123ru.net
World News in Kyrgyz

Новости за 07.05.2019

Көкбөрү: «Достук» жана «Сары-Өзөндүн» оюнчулары мушташа кетишти

Azattyk.org 

7-майда Чолпон-Ата шаарында Жеңиш күнүнө карата өтүп жаткан көкбөрү боюнча республикалык турнирде «Достук» жана «Сары-Өзөн» командаларынын оюнчуларынын ортосунда мушташ чыкты. Экинчи таймдын акырында, эсеп 5:2 болуп жаткан кезде «Достуктун» оюнчусу Манас Ниязов менен «Сары-Өзөндүн» улакчысы Нурбек Юсупов алгач аттын үстүнөн жөөлөшүп, кийин жерге түшүп мушташа кеткен. Урушка башка оюнчулар да ат үстүнөн аралашып, бири-бирин жөөлөшүп, кийин эки улакчыны ажыратып калышты. Оштун «Достук» командасы менен Чүйдүн «Сары-Өзөн» командасынын оюну 10:4 эсебинде аяктап, финалга “достукчулар” жолдомо алды. Читать дальше...

Сирияга качкан кыз-күйөө

Azattyk.org 

Тажик президенти Эмомали Рахмон дыйкандарга орозону башка убакта кармоону сунуш кылды. Осетияда бирөөгө жардам бергенди кесипке айланткан ырчы бар. Балдарын Сирияга алып кеткен кыздын энеси неберелерин күтүп арманда отурат. Өзбекстандын Хива шаарындагы ичанкалалыктар өз үйлөрүнө акы төлөп кирүүгө мажбур.

Сауд Арабиясынан качкан эже-сиңди грузин паспортун алды

Azattyk.org 

Саударабиялык эже-сиңди, 28 жаштагы Маха Ал-Субайе менен 25 жаштагы Вафа Ал-Субайе аны колдогондорго ыраазычылык билдиришти. Кубанган кыздар 7-майда «Твиттерге» жарыяланган кыска видеодо грузин паспортторун көрсөтүп, Грузиядан кетип бараткандарын айтышкан, бирок кайсы мамлекет барышарын кабарлашкан жок. "Биз Грузиядан кетип жатабыз. Биз жаңы өлкөдө жаңы жашоону баштайын деп турабыз", -деди алар. Видео грузин аба бекетинде тартылган сыяктуу. Грузин бийлиги бул тууралуу эч кандай маалымат таратыша элек. Читать дальше...




Орусия Крымда кармалган украин балыкчыларын бошотту

Azattyk.org 

Орусия украиналык балыкчылар Руслан Кондратюк менен Андрей Морозовду бошотту. Бул тууралуу Жогорку Раданын адам укуктары боюнча атайын өкүлү Людмила Денисова “Фейсбуктагы” баракчасына жазды. Кондратюк менен Морозов былтыр сентябрда кармалган. Балыкчылардын кайыгы бузулуп калып, толкун аларды Орусия аннексиялап алган Крым жарым аралындагы Сиваш көлүнө алып кеткен. Балыкчыларды орусиялык чек арачылар кармап алган. Крымдын орусиячыл бийлигинин омбудсмени Людмила Любина да Кондратюк менен Морозовго айып салынып, алар бошотулганын ырастады. Читать дальше...

БУУнун трибуналы Каражичтин абактан телефон чалганын териштирет

Azattyk.org 

Босниялык сербдердин мурдагы лидери, Гаагадагы Эл аралык кылмыш сотунун өкүмү менен өмүр бою эркинен ажыратылган Радован Каражичтин Черногорияда өткөн иш-чарага түрмөдөн телефон чалганы териштирилет. 7-майда БУУнун Эл аралык трибуналынын басма сөз катчысы Олуфеми Элиас Радован Каражичтин телефонду колдонуусу мыйзамсыз болгонун билдирди. - Командир соттолгон адамга байланыш каражатын колдонууга уруксат берген эмес. Абактагы адам бул аракети менен мүмкүн мыйзамсыз иш кылган деп божомолдоого негиз бар, - деди ал. Читать дальше...






Чыт баштык табиятты булгабайт

Azattyk.org 

Сүрөтчү Күлнар Рымбек бир нече айдан бери чыт кездемеден тигилген өзгөчө баштыктарын Бишкектеги ири соода борборлоруна сунуштап жүрөт. Ал чыттан тигилген баштык чыдамдуу келип, экологияга желимдей зыян келтирбейт деген пикирде.

Көкбөрү: «Достук» менен «Ынтымак» кайрадан финалда

Azattyk.org 

Ушул күндөрү Чолпон-Ата шаарында 9-май - Жеңиш күнүнө карата өтүп жаткан республикалык турнирде жогорку лиганын командаларынын арасында финалисттер аныкталды. Таластын «Ынтымак» командасы жарым финалда Чүйдүн «Сары-Өзөн Рассвет» командасынын улакчыларын 8:0 эсебинде утуп алды. Ал эми экинчи жупта Оштун «Достук» командасы Чүйдүн «Сары-Өзөн» командасынын оюнчуларын 10:4 эсебинде жеңип, финалга жолдомо алды. Буга чейин биринчи лигада Ысык-Көл облусунан «Көл-Төр» менен Талас облусунан «Кара-Буура» командалары финалга жолдомо алышкан. Читать дальше...

Пензада мектепте хижабга тыюу салынды

Azattyk.org 

Түркиянын Жогорку шайлоо комиссиясы Стамбулдагы мэр шайлоонун жыйынтыгын жокко чыгарды. Орусиянын Пенза шаарынын жыйырмадан ашуун мектепте хижаб кийүүгө тыюу салынды. Казакстанда 1-майда бийликке каршы митингге катышкандардын арасында айыпка жыгылгандар көбөйүп жатат.

Майк Помпео Германиядагы сапарын токтотту

Azattyk.org 

АКШнын Финляндияда жүргөн мамлекеттик катчысы Майк Помпео Германиядагы сапарын токтотту. Анын басма сөз катчысы Морган Ортагус немис канцлери Ангела Меркел жана тышкы иштер министри Хайко Маас менен боло турган жолугушуу башка учурга жылдырыла турганын айтты. - Тилекке каршы, биз Берлинде белгиленген жолугушууну өтө зарыл иштерден улам жылдырышыбыз керек, - деди Морган Ортагус. Майк Помпео 5-6-майда Финляндияда Арктикалык кеңештин жыйынына катышты. Ал 9-майга чейин Европаны кыдыра турганы, Германиядан тышкары Лондонго жана Гренландияга бара турганы айтылган. Читать дальше...

Эрдоган эңсегенине жетти

Azattyk.org 

Түркия Жогорку шайлоо комиссиясы Стамбулдун мэрлигине шайлоону жокко чыгарды. Кийинки шайлоо июндун аяк ченине белгиленди. Евробиримдик бул чечимди сынга алды. Байкоочулар шайлоо комиссиясына басым болгонун белгилеп жатышат.

Президент театрлардын абалын көрүп чыкты

Azattyk.org 

Президент Сооронбай Жээнбеков бүгүн 7-майда  Токтоболот Абдумомунов атындагы Кыргыз улуттук академиялык драма театрына жана Чыңгыз Айтматов атындагы Мамлекеттик улуттук орус драма театрына барды. Кыргыз драма театры акыркы жолу тогуз жыл мурда оңдолгону, азыр оңдоп-түзөөгө жана материалдык-техникалык базаны жаңылоого 76 млн. сомдон ашуун каражат керек экени, жылына театр өзү тапкан каражатка алты спектакль тартуулап жатканы айтылды. Орус драма театрында оңдоп-түзөө 3-4 жыл мурда болгону, азыр жаңылоого 114 млн. Читать дальше...

Эрдоган Стамбулда шайлоо жыйынтыгынын жокко чыгарылышын кубаттады

Azattyk.org 

Түркиянын президенти Режеп Тайып Эрдоган 7-майда Жогорку шайлоо комиссиясынын оппозиция утуп алган Стамбулдагы мэр шайлоонун жыйынтыгын жокко чыгарган чечимин колдоду. «Бул чечимди биз маселелерди демократиянын жана укуктун алкагында чечүү боюнча биздин эркибизди бекемдеген эң мыкты кадам катары карап жатабыз», - деди Эрдоган 7-майда парламентте өз партиялаштары менен жолуккан кезде. 31-марттагы мэр шайлоодо оппозициялык Элдик-республикалык партиянын мүчөсү Экрем Имамоглу жеңип чыккан. Имамоглу бийликтеги АК партиядан талапкер болгон, мурдагы премьер-министр Бинали Йылдырымдан 15 миң добуш көп алган. Читать дальше...

Маутхаузен концлагеринин бошотулганы эскерилди

Azattyk.org 

Кыргызстандын Австриядагы элчилиги Маутхаузен концлагеринин бошотулганына 72 жыл болгонун эскерүү аземине катышты. Аталган концлагерге 1940-1945-жылдары СССРдин жарандары камалган. Айрым маалыматтарда концлагерге түшкөн туткундардын ичинде кыргызстандык аскерлер да болгону айтылып келет. Элчилик өкүлдөрү концлагеринин борбордук монументине жана 1941-жылы курулган «советтик лагерь» деп аталган жерге гүлчамбар коюшту. Эскерүү аземине Австриянын канцлери С.Курц, Австриянын өкмөт мүчөлөрү, тирүү калган күбөлөр жана замандаштар, коомдук уюмдардын жана дин өкүлдөрү катышты. Читать дальше...

Батукаевдин иши боюнча камалган дарыгердин бейтаптары митингге чыгышты

Azattyk.org 

Улуттук онкология жана гематология борборунун балдар бөлүмүндө дарыланып жаткандардын ата-энелери бүгүн 7-майда оорукананын алдында митинг уюштурушту. Бул тууралуу "Азаттыкка" бөлүмдүн башчысы Гүлнара Жунушалиева маалымдады. Митингчилер профессор онколог Эмил Макимбетовдун камактан бошотулушун талап кылышты. Жалпысынан колуна оорулуу баласын көтөрүп, түрдүү плакаттарды кармаган 30-40 адам чогулду. Жунушалиеванын айтымында, Макимбетов камалгандан бери бейтап балдарга операция жасоодо кыйынчылык жаралууда. Читать дальше...

Казакстан: президенттик шайлоого жети талапкер расмий катталды

Azattyk.org 

Казакстандын борбордук шайлоо комиссиясы 9-июнга белгиленген президенттик шайлоого талапкерлерди каттоо ишин аяктады. Шайлоого расмий жети талапкер катыша турган болду. Башында саясий партиялардан жана коомдук уюмдардан тогуз адам сунушталган. Алардын ичинен Талгат Ергалиев талапкер болуудан баш тартса, Жуматай Алиев тил сынганынан кулап калган. Эми шайлоого жети талапкер катыша турган болду. Алар: “Улуу талаа кыраандары” биримдиги сунуштаган, 64 жаштагы Сади-Бек-Түгөл; Кесиптик кошуундар федерациясы сунуштаган, 59 жаштагы Амангелди Таспихов; Парламент депутаты, жалгыз аял таларкер, “Ак жол” партиясынан сунуштаган Дания Еспаева; Бийликтеги «Нур-Отан» партиясынын талапкери, 65 жаштагы утурумдук президент Касым-Жомарт Токаев; “Айыл” партиясынан сунушталган, 54 Төлеутай Ракымбетов; Казакстан коммунисттик партиясынын талапкери, 58 жаштагы Жамбыл Ахметбеков; «Улут тагдыры» кыймылынын өкүлү, 54 жаштагы Амиржан Косанов. Читать дальше...

Башкы прокуратура Атамбаевдин арызы боюнча териштирүү баштады

Azattyk.org 

Башкы прокуратура өлкөнүн Юстиция министрлигине карата экс-президент Алмазбек Атамбаевдин доо арызын канааттандырып, Кылмыштар менен жоруктардын бирдиктүү реестрине каттоого алды. Бул тууралуу «Азаттыкка» Атамбаев жетектеген Кыргызстан социал-демократиялык партиясынын (КСДП) саясий кеңешинин мүчөсү Адил Турдукулов билдирди: - 17 күн өткөндөн кийин реестрге киргизишти. Жаңы кодекс боюнча реестрге кирди деген мурдагыча айтканда кылмыш иши козголду дегенди түшүндүрөт. «Юстиция министрлиги партиябыздын «төрагасы» деген жерге башка адамдын аты-жөнүн жазып койгону мыйзамсыз» деп кайрылган болчубуз. Читать дальше...

Суталинов: Элимден кечирим сурайм

Azattyk.org 

УКМКнын мурдагы жетекчиси Мурат Суталинов абактан бошотулду. Бишкек шаардык соту Улуттук коопсуздук боюнча мамлекеттик комитеттин (УКМК) мурдагы башчысы Мурат Суталиновду ден соолугуна байланыштуу абактан бошотуу чечимин кабыл алды. Сот залынан бошотулган Мурат Суталинов Апрель окуясы үчүн моралдык жоопкерчиликти сезерин, бул үчүн жабыркаган тараптан кечирим сурап келатканын жана бүгүн бошорун күтпөгөнүн айтты.

Украинада калган бир жоокер

Azattyk.org 

18 жашында согушка кетип, Днепропетровск аймагындагы согуш талаасында окко учкан кыргызстандык жоокер Мукаш Саалакуновдун дарегин билиш үчүн «Бир тагдырдын изи менен» аттуу экспедициялык топ Украинага барды.

Аргентинада улуттук баатыр аял Эвита Перондун 100 жылдыгы белгиленди

Azattyk.org 

Аргентинада жүздөй аял улуттук баатыр, өлкө тарыхындагы эң атактуу аял Эвита Перондун 100 жылдыгын белгиледи. Алар Эвита Перонго окшош кийинип, жүрүшкө чыгышты. 1952-жылы 33 жашында өсмө илдетинен курман болгон Перон ошол кездеги президент Хуан Перондун жубайы болгон. Ал аргентиналык аялдардын шайлоого катышуусу үчүн күрөшүп, профсоюздарды колдоп, кайрымдуулук иштери менен алектенип элдин жүрөгүнөн түнөк тапканы менен белгилүү. Ошол эле маалда акцияга чыккандар мурдагы президент Кристина Фернандес де Киршнердин кайра бийликке келишин колдошту. Читать дальше...

123ru.net – это самые свежие новости из регионов и со всего мира в прямом эфире 24 часа в сутки 7 дней в неделю на всех языках мира без цензуры и предвзятости редактора. Не новости делают нас, а мы – делаем новости. Наши новости опубликованы живыми людьми в режиме онлайн. Вы всегда можете добавить свои новости сиюминутно – здесь и прочитать их тут же и – сейчас.