123ru.net
World News in Kyrgyz

Новости за 11.05.2019

Буулуккан атанын эрмеги

Azattyk.org 

Элмира Ажыканова жаңы кыргыз прозасынын көрүнүктүү өкүлдөрүнүн бири. Анын “Ностальгия” аңгемеси адеп-ыймандык маселеге бир үй-бүлө ортосундагы мамиле-катнашка арналган.

Жетим кызды алганы кордобосо....

Azattyk.org 

Укугун коргоочулардын айтымында, үй-бүлөдөгү зомбулукка көбүнесе болушары жок аярлуу катмардагы кыз-келиндер дуушар болот. "Аялзат" берүүсүнүн бул жолку чыгарылышын Бактыгүл аттуу каармандын тагдыры менен ачтык.




АКШ Кытайдын товарларына бажы төлөмүн дагы көбөйтөт

Azattyk.org 

АКШ президенти Дональд Трамп Кытайдын жалпы наркы 200 миллиард долларга тең товарына тариф ставкаларын 10 пайыздан 25 пайызга чейин ашырууга көрсөтмө берди. Бул тууралуу АКШнын соода өкүлү Роберт Лайтхайзер жума күнү билдирди.  Трамп декабрда Кытайдын товарларына бажы төлөмүн 90 күнгө кечеңдетүү чечимин кабыл алган. Бул аралыкта тараптар бирдиктүү пикирге келбесе, нарк көбөйөрүн эскерткен.  Трамп 5-май күнү Кытай менен соода-экономикалык сүйлөшүүлөр "аябай жай жүрүп жаткандыктан" 10-майдан тарта тарифтер көтөрүлөрүн айткан. Читать дальше...

Назарбаев Алишер Усмановду орден менен сыйлады

Azattyk.org 

Казакстандын биринчи президенти Нурсултан Назарбаев орусиялык өзбек тектүү миллиардер, бизнесмен Алишер Усмановду "Достык" ордени менен сыйлады.  Акордонун сайтындагы кабарга ылайык, Усмановго биринчи даражадагы орден Казакстан менен Орусиянын ортосундагы экономикалык кызматташтыктын өнүгүшүнө кошкон салымы үчүн берилди.  Өзбекстанда төрөлгөн Алишер Усманов "Forbes" журналынын рейтингинде дүйнөдөгү бай кишилердин катарын толуктап келүүдө. Анын байлыгы 2018-жылы 12,6 миллиард долларга барабар экени айтылган. Читать дальше...






Гуманитардык уюмдар Сириядагы ишмердигин токтотууга аргасыз болууда

Azattyk.org 

Эл аралык гуманитардык уюмдар Сириянын түндүк-батыш тарабында ишмердигин токтотту. Буга Хама жана Идлиб провинцияларында салгылашуулар күчөп кеткени себеп болду.  Бириккен Улуттар Уюмунун (БУУ) гуманитардык жардамдарды координациялоо мекемеси кабарлагандай, бери дегенде 16 уюм ишин токтотту.  БУУнун маалыматына караганда, согуштан улам апрель айында 180 миң адам үй-жайын таштап бозгун болуп кетти. Сирия өкмөтү жана орус авиациясы урган аба соккулардан мектеп жана мектептер талкаланды.  Баш кеңсеси Британияда жайгашкан Сириядагы адам укуктарына байкоо салган борбор Хама провинциясынын түндүгүндө, Идлибдин түштүгүндө Башар Асаддын аскерлери менен оппозициянын куралдуу кагылышы уланып жатканын билдирди. Читать дальше...

Акун: Батукаевге догдурлар койгон диагнозго ишенгениме өкүнөм

Azattyk.org 

Мурдагы акыйкатчы Турсунбек Акун кримтөбөл Азиз Батукаевге дарыгерлер койгон диагнозго ишенип, анын таламын талашканына өкүнөрүн билдирди. Мындай пикирин "Азаттык" радиосунун "Арай көз чарай" талкуусуна катышкан учурда айтты. “Ошол догдурлар койгон диагнозго ишенбей, кайра аны текшерип чыгууну талап кылсам болмок экен. Мыйзамдагы уурунун отура турган дагы сегиз жылы бар, муну дароо чыгарып жиберүүгө болбойт дешим керек эле. Азыр убагында анын укугун коргоп чыкканыма өкүнөмүн”, - деди Акун. Турсунбек Акундун айтканын талкуунун 35-мүнөтүнөн уга аласыз: Турсунбек Акун 8-майда ушул эле темада "Азаттыктын" "Ыңгайсыз суроолор" көрсөтүүсүнө катышууга убада берип, эфирге келбей койгон. Читать дальше...

"Сухой Супержет-100" учактарынын каттамдары кайра токтотулду

Azattyk.org 

Орусиянын "Аэрофлот" компаниясы "Сухой Супержет-100" учактары аткарган ондогон каттамдарды токтотту. Алгач 9-майда, анан 10-май күнү да учуулар аткарылбады. Компания 5-майда 41 адамдын өлүмүнө себеп болгон авиакырсыктан кийин ушундай чечим кабыл алууда.  Бирок каттамдар кырсыкка байланыштуу токтотулуп жатабы же башка себеби барбы, маалымдалган жок.  «Сухой Супержет-100» – эгемен Орусияда жасалган алгачкы жүргүнчү учагы. 5-майда ушул үлгүдөгү учак Шереметьево аэропортуна авариялык конуу учурунда өрттөнүп, 41 кишинин өмүрү кыйылган. Читать дальше...

Камакта жанын кыйган жарандын иши иликтенип жатат

Azattyk.org 

Чүйдүн Ысык-Ата райондук милициясында 55 жаштагы эркек киши өзүн асып алганына байланыштуу иликтөө жүрүп жатат. Облустук ички иштер башкармалыгынын басма сөз кызматы билдиргендей, ал "небересин зордуктады" деп шек саналып 8-майда эки айга убактылуу кармоочу жайга киргизилген. Шектүүнүн үстүнөн кызы арыз жазып, Жазыктар кодексинин 162-беренеси (сексуалдык мүнөздө зордук-зомбулук көрсөтүү) менен кылмыштардын жана жоруктардын бирдиктүү реестрине каттоого алынып, сотко чейинки тергөө иштери башталган. Читать дальше...

Айдоочулар бала өмүрүнө кайдыгер

Azattyk.org 

«Жол коопсуздугу» коомдук бирикмеси жүргүзгөн сурамжылоого ылайык, 9 миңге жакын айдоочунун ичинен бирөө да балдардын автоотургучун колдонгон эмес. Андан тышкары балдардын төрттөн бир бөлүгү гана коопсуздук курун тагынары аныкталган. Бул изилдөө 2018-жылдын декабрь айынан 2019-жылдын февраль айына чейин жүргүзүлгөн.

Казынага сокку урган аткезчилик

Azattyk.org 

УКМКнын мурдагы бөлүм башчысы Максат Мамытканов күйүүчү-майлоочу майды аткезчилик жол менен ташуудан Кыргызстандын бюджети жылына 5 млрд. сомдон ашуун жоготуп жатканын айтып чыкты.

Аба ырайы: тоолорго кар жаайт

Azattyk.org 

12-майда Ош, Жалал-Абад, Нарын облустарынын көпчүлүк аймактарында, Чүй, Талас, Баткен облустарынын тоолуу райондорунда, Ысык-Көл дубанынын чыгыш аймагында жаан жаап, күн күркүрөйт. Тоолорго кар түшөт. Батыштан соккон шамалдын ылдамдыгы секундасына 4-9, Чүй, Ысык-Көл, Нарын облустарынын кээ бир райондорунда 15-20 метрге жетет. Абанын температурасы: Чүй өрөөнүндө түнкүсүн 9...14, күндүз 22...27, Талас жергесинде түнкүсүн 8...13, күндүз 22...27, Баткен облусунда түнкүсүн 13...18, күндүз 26...31, Ош, Жалал-Абад дубандарында түнкүсүн 18...18, күндүз 24...29, Ысык-Көл облусунда түнкүсүн 5...10, күндүз 14...19, Нарын аймагында түнкүсүн 4...9, күндүз 16...21, Бийик тоолуу райондордо түнкүсүн -1...-6, күндуз 1...6 градус болот. Читать дальше...

Башкы прокуратура Мусакеевдин мүлкүнө байланыштуу маалыматтарды жарыялады

Azattyk.org 

Башкы прокуратура Улуттук коопсуздук боюнча мамлекеттик комитеттин (УКМК) 9-башкармалыгынын мурдагы башчысы, экс-президент Алмазбек Атамбаевдин жансакчысы Дамир Мусакеевдин жана анын ата-энесинин мүлкүнө байланыштуу кошумча маалыматтарды жарыялады.  11-майда таратылган билдирүүдө Дамир Мусакеев журналисттерге ачык көрсөткөн жер тилкелер жана үйлөр - анын жакын туугандарына катталган мүлктөрдүн бир бөлүгү гана экени айтылат.  Башкы прокуратура төмөнкү негиздерди келтирди: "Мусакеевдин атасы айлыгы аз, жөнөкөй кызматкер болгон. Читать дальше...

Түркмөнстанда орозо кармагандар азайды

Azattyk.org 

Калкынын көбүн мусулмандар түзгөн Түркмөнстанда быйыл орозо кармагандар азайды. "Азаттыктын" түркмөн кызматына сүйлөп берген айрым кишилер буга өлкөдөгү экономикалык кризис себеп болгонун айтса, кээ бирлери "экстремист" деген айыптан коркуп, шарияттын бул амалын аткарбай жатканын билдиришкен.  Быйыл Рамазан айы келгенин, качан башталарын Түркмөнстандын муфтияты жарыя кылбады. Мамлекеттик маалымат каражаттары да бул жаатта эч кандай кабар беришкен жок. Муфтий жону жука кишилерге жардам берүүгө чакырган гана фатва чыгарды. Читать дальше...

Эл аралык уюмдар Казакстанда Интернетти чектөөгө тынчсызданууда

Azattyk.org 

Европа коопсуздук жана кызматташтык уюмунун Маалымат каражаттарынын эркиндиги маселеси боюнча өкүлү Арлем Дезир Казакстанда 9-майда бир канча сайттарга бөгөт коюлганына тынчсыздануусун билдирди. Жагдайды "Твиттердеги" баракчасына жазган Дезир holanews.kz, vlast.kz, informburo.kz, exclusive.kz жана "Азаттык" радиосунун сайты ачылбай калганын белгилеп, бийлик бул маселени чечиши керектигин белгиледи. Анын алдында "Чек арасыз кабарчылар" эл аралык уюму да жагдайга тынчсыздануусун билдирип, өлкөнү башкарып жаткан Касым-Жомарт Токаевди "репрессиялык ыкмаларды колдонбоого" чакырган. Читать дальше...

Тыныбекова алган Toyota, Жээнбеков минген Lexus. Спортчулар эмне сый көргөн

Sputnik Кыргызстан (sport) 

Кыргызстандын желегин дүйнөлүк аренада көтөргөн спортчулардын көбү материалдык жактан колдоого алынып келет. Мамлекеттен тышкары спортко кайдыгер эмес адамдар тарабынан жетишкендиги үчүн ар кандай белек-бекчектерге ээ болгондору бар.

ЕККУ Өзбекстанда сайттарга коюлган тосмонун алынышын кубаттады

Azattyk.org 

Европа коопсуздук жана кызматташтык уюмунун Маалымат каражаттарынын эркиндиги маселеси боюнча өкүлү Арлем Дезир Өзбекстанда айрым маалымат сайттарына, укук коргоо уюмдарынын Интернет даректерине коюлган тосмонун алганын кубаттады. Ал "Америка добушу", "BBC өзбек кызматы", "Немис толкуну", "Eurasia.net", "Ferghana.ru" маалымат каражаттарынын, "Amnesty International" и "Human Rights Watch" эл аралык укук коргоо уюмдарынын сайттары блоктон чыгарылганына ыраазычылык билдирди. Дезир бул жаатта өзбек бийлигине кайрылганын кошумчалап, "Эркин Европа\Азаттык" радиосунун өзбек кызматынын сайтына коюлган бөгөт алынып салынарына үмүт артарын белгиледи. Читать дальше...

"Run the Silk road": Маслова менен Кыштакбеков биринчи келишти

Azattyk.org 

Ысык-Көлдө 11-майда өткөн 8-эл аралык "Run the Silk road" марафонунда 42 км. 195 метр аралыкка чуркоодо аялдардан Дарья Маслова, эркектерден Адилет Кыштакбеков биринчи келишти. Уюштуруучулар жеңүүчүлөргө 4000 АКШ доллары өлчөмүндө байге убада кылышкан.  Эркектерден экинчи жана үчүнчү орундарды өзбекстандык марафончулар Шахрух Давлятов жана Андрей Петров ээлешти.  Аялдардан экинчи болуп кыргызстандык Юлия Андреева келди. Үчүнчү орунду кытайлык спортчу Пун Ынли алды.  Марафонго 27 өлкөдөн 3 миңге чукул киши катышты. Читать дальше...

Таласта "Маданият сенден башталат" аттуу фестиваль өтүп жатат

Azattyk.org 

Таласта "Маданият сенден башталат" деп аталган балдардын искусство фестивалы өтүп жатат. 11-майда Талас шаарынын борбордук аянтында 19 боз үй, 30га чукул чатыр тигилип, адистер алардын ичинде кол өнөрчүлүк, шахмат, сүрөт тартуу өңдүү өнөрлөрүн башкаларга үйрөтүүдө.  Иш-чарага президенттик аппараттын "Манас" оркестри да катышып, концерттик программаларды тартуулап жатат. "Роза Отунбаеванын демилгеси" эл аралык коомдук фонду уюштурган саамалыкка 2 миңге чукул жергиликтуу тургун күбө болууда. Ага экс-президент Роза Отунбаева жана жергиликтүү бийлик өкүлдөрү да катышууда. Читать дальше...

Жалал-Абадда чыккан өрттө 3 миң куб мунай күйүп кеткен

Azattyk.org 

Жалал-Абаддагы мунай базада чыккан өрттө эки цистернадагы 3 миң куб мунай күйүп кетти. Бул тууралуу шаардын вице-мэри Майрамбек Адылбеков билдирди. Өрттүн себеби жана зыяны такталып жатат.  Алгач үч бункердеги 5 миң кубга жакын мазут күйүп кеткени кабарланган.  Калаанын Көк-Арт кичи районундагы мунайды кайра иштетүүчү ишканада 10-май күнкү өрт дээрлик күнү бою уланып, жакын жерде жашагандар эвакуацияланган. Кечке жуук тургундар үйлөрүнө кайта баштаган.  Мэрия мындан улам, жыйын куруп Жалал-Абад шаарынын аймагында жайгашкан мунай иштетүүчү ишканалардын жана күйүүчү май сатуучу жайлардын коопсуздук чараларын текшерүүгө тийиштүү комиссия түзүү чечимин кабыл алды. Читать дальше...

Неймар сүрөнчүнү муштаганы үчүн жазаланды

Azattyk.org 

Франциянын футбол федерациясы "Пари Сен-Жермен" (ПСЖ) клубунун оюнчусу Неймарды сүрөнчүнү муштап калганы үчүн үч оюндан чыгарды. "Le Parisien" басылмасы билдиргендей, футболчуга дагы эки беттешке катышууга шарттуу тыюу салынды. Чечим 13-майда күчүнө киргендиктен, 11-май күнү ал ПСЖ менен "Анже" клубдарынын беттешине катышат.   Окуя Франция кубогунун финалында, ПСЖ "Ренн" клубуна утулган кезде болду. Неймар күмүш медалды алуу үчүн трибунага баратканда  аны телефонуна тартып алган күйөрманды "мазактап жатат" деген таризде бетке уруп жиберген. Читать дальше...

123ru.net – это самые свежие новости из регионов и со всего мира в прямом эфире 24 часа в сутки 7 дней в неделю на всех языках мира без цензуры и предвзятости редактора. Не новости делают нас, а мы – делаем новости. Наши новости опубликованы живыми людьми в режиме онлайн. Вы всегда можете добавить свои новости сиюминутно – здесь и прочитать их тут же и – сейчас.