Новости за 02.05.2019

Какие виды бизнеса стоит открывать в 2019 году? В этой подборке мы объединили идеи, которые пользуются популярностью у малого бизнеса в последнее время и имеют наибольшие перспективы в грядущем году. Каждый месяц по всему миру появляются сотни новых бизнес-идей, однако большинство из них в России либо невоплотимы совсем, либо подходят лишь для Москвы и Санкт-Петербурга, […]

Санкт-Петербургда мигрант мекендештерин карактап-тоноого шектелип, кыргызстандык уюшма кылмыштуу топтун өкүлдөрү кармалды. Купуя маалымат элге тарап кеткени үчүн Британиянын коргоо министри Гэвин Уильямсон кызматтан алынды. Казакстанда 1-майдагы жүрүш үчүн ондогон адам жоопко тартылып, экөө беш күнгө камалды. Таиланддын падышасы генералга үйлөндү.

Матраимовдордун иш-чарасына барганы туурасында эл ичинде айтылып жаткан сынга парламенттин төрагасы жана биринчи вице-премьер-министр жооп кайтарышты.

Борбордук шайлоо комиссиясы «Калк демографиясы» коомдук биримдиги көрсөткөн Жуматай Алиевди президенттик шайлоого талапкер кылып каттаган жок. Ага Алиевдин казак тили сынагынан өтпөй калганы себеп болду. Ал сынакта “Мамлекет жана дин” темасында дил баян жазып, “Абай жолу” романынан үзүндү окуп, “Ырым алды - ынтымак” темасында оюн айткан. Комиссия мүчөсү Адил Ахмедовдун айтымында, ал дил баянды үстүрт жазып, 13 сүйлөмдө 19 ката кетирген. “Абай жолун” да “жакшы окуп бере алган эмес”. 67 жаштагы Жуматай Алиев ... Читать дальше...

Жогорку Кеңеш 2-майдагы жыйынында Кыргызстандын аймагында уран кендерин чалгындоого жана казууга тыюу салуу тууралуу токтом кабыл алды. Буга адамдардын Ысык-Көлдөгү Кызыл-Омпол уран кенинин иштетилишине каршы тынымсыз митингдерди өткөрүп, уран казууга тыюу салуу боюнча койгон катуу талаптары себеп болду. Парламенттин жыйынында Кыргызстанда уран кенин чалгындоого баш-аягы 18 лицензия берилгени айтылды.

Жыл сайын өтүүчү жүрүшкө «Антисемитизмге жок!» деген жазуусу бар плакатты жана Израилдин желегин көтөргөн, дүйнөнүн ар кыл жеринен келген 10 миң чамалуу киши катышты. 2-майдагы үч чакырымдык жүрүштө АКШнын алты элчиси, анын ичинде Израилдеги, Польшадагы башкы дипломаттары болду. Ага Румыниянын премьер-министри Виорика Дэнчилэ жана Польшанын айыл чарба министри да келген. Польшада бул жүрүш 1988-жылдан бери өтөт. Экинчи Дүйнөлүк согуш маалында нацисттик Германия Польшанын Освенцим шаарындагы... Читать дальше...

АКШнын башкы прокурору Уильям Барр 2-майда Өкүлдөр палатасынын Юридикалык комитетиндеги атайын прокурор Роберт Мюллердин баяндамасын талкуулай турган жыйынга келбей койду. «Reuters» агенттигинин жазганы боюнча, комитеттин төрагасы Жерролд Надлер Баррды Конгрессти урматтабаганы үчүн жоопкерчиликке тартууга мажбур болорун билдирди. Надлер Мюллердин отчетунун толук текстин Конгресске берүүнү дагы бир жолу талап кылды. Жерролд Надлер 1-майда журналисттер менен болгон маегинде Барр баяндамадагы «орусиялыктар... Читать дальше...

Катардын эмири Тамим ибн Хамад аль-Тани 29-апрелде Саид Мубаракты Кабулдагы элчи кылып дайындоо тууралуу жарлыкка кол койду. Ал Катардын Ооганстандагы биринчи элчиси болуп калды. Катарда Ооганстандын элчилиги буга чейин эле бар болчу. Ооганстан Катардын Перс булуңундагы атаандаш өлкөлөрү Сауд Арабиясы жана Бириккен Араб Эмираттары менен жакшы мамиледе. Катардын Кабулда өз элчисин дайындоосу Ооганстандагы 18 жылдык согушту токтотуу боюнча Дохада «Талибан» менен АКШнын өкүлү бир канча айлампа менен сүйлөшүү өткөрүп жаткан учурга туура келди. Читать дальше...

2019-жылдын башынан апрель айынын аягына чейин Мамлекеттик бажы кызматынын аткезчиликке каршы күрөш башкармалыгынын кызматкерлери 341 бажылык мыйзам бузуу фактысын аныктады. Бул тууралуу мекеменин басма сөз кызматы билдирди. Мунун 256сы Тартип бузуунун бирдиктүү реестрине катталып, өткөн жылдын тиешелүү мезгилине салыштырмалуу 18 фактыга көп чыкты. Кылмыштар менен жоруктардын бирдиктүү реестрине 86 факт киргизилип, былтыркыга караганда 14 фактыга арбыды. Жылдын биринчи кварталындагы мыйзам жана... Читать дальше...

Бир тууган Матраимовдор 1-майда Кара-Суу районунда өткөргөн иш-чарага Жогорку Кеңештин төрагасы Дастан Жумабеков баштаган депутаттардын жана биринчи вице-премьер министр Кубатбек Бороновдун катышканы коомдо кызуу талаш жаратып, "Башкаруу бийлик өкүлдөрүнүн моралдык жоопкерчилиги барбы?" деген маселени күн тартибине койду.

Чүй облусунун Ысык-Ата районундагы Интернационал айылынын 200дөй тургуну 2-майда жолду тосуп, бийликке үч талап коюшту. Түштөн кийин алар менен аталган райондун акими жолугуп, маселени тез арада чечүүгө убада берди.

Ирактагы качкындар лагерлеринен кайтарылган тажикстандык балдар Дүйшөмбүдөгү саламаттыкты чыңдоо борборунда медициналык жана психикалык жардам ала баштады.

Каракол шаарынын тургундары 2-майда “Ысык-Көл уранга каршы!” аттуу митинг өткөрүшүп, уран кендерин иштетүүнү токтотуу талабы жазылган резолюция кабыл алышты. Шаар бийлиги митингди шаардын борбордук аянтында өткөрүүгө уруксат берген эмес. Элүүгө чукул активисттер жана тургундар стадионго чогулушту. Алар иш-чараны Алыкул Осмоновдун "Ата-Журт" аттуу ыры менен баштап, аягында өлкө башчысына, Жогорку Кеңешке, УКМКга жана Ысык-Көл облусунун жетекчисине кайрылуу жолдошту.

Бүгүн, 2-майда 2010-жылдагы апрель окуяларынын катышуучуларынын жубайлары менен «Nazarnews» маалымат порталынын журналисти Гүлжан Шерипбаева уруша кеткени тууралуу видео Интернетке жарыяланды.  Журналисттин сөзүнө караганда сөз болуп жаткан аялдарга суроо бериле баштаганда алар журналистти «бакиевчилерге окшошсуң» деп тукура баштаган. - Тышка чыгып кеткем. Кийин «Жээнбеков менен Атамбаевдин согушуна Бакиевдин тиешеси жок да» десем эле мага келип, мени уят сөздөр менен сөгө баштады. Мен телефонумду... Читать дальше...

Жогорку Кеңештин мурдагы төрагасы, «Бүтүн Кыргызстан» саясий партиясынын жетекчиси Адахан Мадумаров «Кыргызгаз», «Кыргызмунайгаз» жана «Кыргыз темир жолу» сыяктуу стратегиялык маанидеги мамлекеттик ишканалардын Орусияга берилиши өлкөнүн ички саясатына таасир этерин билдирди. Ошондуктан ал өлкөнүн эгемендигине байланыштуу суроого Путиндин жообундай жооп кайтара турганын айтты. Ошондой эле Мадумаров кезектеги «Бийлик сырлары» көрсөтүүсүндө Владимир Зеленскийдин жеңишинин сырлары, өзү эмнеге кызматтан кеткен себептерин... Читать дальше...

Иран Сауд Арабиясы жана Бириккен Араб Эмираттары менен жакшы алакада болууну каалайт. Бул тууралуу Ирандын тышкы иштер министри Мохаммед Жавад Зариф 1-майда Дохада өткөн «Азиядагы кызматташтык диалогу» деген жыйында билдирди.

Жогорку Кеңеш саясий чечим кабыл алып, республика аймагында уран кендерин чалгындоого жана казууга тыюу салуу тууралуу токтом кабыл алды. Бул жөнүндө парламент төрагасы Дастанбек Жумабеков бүгүн Кызыл-Омпол боюнча маселе талкууланган жыйынды жыйынтыктап жатып айтты: - Депутаттар да, өкмөт да мыйзам долбоорлорун иштеп чыгат, талкуу болот. Бирок негизинен парламент саясий чечим кабыл алды - Кыргызстандын бардык аймактарында уран кендери токтотулат. Чалгындоо жана иштетүү максатында - баарына тыюу салынат. Читать дальше...

Кыргызстандын мурдагы өкмөт башчысы Сапар Исаковдун жубайы Малика Арстанбекова бүгүн саясий билдирүү таратып, «акыйкатка болгон үмүттү Райымбек Матраимовдун Жогорку Кеңештин жарымы жана спикери, биринчи вице-премьер Боронов менен түшкөн сүрөтү таш каптырды» деп билдирди. «Менин жолдошумду ЖЭБдеги кыйроо үчүн эмес, президенттин «сүймөнчүгүнө» каршы чыкканы жана бажыны Матраимовдон тазалоого аракет кылганы үчүн соттоп жатышканын эчак эле түшүнгөм» деди ал. Ошондой эле Арстанбекова «Сооронбай Шарипович «Матраимовдун байлыгын... Читать дальше...

Ушул жумада Өзбекстандын Анжиян облусу менен Ташкент шаарындагы ишкер аялдардын Жалал-Абад шаарында өткөн форуму өзгөчө шаң жаратты. «Энелер — тынчтык элчиси» деген ураан алдында өткөн форумда кол өнөрчү аялдардын жүздөгөн эмгектери көрсөтүлүп, Анжиян жана Жалал-Абад облустарынын ишкерлеринин ортосунда өз ара кызматташуу жана тажрыйба алмашуу алакасын жаңы нукка салды.

2-майга караган түнү Казакстандын борбору Нур-Султан шаарынын соту ондогон адамды административдик жоопкерчиликке тартты. Анын ичинде «укук коргоо органынын өкүлүнө баш ийген жок» деп Алтынбек Орынтай уулу менен Алимжан Избасаров беш суткага камалды.

«Human Rights Watch» эл аралык укук коргоо уюму (HRW) Кытайдын бийлигин «чөнтөк телефондогу тиркеме аркылуу Шинжаң-Уйгур автоном  аймагындагы мусулман калктарды көзөмөлдөп жатат» деп айыптады. «Integrated Joint Operations Platform» («Биргелешкен операциянын жалпы платформасы») деп аталган тиркеме адамдардын телефондорун, компьютерлерин көзөмөлгө алып, эгер жумушунда, кыймыл-аракетинде, адамдар менен сүйлөшүүсүндө шектүү бир нерсе болсо, ал түгүл электр энергиясын көп колдонуп жатса белги берет. Читать дальше...

Бишкек шаардык соту «Апрель» телеканалын жана экс-президент Алмазбек Атамбаевди аларга каршы доо арыз жазган Азимбек Бекназаровго, Акматбек Келдибековго жана Кеңешбек Дүйшөбаевге жалпысынан 600 миң сом төлөп берүүгө милдеттендирди. Буга чейин Бишкек шаарынын Октябрь райондук соту «Апрель» телеканалын өз эфиринде төгүндөө жарыялаганга, ал эми Атамбаевди ар бир саясатчыга 100 миң сомдон төлөп берүүгө милдеттендирген. Шаардык соттун «Апрелди» да акча төлөөгө милдеттендирген чечимин медиа эксперт... Читать дальше...

Сауд Арабиясынын бийлиги Кызыл деңизде мунай алып баратып бузулуп калган ирандык кемени куткарганын кабарлады. 2-майда таратылган расмий маалыматка ылайык, Жидда шаарынан 70 чакырым аралыкта бараткан кеменин кыймылдаткычы иштебей, башкарылбай калганы тууралуу ыкчам кабар келип түшкөн. Танкерде 26 деңиз кызматкери бара жаткан, анын 24ү Ирандын, экөө Бангладештин жарандары болгон. Сауд Арабиясы алар коопсуз жерде экенин кабарлады. Ирандын мамлекеттик каражаттары бул боюнча маалымат тарата элек. Читать дальше...

1-майда Нур-Султан жана Алматы шаарларындагы нааразылык акциялары учурунда 80 киши кармалды.

2-майда Санкт-Петербург шаарынын соту “Ачык Орусия” оппозициялык уюмунун аткаруучу директору Андрей Пивоваров менен Алексей Навальныйдын жергиликтүү штабынын координатору Александр Шуршевди 10 күнгө камады. Алар 1-майда шаарда “уруксат берилбеген акция өткөргөн” деп айыпталууда. “Ачык Орусия” уюмунун төрайымы, жактоочу Анастасия Буракова аларды камакка алган иш эреже бузуулар менен жүргөнүн билдирди. Пивоваров менен Шуршев демонстранттарды кубалоону токтотууга аракет кылганда полиция тарабынан күч менен кармалган. Читать дальше...