Новости за 28.08.2019

«Жут» деген сѳз бар. «Жакшы келсе - кут, жаман келсе - жут» дейт. «Кардын башын кар жутат, кандын башын кан жутат» дейт.

Британиянын ханышасы Елизавета II премьер-министр Борис Жонсондун өлкө Европа Биримдигинен чыгууга камынып жаткан кезде парламенттин ишин токтото туруу сунушун канааттандырды. Парламенттин ишин токтотуу 9-12-сентябрь аралыгында күчүнө кирет жана 14-октябрга чейин созулат. Өкмөттүн сунушуна ылайык, ханышанын парламенттин жаңы сессиясын ачкан салттык кайрылуусу 14-октябрга белгиленип жатат. Өкмөттүн ишениминде, бул аралык "Брекзит" маселесин парламентте талкуулоого корой турган убакытты кыскартат. Читать дальше...

Кыргыз өкмөтү "Центерра Голд" компаниясы менен кабыл алынган стратегиялык келишим күчүнө киргенин жарыялады. "Центерра" бул келишимге ылайык жаратылышты коргоо жана инвестицияны өнүктүрүү жаатында соттук териштирүү токтотулат деп билдирди. Эки тарап мунасага кандай жагдайларга таянып келди? Келишимге кандай өзгөрүүлөр камтылды? "Азаттыктын" "Ыңгайсыз суроолор" телеберүүсүнөн жооп издейбиз.

Баткен облусунун мурдагы прокурору, киши колдуу болгон Анарбай Мамажакыповдун атасы Кубатидин Мамажакыпов соттун создугушуна нааразы болуп, президентке кайрылды.

Жалал-Абад шаарынын мэри Мураталы Тагаевдин бир апта мурда жетекчилик кызматка дайындалган агасы Абдималик Тагаев 28-августта өз каалоосу менен иштен кетти. Бул тууралуу мэриянын кызматкерлери билдирип, аны кызматтан бошотуу жөнүндө мэрдин буйругунун нускасын жиберишти. Маалыматтарга караганда, Абдималик Тагаев жумуштан бошотууну инисинен өзү суранган. Ал мэрияга караштуу Жүргүнчүлөрдү ташуу агенттигинин башчылыгына 21-августта дайындалганын "Азаттык" жазып чыккан. Жүргүнчүлөрдү ташуу агенттиги... Читать дальше...

Орусия менен анын курамындагы Татарстандын ортосунда тарыхка байланыштуу пикир келишпестик жаралды.

Орусиялык оппозиционер, Москва кеңешине шайлоодон четтетилип, катары менен келген төртүнчү он күндүк административдик жазасын өтөп, 28-августта бошоп чыккан Илья Яшин кайра кармалды. Ал өзүнүн “Фейсбук” баракчасына “Сыягы, бешинчи жолу камашат окшойт” - деп жазды. Москванын Красносельск округдук кеңешинин төрагасы Илья Яшин “уруксат берилбеген акцияга чакырган” деген жүйө менен июль жана август айларында 10 күндөн төрт жолу камалды. Ар жолкусунда аны убактылуу кармоо жайынан чыкканда полиция алып кетип жатат. Читать дальше...

Москва менен Анкара Түркияга Су-57 жана Су-35 истребителдерин сатуу мүмкүнчүлүктөрүн караштырып жатат. Бул тууралуу «РИА Новости» агенттиги кабарлады. 2019-жылы Орусия Түркияга ракетага каршы С-400 комплексин сата баштаган. Бул Анкара менен НАТОнун ортосунда чыңалууну жаратып, Вашингтон Түркияны өзүнүн F-35 истребителдерин жасоо программасынан чыгара турганын билдирген. Орусиянын Федералдык аскердик-техникалык кызматташтык мекемесинин башчысы Дмитрий Шугаев 28-августта, түркиялык кесиптештери менен бирге С-400 комплекстерин жеткирүү... Читать дальше...

Кыргыз өкмөтү менен Кумтөр алтын кенин иштеткен "Центерра Голд Инк." компаниясынын ортосундагы эки жыл мурда макулдашылган стратегиялык келишим күчүнө кирди. Канадалык компания эки тараптын ортосундагы соттук териштирүүлөр токтотулганын жарыялады.

Өкмөттүн жаңы окуу жылына даярдык боюнча жыйынында окуу китептериндеги жана аттестаттардагы ката маселеси көтөрүлдү.

Мурдагы вице-премьер-министр Дүйшөнбек Зилалиевдин абактагы мөөнөтү 30-ноябрга чейин узартылды. Бүгүн, 28-августта Бишкек шаарынын Биринчи май райондук сотунда Зилалиевге карата “Мыйзамсыз баюу” беренесинин негизинде козголгон иш боюнча соттук териштирүү уланды. Анда үч күбө суралды. Адвокат Таалайгүл Токтакунованын "Азаттыкка" айтымында, күбөлөрдүн бири Зарина Эмилбекова Зилалиевдин банктагы уячасынан 900 миң доллар табылганын билдирди.  -Банктагылар 900 миң доллар табылды деп айтып атат. Бирок... Читать дальше...

Бразилиянын президенти Жаир Болсонару Амазон токойлорундагы өрттү өчүрүү үчүн “Чоң жети” сунуш кылган 22 миллион доллар жардамды алууну караштыра турганын билдирди. Бирок анын алдында Франциянын мамлекет башчысы Эммануэль Макрондон аны “калпычы” деп атаган сөзүн артка алууну талап кылды.

Жалал-Абад шаарынын мэри Мураталы Тагаев өзүнүн бир тууган агасы Абдималик Тагаевди шаар мэриясына караштуу жүргүнчүлөрдү ташуу агенттигинин башчылыгына дайындады. Бул маалыматты мэрияга караштуу маалымат борбору «Азаттыкка» ырастады. Маалыматка ылайык, агенттиктин мурунку башчысы өз каалоосу менен жумушун тапшыргандыктан анын орду бош турган. 21-августта шаар мэри Абдималик Тагаевди арызынын негизинде башчылыкка бекитти. Жүргүнчүлөрдү ташуу агенттиги шаардагы ички машруттук каттамдарды көзөмөлдөйт. Читать дальше...

Ирандын эл аралык көргөзмөлөр акционердик компаниясынын директору Бахман Хусейн Заде Ирандын  100 компаниясы Дамасктагы 61-Эл аралык көргөзмөгө катышарын Сириянын “SANA” агенттигине берген маегинде билдирди.

Кадамжай районундагы Молдо Нияз каналынын 70 пайыз курулушу аяктап калды. Көтөрмө айылынын тургундары канал сугат суу көйгөйүн чечет деген үмүттө. Буга чейин Молдо Нияз ишке кирсе, 300 гектардан ашуун дың жер айдоого айланып, 400 гектар жерге суу берүү жакшыртылары айтылган. Курулуш ишине өкмөт 176 млн. сомдон ашык каражат бөлгөн.

Кой-Ташта 7-8-август күндөрү мурдагы президент Алмазбек Атамбаевди кармоо операциясынын учурунда жаракат алган Чүй милициясынын башчысы Самат Курманкуловдун абалы дагы эле оор. Бирок дарыгерлер анын саламаттыгында жакшы жылыш бар экенин белгилешти. Бул тууралуу 28-августта Кыргызстандын Саламаттык сактоо министрлиги кабарлады. Анын маалыматына караганда, бейтаптын өз алдынча дем алышы, неврологиялык белгилер (сырткы таасирге реакция берүү) калыбына келүүдө. Ал учурда дарылануусун улантууда. 11-августта... Читать дальше...

Биринчи май райондук ички иштер бөлүмү бейбаштык боюнча шектүү деп табылган кызга издөө жарыялады. Бул тууралуу милиция кабарлады. Маалыматка ылайык, 9-августта «Оптима Банктын» өкүлдөрү имаратынын терезесин талкалап кеткен белгисиз кызга чара көрүп берүүнү өтүнүп милицияга арыз жазышкан. 9-август түнү саат 12лер чамасында 20-25 жаштагы кыз Панфилов-Киев көчөлөрүнүн кесилишинде жайгашкан «Оптима Банктын» эшигинин айнегин талкалап кеткен. Бул факт Кылмыштар менен жоруктардын бирдиктүү реестрине катталып... Читать дальше...

Иран мунайын Крым жарым аралынын порттору аркылуу экспорттой алат.

Өкмөттүн 28-августтагы жыйынында жаңы окуу жылына даярдык маселеси каралып, окуу китептери менен аттестаттарды ката жазуу маселеси көтөрүлдү. Премьер-министр Билим берүү жана илим министрлигин ката кетирген кызматкерлерди жоопкерчиликке тартууга милдеттендирип, окуу китептеринин мазмуну менен сапатын жакшыртууну тапшырды. Министрлик китеп басып чыгаруу боюнча жаңы жобо иштелип чыкканын жана ага ылайык негизги жоопкерчилик басмаканаларга жүктөлөрүн жарыялады.

Кримтөбөл Азиз Батукаевдин мөөнөтүнөн мурда түрмөдөн бошотулушуна байланыштуу иште аты аталган Бусурманкул Табалдиевди издөө уланууда. Бул тууралуу «Азаттыкка» Ички иштер министрлигинин басма сөз кызматы кабарлады. Ички иштер министрлиги (ИИМ) Табалдиевдин Кыргызстандан чыгып кеткен-кетпегени тууралуу маалымат жок экенин билдирди. «Азырынча белгисиз. Биз билген күндө да анын жашыруун маалымат экенин эске алып айта албайбыз. Издөө иштери жүрүп жатат», - деп жазылган мекеменин басма сөз кызматы берген маалыматта. Читать дальше...

«Кыргыз темир жолу» мамлекеттик ишканасынын темир жолду долбоорлоо жана куруу дирекциясынын башчысы болуп жаңы дайындалган Жамшитбек Калилов учурда ал жетектеп баштаган бөлүмдүн иши «Кытай-Кыргызстан-Өзбекстан темир жолу» долбоорун ишке ашыруу экенин «Азаттыкка» билдирди:  - Министрликтен темир жолду куруу актуалдуу экенин көтөргөнбүз. Былтыр орус темир жолу менен болжолдуу техника экономикалык негиздемесин долбоорлоо боюнча келишим түзгөнбүз. Мен министрликтен кеткенден кийин жакында эле орустар... Читать дальше...

«Талибан»  кыймылы 28-августта тараткан маалыматка караганда, келишимдин долбооруна ылайык америкалык аскерлер Ооганстандан чыгарылат. Талибдер болсо өлкө башка эл аралык согушкерлердин жайына айланбай турганына кепилдик берет. Талибдер бул тууралуу Катардын борбору Доха шаарында, америкалык расмий адамдар менен жүргүзүлүп жаткан сүйлөшүүлөрдүн тогузунчу айлампасы учурунда айтышты. - Эгемендикке умтулган биздин мусулман калкы үчүн жакшы жаңылык болот. Биз ушундай деп үмүт кылып жатабыз, - деди... Читать дальше...

Кыргызстандын аймагында 29-августта түнкүсүн жаан-чачын жаабайт. Күндүз тоолуу райондордо жамгыр жаап, күн күркүрөйт. Бийик тоолуу райондордо кар жаашы мүмкүн. Дыйканчылык аймактарда жаан-чачын болбойт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүйдө түнкүсүн 14…19, күндүз 29…34; Таласта түнкүсүн 10…15, күндүз 27…32; Баткенде, Ошто, Жалал-Абадда түнкүсүн 15…20, күндүз 30…35; Ысык-Көлдө түнкүсүн 12…17, күндүз 22…27; Нарында түнкүсүн 10…12, күндүз... Читать дальше...

Британ өкмөтү ханыша Елизавета II депутаттар эс алуудан келер замат парламенттин ишин дароо баштабай, токтото турушун каалайт. Бул аракети менен өкмөт парламенттин жаңы сессиясы башталган учурда, өкмөттүн иш пландарын баяндаган ханышанын салттык кайрылуусун 14-октябрга жылдырууну көздөп жатат. Мындай жагдай өкмөткө Европа Биримдигинен чыгууга жардам бермекчи. Башкача айтканда депутаттарда Еврошаркеттен эч кандай келишимсиз чыгууга тыюу салган мыйзам кабыл алууга мүмкүнчүлүктөрү болбой калат. Жаңы... Читать дальше...

Кыйноонун алдын алуу боюнча улуттук борбордун жетекчиси Нурдин Сулайманов ички иштер министринин мурдагы орун басары Курсан Асановдун камакка алынган жардамчысы Дамир Пайзылда уулунан кабар алды. Буга социалдык тармактарда «көрсөтмө алыш үчүн Асановдун жардамчысы сабалды» деген маалыматтар негиз болгон. - Өзүнө жолуктум. Абалы жакшы экенин айтты, болгону дендароо болуп калганын билдирди. Ден соолугу жакшы экенин, милициялар тийбегенин айтты, - деди ал. Аталган борбордун жетекчиси буга чейин Кой-Таштагы окуяларга байланыштуу кармалгандар... Читать дальше...