы стратегиялык келишимди даярдап жатат.

Каракалпакстандын баш калаасы Нүкүс шаарындагы Савицкий музейине директорлукка Москвадагы Рерих музейинин директору Тигран Мкртичев тандалды. Өзбекстанда “Чөлдөгү Лувр” деген ат менен таанылган Нүкүс мамлекеттик искусство музейи соңку жылдары талаштын чордонунда болуп, анын жаңы жетекчиси быйыл 4-июлда расмий жарыяланды.

Башкы прокуратура мурдагы президент Алмазбек Атамбаевдин суракка чакырылышы боюнча кенен түшүндүрмө таратты. Бул тууралуу мекеменин сайтына жарыяланды. Анда азыркы учурда Алмазбек Атамбаевдин көрсөтмөсү кылмыш ишинде зарыл экени айтылат. “Атамбаев ар кандай себептер менен сурак берүүдөн баш тартып жатат. Атамбаевдин жана анын өкүлүнүн сурак боюнча тергөө органдарына берген сунушу Жазык-процессуалдык мыйзамдарын бузууга жатат. Тергөө иштерин Жазык-процессуалдык мыйзамдарынан тышкары жүргүзүүгө болбойт. Читать дальше...

Кыргызстандын Күрөш федерациясынын маалыматына ылайык, Калмира Билимбек кызы өспүрүмдөр арасындагы дүйнө чемпионатынын финалында күрөшкөн экинчи кыргызстандык кыз. Буга чейин Айпери Медет кызы финалга чыккан.

Сомалинин президенти Мухаммад Абдулла Фармажо өзүнүн америкалык жарандыгын расмий түрдө жокко чыгарды.

Кримтөбөл Азиз Батукаевдин мыйзамсыз абактан бошотулганына байланыштуу иликтенип жаткан иш боюнча Ички иштер министрлигине Сергей Слесаров аттуу жарандан мурдагы президент Алмазбек Атамбаевди "суракка чакыруу жана укуктук талаага кайтуу" жөнүндө кайрылуу түшкөн. Бул тууралуу аталган министрликтин сайты жазды. Ички иштер министрлиги Слесаревдин катына жооп берип, иликтенип жаткан материалда Алмазбек Атамбаевде кримтөбөл Азиз Батукаевдин бошотулганы боюнча маалыматы болгонуна жетиштүү далилдер бар экенин билдирет. Читать дальше...