Новости за 25.08.2019

Кыргызстандын Адвокаттар кеңеши жыл башынан бери өлкөдө алты жактоочунун камалганын - алардын ишмердигине байланыштырууда. Кеңеш мүчөлөрү бул маселени ушул жумада жыйынга чогулуп, талкуулашмакчы. Адвокаттар кеңешинин төрага орунбасары Жыргал Бабаев адвокаттардын макамын коргогон мыйзамдар сакталбай жатканын "Азаттыкка" айтты. Бир катар саясатчыларга жактоочулук кылып жүргөн Икрамидин Айткуловду 22-августта Бишкек шаардык милициясы кармап, бир күндөн кийин үй камагына чыгарган. Ал акчага байланыштуу алдамчылык кылганы айтылууда. Читать дальше...

Кыргызстандык секелектерге турмушта ар кандай кырдаалды жеңүүнү, коомго жигердүү аралашууну жана укуктарды үйрөткөн “Эже-сиңдилер” лагери уюштурулду. 21-25-августта Ысык-Көлдүн жээгиндеги пансионаттардын бирине мамлекеттин ар кыл аймактарынан 14-18 жаштагы 45 кыз чогулуп, аларга адистер сабак өтүштү. Кыздар үч багытта – гендердик теңчилик, өзүн өзү өнүктүрүү жана психикалык-эмоционалдык колдоо көрсөтүү жаатында билимдерин кеңейтишти. Лагерди “Search for Common Ground” эл аралык уюму “ЖашСтан” долбоорунун алкагында уюштурду. Читать дальше...

Ирандын тышкы иштер министри Мухаммед Жавад Зариф 25-августта Франциянын түштүк-батышындагы Биарриц шаарына күтүүсүз барды. Ал жакта ушул күндөрү «Чоң жетиге» кирген мамлекеттердин лидерлеринин саммити өтүп жатат.

Волейбол боюнча Азиянын аймактык (борбордук зона) чемпиону болгон Кыргызстандын курама командасы Бишкеккке кайтып келди. Чемпиондорду тосуп алуу салтанаты «Манас» аэропортунда өттү. Волейболчуларды алардын күйөрмандары жылуу тосуп алды. Азиянын аймактык (борбордук зона) чемпионаты Непалдын борбору Катманду шаарында өткөн. 24-августта финалдык беттеште Кыргызстан Өзбекстандын оюнчуларын 3:0 эсебинде жеңип чыккан.

Сербиянын баш калаасы Белградда 25-августта армиянын пенсионерлерин колдогон акцияга бир нече миң адам чыкты. Алар шаардын борборуна чогулуп, «Силер жалгыз эмессиңер!» деген ураандарды чакырып жатышты. Бийлик жакында эле мурдагы Югослав элдик армиясында кызмат өтөгөн офицерлерге алар ондогон жылдардан бери жашаган мейманкананы бошотууну буйруган. Офицерлер үй-бүлөлөрү менен «Бристоль» деп аталган имаратка 1990-жылдардын башында жайгашкан. Бийлик ал кезде офицерлерди жакын арада турак-жай менен камсыз кылыга убада берген. Читать дальше...

Гонконг полициясы өкмөткө каршы чыккан демонстранттар менен түнү болгон кагылышууда 29 киши кармалганын кабарлады. Полиция бекетинин жанына чогулган акциянын катышуучуларына каршы тартип сакчылары жаш чыгарчу газ чачты.  Алгач демонстранттар Кытайга кылмышкерлерди экстрадициялоону караган мыйзамга каршы 11 апта мурда көчөгө чыгышкан. Гонконгдун бийлиги бул мыйзамды белгисиз мөөнөткө артка чакыртып алганына карабай, нааразы болгондор андан биротоло баш тартууну, Гонконг атайын административдик аймагынын... Читать дальше...

Ливандын аскерлери Израилдин эки учкучсуз аппараты Бейруттун түштүгүндөгү «Хезболла» кыймылынын уюгуна сокку урганын билдирди. Ал эми Ирандын колдоосуна ээ болгон шииттердин кыймылы учактардын бири алардын медициналык борборун жарактан чыгарганын маалымдады. Ливан армиясы 25-августта тараткан билдирүүдө эки учкучсуз аппарат өлкөнүн аба майданын таң эрте бузуп кирип, «биринчиси кулап түшкөнү, экинчиси абадан жарылып, материалдык чыгым алып келгени» жазылган.  Премьер-министр Саад Харири муну... Читать дальше...

Иран соту жазуучу, сатирик Киомарс Марзбанды 23 жыл тогуз айга эркинен ажыратты. Ал бир нече айып, анын ичинде Кошмо Штаттар менен кызматташканы үчүн күнөөлүү деп табылды. Жазуучунун адвокаты Мохаммед Хосейин Агаси «Эркин Европа/Азаттык» радиосуна билдиргендей, Марзбанга «душман мамлекет менен кызматташкан, системага, бийликтин расмий өкүлдөрүнө каршы үгүттү жайылткан» деген айыптар коюлган.  Агаси соттун чечимине каршы доо арыз менен жогорку инстанцияларга кайрыларын айтып, Марзбан «азил макала жазып... Читать дальше...

Спортчуларды "Манас" аба майданынан тосуп алышты.

Кыргызстандык секелектерге турмушта ар кандай кырдаалды жеңүүнү, коомго жигердүү аралашууну жана укуктарды үйрөткөн «Эже-сиңдилер» лагери уюштурулду.

«Заар» деген иран тилинен кирген сѳздү чечмелейли.

«Чоң жети» уюмунун бүгүн Францияда өтүп жаткан саммитинде Орусия темасы да талкууланды. Бул тууралуу журналисттердин суроосуна жооп берип жатып Кошмо Штаттардын президенти Дональд Трамп билдирди. Ал орус президенти Владимир Путин кийинки cаммитке чакырылабы же жокпу, аны билбей тургандыгын, бирок андай болушу толук ыктымал экенин айтты. Орусия боюнча Трамп андан башка эч нерсе айткан жок.  - Мен аны билбейм. Биз талкууладык. Орусия жана орус президенти Путин боюнча абдан жакшы, кызуу талкуу болду, - деди ал. Читать дальше...

Дүйнөлүк басма сөзгө баяндама (19-26-август, 2019-жыл).

Орусияда тажик жарандарынын тобу кумса жердешине зомбулук көрсөтүшкөнүн «Азаттык» радиосунун тажик кызматына Москвадагы «Стимул» аттуу ЛГБТ демилге тобу билдирди. Уюмдун юристи Антон Рыжовдун айтымында, окуя 22-августта болгон.  27 жаштагы Али аттуу жаранды ур-токмокко алды деген шек менен бир адам кармалды, дагы үчөөнө издөө жарыяланды. Подмосковьенин күч түзүмдөрү азырынча бул тууралуу расмий комментарий бере элек.  Али соңку алты жылдан бери Орусияда кафелерде жана соода борборлорунда иштей турганын... Читать дальше...

Волейбол боюнча Азиянын аймактык (борбордук зона) чемпиону наамына татыган Кыргызстандын курама командасы Бишкеккке кайтып келди. Чемпиондорду тосуп алуу салтанаты «Манас» аэропортунда өттү. Мелдештер Непалдын борбору Катманду шаарында өткөн. 24-августта финалдык беттеште Кыргызстан Өзбекстандын оюнчуларын 3:0 эсебинде жеңип чыккан. Ага чейин Кыргызстан жарым финалдык беттеште Түркмөнстандын курама командасын 3:0 менен утуп, тайпалык баскычтарда Непал менен Мальдив аралдарынын өкүлдөрүн уткан. Читать дальше...

Кыргызстандык мушкер Эржан Тургунбеков бокс боюнча кесипкөй рингде Евразия кесипкөй бокс федерациясынын чемпиондук курун тагынды. Кесипкөй мушкерлер арасындагы «КовалевvsЯрд» деген аталыштагы мелдеш 24-августта Орусиянын Челябинск шаарында өттү. Мелдешти Орусиянын бокс боюнча кесипкөйлөр арасындагы бир канча уюму биригип өткөрдү. Эржан Тургунбеков IBF уюмунун алкагында беттеш өткөрдү. Анын атаандашы украиналык тажрыйбалуу мушкер Георгий Лашко болду. 10 раундга созулган беттештин жыйынтыгында... Читать дальше...

Казакстандын Арыс шаарында июнь айындагы жарылуудан терезелери талкаланган үйдүн экинчи кабатынан кулап түшкөн наристенин абалын дарыгерлер оор деп жатышат. Учурда эки жашар Нурбакыт Жолдасбек Шымкенттеги балдар ооруканасынын реанимация бөлүмүндө жатат. Баланын апасы Нуржанат Акбалаева «Азаттыкка» кырсык ишемби күнү болгонун, уулу айнектери сынып, жаңысы салына турган терезеден кулап кеткенин айтып берди. - Бир жума мурда жумушчулар талкаланган айнектерди чыгарып кетишкен. «Бул жакка кайта берсеңер болот» дегенинен көчүп келгенбиз... Читать дальше...

Киши Марска бир жолу гана уча алат. Бактериялар агымга каршы кантип сүзүшкөнү белгилүү болду. Эрендиктин Х хромосомасын У хромосомасынан бөлүп алуунун жаңы жолу. Алма жана чай өсмө шишиги менен жүрөк-кан тамыр дартынан сактайт.

Израилдин авиациясы жекшембиге караган түнү Сириядагы Ирандын объектилерине абадан сокку урду. Бутага Дамасктын түштүк-чыгышындагы объектилер алынганын Израилдин Коргонуу армиясынын басма сөз кызматы кабарлады. Израилдик аскерлер «Ислам революциясынын сакчылар корпусу» деп аталган атайын бөлүктүн Ирандын сыртында жайгашкан объектилерине сокку урулганын кабарлашты. Мекеменин маалыматына караганда, Иран ошол жактан учкучсуз башкаруудагы учактары менен Израилге чабуул коймок. Сириянын САНА маалымат... Читать дальше...

Улуу Британия Перс булуңуна үчүнчү аскердик кемесин жөнөтүп жатканын билдирип, аны «чыңалуу өкүм сүрүп турган аймакта кеме кыймылынын эркиндигин коргоо» максаты менен түшүндүрдү.  Өлкөнүн коргоо министри Бен Уоллестин айтымында, дүйнөдөгү кеме кыймылынын эң маанилүү тилкелеринин бири болгон Ормуз кысыгына буга чейин эки кеме жөнөтүлгөн. АКШнын президенти Дональд Трамп соңку эки айда ири көлөмдө мунай ташылуучу бул кысыкта коммерциялык кемелер коргоого муктаж болуп жатканын айтып, Батыш өлкөлөрүнө, анын ичинде британ бийлигине кайрылган. Читать дальше...

Кыргызстандын волейбол боюнча курама командасы Азиянын аймактык (борбордук зона) чемпионатынын жеңүүчүсү болду. Финалдык беттеште курама команда Өзбекстанды 3:0 эсебинде жеңди. Мелдеш 19-24-август аралыгында Непалдын борбору Катманду шаарында өттү.

Сулайманбек уулу атаандашын боорго согуп, андан соң бет тушка урган. Мындан улам рефери беттешти токтотууга аргасыз болгон.

Адамдын экстремизм жана радикализмге азгырылып калышында үй-бүлөнүн жана чөйрөнүн таасирин талдайбыз.

26-августта Кыргызстандын аймагында жаан-чачын жаабайт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүйдө түнкүсүн 14…19, күндүз 29…34; Таласта түнкүсүн 9…14, күндүз 26…31; Баткенде, Ошто, Жалал-Абадда түнкүсүн 15…20, күндүз 30…35; Ысык-Көлдө түнкүсүн 8…13, күндүз 20…25; Нарында түнкүсүн 6…11, күндүз 22…27; Бийик тоолуу райондордо түнкүсүн 0…-5, күндүз 7…12; Бишкекте түнкүсүн 14…16°, күндүз 32…34°;  Чолпон-Атада түнкүсүн 11…13°, күндүз 21…23° болот.

Индиянын Уттаракханд штатынын 132 кыштагында акыркы үч ай ичинде бир да жолу кыз төрөлгөн эмес. Бийлик мунун себебин иликтеп жатат.