Новости за 18.05.2019

Бүгүн, 18-майда, Бишкекте күч түзүмдөрү арасындагы оксуз кармашуу боюнча эл аралык мелдеш жыйынтыкталды. Ал 15-майда башталган.

Ушул жумада Мамлекеттик тил комиссиясы республика боюнча “Сабаттуу бол” акциясын өткөрдү.

Кыргызстан Европадагы коопсуздук жана кызматташтык уюмунун (ЕККУ) Бишкектеги өкүлчүлүгүнө кайрылып, "Ачык өкмөт" улуттук форумунун катчысы Иманкадыр Рысалиевди бул кызматынан чакыртып алууну сунуштады. Рысалиев өзү да бул маалыматты "Азаттыкка" тастыктап, иштен кетүүнү чечкенин айтты.  Мындай өтүнүч менен премьер-министр Мухаммедкалый Абылгазиев ЕККУга кайрылганын мамлекеттик "Кабар" агенттиги маалымдады. Өкмөт башчы бул чечимди "Рысалиевдин тегерегинде түзүлгөн кырдаалга байланыштуу коомдук резонанстан улам" кабыл алганы айтылды. Читать дальше...

Президент Сооронбай Жээнбеков бүгүн 18-майда Кыргыз улуттук академиялык опера жана балет театрынын солисти Фарух Садыркуловду кабыл алды. Мамлекет башчысы балет бийчисинин жетишкендиктери "баарыбыз үчүн чоң сыймык" экенин айтып, апасы Светлана Садыркуловага ыраазычылык билдирди. Жаш талантка мамлекет ар тараптуу колдоо көрсөтөрүн белгилеп, президенттин энчилүү саатын тапшырды. Садыркулов дүйнөдөгү эң эски бий мектептеринин бири - Агриппина Ваганова атындагы орус балет академиясынын бүтүрүүчүсү. Читать дальше...

Өзгөндө камалган блогер Бауржан Кадырбеков эркиндикке чыкты. Ош облустук ички иштер башкармалыгынын басма сөз катчысы Жеңиш Аширбаев “Азаттык” радиосуна билдиргенине караганда, блогердин үстүнөн даттангандар тосмо арыз жазып, ага доосу жоктугун билдиришти. Кадырбеков да алардын үстүнөн жазган арыздарын кайтарып алды. Буга байланыштуу жазык иши кыскартылып, блогер тергөө абагынан чыкты. Блогерге Өзгөн райондук ички иштер башкармалыгы “Ээнбаштык” беренеси боюнча сотко чейинки бир, “Опузалап акча... Читать дальше...

Бишкектеги Шералы Сыдыков атындагы Олимпиадалык резервдеги республикалык окуу жайында бир жылда 179 бала окуудан чыгарылды. Бул тууралуу "Азаттыкка" аталган окуу жайдын директору Кадырбек Эргешов билдирди. Ал мындай чечим кабыл алууга окуучулардын тартипке баш ийбегени себеп болгонун айтты. - Эң негизги көйгөй бизде тартип болуп жатат. Бир жылдын ичинде эле эки жүздөй бала кетирилди. Алардын көбү эле биздин талапка жооп бербейт. Бул биринчи жагы болсо, экинчи жагы - кеткен балдардын көпчүлүгү бул жерде (окуу жайда) иштегендердин жердештери... Читать дальше...

Президент Сооронбай Жээнбеков Энелер күнүнө карата көп балалуу энелердин айрымдарын кабыл алып,  мамлекеттик сыйлыктарды тапшырды. Салтанатка Кыргызстанды эл аралык аренада татыктуу тааныткан кыргызстандык жаштардын апалары да катышты. Өлкөнүн бардык аймактарынан келген ар бир эненин ысмын ыраазычылык менен атап, өзгөчө кароосуз калган 128 баланы тарбиялаган жана учурда 18 баланы тарбиялап жаткан Наталья Аслаповскаяны белгиледи. Азия жана дүйнөлүк чемпионаттарда байгелүү орундарга ээ болгон спортчулар... Читать дальше...

Австриянын вице-канцлери Хайнц-Кристиан Штрахе парламенттик шайлоо алдында орусиялык бизнесмендин каржылоосу тууралуу сүйлөшүп жаткан видеосу тарагандан кийин кызматтан кетти. Ал башкаруучу коалициянын ыдырашына жол бербөө үчүн ушундай кадамга барганын айтты. 2017-жылдагы видеодо оңчул радикал Эркиндик партиясынын лидери Штрахе өзүн бай орусиялыкмын деп тааныштырган Алёна Макарова аттуу келин менен сүйлөшүп жатканын көрүүгө болот. Ал Штрахеге шайлоодо каржылык жана саясий колдоо көрсөтүп, бул үчүн бизнесин илгерилетүүгө жардам күтөрүн айткан.

Бишкекте бүгүн 18-майда Кыргызстандын күч түзүмдөрүнүн кызматкерлери арасында кармаш-уруш боюнча турнир өттү. Иш-чара Чек ара кызматынын 20 жылдыгына карата уюштурулду. Жалпысынан 108 спортчу катышты. Натыйжада биринчи орунду чек арачылар алды. Экинчи орунга Улуттук коопсуздук боюнча мамлекеттик комитеттин (УКМК) 9-башкармалыгы, үчүнчүгө Калыйнур Үсөнбеков атындагы Аскердик институттун кызматкерлери татыды. (RK)

Түркиялык Берна Эргүн аутист балдары бар энелерге моралдык колдоо көрсөтүү максатында жарандык активист катары иштеп келет. Анткени ал уулу Мырзаны өзү окутуп, музыка дуйнөсүн жетелеп кирген. Учурда уулу Түркиянын улуттук консерваториясынын студенти. Түрк эне аутист уулунун жашоодогу жетишкендиктерине анын атасы кыргыз болгону дагы өз салымын кошту деп ойлойт.

Бишкектеги Гапар Айтиев атындагы көркөм сүрөт музейиндеги айрым картиналарга жан кирди.

Премьер-министр Мухаммедкалый Абылгазиев «КТ Мобайл» жана анын артында турат делген бажасы Иманкадыр Рысалиев тууралуу комментарий берип, дооматтар ырастала электигин билдирди.

Кыргызстанда 18-май Эл аралык музей күнүнө карата "Музейлер түнү" иш-чарасы болуп өттү. Музейлерде көрүүчүлөр искусствонун түрлөрүн гана көрбөй, айкелчиликтин сырлары менен таанышып, сүрөт тартып, улуттук кийим-кече, буюм-тайымдардын көргөзмөсүнө да күбө болушту. Бул иш-чара алты жылдан бери музейлерге көрүүчүлөрдү тартуу максатында уюштурулуп жүрөт.

19-майда Кыргызстандын көпчүлүк аймактарында жаан жаап, күн күркүрөшү, бийик тоолуу райондордо кар жаашы ыктымал. Батыш тараптан келген шамалдын ылдамдыгы секундасына 4-9 метрден, кээ бир райондордо 15-20 метрге жетет. Абанын температурасы: Чүйдө түнкүсүн 8…13, күндүз 20…25; Таласта түнкүсүн 6…11, күндүз 19…24; Ысык-Көлдө түнкүсүн 5…10, күндүз 20…25; Баткенде, Ошто, Жалал-Абадда түнкүсүн 11…16, күндүз 22…27; Нарында түнкүсүн 3…8, күндүз 19…24; Бийик тоолуу райондордо түнкүсүн -2…-7, күндүз 4…9 градус болот. Читать дальше...

Казакстанда бир күндө үч бала көп кабат үйдүн терезесинен кулап түштү. КазТАГ агенттигинин маалыматына караганда, 17-майда Павлодар облусунда экинчи кабаттан үч жана бир жашар наристелер кулаган. Азыр алар ооруканада. Ушул эле күнү Өскемен шаарында беш кабат үйдүн экинчи кабатынан беш жашар бала кулап түшкөн. Ал да ооруканада жатат. Полициянын айтымында, кырсык балдардын жанында эч ким жок учурда болгон. (RK)

Экс-президент Алмазбек Атамбаевдин жансакчысы, Улуттук коопсуздук боюнча мамлекеттик комитеттин (УКМК) 9-башкармалыгынын мурдагы башчысы Дамир Мусакеев кайрадан Аскердик прокуратурага суракка чакырылды. Чакыртмада ал күбө катары сурак берери жазылган. Мусакеев 16-майда да Аскердик прокуратурага күбө катары сурак берип чыккан. Аны эки себеп менен айыптап жатышат. Биринчиси - 9-башкармалыкты жетектеп турганда кызматтык батирлерди туура эмес тараткан деген, экинчиси - мыйзамсыз баюу. Биринчиси боюнча сот жүрүп жатат... Читать дальше...

Борбордо спорттун оксуз кармашуу түрү боюнча күч түзүмдөрү жана укук коргоо органдары арасында эл аралык мелдеш болду.

Австрияда башталгыч класста окуган кыздарга мектепке хижаб кийип барууга тыюу салуу сунушу колдоо табууда. Өлкө парламенти бул тууралуу мыйзам долбоорун өкмөт үч жолу сунуштагандан кийин талкуулап, колдоп берди. Демилгечилердин пикиринде, жаңы мыйзам мусулман кыздарга австриялык коомго аралашуусуна жардам берет. Оппозиция өкмөт алгылыктуу иш жасабай, популизмге алдырууда деп сындап жатат. Эгер талап аткарылбаса окуучу кыздын ата-энесине 440 евро айыппул салынат. Бирок мусулман коомчулугунун өкүлдөрү мыйзамга каршы чыгып... Читать дальше...

Кызыл Ай эл аралык коомунун Кыргызстандагы жана Түркиядагы өкүлчүлүктөрү Орозо айына карата кайрымдуулук акциясын уюштурду. Чүй облусунда 250, Нарында 400, Бишкекте 100 үй-бүлөгө азык-түлүк сатылып берилет. Жакыр жашаган калкка колдоо көрсөтүүгө багытталган бул акциянын алкагында муктаждарга 20-майда Бишкекте ваучерлер таркатылат. Ар бир ваучердин наркы 1400 сом. Аны алгандар арак-шараптан тышкары бардык керектүү азык-түлүгүн супермаркеттерден сатып ала алышат. (BCh)

2018-жылы Кыргызстанга келип кеткен туристтердин жалпы саны жети миллионго жеткен. Бул тууралуу “Азаттыкка” Туризм департаментинин директору Максат Дамир уулу билдирди: - Бүткүл дүйнөлүк туризм уюмунун маалыматы боюнча, 7 миллионго жакын адам келген. Быйыл да андан аз эмес болот деп жатабыз. 2012-жылдан бери визасыз тартип иштеп жатат. Быйыл анын мөөнөтү 2025-жылга чейин узартылды. Учурда 52 мамлекет менен визасыз каттам келишим бар. Дамир уулунун айтымында, былтыр туристтерди кабыл алуудан түшкөн каражат 450 миллион доллар болгон. Читать дальше...

АКШнын Федералдык авиация башкармалыгы (FAA) Иран менен мамиле бузулуп жатканына байланыштуу Перс булуңунун үстүнөн учкан америкалык учактарды этият болууга чакырды. Мекеменин маалыматына караганда, «аймакта аскердик ишмердүүлүк күчөп, саясий абал курчуп турган чакта америкалык учактарды көзөмөлдөөгө тоскоолдук жаралышы ыктымал». Соңку күндөрү Кошмо Штаттар Иран тараптан коркунуч жаралып жатканын айтып, ортодо аскердик жаңжал чыгышы ыктымал деген кооптонуусун билдире баштады. Расмий Иран Ак үйдүн мындай айыптоолорун четке кагып... Читать дальше...

Бишкек шаардык кеңешинин депутаты Жаныбек Абиров “Энелер күнүнүн” урматына Экинчи дүйнөлүк согуштун ардагери Анастасия Толочковага күнүмдүк керектелүүчү техникалык каражаттарды алып берди. Шаардык кеңештин басма сөз кызматы кабарлагандай, төрага 9-май Жеңиш күнүндө Согуштун жана ооруктун ардагерлери менен жолугушкан кезде Толочкова ага өзүн түйшөлткөн маселелерин айтып, ичимдик суудан жана башка техникалык каражаттардан кыйналып, жалгыз жашап жатканын айткан. “Абиров 18-майда Толочкова муктаж болуп жаткан жабдууларды белек кылды. Читать дальше...

Жогорку сот Райымбек Матраимовду колдогон чечим чыгарды. Бул тууралуу мекеменин басма сөз кызматы кабарлады.

Билеттер 1-июндан тарта сатыла баштайт.

Жогорку Сот Райымбек Матраимовду колдогон чечим чыгарды. Бул тууралуу мекеменин басма сөз кызматы кабарлады. Арыз 17-майда каралып, жарандык иштер боюнча соттук коллегия буга чейинки чечимдерди күчүндө калтырды. Бажы кызматынын төрагасынын мурдагы орун басары Матраимов кызматтан 2017-жылдын 23-ноябрында бошотулган. Өкмөт бул чечимге "Матраимовдун иши жетекчиликтин чечимдерине жана жүргүзгөн саясатына каршы келет" деген жүйө келтирген. Кийин ал иштен негизсиз кеткенин айтып, өкмөттү сотко берген. Читать дальше...