123ru.net
World News in Kyrgyz

Новости за 17.05.2019

Москва менен Амстердам “Арктик Санрайз" кемеси боюнча талашты жөнгө салды

Azattyk.org 

Орусия менен Нидерланддар 2013-жылы “Гринпис” экологиялык уюмунун кемесин басып алуу боюнча узак убактан берки талашка чекит койду. 17-майда жарыяланган билдирүүдө Нидерланддын желеги менен келе жаткан “Арктик Санрайз" кемесине келтирилген чыгым үчүн Москва 2,7 миллион евро төлөп бере турганы көрсөтүлгөн.  “Орусия Федерациясы жана Нидерланддар бири бирине койгон доону толук жөнгө салды” деп айтылат эки өлкөнүн Тышкы иштер министрликтери тараткан биргелешкен билдирүүдө. "Гринпис" экологиялык уюмунун 30 активисти 2013-жылдын 19-сентябрында “Газпромдун” Арктикада мунай өндүрүү аракетине каршы нааразылык акциясы учурунда орус чек арачылары тарабынан кармалган. Читать дальше...

«Азаттык+»: Караколдун мыктылары

Azattyk.org 

Жоомарт Карыбаев 20 жашында директордун орун басары болгон. Акылбек Өмүргазы уулу жумушчуларына чачтарачтан бери жалдап, чет өлкөгө эс алууга жиберип турат. 50 сотых күнөсканада 300 миңден ашык гүл. Туратбек Абдыкадыров быйыл борбордук аянтты да гүлдөттү. "Азаттык+" бул берүүдө Караколдун эмгекчил тургундары менен тааныштырат.

“КТ Мобайл чуусу” өкмөттү жарга такадыбы?

Azattyk.org 

“КТ Мобайл” компаниясына байланыштуу жаңжал ырбады. Аны иликтөө үчүн түзүлгөн депутаттык комиссиянын жыйынында премьер-министр Мухаммедкалый Абылгазиевдин тууганы, “Ачык өкмөт” долбоорунун координатору Иманкадыр Рысалиевдин өз укугунан аша чапканы ачыкка чыкты. Мындан улам айрым эл өкүлдөрү Рысалиевдин жана Абылгазиевдин жоопкерчилигин кароо маселесин көтөрүүдө.




Украина: эки министр кызматтан кетерин жарыялады

Azattyk.org 

Украинанын тышкы иштер министри Павел Климкин 17-майда кызматтан кетүү тууралуу арыз жазды. Ал өз чечимин быйыл Жогорку Радага боло турган парламенттик шайлоого катыша турганы менен түшүндүрдү. Павел Климкин кызматтан кетип жатканы тууралуу билдирүүсүн “Фейсбуктагы” баракчасына жайгаштырды. Ошондой эле 2014-жылдан бери Коопсуздук кеңешинин катчысы кызматын аркалап келген Александр Турчинов да кызматтан кетти. “Мени кызматка койгон президенттин ыйгарым укуктары аяктап жатканына байланыштуу Коопсуздук кеңешинин катчысы катары ыйгарым укуктарымды токтотуу маселесин карап көрүүнү сурайм” деп жазды Турчинов. Читать дальше...

Чех жараны Донбасста согушканы үчүн соттолду

Azattyk.org 

Чехиянын Пардубице шаарынын соту 2015-жылы Украинанын чыгышында орусиялык жикчилдер тарабында согушкан чех армиясынын жоокери Эрика Эштага өкүм чыгарды. Ал үч жылга жаза мөөнөтүн артка жылдыруу менен соттолду. Башкача айтканда, төрт жыл ичинде ал мыйзам бузбаса, жазасын өтөөдөн бошотулат. Андан тышкары ал аскердик наамынан ажыратылды. Тергөөнүн маалыматына караганда, 2015-жылы жазында Эрик Эшта Украинанын чыгышына келип, орусиячыл жикчилдер өз алдынча жарыялап алган "Донецк элдик республикасынын" бөлүктөрүндө бир айдай кызмат өтөгөн. Читать дальше...

Өзгөндүк блогер эки айга камалды

Azattyk.org 

Облустук ички иштер башкармалыгынын маалыматына караганда ал Кылмыш-жаза кодексинин опузалап пара талап кылуу жана ээнбаштык беренелери боюнча айыпталып жатат.






Кумсалардын никесине уруксат берилди

Azattyk.org 

Тайвандын парламенти бир жыныстагы түгөйлөрдүн баш кошуусуна уруксат берди. Кытай өз провинциясы деп эсептеген арал ошентип "гейлердин никесин мыйзамдаштырган" Азиядагы биринчи жер болуп калды. Кошмо Штаттар "кумсаларды тазалоо" операциясына тиешеси бар делген Чеченстандын күч түзүмдөрүнө жаңы финансылык санкцияларын киргизди. Мехикону каптаган кара түтүндөн улам бийлик мектептерди убактылуу жабууну чечти. Украинада парламентте көпчүлүк коалиция ыдырады.

Батукаевдин иши боюнча камалган дарыгер бутун оорутуп алганы кабарланды

Azattyk.org 

Бишкектеги №1 тергөө абагында жаткан дарыгер Ирина Цопова эки кабаттуу керебеттен түшүп келе жатып, бутун оорутуп алган. Бул тууралуу Жаза аткаруу кызматынын басма сөз катчысы Элеонора Сабатарова "Азаттыкка" ырастап, дарыгер кыйноого кабылышы мүмкүн деген божомолдорду четке какты: "Бутун кайрып алган күнү тергөө абагынын дарыгери келип, рентгенге тарткан. Сынбаптыр, бирок жарака кеткен экен. Гипс коюп, травматологдун жардамын алган. Врачтар аны ооруканага жаткырууга муктаждык жок дешти. 16-майда Кыйноого каршы улуттук борбордун адистери келип, Цоповага жолугушту. Читать дальше...

Сузактагы чатакты милиция иликтеп жатат

Azattyk.org 

Уюшкан кылмыштуу топтун мүчөсү деп саналган адам ички иштер органынын атайын багыттагы отрядынын мурдагы кызматкерин сабаган окуяны Жалал-Абад облустук милициясы териштирип жатат.

Кочкордогу болочок программисттер

Azattyk.org 

"Агахан" фонду, ЮСАИДдин “демилгелүү жаштар” долбоору жана Билим берүү министрлиги республикадагы 24 мектепке компьютер программаларын тереңдетип окутуу ыкмасын киргизди. Азыр бул программа Нарын облусундагы 11 мектепте иштеп жатат.

"Альфанын" кызматкерлери ок атуу боюнча таймашты

Azattyk.org 

КМШ өлкөлөрүндөгү "Альфа" атайын тобунун кызматкерлеринин таймашы Бишкек шаарындагы Ички иштер министрлигине караштуу «Динамо» спорт комплексинде 16-май күнү өттү. Алар таамай ок атуу боюнча мелдешти. Мелдеш кызматтык милдетин аткарууда курман болгон офицерлердин элесине арналып, генерал Артур Медетбеков башында турган «Альфа-антитеррор» коомдук бирикмеси тарабынан өткөрүлдү. Ага «Альфа» атайын даярдыктагы тобунун ардагерлери Орусия, Казакстан, Беларустан келсе, Кыргызстандан Улуттук коопсуздук кызматынын 9-башкармалыгынын, Ички иштер министрлигинин жана «Альфанын» кызматкерлери катышып, ар кандай аралыкка атууда кимиси мыкты экенин билүү үчүн күч сынашты. Читать дальше...

Иран өзөктүк келишим боюнча айрым милдеттемелерин аткарууну токтото баштады

Ca-irnews.com (kg) 

Ирандын Атомдук энергетика боюнча уюмунун атын атоону калабаган өкүлдөрүнүн бири өлкөнүн Жогорку Улуттук Коопсуздук Кеңешинин акыркы билдирүүсүндө баса белгиленгенип айтылган өзөктүк келишим боюнча айрым милдеттемелерди аткарууну токтотуу планы ишке ашып баштаганын билдирди.

Милиция кызматкери баланы куткаруу үчүн итти аткан

Azattyk.org 

Аламүдүн райондук ички иштер бөлүмүнүн кызматкери Адилет Бекжанов үч жаштагы баланын өмүрүн сактап калды. Чүй облустук ИИБнын басма сөз кызматы кабарлагандай, окуя 16-майда "Дордой" базары тарапта болгон. Милиция кызматкери Адилет Бекжанов кыйкырган үндөн улам көчөгө чуркап чыгып, кичинекей баланы ит тиштеп алганын көргөн. Карап турган адамдар баланы куткара албай койгон. Айбан баланы сүйрөп жөнөгөндө, милиция кызматкери табелдик куралын колдонууга мажбур болгон. Андан кийин "Тез жардам" келип, наристени ооруканага алып кеткен. Читать дальше...

Зариф Кытайды өзөктүк келишимди сактап калууга чакырды

Azattyk.org 

Ирандын тышкы иштер министри Мухаммад Жавад Зариф Кытайды, Орусияны жана башка өнөктөштөрдү 2015-жылы түзүлгөн өзөктүк келишимди сактап калууга чакырды. Зариф бул тууралуу 17-майда Кытайдын тышкы иштер министри Ван И менен жолугушуу үчүн Бээжинге келген учурда билдирди. Кытай 2015-жылы Британия, Франция, Германия, Орусия жана АКШ менен бирге Ирандын өзөктүк программасын чектеген келишимге кол койгон. Ага ылайык, Иранга салынган санкциялар алынган. Бирок былтыр май айында АКШ «Тегеран милдеттенмелерин аткарбай жатат» деген негизде келишимден чыгарын жарыялаган. Читать дальше...

Баткен: жаңы прокурордун убадасы

Azattyk.org 

Баткен облусунун прокурору болуп Абдибакыт Халмурзаев дайындалды. Бул кызматта мурда киши колдуу болгон Анарбай Мамажакыпов иштеген.

Сооронбай Жээнбеков казак президентин туулган күнү менен куттуктады

Azattyk.org 

Президент Сооронбай Жээнбеков 17-майда телефон аркылуу Касым-Жомарт Токаевди туулган күнү менен куттуктап, ага бекем ден соолук жана мамлекеттик ишмердигинде мындан аркы ийгиликтерди каалады. Мамлекет башчылары ошондой эле эки тараптуу кызматташтыктын актуалдуу маселелерин жана алдыдагы эл аралык көп тараптуу иш-чараларга катышууну талкуулашты. Касым-Жомарт Токаев быйыл марттан бери Казакстанды башкарып келе жатат. Коңшу өлкөнү 30 жыл бою башкарган Нурсултан Назарбаев кызматынан кетерин жарыялагандан кийин мамлекет башчынын ыйгарым укуктары Сенаттын ошол кездеги спикери Токаевге өткөн. Читать дальше...

Казакстанда активист Бейбарыс Толымбековду аскерге алып кетти

Azattyk.org 

Таза шайлоого үндөгөн баннер үчүн он беш күнгө камалып чыккан активист Бейбарыс Толымбековду 17-майда аскер комиссариатынан армияга алып кетти. Жергиликтүү Vlast сайтынын жазышынча, Толымбеков аны достору менен коштошууга мүмкүндүк бербей аскерге алып кетип жатканына нааразылыгын билдирген. Ал арада социалдык тармактарда Бейбарыс Толымбековдун аскер формасын кийген видеосу тарады. Анда ал комиссиянын чечими жок эле, шашылыш аскерге жөнөтүп жатканын билдирген. Сөзүн айтып бүтө электе эле аны аскер формасын кийген адам жетелеп кеткенин көрүүгө болот. Читать дальше...

Президент: Кен тармагында айрым топтордун кызыкчылыгы корголгон

Azattyk.org 

Президент Сооронбай Жээнбеков 17-майда Балыкчы шаарынын активи жана тургундары менен жолугушууда тоо кен тармагы өтө коорупциялашканын билдирип, мындай иштерде мамлекеттин жана коомдун эмес, жеке адамдардын кызыкчылыктары эске алынганын билдирди. - Тоо кен тармагына көңүл бура баштадым. Бул тармак, айрыкча лицензия, уруксат берүү системасы коррупцияга белчесинен баткан. Кен чыккан жерлерде көп учурларда мамлекеттин жана коомдун кызыкчылыгы корголгон эмес. Жеке, тар чөйрөнүн, айрым таасирдүү топтордун гана кызыкчылыгы корголгон. Читать дальше...

Аба ырайы: Өткүн өтүп, жаан жаайт

Azattyk.org 

18-майда түнкүсүн Ош, Жалал-Абад, Баткен облустарынын көпчүлүк аймактарында, Чүй, Талас, Ысык-Көл, Нарын облустарынын тоо этектеринде жана тоолуу райондорунда жаан жаап, күн күркүрөйт, бийик тоолуу райондордо карга айланат. Өрөөндөрдө жаан-чачын жаабайт. Күндүз көпчүлүк аймактарда жаан жаап, күн күркүрөйт, бийик тоолуу райондордо карга айланат. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет. Абанын температурасы: Чүй, Талас облустарында түнкүсүн 9…14, күндүз 21…26; Суусамыр өрөөнүндө түнкүсүн 0…5, күндүз 14…19; Баткен, Ош, Жалал-Абад облустарында түнкүсүн 13…18, күндүз 24…29; Ысык-Көлдө түнкүсүн 5…10, күндүз 21…26; Нарын облусунда түнкүсүн 6…11, күндүз 19…24; Бийик тоолуу райондордо түнкүсүн -2…-7, күндүз 5…10 градус жылуу болот. Читать дальше...

Тайван бир жыныстагыларга никеге турууга уруксат берди

Azattyk.org 

Тайвандын парламенти 16-майда бир жыныстагылардын бирге түтүн булатышына уруксат берди. Кытай өз провинциясы деп эсептеген бул арал кумсалардын никесин мыйзамдаштырган Азиядагы биринчи аймак болуп калды. Мыйзам долбоорун 66 депутат колдоду, 27 депутат каршы добуш берди. Документ президент Цай Инвень кол койгондон кийин күчүнө кирет. Бир жыныстагы адамдардын баш кошуусун мыйзамдаштыруу тууралуу талаш-тартыш Тайванда көптөн бери уланып келген. Айрым штаттарда кумсалардын никеси мыйзам түрүндө таанылган. Читать дальше...

ӨКМдин суучулдары көлмөлөрдүн коопсуздугун текшерип жатат

Azattyk.org 

Министрликтин басма сөз кызматы билдиргендей, 14-15-май күндөрү Өзгөчө кырдаалдар министрлигинин суучулдары Ноокен районунда Нарын дарыясынын жээгиндеги жайгашкан “Бачок” участкасында суу астында текшерүү иштерин жүргүзүштү. Натыйжада суу астында адам өмүрүнө коркунуч жараткан темир-тезек, таштанды жана узундугу бир метр келген балырлар бар экени аныкталып, бул жайда сууга түшкөнгө тыюу салды. - “Бачок” участкасы сууга түшүүгө ыңгайлуу эмес жана жарандарга коркунуч туудурат. Сууга түшкөнгө болбойт, жарандар чөгүп кетиши мүмкүн, - деди суучулдар кызматынын башчысы Урмат Шамырканов. Читать дальше...

ИИМдин мурунку кызматкери коопсуздугуна кабатыр

Azattyk.org 

Жалал-Абадда уюшкан кылмыштуу топтун мүчөлөрү токмоктогон облустук ички иштер башкармалыгынын атайын даярдыктагы отрядынын (Спецназ) мурунку кызматкери өзүнүн жана үй-бүлөсүнүн коопсуздугуна коркунуч жаралып жатканын “Азаттыкка” билдирди. "Мен ал балдарды мурда-кийин көргөн эмесмин жана жакшы тааныбайм. Мен тартылган видеонун Интернетке чыгып кетүүсү күтүүсүз болду. Бул боюнча өз коопсуздугумду ойлоп укук коргоо органдарына кайрылган жокмун. Учурда өзүм жана үй-бүлөм үчүн коркуп турам. Мамлекетте мыйзам иштесе, мага кол көтөргөндөр мыйзамдуу жазасын алышы керек деп эсептейм", – деди аты-жөнүн атагысы келбеген жабырлануучу. Читать дальше...

123ru.net – это самые свежие новости из регионов и со всего мира в прямом эфире 24 часа в сутки 7 дней в неделю на всех языках мира без цензуры и предвзятости редактора. Не новости делают нас, а мы – делаем новости. Наши новости опубликованы живыми людьми в режиме онлайн. Вы всегда можете добавить свои новости сиюминутно – здесь и прочитать их тут же и – сейчас.